|
|
|
 Re: لكن محال الرجعة ليك ( نص جديد ) (Re: حاتم شناب)
|
إنتو سمعتوا حكاية البت الصارت وردة
كان في مرة من المرات
وكنت بغط في نومة عميقة
وجوة النومة حلمته
بأني بغط في نومة عميقة
وجوة النومة أنا كت حلمان
جات ( نادوس )
ووقفت جنب الشجرة
وكانت شجرة غريبة شوية
أول حاجه هي كانت نخلة
وفجأة إتقلبت شجرة حنة
وكان زارعنها جوة النومة الأولى
وضلها رامي لغاية النومة التانية
وكان في الأولى بتثمر ( ويكة )
وجوة النومة التانية تشيل قندول ( الدلكة )
.... حاجه ....
نرجع تاني بداية القصة
جات ( نادوس )
ووقفت جنب الشجرة
الكانت نخلة وفجأة إتقلبت
شجرة حنة
ولمن عرفت إني مبحلق فيها
قامت هي براها إتقلبت ( وردة )
وكان الدنيا ضلام
وكان الصيف يادوب في بدايتو
ومافي غمام
وكان الموية بعيدة شوية
وخفت البت الوردة
تموت عطشانة
وإتخرته وصرته سحابة
ولامن جيت بي قصادا
نزلته مطر
تقوم يا زول البت ماتصدق و (شربتني )
وجوة الوردة
لقيتلك نوسة فرحته
( أجمل حاجة تلاقي حبيبتك جوة الوردة )
إتونسنا قرينا شعر
وبرضو حكيتلها عن
البت الصارت وردة
وفجأة صحيتلك من النوم
وقلنا نكمل باقي الونسة
جوة النومة الأولى
وتاني صحيتلك من النوم
وكانت أبيخ صحية تلاقيني
وإتمنيت لو أرجع أنوملك تاني
وجوة النومة أنوملك تاني
وجوة النومة أنوملك تاني
وجوة النومة أنوملك تاني
وأسكت أنوم
وأيي إتنين في الدنيا بحبوا بعض
تقوم يا زول البت طوالي
تفرهد وردة
ويللا الود يتبخر ويبقي سحابة
وينزل مطرة
ولامن يلقي حبيبتو
يقوم يحكيلا حكاية البت الصارت ( وردة )
|
دى واحده من ابدعات بيناوى انا خايف استاذنا الموصلي يغير رأيو ويقول عايز حكاية البت الصارت وردة
| |
 
|
|
|
|
|
|
|
|
Re: لكن محال الرجعة ليك ( نص جديد ) (Re: Yassir Bainwi)
|
Quote: امجد وشناب
تعجبني فيكم
روح الزمالة الصافية اللطيفة |
استاذنا الموصلي شكرا علي الإطراء دة
لكن شوف شاعرنا البخاف يخت سفة قدام حبيبتو قال شنو
Quote: فهم اصدقائي الذين اتوكأ عليهم
واهش بهم علي قلبي
ولي فيهم مارب اخري |
وجه ضاحك
| |
|
|
|
|
|
|
|
|
|
Re: لكن محال الرجعة ليك ( نص جديد ) (Re: حاتم شناب)
|
شناب
| Quote: لكن شوف شاعرنا البخاف يخت سفة قدام حبيبتو قال شنو |
انت بالذات ما تتكلم في الموضوع دا
لانك لمن شفتني جايي عليكم انت وحبيبتك قمته جاري
وخليت حزب البعث يرسل لي 2 من خيرة كوادر التفاوض وكادر حماية
كلو عشان ما اقول ليكجيب سفةقدام حبيبنك
اما حبيبتي انت لما قلت لي ارح نسكر قالت ليك شنو ... ؟
ما قالت ليك الزولدا ما بسكر قبل المغرب
خالص الود
| |
|
|
|
|
|
|
|
|
|
Re: لكن محال الرجعة ليك ( نص جديد ) (Re: Yassir Bainwi)
|
Quote: اما حبيبتي انت لما قلت لي ارح نسكر قالت ليك شنو ... ؟
ما قالت ليك الزولدا ما بسكر قبل المغرب |
يا صاحبي انت المسائل دي بقت عادية بهناك !
حبيبتك دي مبالغة يا ياسر
ــــــــــــــ
يا شيخنا ياموصلي
شنو ياخ نحنا ما منتظرين الجديد !
أحسم لينا النص دة ياخ
تحياتي لكما
| |
|
|
|
|
|
|
|
Elmosley
حاتم شناب
rosemen osman
khaleel
خضر حسين خليل
طارق جبريل
ياسر بيناوي
فيس بوك
تويتر
انستقرام
يوتيوب
بنتيريست