|
كتب الكاتب الفاتح جبرا المتوفرة بمعرض الدوحة
|
|
 Re: I don't know what you heard about me (Re: Elmosley)
|
LoooL, Tumadir , I am very happy that you are laughing ,
Thanks for the song, long ago I am looking for the reason why Abdelgadir become mad
Regarding ( alpolis alsirry) this joke is a gift to you to keeep laughing:
One spy from Ireland went to a smal city looking for his colleague, his name was Murphy ( and it is a very popular name in Ireland), so he reached the city, he started with the first person asking about Murphy, the man replied that: whom Murphy you want, the bakery is named Murphy, also the butcher, by the way I my self Murphy, so the man asked himself, let me try with him and he said the code ( the sun is shinning and the sky is raining), the man replied with a sudden reaction: ahha you mean Murphy the spy, he is over there, loooool
Greetings
Dr. Yasir
| |
 
|
|
|
|
|
|
|
|
Re: I don't know what you heard about me (Re: yasir Abdelgadir)
|
حلوة النكتة ..وذكرتنى يا دكتور ياسر نكتة حكتها لى مريم الطيب قبل يومين وكنا بنتكلم عن مقدرة المرأة على حفظ الاسرار: قالت فى عروس راكبة البص مع عريسا..ماشين على "العش" فى بلد تانية
مده طويلة جدا البص ده ماشى فى الطريق..فجأة وقفوا فى محطة..العريس نزل يدخن ولا حاجة..طوالى العروس اتلفتت على الركاب قالت ليهم: راجلى ده بوليس سرى!
لما رجع البص كل الناس تعاين ليهو بى عين ...جديدة لنج
مش برضو فى زول كاتب فى باب بيتو كده: منزل بابكر على خالد "بوليس سرى"؟؟
هاهاها...السر فى محل السر والجهر فى محل "شيبا"
| |
|
|
|
|
|
|
|
|
|
Re: I don't know what you heard about me (Re: omar ali)
|
ابدا منك يا عمر على
تماضر بقولو مشت وين؟؟
تماضر مشت الشغل
فى زول غير تماضر بمشى الشغل؟؟
تماضر الشقيانة التعبانة ..الشغل ده ما اخترعوه مخصوص عشانها هى..
شغالة مع "المتحديين عقليا" لغاية ما قرب يقوم ليها تخلف عقلى فى اضانا...
بقت اربى اولادى بالتلفون
هاهاهاها...شكرا يا عمر على ..على كلماتك الرطبة..
لانك لو عندك فينى راى ..بكون عندى راى فى روحى..
يجب ان اؤكد على اعجابى بمساهماتك الجيدة للمنبر..وما زعلت منك الا لما كنت بتشاكل..وعامل فيها ما اصيل..
لك محبتى والود الكبير
| |
|
|
|
|
|
|
|
|
|
Re: I don't know what you heard about me (Re: Tumadir)
|
انا سمعت عنك شنو يا ربي ????????????????/
انحنا لما كنا صغار انتي كان عندك مسلسل في التلفزيون , المجنني انو ما اسي ما قادر اتزكر,,انتي كان اسمك الفرهيد,,ولا ولا تم الريد ,,ولكنك كنت جميله ولا زلت,,,لقد كنتي احد/ى الذين شكلوا وجداننا,,,انتي برضو كنتي صغيره
بالمناسبة ,,,
| |
|
|
|
|
|
|
|
|
|
Re: I don't know what you heard about me (Re: دورنقاس)
|
دور نقاس
اللتنين بريدهم..العجوة والعسل
عارف يادور نقاس انا "حلوية"؟؟ وامى علوية؟؟ صدفة غريبة مش؟؟
هههههه.....شكرا يا ظريف
وكدى النسألك انت كنت مشيت وين وجيت بدون اخبار ليه؟؟ بتمشوا وين انتو لما تغيبوا؟؟
الزول بقى لما يشوف ليه وش اليف يفرح زى اللاقا اخوه فى السوق الشعبى فى مدنى
| |
|
|
|
|
|
|
|
|
|
Re: I don't know what you heard about me (Re: Tumadir)
|
شكرا يا تماضر علي الهديه الجميله,,, وادي ام سدر ,,,الله الله,,زمن,,,,الله عليك يا اخت صخر
| |
|
|
|
|
|
|
|
|
|
Re: I don't know what you heard about me (Re: Tumadir)
|
العصفورة المتمردة
الفنانة/تماضر شيخ الدين
الكتابة لك تتدخل حيذ المجازفة وحقول الالغام لان الصدق هو حرفتك الاولى
وفى كل مره تكتبين يسدد قلمك طعنه نجلاء لدور ومؤسسات الرياء المحترفة
التى تمارس الكذب على الاخرين
وجدت قبل فترة تعريف فى مجلة الريدر دايقست يقول عندما تقول الصحافة
فلان مثير للجدل تعنى انه قام بشئ لانستطيع اثباتة
وانت متهمة بالابداع وفى كل مرة يظن بعض الناس بانهم قتلوك تظهرى مره
اخرى مثل طائر الفنكس الذى يقوم من بين الرماد والانقاض
نعم انت متخصصه فى اشعال الحرائق التى تطرد جرزان الحقول القارضة وشجاعه
ايضا فى تمزيق الاقنعة الواهية التى يتمترس خلفها بعض الناس
لن يحدث شئ ان كتبت لك ام لا المهم ان نقول مانربد ان نقول .......
يقولون ان العقرية هى تحويل الاشياء المعقدة الى اشياء بسيطه وهذه واحده
من الاشباء التى تجيدينها
معجب انا جدا بك وبكتاباتك وابداعك... كثيرون يصفون ابوالدقيق بالحماقة
لكنه شجاع يعشق الضوء والنور
ختاما لك شكرى وتقديرى
| |
|
|
|
|
|
|
|
|
|
Re: I don't know what you heard about me (Re: suliman ibrahim)
|
Quote: عندما تقول الصحافة
فلان مثير للجدل تعنى انه قام بشئ لانستطيع اثباتة
|
طيب انا اثبت ليك كيف انى زهجانة ...
مرة كنت سايقة عربيتى وقف لى سنجاب فى نص الشارع وقفت العربية ومشيت شلتو وجبت وشو قريب لى وشى وقلت ليه ...تانى ما اشوفك قدامى...
مرة مشيت لى بتاع اللحام اصلح ربع دولار مقدود ...قال لى بصلحو ليك بربع دولار..قلت ليه صلحو وشيلو..
مرة راقدة بتى قالت لى عندنا اكل؟.من الزهج قلت ليها لا..لكن ما بخشمى..هوززت ليها قدمى ...فهمت..
ومليون قصة زى دى تثبت انى زهجانة ...معناها ما مثيرة للجدل..ولا للشكل
هاهاهاها
فااااااهمة كلامك لكن ساااااى غتاتة..
شكرا ليك يا ياسر..وشايفاك طولا وعرضا فى البورد اتمنى ليك مشاركات ملهمة وموفقة وسلامى لصديقك الفاضلابى..
| |
|
|
|
|
|
|
|
|
|
Re: I don't know what you heard about me (Re: Tumadir)
|
اوت كاست
ليه ما مقصودة بالكلام؟؟
مش زماان كنا صاحبات وباعدت بيننا "البرالمة" وكترة الغياب؟؟ ده البجننى انا زاتو
اما حكاية التربية بالتلفون دى والله ما كضب
محمد؟
اكلت؟
لا فى شنو اكلو
امشى التلاجة..مشيت؟ظ افتحها فى الرف التحت..تلقى كونتينة ..شايفها؟؟ جنبك قدام ..لا ما جنب اللبن..بالجهة التانية ..لقيتها؟؟ طلعها...ختها فى الميكرويف..تلاته دقايق... اعمل كلير اول..عملتو؟
....الخ
الوجبة انتهت ..المذاكرة
ما تكاوى اختك
رتبتى اوضتك؟؟
اقفلو باب الشارع
التلفون ختو فى الهوك
ما تبشتنو الليفن روم..
ماتعملو داك ما تعملو ده..اسمعوا الكلام خليكم فالحين
بكرة بكرة
i love uuuuuuu
bye
وبذلك اعزائى المشاركين اكون قد رددت التحية باحسن منها..
ان عدتم عدنا
وان لم تعودوا
زهجنا تانى
لكم خالص ودى
ولا اراكم الله مكروها
| |
|
|
|
|
|
|
|
|
|
Re: I don't know what you heard about me (Re: mohammed alfadla)
|
تماضر مساء الخير
فى الاْول دخلت أقول سلام
لما لقيتك زهجانة أهتميت
وكتبت البقدر عليه عشان أجبر بخاطرك
لاْنك رضو عزيزة على الكل
ولما دخلت أشوف الحالة المعنويت أرتفعت خلاص
لقيتك رديتى على الكل
وتجاهلتى أسمى
نفس التعامل الاْنتى أشتكيتى منه.
راجعت نفسى
ياربى وين غلط على تماضر لا سمح الله
عزاء الوالد رحمه الله؟
عزيت وأن كنت متأخرة شوية لاْنى فى الاْول ما ربط بينك وبين أسمه
الواحد\ة ما بيدقق على كل حاجة فى البورد.
فى شنو تانى
المشروع البينى وبين أبنك؟
هو أجل الموضوع
وقلت ليه هو والطلبة المعاه متى مايكونوا جاهزين, حاجى
خاصة وأنه الاْمر متعلق بدارفور.
تانى مافى حاجة.
عموما ياتماضر
اذا كنت دخلا غلط فلكى عذرى
وياستى مش حيحصل تانى
واذا كنتى محرجة فى الرد للعلقة الجيدة بينك وبين من أسائونى؟
فيا تماضر أنا مش زعلانة.
العمل العام علمنى القدرة غير المحدودة
فى قبول قسوة الاخرين\ت
سلام...
| |
|
|
|
|
|
|
|
|
|
Re: I don't know what you heard about me (Re: nour tawir)
|
تعرفى يا نور تاور انك انت استعجلتى
انا كتبت ارد عليك قبل شوية
وفعلا مداخلتك كانت ضايعه منى
انتى وانور احمد وكوستاوى
باين لانى ما مشيت بالدور
ما بينى وبينك الا هذا البحر الهادىء
راجعى المداخلات وستجدينى هناك..لك
اعذرك واعرف كم مؤلم ان يتجاهل الانسان صديقا..ولولاه ما كان هذا الخيط
لك عامر محبتى
| |
|
|
|
|
|
|
|
|
|
Re: I don't know what you heard about me (Re: Tumadir)
|
انك ذاتك بتفطي كالإكسبرس لايقف في المحطات الصغيرة والجدبدة وان الكل يعمل ذلك وللكل احوال فانتي بعضمة لسانك اجبتي لفلذة كبدك برجلك تغمصي الحالة واسحبيها علي الآخرين فالجميع كالطيور المزبوحة تفتعل الرقص ان كنت في كل الأمور معاتبا صديقك فلن تجد الذي لاتعاتب
اما انتي فقد صفق لك كل السودان ومازال يصفق الاتسمعين ولك الود وجزيل الأمانى
| |
|
|
|
|
|
|
|
|
|
Re: I don't know what you heard about me (Re: munswor almophtah)
|
معك الف حق يا منصور
الناس تضيق وتفيق
اما اجابتى لصغيرى برجلى فهى مجرد نكتة كانت سائدة عن سيد دكان فتران وزهجان برقد فى العنقريب..تجيهو شافعه تسالو ياعم احمد عندك ظهرة..فلا يتمالك الا ان يهز لها قدمه "المخلوفة" بان "لا" ويستكتر عليها كلام الخشم
انا بفط..لكن رديت على اى زول ..غالطنى فى دى,
ههههههههه ليك الف شكر
| |
|
|
|
|
|
|
|
|
|
Re: I don't know what you heard about me (Re: حمزاوي)
|
الأخت تماضر: انـــا نزلت المشاركة دي هنــا تـاني عشان في الأول كانت فوق هناااااك وخايف تقوم تروح ساكت ويفوتني شرف المشاركة معاك في البوست ده
تماضر
كدي قولي بسم الله وشوفي الناس الحواليك ديل كلهم، ماشاء الله عليك. غايتو أنـا لو عنـدي أصحاب ومريدين زي ديل - بغض النظر عن الناس الفتحوا لي- بكون ماداير من الدنيا دي أي شي تـاني. غايتو أظن إنو العنـدك ده وجع سودان سااااااكت وياريت لو الناس السمحين القاعدين بره ديل كلهم يجوناراجعين وندفر السودان ده مع بعض دفره وااااااااااااااحدة وقويييييييييييية ......... يمكن يدور!! مابعيده علي الله، صاح؟؟
بمناسبة الناس السمحين دي ياريت لو تشوفي لي الحاصل هنـا وتفيديني بأسرع ما يمكن
Re: عضو جديد جدا
| |
|
|
|
|
|
|
|
|
|
Re: I don't know what you heard about me (Re: Tumadir)
|
الرائعة / تماضر
إنشاءالله اليوم الموود تمام
المهم أنا البقدر أسويهو ليك أبرك ( بفتح الباء و تشديد و كسر الراء ) ليكي فكي عشان يزيل العين .
والبياض على حسابي
( على فكرة أشكر مرورك و ترحيبك بي في بوستي و أنا بعتبر مشاركاتي دي من طرف القاموس لأنو زي ما قلت ليكم أنا عضو موديل 2005 .
و السنة الجاية دي شوفوا ليكم بورد تاني أحسن ليكم
من الركن: فالنسعد بسوداننا أو لنسعد بسودانا
| |
|
|
|
|
|
|
|
|
|
Re: I don't know what you heard about me (Re: awadalla agabna)
|
عجبنا
اهلا بيك من قبل ما زمنك يجى
الله يحضرنا زمانك..ختنا من حسة فى قائمة المعجبين
وطبعا اسمك زاتو مقلب..يعنى حنكون معجبين ..لو رضينا او ابينا..
اها كان اصلو نشوف لينا بلدا اخر..اخير نبقى معجبين..برانا فترانين ما بنقدر نرحل كفى رحول الوطن
| |
|
|
|
|
|
|
|
|
 Re:تماضر ... (Re: Tumadir)
|
سلامات...
| Quote: شكرا يا انور...والعروس اخبارها شنو..؟؟ (بقيتو كم؟) |
بقينا (واحد)...
الوش ده عاجبني عجب يا تماضر...والله نفسي أغيرو بي وشي ده...
وان عدتم عدنا...
| |
|
|
|
|
|
|
|
|
 Re: Re:تماضر ... (Re: AnwarKing)
|
تماضر قريبتي
سلام شديييييييييييييد ..
طبعاً أنا ما معاهم ..
في زيارتي الأخيرة لمدينة جدة وفي منزل الحبيب هشام شيخ الدين داعبت إبنه الجميل صهيب قلت ليهو ياخي أنا تماضر دي قريبتي لكن هشام ما قريبي فضحك طويلاً وقال لي يبقى أنا زاتي قريبك لأنو أنا بحب تماضر شديييييييييد يعني إنت تطلع قريبي فضحكنا كثيراً ..
لك كل الود والمحبة ..
| |
|
|
|
|
|
|
|
|
|
Re: Re:تماضر ... (Re: AnwarKing)
|
طبعا يا انور بتقصد "روح واحده فى جسدين"
اما حكاية وشوش النت دى فانا بشبهم على ناس..تانيين وما فى داعى لذكر الاسماء
مثلا: وش الياهو البضحك وكلو سنون داك ..بشبه ليك منو؟
*************
معتصم دفع الله ..ابقو لى
تحبونى انتو وانا اكون زهجانة؟؟ ده ما جحود لنعمة ربنا..؟؟
استغفر الله العظيم
تحياتى العامرة لصديقى الفنان المرهف صهيب هشام شيخ الدين..فعلا ايام رحيل الوالده قامت بيننا صحبة ..لا تهزها اعاصير الزمن ..ومن ديك وانا خاتاه فى خانة الخل الوفى مع انه ولدى فى الحسبة...حبى وتحياتى له.
| |
|
|
|
|
|
|
|
|
|
Re: Re:تماضر ... (Re: Tumadir)
|
| Quote: انا زهجونووووووووو..... |
.....
تماضر ....
دى معناها شنو ....غلبنى اقراها اصلا ...
لكن برضو أنا ما سمعتا اى حاجة على الأقل لحدى اسى
| |
|
|
|
|
|
|
|
|
|
Re: Re:تماضر ... (Re: ناجى الزبير الملك)
|
ناجى الزبير الملك
ال "نووووووووو" حرف نداء
نداء
ات من بئر الاشجان المنسية
و"براثن" احزان الروح
"اصقاع" حواف الذات
نداء من خط الاستواء
بين حقيقة الاشياء
الشىء واللاشىء ..شىء
نداء مبغاه اطراف سماء
ثوب الام المسدل فى السرمد
وبريق الضوء الميت فيك ..مشع بعيون الاخر
الاخر هذا ال "مرااتك" فى كبد العدم
وعمدان المعبد
الاخر فيه صدى ما كنت ..وما سيجىء
الاخر انت موزع فيه كحب المطر ..فى رمل الصحراء
وبينك بين الاخر حرف نداء
وما حتسمع الا خير..شكرا لحضورك
| |
|
|
|
|
|
|
|
|
|
Re: I don't know what you heard about me (Re: Tumadir)
|
الاستاذة تماضر
لم نسمع عنك غير الجميل والمفرح ..وانك تزدادين شموخا.. ألا يكفيك فخرا ان محبيك ومعجبيك يتمددون على طول السودان وعرضه وينتشرون فى كل بقاع الارض.. امرأة تفوقت على الرجال وعلى نفسهاوسمقت وجلست بقرب شمس الابداع لا يجب ان تبالى بمن يقذفونها بأحجار الحقد...قديما قال شاعر يتهكم من انسان حقير:
انت عندى كثعالة
رام عنقودا فلماابصر العنقود طاله
قال هذا حامض لما رأى ألا يناله
لن ينال من قامتك الصغار والعاطلين عن الابداع والموهبة
فاسمعينا كل جميل .. كن جميلا ترى الوجود جميلا .. وبلاش زهج...
نورالدين منان
| |
|
|
|
|
|
|
|
|
|
Re: I don't know what you heard about me (Re: Mannan)
|
نورالدين منان
وانت وين وكيف المدام والاولاد؟
اذا كان لى فى الدنيا حظ من العشرة الطيبة ودفء الصداقة النبيلة..فهى تلك التى حظيت بها من جواركم يا عزيزى..
لقد عرفتم الناس عنى باكثر مما استحق..ورفعتم من شأنى المتواضع حتى اخجلتمونى كرما ولطفا..
اشكرك شكرا وافرا على اوفيك القليل من كثير عطائكم ..وحسن ان يكون الانسان انسانا فى دائرتكم..
لك التحية ولاسرتك الجميلة اجمل السلام.
| |
|
|
|
|
|
|
|
|
|
Re: I don't know what you heard about me (Re: khider)
|
مش قلت ليك يا طارق صوتك اتطور
طارق اوريك كيف كمان؟
احساسك اصلا مرهف..يعنى "انت زول حنين" وبكاى ودمعتو قريبة
يللا الصوت بتاعك جميل اصلو..لكن فى حضرة الاداء بتتوزع بين حالة الاغنية الشعورية mood وبين دفقك الاصيل..خلفيتك الجمالية وتاريخك الوجدانى..وبعدين التكنيك الادائى العفوى
تعرف بقيت تعمل هيمنة تامة..على ابعاد صوتك..بدون ما يتظلم اى واحد من التلاته مقومات "المذكورات اعلاه"
دى الغربة ولا الوحده ولا فقدة الوطن ..ولا توفر الاستديو..والزمن وصفاء الذهن والتفرغ..ولا الطموح ولا كلهم؟
صوتك بقى اجمل..دى العارفاها ومتأكده منها
شكرا على الاغنية..وصداقتك
| |
|
|
|
|
|
|
|
|
|
Re: I don't know what you heard about me (Re: Tumadir)
|
ده بوست غير جيد لتسجيل بعض الاعترافات لانو نسبه دخولو عاليه
لكن البتبلبل يعوم .. اصلك فضحتيني
| Quote: دى الغربة ولا الوحده ولا فقدة الوطن ..ولا توفر الاستديو..والزمن وصفاء الذهن والتفرغ..ولا الطموح ولا كلهم؟ |
تمادر
ماعارف اجاوب .. لكن يتخيل لي
بحب استمتع بالغنيه انا ده .. قبل البسمعني و بحكمني دائما الــ(mood )
بتاع الاغنيه
و يمكن بحس انو انا فاقد حاجه ماعارفها شنو
و يمكن الُكبر دخل
يمكن من المراسيل ( مش الشافع لمن يرسلوهو الدكان بغني في الشارع بي صوت عالي ماشي و جاي  )
والله العظيم ماعارف !!
انت ادري
تمادر شكرا علي صداقتك انت دي .. و حلفتك بي ولادك
خلي الزهج .. شوفي الناس القلقانه عليك فوق ديل كتار كيف
احكي ليك نكته !!
في شافع ابوهو دقاهو
طلع الشارع زعلان
قام كتب في حيطه بيتهم
امانه المؤتمر الوطني
| |
|
|
|
|
|
|
|
|
|
Re: I don't know what you heard about me (Re: Tumadir)
|
الاستاذة تماضر
سلامات وارى روحك المرحة قد عادت.. لا تدعى رايات المرح تسقط منك.. اتنين صعايدة راحو محطة القطر ولقوا القطر متحرك .. شمروا جلاليبهم وجروا ورا القطر.. فيهم واح لحق القطر واتشعبط وركب فيهو والتانى وقف ونفسو مقطوع وبقى يضحك .. الناس سألوه مالك بتضحك لوحدك!! قال ليهم اللى ركب القطر هو المودع وانا المسافر...يا تماضر الامور اتلخبتت .. يعنى الشحات او الصعلوك لما يشتم بيل جيتس سيظل نفس الشحات والصعلوك.. مثل مساعد الياي الذى لن يترقى يوما من الايام ليصبح ياى..
الآخ الظريف خضر (ثعالة) دلع ثعلب او تصغير وبى لغة الشوايقة(ده ما الاختصا) تصغير إختصار.يعنى احسن من السح الدح امبو بتاع جيراننا..
نورالدين منان
| |
|
|
|
|
|
|
|
|
|
Re: I don't know what you heard about me (Re: Mannan)
|
هيى يا نور الدين منان داير تجيب لى اللوم مع اهلك الحلفاويين..يجى يقولو على عنصرية وما ادراكا؟؟
لازم كان تكتب "انا زاتى حلفاوى" قبل النكتة عشان نضحك بى حرية..
محمد الفاضلابى قالو البخاف من اسد يطلع لو..اهو فطيتك زى السلامو عليكم..وما عندى ادنى قصد "فط"
ههههههه....اسفة جدا واشكرك على الحضور و"تشهيد..بت الاحفاد"
محمد على احمد..مداخلتك دى حشرتها هنااااااك كده كيف؟؟ هاهاها...ياخى الف شكرا على ودادك..وكلامك البنفسجى..الله يقدرنى على جزاكم
كل ما اقرا مداخلتك يا طارق ابوعبيدة القى روحى دايره اقول ليك كلام زيادة وما اعرفو شنو..حاقولو ليك لما اعرفو..
عادل عثمان..اهلا بك
| |
|
|
|
|
|
|
| |
Elmosley
Tumadir
omar ali
Outcast
Marouf Sanad
waleedi399
دورنقاس
suliman ibrahim
mohammed alfadla
nour tawir
munswor almophtah
ياسر عبدالعزيز الطيب
AnwarKing
معتصم دفع الله
Mannan
khider
Adil Osman
فيس بوك
تويتر
انستقرام
يوتيوب
بنتيريست