|
Re: أيها العالم: اهديك ...سارية وسيرين (Re: Habib_bldo)
|
حبيب بلدو: التحية لك ايضا على هذه الاشادة ونحن والدنهم ما خالقنهم...زى ما بتقول حبوبتهم...لذا نعتبرها هبة من الله ...ومحبة منه لنا...والحمدلله..
اسعدنى دخولك لهذا البوست...فقد طالت المده ولم نلتق...
الله يديم الافراح..ونفرح ليك ان شا الله قريب.
| |
|
|
|
|
|
|
Re: أيها العالم: اهديك ...سارية وسيرين (Re: yasiko)
|
Quote: والتهاني عبرك لوالدهم لحين ملاقاته قريباً |
يوصل يا يس...
معناها ماشى ماليزيا؟؟ بالله انت برضو وصل تحياتنا "العينية" ونحن بنوصل الاثيرية..
وسارية تسلم العين الشافتو...
يفرحك...الفرحنا ان شا الله
| |
|
|
|
|
|
|
Re: أيها العالم: اهديك ...سارية وسيرين (Re: نور الهدى)
|
Quote: اشتقت اليكي ولا ادري هل ياتي يوما القاك |
بالله يا نور الهدى تتذكرى الايام الحلوة الكانت فى البورد ده؟؟ ايام اسمك شجون وفى ناس غدى وبنات جميلات كتيرات وناس قلوبها نضيفة..وزى البيت الواحد؟؟
الحياة اتغيرت..والمنبر اتغير..مع انو فى ناس جميلين كتيرين اتشرفنا بى معرفتهم واستمتعنا بى كتاباتهم...لكن المخربين والمشاكل اخفت ناس جميلين كتار وحرمتنا من التواصل معاهم...وكلو بتمنو...
لكن كويس انك فرحتينا بى رجعتك...واجمل منها انك هنا وبتهنينى على اجمل لحظات فى عمرى ونجاح اولادى...الف تحية وحب وشكر جميل....
| |
|
|
|
|
|
|
Re: أيها العالم: اهديك ...سارية وسيرين (Re: ABU QUSAI)
|
ابو قصى...
والله ما شفت كلمة "والله العظيم فرحتينى من جوه الجوة" دى فرحتنى انا قدر شنو؟؟ والله حسيت بى صدقك ووصلنى...
بركة الفرحنا..وشكرا على فرحك معانا...ربنا ما يكسر خاطر حبيب...وعقبال بي اولادك نفرح..
| |
|
|
|
|
|
|
Re: أيها العالم: اهديك ...سارية وسيرين (Re: عصام دهب)
|
حقيقة يا تماضر بعد وفاة الوالد والوالدة شعرت بهوة كبيرة وفراغ ضخم فى مسيرة الحياة وكنت أظنها نهاية الدنيا ، والآن برق برق نجاح العيال ، فأصبحت الهوة صغيرة والفراغ فى عدم وانحسار ، وأظنها بداية جديدة لدنيا جديدة هم فيها المطرقة والسندان فلنلغى الهم والغم وليذهب اليأس والحزن وليبقى سارية وسيرين ومن هم على شاكلتهم الشمعة التى تضىء دروب العجائز أمثالناوليباركهم الرب ويحفظهم ويسدد خطاهم فتماضر حقا تستحق أن تنتعش وتتوهج من جديد ومن نفس شاكلة (جيناتها)
| |
|
|
|
|
|
|
Re: أيها العالم: اهديك ...سارية وسيرين (Re: يازولyazoalيازول)
|
Quote: حقيقة يا تماضر بعد وفاة الوالد والوالدة شعرت بهوة كبيرة وفراغ ضخم فى مسيرة الحياة وكنت أظنها نهاية الدنيا |
هشام انت برضو كده؟؟؟ انا كنت قايلة روحى براى الحاسة بالفراغ المستطيل ده...
هشوم انت يا ابو نبراس الدكتورة الحتعالج عمتها من وجع المخاريق؟؟ دايرنى اقول ليك شنو؟؟ النجاح حارسك ورا وقدام... وسارية وسيرين اولادك...اهنيك عليهم انا قبل ما تهنينى...
البركة فى الورثونا ليهو: المحنة واحترام الغير...
| |
|
|
|
|
|
|
Re: أيها العالم: اهديك ...سارية وسيرين (Re: عصام دهب)
|
عصام دهب: طبعا اول ما يلفت النظر ليك هو توقيعك
ههههههههههههههه...الله يجازى محن ابو حراز.....وكمان كونها توقيع دى ...تأثيرها كلام تانى....
بس شكرا شديد على التهنئة ...والفرحنا يفرحكم اكتر...نعم الاله دى زاااااتها...الف شكر يا بديع...
| |
|
|
|
|
|
|
Re: أيها العالم: اهديك ...سارية وسيرين (Re: abas)
|
عباس ....
كل الشكر...ويفرحك بابو طاقية ده....حلاتو يا نااااااااش...ابتسامة بمليون جنيه...والله حلاه شديدة...اوع بس تكون بت..وتجى تضبحنى...حلوه كان بت وحلو كان ولد...ما تتعقد اصلو الجندر ده حاجة بنعملها نحن وفى الاعمار دى بكونو واحد..."اهو طلعت ليك بى نظرية" ههههه شوووووووكرن ليك
| |
|
|
|
|
|
|
Re: أيها العالم: اهديك ...سارية وسيرين (Re: Mayada)
|
تماضرنا الحبيبة...
اعرف انك كنت فى الليل تنتظرين احلامك وتتبعيها خطوة خطوة ويشد خطوك ظمأ فى النفس ولهة فى القلب..بعد ان طوقت احلامنا بالاسلاك الشائكة وجسم العسعس على ناصية الوطن ويأتى الامل من سارية وسيرين لأن الحب يدخل من باب تماضر اما الحقد فأنه يدخل من باب الجبهة الاسلامية وان شئت من باب على عثمان... وللابناء عادات تمارسها مع الابداع....مبروك لسارية الجبل والتحية من قبل ومن بعد لسيرين وما ابهى مستقبلنا حين ننظر اليه فيهم ومن خلالهم وفى امثالهم ونيقن ان حواء السودانية لم تعقم بعد....ولهم حبى فى العالمين.
اما البايوفورماتك هو بعض مما عرفته فى العالم الاول حينما اتيته لاجئ ودارس ....هو كل المستقبل. وسوف اعود مفصل لو فى العمر باقى.
دوما ابن النخيل
| |
|
|
|
|
|
|
Re: أيها العالم: اهديك ...سارية وسيرين (Re: محمد حسن العمدة)
|
اللهم امين وشكرا على دعاك الجميل مع انه
Quote: وعين الحسود فيها ال( سفروك ) |
اول حاجة قريتها السفروك "ايوة" بتشديد الفاء...وقلت العمده دة المسافر ليهو منو .....هههههههه...
دى طبعا حاعتبرها "رقية" بابنوسة...ما تقوم تقراها لى بتشديد الياء...وتقول رقية دى منو؟؟ بعدين القارىء الكريم يقول المسافرة دى بتكون رقية...هههههه
عموما اشكرك شديد...
| |
|
|
|
|
|
|
Re: أيها العالم: اهديك ...سارية وسيرين (Re: ابن النخيل)
|
ابن النخيل
شكرا لحديثك الفارع المخضر...وتهنئتك الصادقة
وبخصوص الاتى نصه:
Quote: اما البايوفورماتك هو بعض مما عرفته فى العالم الاول حينما اتيته لاجئ ودارس ....هو كل المستقبل. وسوف اعود مفصل لو فى العمر باقى. |
لك اعمار الربيع...وانتظارى المتقد.....
| |
|
|
|
|
|
|
Re: أيها العالم: اهديك ...سارية وسيرين (Re: Mayada)
|
ميادة بس ان شا الله تكون دى صورتك لما كنتى صغيرة...او صورة بتك..
لكن ما شاء الله...حلات الدنيا دى عليها...
وربنا يفرحك بيها وبى نجاحها "حتى لو كنتى انتى زاتك" هههههههه تشكرى يا جميلة الروح...يا اصيلة.
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
تصوري من كم يوم أناأقرأ العنوان وما فاهم حاجة ،،، اليوم قررت الدخول ،، ويا لفرحتي ويا لفخري ويا لاعتزازي أبناء أختي من علماء زمانهم ،،، ربنا يخليهم ، ويبارك فيهم ،،، ويوفقهم إلى المزيد .. وربنا يفرحك بيهم أكتر واكتر ..
| |
|
|
|
|
|
|
Re: أيها العالم: اهديك ...سارية وسيرين (Re: ودقاسم)
|
الغاليه تماضر.. والله فرحت لساري جدا..ربنا يحفظو ويتقدم أكثر وأكثر..آمين ليس بمستغرب...عليك الله انت عندك كم دكتوراه في الأحياء ؟ ابن تماضر شيخ الدين لا بد وأن يكون ساري الليل وأبلج الفجر. انها من هدايا الحياه الحلوه. تحياتي الشخصيه له ولسيرين وعقبالها. تهنأتي الأولى هي لتماضر التي عانت وأبدعت في رسالتي الحياه والأمومه.حول.
| |
|
|
|
|
|
|
Re: أيها العالم: اهديك ...سارية وسيرين (Re: محمد بهنس)
|
Dear Tumadir
Congratulations to you, Saria and Sireen. In addition to his academic genius, Saria is an amazing human being and his maturity is only exceeded by his pleasant souls and heart of gold.I am not surprised though since you , as parents, have brought them up on a diet of love. My best wishes to both of them and yourself and enjoy their success which I am sure is inspired by you
Adil
p.s Sorry I was a away for a few days and hence the late response
| |
|
|
|
|
|
|
Re: أيها العالم: اهديك ...سارية وسيرين (Re: Adil Isaac)
|
العزيزة طمطم
مساك الود
فرحانةبي سارية وسيرين
لانك من انجبت لامست هامتهم السحاب
واسفة لاني جيت في اللفة
لكن العتب علي النظر
تخريمة
شوفتك في المسنجر قبيل علي بال ما اخلص الفي يدي كنتي طلعتي
غايتو قاعدة راجياك
محبتي
| |
|
|
|
|
|
|
Re: أيها العالم: اهديك ...سارية وسيرين (Re: yumna guta)
|
عالية البت العالية
ورينى وين فى هوطميل ولا ياهو؟؟
والف شكر يا جميلة الفريق
يمنى قوته ..العديلة وماها مسخوته
والف امنية بنجاحك وفلاحك
عادل اسحق
ما بتقصر يا اخونا...وشكرا على كلماتك الجميلة فى حق سارية وعلاقتى بيهم...حبل المحنة ما ينقطع زى ما بتقول امى ان شا الله..
| |
|
|
|
|
|
|
Re: أيها العالم: اهديك ...سارية وسيرين (Re: محمد بهنس)
|
بهنسسسسسسسسسس "نسيبنا المفترض" قايلنى ما عارفة مش؟؟
اى انا شكلى غبيانة لكن بعرف كل حاجة... زى ماقال ابوعبيدة زمان لى سيرين
وكانت طفلة بتقول كلام اكبر منها: قال ليها انتى بتعرفى كل حاجة ساكت عاملة روحك صغيرة....
هههههههههههه
وصلتنى كلماتك "ام لسانين" وكلك فهم يا مبدع...كلك نظر يا بهنس... شكرا عليك
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
لكي التحية اختي تماضر والله حاجه تسر وتفرح ربنا يجعل التوفيق دوما في دربهم
ويفرحك بيهم قولي امين
ـــــ,,,,,ـــــ,,,,,ــــــ تاني ريده كمان جديده يا قلبي مالك في دروب دلالك تحكم علي بعيون سعيده
| |
|
|
|
|
|
|
Re: أيها العالم: اهديك ...سارية وسيرين (Re: Yaho_Zato)
|
اختى تماضر
حبوبتى (بت على ) الله يرحمها كانت دايماً بتتدعى لى يا ولدى ربنا يكفيك شر الولدة الخاسرة والبيعة الكاسرة فالحمدلله ياتماضر العزيزة ولدتك ناجحة وبيعتك رابحة
سارية وسيرين فرح خالات شبال عمات دهشة الخيلان ودفق النيل على ام درمان ودقى يامزيكة لنجاح ولاد اختى انا الفرحان
| |
|
|
|
|
|
|
Re: أيها العالم: اهديك ...سارية وسيرين (Re: Yaho_Zato)
|
قصى:
كيف عرفت ان تقتلع منى هذه الدمعة الابية؟
كيف تعلمت يا ابنى الجميل ان تكون شفيفا هكذا ورقيقا لهذا الحد؟؟
عيد الام؟؟هدية؟؟ انا اهديك عيونى هتين...اهديك مهجتى وقطعة من قلبى
يا الطف الناس والابناء والشباب,,,
انت انت حكاية اخرى..
حكاية دست احلام موعدها فى لجة البحر
الصمت فارسها
والحب مشتعل..سرا وفى جهر
انا احبك يا قصى...
| |
|
|
|
|
|
|
Re: أيها العالم: اهديك ...سارية وسيرين (Re: عادل فقاد)
|
عادل فقاد...الف تحية وشكر للطلة "انت نحن زماااان مش كنا متشاكلين؟؟"
ولا انا خرفت؟؟ المهم طلتك بالدنيا..ولو كنا متشاكلين..معناها انت فضيل..
وهذا لا يدل الا على نزاهتك ولطفك..
والشكر وحده لا يكفى...فلك المعزة الصادقة وعقبال افراحك...
| |
|
|
|
|
|
|
Re: أيها العالم: اهديك ...سارية وسيرين (Re: Outcast)
|
آوت كاست:
بركة الشفتك هنا...
وبتك وولدك اكيد عندهم بنا متين من جيناتك..المتوهجة...وكلها مسألة زمن...وشوفى الزمن ..ده حيجرى كيف..وانتى راجيات الوعود الطيبة...والفرح الكبير.."يارب"
الف شكر ليك يا صديقة..و.يا وفية...
| |
|
|
|
|
|
|
Re: أيها العالم: اهديك ...سارية وسيرين (Re: Elmosley)
|
أم سيرين وسارية طبعاً نحن دائماً بنجي متأخرين مع عشاء الفنانين شايف صاحبي الموصلي يتحاوم في آخر البوست هذه خلاصة رحيقك إنتي وابوهم وخلاصة أفكاركم وخلاصة طموحاتكم وخلاصة شموعك التي أشعلتيها من أجل نجاح سارية وسيرين أنتي تمثلين قمة الكفاح والمثابرة وكان لابد لهذا الكفاح أن يثمر طبعاً لو ماحققوا هذا النجاح كان ناس المنتدى ديل كلهم يجضموك بالصف عارفة ليه ؟؟ لأنو سارية وسيرين جزء من أنفاسك وجزء من تفاصيلك عارفك بتكوني بكيتي بحرارة لمن سمعتي هذه الأخبار المفرحة قالوا دميعاتك ياكافي البلاء واقفات ليك في حلقك !!! مرات على الهبشة تكوركي لكنها 00 ما أجملها 00 دموع الفرح تصلح لأن تكون مداداً وألواناً لرسم لوحة بعنوان النجاح والتفوق !!! دائماً أتمنى 00 طبعاً بعد إكمال نصف الدين 0 نحن طبعاً النص الأول ذاتو مامكملنو0 أتمنى أن يأتي أولادي شبيهين بإمهم في كل شيء لأنها ناجحة وشاطرة وطموحة 00 عيبها غيورة جداً تقول انا دي كابريو مرة خالي المتهكم قال ليها 00 عليك الله دي عينة يغيرو عليها ؟؟؟ المشكلة خالي دا 00 ابو ست النفر يعني هسي لو فكيتها ليهو في الهو يوديها وين تاني ؟؟والله ماتصلح الا كلاوي وقرنية طبعاً الأولاد لو باروا ابوحراز 00 والله الرماد كال حماد !!! فانا فاشل بكل المقاييس خاصة في القروش تجي من هنا وتروح من هنا !!! والمشكلة لابنيت بيها مسجد ولا خلوة ولابيت في الجنة ولا بيت في الآخرة كلها راحت ملاح بامية مفروكة وقال بي شمار قال !!! والله ماطالبانا حليفة لكن فرحنا بجد لهذا الخبر وأخذت معاي حلاوة للعزابة وقلت ليهم أها الليلة أكلو قالوا لي في شنو ؟؟ قلت ليهم دي حلاوة سارية وسيرين لكن مافهموا أي شيء وقلت ليهم دي قصة نجاح طويلة سأحكيها لكم0 بالمناسبة ماتشوفي الجضوم الكبار ديل فلدي شغف ووله شديد بالفضاء وقد فاز لي مقال في لندن على مستوى الشرق الأوسط يحكي عن غزو الفضاء ووصلتني جائزة كبيرة ومعاها درع وقد تهكمت فيه كثيراً اننا نحن مازلنا نغازل في القمر ونشبهه بمحبوباتنا بينما صعد الغرب اليه 00 والمشكلة يكونوا احتلوا قمرنا !!!! كما انني شاطر جداً في غزو قلوب النساء وحقائبهن اليدوية بينما من الصعب أن افكر في غزو القمر يوماً ما وشغفي واهتمامي بالفضاء لم ينتج عن ذكاء وشطارة طبعاً بل لأنني ومنذ أن حضرت السعودية فانا أحلم ليلاً وأنا طائر باركي لينا لي ابوهم وسارية وسيرين وبالمرة خليهم يدرسوا لي هذه الظاهرة ؟؟ قال يغزو الكويت قال 00 هذا الشاطرين فيه نحن 00 الدول العربية تغزو الدول العربية ورجال الأمن يغزون البيوت الآمنة والرجل بدل أن يغزو قلب زوجته يغزو خصوصياتها ويتلصص عليها كل حين والطفل يغزو جيب والده والزوجة تفلق زوجها !!!! صراحة في نسوان عويرات جداً !!!
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
العزيزة
تماضر
كيف حالك يا خنساء
هما شمسان
ومن حيثما توجه البصر يدرك الوهج ويجد الضياء
وهج العقل وضياء المعرفة
ومن حيثما توجه القلب يجد الفرح والفخر
هنيئا لك بهما يا تماضر
وهنيئا لنا بكم
وأبقى عليهم عشرة هم الزاد والملاذ والموئل
تعرفى يا تماضر من الصباح والله نويت أشاركم البهجة والفرح هنا بس يظهر انه الميديابلير عندى متخلفة جدا، والصفحة بتقفل عندى مباشرة بمجرد ما افتحها
| |
|
|
|
|
|
|
Re: أيها العالم: اهديك ...سارية وسيرين (Re: THE RAIN)
|
ومن حيث ما جاء المطر....انهمر دفق الحب والعطر الموشح بالرزاز..
يا مطر ..يا ناس عزاز...
ياخى شكرا الف شكر...
اما فيما يتعلق بالبوست..فزى ما اتعلمت من لؤى: اقرأ المشاركات فى شكل سلسلة..دوس عليها وما بيدخل ليك الملتيميديا...وتقرا الداير تقراهو..
قود لك ...اقراها بالانجليزى وستجد ما يسرك
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
العزيزة تماضر تعرفي الايام دي شغلي بالليل وعيوني مليانه نعاس ولما دخلته البوست ده ولقيت ردك ده من الضحك لما النعاس طار
Quote: عادل فقاد...الف تحية وشكر للطلة "انت نحن زماااان مش كنا متشاكلين؟؟ |
تعرفي تماضر نحن لو اتشاكلنا لمجرد الشكل بنكون ناس اي كلام ولو اختلفنا لمجرد ان نختلف لما ضمنا منبر يسمى المنبر الحر اختي سارية وسيرين ينتموا للقلعه التماضرية لا شك في ذلك ولكن مثل هذا النجاح وهذا التفوق لابد انه يعطي الحق لاي سوداني ان يفرح وان يفتخر اذا كان هذا المرور البسيط جعلني في قائمة النزاهه والطيبه فوريني انتي يختوك في ياتو قائمة وانتي تعطي للعالم امثال سارية وسيرين؟؟
لكي كل الود والمحبه
ـــــ,,,,,ـــــ,,,,,ــــــ ابدا ما هنت يا سوداننا يوما علينا
| |
|
|
|
|
|
|
Re: أيها العالم: اهديك ...سارية وسيرين (Re: عادل فقاد)
|
Quote: فوريني انتي يختوك في ياتو قائمة وانتي تعطي للعالم امثال سارية وسيرين؟؟ |
بس ختونى فى قائمتهم هم ...كفاية على ههههههههههههه والله كلامك سمح وكبر لى راسى ....النصيحة ليك يالله...يكبر راسك بى اولادك وشكر للعوده والتعقيب.. يافقاد ربنا يديم المعروف بين الناس....
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
Quote: والجكس يقيف فى الصف الورا.... |
عينى باردة ترانا واقفين ..والا الجكس ما نحن؟؟؟
نحن واقفين بى اولادنا عشان ناس سيرين
ما قالوا الجنا خال..اكون جبدتهم انا والا ابو عبيدة ياربى؟؟؟
لى قدام ياولاد..والله يكفيكم شر خلقوا والحيكومات السجم،،،
| |
|
|
|
|
|
|
Re: أيها العالم: اهديك ...سارية وسيرين (Re: صديق الموج)
|
Quote: عينى باردة ترانا واقفين ..والا الجكس ما نحن؟؟؟ |
والله ياصديق الموج فقعتها ضحكة باعلى صوت..
جكس؟؟
لولدك معليش..
وياحليل ابوعبيدة المرح..ولدو بقى طولو...
شكرا يا صديق ما عدمناك "خالا" للعيال..وتحياتى لبتوعك..نسمع عنهم كل خير ونجاح وفلاح
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
الحبيبة الغالية تماضر لك تحيات الورد ولسارية وسيرين مليون وردة وزهرة برضو خجلان لانو جاي في آخر المهنئين .. كل ما ادخل البورد القى نفسي مزرور بره وما اقدر ارد الواحد يقرب يبكي !! لكن بالامس حليت مشكلة العربي نهائي
سارية وسيرين في المقدمة ..عادي لانو امهم تماضر ومفروض ده اليحصل وانا فرحان قدر الدنيا ليكي وليهم وتسلمي ياغالية اخوك خالد شيخ العبيد
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
Salam Tumadir I waited till Mother's Day to say 1000Mabrok to our son&daughter they honored us in all North America and happy mother's day to you and all Sudanese mom, again god bless them and looking forward to hear more success and happiness.
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
سيدنا ومولانا العارف باحوالنا تماضر شيخ الدين جبريل ... ادام الله وجهكم... وأنا باسم العالم اتقبل هديتكم الوسيمة والتي نزلت علينا برداً وسلاماً.. فقط أرسلي سلامي للدكتور سارية وسلام حار جداً جداً جداً للحلوة التي تدرس الهندسةوالفيزياء والتي ستقيس لناس عمر الكون (كلو بدور). . . وكم تمنيتني الفيزيائ الدكتور أستاذهاالسعيد .... .... ثُم لايفوتنا مولاي ان نقبل يداك صبح مساء
علي هذا الحنان ... المنثور هكذا... علي فضاء الدُنيا
| |
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
جيت متأخر شوية يا استاذة تماضر.. انت تعرفين معنى سبل كسب العيش فى بلاد عمنا سام سامحه الله.. اهدى هذه الكلمات المتواضعة لسارية الجبل .. وسيرين الحلم الجميل والممكن...
هزى اليك جزع نخلة السودان يا تماضر تساقط الفخار والشباب والثمار هناك حيث الرطب الجنى .. والإنسان سارية على جبالنا والحلم يا سيرين اجمل ما تصنعه العقول
اختاه إننى أطول.. فرحا وأشرئب كالجبال ذى الأوتاد فى حضرة الآطفال وانت حين يكبرون.. تكبرين وحين ينجحون.. تنجحين وحين يفرحون.. تفرحين ويضحكون..حين تضحكين ونحن من نكون!! نكون .. لا نكون.. منفيين فى فجاج الأرض بين ماض كالح وخاثر وبين وطن يأكله الآقزام والبغاث والكواسر.. وحاضر محاصر فلتفرحى فى حزن منفاك الكبير يا تماضر وليرفع الجميع راية العودة للجذور الآن حانت ساعة العبور لوطن النجوم والنخلة والعصفور الوطن المقهور............. الوطن القبور............. الوطن الذى نحبه.. نعشقه .. بكل ما فيه من البثور يا ليتنا نثور مرة.. نثور.. نثور ضد العنف .. والكيزان والمستقبل المبتور نقتلع الجذور او نرتمى هناك فى قمامة التاريخ مثل الاجرب المجدور..
نورى جليلة(نورالدين منان)
| |
|
|
|
|
|
|
|