|
Re: الكــــلام دخل الحوش الالكترونى...عاجل (Re: aba)
|
شكرا لكل المرابضيم خلف كمبيوتراتهم وتلفوناتهم ظلت ترن طوال الليل...
ويا ابا وبا ينات العباسى ويادكتور متوكل واسره فاروق ابوعيسى...ودرييييييييييمز البت التسوى عشره بنات...واهل عاصم وتمبس...
ولسته من الجنود المجهولين....
عاصم لك السلام...
لك الشفاء العاجل وتمام العافيه...
لك الحب...
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
انشاء الله ولما يوصل بي السلامه لي مصر عندي اقتراح بسيط مستشفي القاهره التخصصي الفي روكسي بين روكسي والميريلاند كويسه ياجماعه وبرضو انا ما عارفه رايكم واهي شوره و البقولو عمي ابوعيسى ودكتور الشفيع و البتشوفوه انتو يا ناس القاهره ماشى
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
الاعزاء والعزيزة تماضر قبل قليل اتصلت بي رجاء وعرفت منها ان عاصم سيصل القاهرة فجر بكرة وسنكون في استقباله انا ورجاء وهدهد وعلاء. بعد تلفون رجاء ذهبت سريعا الى الدكتور الشفيع خضر ووجدته متابع وفي الصورة وسيقوم دكتور الشفيع بزيارة عاصم بكرة في منزل هدهد الذي سيكون محطة نزوله ومع دكتور الشفيع سنتابع افضل العيادات للكشف السريع والمؤكد حسب ما ذكر لي . اطمئنوا نحن في وردية من غير راحة وعاصم في يد امينة حتى تبلل عروقه العافية خالد العبيد تلفون منزل 002022419386
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
الاعزاء بالفعل بدأنا في اجرتءات الحجز وانا اتيت قبل قليل من مستشفى القاهرة التخصصي وقمت بالحجز ووضع كافة اجراءات الطوارئ اذا لزم الامر لحين وصول عاصم بعد ساعات فقط نرجو الاسراع في تحويل المساهمات المالية اليوم قبل الغد خالد
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
شباب والله ما كنا عارفين الحاصل فقط اخطرتني اختى احلام من قبل قليل كنا بالعيد ودوشتة لكن باسم منتديات مشاعل للثقافة السودانية..اتمنى عاجل الشفاء للاخ عاصم وصادق الدعوات منا..كما اني امد يد المساعدة لهم باي مبلغ ترونة سوف يساعد في العلاج.. وانا ما قريت الحاصل فوق شنو فقط عرفت ما اصاب اخونا..لهذا اي مساعدة انا تحت امركم ويمكن التنسيق معي عن طريق الاخت دريمز
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
أختي العزيزة ملكة سبأ كنت متماسكا طيلة الليالي السابقة لأكون قويا لعاصم ولكن مقالتك جعلتني أذرف الدمع سخيا وأنا وأعوذ بالله من هذه ال أنا رجل عصي الدمع فنهضت من ضعفي وتقبلت القبلة وناجيت ربي في هذه الأيام المباركة من بعد رمضان الهي نقف ببابك فلا تطردنا ولاتردنا خائبين مهزومين ولاخزاي ولامحرومين نسألك فأجبنا وندعوك فأستجب لنا ألهي أنت قلت وقولك الحق ...وأذا مرضت فهو يشفيني أصبغ علي عاصم شفائك وأسبغ عليه نعمائك وأشمله برحمتك التي وسعت كل شئ ورده الي أحبائه عافيا معافي وأحرسه في رحلته هذه بعينك التي لاتنام وأجبر خاطرنا في أتمام جميلك فيه ياعظيم ويا مرتجي لكل عظيم أنت علي شفائه قادر وهو عليك ساهل اللهم بك نحاول اللهم بك نقاتل اللهم بك نصاول ونجاول أنقطع الرجاء الأ منك وخابت الأمال الأ فيك فأكتب لنا وأيدنا بنصر وشفاء من عندك... وأجعل ملكة سبأ جذلة فرحة ممتنة لك بعودته معافي من كل بلاء...ياذا المن والكرم...آمين خبريه ياملكة الملوك أن مقرن النيلين قد أتسع ليشمل كل العالم وأنا في أنتظاره عند هذا المقرن الجديد ومعي قلوب كل الذين أحبوك وعشقوا حبيبتك الوطن أبشر يا عاصم دمتي ياملكة سبأ أخوك د.متوكل
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
هلوله السمح فعلها وسمح قولها انا ما بعرف نوع الدعا الانت بتقوليهو دا لكن دا زاتو العاوزة اقولو بي قلبي قبل لساني و انت لليوم التاني علي التوالي و من غير نوم تواصلي ما تفعلين
المهم تلقيت مكالمات عن المساعي بتاعتك بس عندي اضافه للزملاء ممكن ترسلوا اي مبلغ في حوزتكم الان و بنقبل الزياده على دفعات
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
عاصم تصحبك السلامة اينما كنت ، ومن قلوبنا ندعو ليك بالشفاء والعودة غانم وسالم بامرالله للوطن وللاهل وتذكر ان هناك قلوب تحبك وتدعو ليك بعاجل الشفاء بورداب مسقط يبلغوك التحايا والدعاء بعاجل الشفاء، تصحبك السلامة.
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
كل عام و الجميع بخير مواقف يكون بها الفخار ارجو منالمطلعين بالامر ان يطلعونا بالحاصل و تكليفنا بما يكمل جهدهم و جهد الجميع حتى يكتمل الخير وتعود للجميل عااصم القدرة على عضكم حيث يشاء و الله يعيد اليه نعمة العافية
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
اولا اقول ليكم سلام ....انا نجمه من الناس الكانوا بكتبوا في البورد من زمان ولظروف
اصبح من الصعب علي المداومه على الكتابه بس دا ما منعني من المتابعه وخصوصا للمواضيع
المشابهه لموضوعكم ويديكم الف عافيه على الوقفه الواقفنها دي ..والله يشفي جميع مرضانا وأجر
وثواب انشاءالله..بس لو سمحتوا طالبه منكم كتابة اسم كل واحد مسؤل عن جهة مع ارفاق رقم
التلفون والايميل اذا امكن بالمناسبه انا حاولتا الاتصال على كل رقم تلفون نزل في البوست بس
للاسف لم يكلل اتصالي بالنجاح وآسفه اني طولتا عليكم وشكرا
| |
|
|
|
|
|
|
Re: الكــــلام دخل الحوش الالكترونى...عاجل (Re: elnjma)
|
عشه بت فاطنه وبورداب مسقط
نصار الاديب الرقيق
نجمه البوردابيه العائده...
لكم جميعا تحياتى واحترامى لمواقفكم الانسانيه...بالوقوف مع عاصم
فى الواقع ان المساهمات ترسل لابا لناس اوروبا...
ناس مسقط شايفاكم عقدتو العزم وانا بقترح انكم اما تنسقوا مع بورداب الرياض (ود قاسم) او ترسلوها لرجاء العباسى مباشرة فى القاهره...
لانو عاصم هناك...ومرحله السودان اتجازوناها دلوكت...
امريكا راويه العباسى
اما الارقام والعناوين...فهى متداوله بين اصحابها والمساهمين عن طريق الماسنجر...
اتمنى لكم التوفيق فى مساعيكم الرحيمه...واشكركم شكرا صادقا موصولا للاستجابه...
لكم منى الحب
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
للفائدة العامة نكرر
ناس الرياض والسعودية نرجو ارسال مساهماتكم بسرعة عاجلة لحساب تمبس كالاتي
علاءالدين منصور يونس شركة الراجحي المصرفية للاستثمار رقم الحساب 9/7632 رقم الفرع : 341
AL RAJHI BANKING & INVESTMENT CORP ACCOUNT NO: 9/7632 BRANCH:341 ALAA EL DIN MANSOUR YOUNIS
علاء(تمبس) عندهم مشكلة في النت وما قادر يدخل للرد بنفسه وقد وعد بالاتصال بكم
الرجاء سرعة الاتصال موبايل علاء:052432079 داخل السعودية 0096652432079 من خارجها
وجزاكم الله خيرآ ]
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
حمدالله علي السلامه ياعاصم يا ابوي وحاسده رجاء اختي شديد عشان شافتك وانا و هاله وحنينه لا
انا مشيت نمت اي والله نمت بعد ما عرفت انو ركب الطياره ما نمت طوالي عشان هاله ما خلتني هاله دي انا ما عارفه اجازيها كيف قعدت طلعت من البورد الناس الفي كندا و امريكا كلهم و رسلت ليهم عشان نلم القروش لي رجاء نحنا ما دايرين نورط رجاء قلنا ليها اتصرفي و نحنا بنرسل ليك عشان كدا لازم كان نعمل كدا -بالمناسبه انا وهاله قوته بنتكلم مع بعض بالتلفون لغايه ما التلفون يقع رب ميت يعني ما بننهي المكالمه زي الناس ما بعملوا ويقولوا مع السلامه لي بعض- المهم هاله برضو كانت قلقانه و قالت لي في البوست قالوا حينزل في البيت ما المستشفي وانا زاتي طبعا دا كان مقلقني و عملت عمايل مع رجاء اختي و رجاء تتكلم مع دكتور الشفيع و تكلمني وانا راسي والف سيف انو ينزل في المستشفى مع العلم انا في البوست قلتا البقولو دكتور الشفيع هو الماشي لكن رجعت في كلامي -وانا عيله على قول المصريين- لغايه ما قلت لي رجاء اديني نمره المستشفي انا بحجز ليهو من هنا وبخليهم يرسلوا ليهو اسعاف للمطار رجاء ادتني النمره وبراحه قالت لي ياراويه المصريين لو عرفوك انت متصله من بره مليون جنيه ما تكفينا كدي اصبري وانا وتربه ابوي ما اخليه عاصم دا ياراويه صراحه انا كدا ارتحت لانو انا واخواتي لما نحلف بي تربه ابوي خلاص يعنى
سنتيمنتال لاقاني الصباح في الماسنجر وشاكلني قال لي انا ما شلت منك المعلومات وقلت ليك بوصلها لي دريمز انت تاني اتصلتي بيها لي انا طبعا امبارح كرهت دريمز حياتها هي مشغوله وبتجري من مكان لي مكان وانا واقفه ليها في حلقها والغريبه انو في مكالمات ممكن تعملها هي ولا المهندس انا كنت بعملها ليهم وارجع اكلمها تاني بالنتيجه وهي تكون اتصلت وعرفت النتيجه دي لكن كانت بتتكلم معاي بهدوء- انا لو منها اكورك فيني- لكن الله يديها الفي مرادها صبرت علي. و سينتي ما بقدر على جزاه هو برضو جننته
و لما صحيت الصباح اول حاجه و بى عين واحده اتصلت بي رجاء و صوتها المتفائل فرحني بالمناسبه رجاء اختي دي -صبوحه ووشها صباح خير- وكانت منفعله وفرحانه وقالت لي انا عشان ما انوم وصيت امي تصحيني بدري وما نمت في سريري نمت في الصوفا بره نوم الديك في الحبل عشان ما اغرق في النوم و لما مشينا المطار اخروا شويه زي ساعه كدا لكن رسلنا ليهو جوه عصير واتكلمنا معاه بي التلفون. وتعالي شوفي لما شفناه قالت لي يا راويه زول ما بقدر اقول ليك عليهو يستاهل اكتر من الحب البنحبه ليهو دا و يستاهل كل شئ جميل في الدنيا
وقالت انه جاب ليهم معاه اشرطه هدايا و مشوا معاه لي بيت هدهد و اتغدوا وهو نام زي ما قالوا كل الزملاء عشان دكتور الشفيع قال انو ينوم دي مهمه عشان الارهاق ما يعمل لخبطه في التشخيص بعدين عند الدكتور
وياعاصم ياود حوا وادم شحدت ربي عليك يديك العافيه الفي الدنيا كلها
| |
|
|
|
|
|
|
Re: الكــــلام دخل الحوش الالكترونى...عاجل (Re: haneena)
|
بفضب الهمه الجماعيه المنقطعه النظير نحن الآن فى المرحله " المصربه" وعاصمنا فى يد العباقره..د الشفيع خضر ود متوكل من على البعد وضبافه بورداب مصر..على راسهم رجاء وهدهد وخالد العبيد وعلاء سنهورى ...
وقالوا انه عاصم "هاشا ياشا" وبكتشف فى الوجوه وبلصق فى الصور الحقيقبة مع الاسماء الحركيه مع الاجسام والروح... حالته النفسيه عاليه...وبدت الفحوصات...
قالوا فحوصات السودان كانت مخجله وغير مطابقه للحاله ولا تقرا اى شى ذو اهميه...
وانا بفتكر انه دة مريط الفرس...
نسوى شنو؟؟؟
الكلام دة بنسكت عليه؟؟؟
فى كم مربض عزيز فى السودان؟؟وكم حاله...وكلهم بمروا بتجربه هزيله زى دى..؟؟
ونحن الساكتين ليها شنو؟؟
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
انت عارفه يا أستاذه المهم عندنا أن يشفى عاصم و الدعوات ال دعيتو بيها و مناداة اب شرا أظنها هي السبب في معرفة المرض الحقيقي و التشخيص الصاح و أذكر هنا مرض الشيخ البرعي عندما تأكدوا أنها حصوة ما بتنشال إلا بي عمليه الشيخ البرعي قام نده ربنا بكل شيء و لما أسمع بي جاهم يا الله زل عننا العله أصاب بحاله ما عرفتها شنو عموما تشخيص غلط تشخيص صاح المهم إنو المفاجء دائما عاصم ح يشفى قريب بإذن الله و ندعوك يا الله بجميع عباد الله تزيل عنه و عنهم و عننا العله
ما عدمنا دعواتكم و مشاعركم..آمين
| |
|
|
|
|
|
|
Re: الكــــلام دخل الحوش الالكترونى...عاجل (Re: haneena)
|
مالك الجاك...
(........) دة حمدو فى بطنو..الكلام دة وقع ليك مش؟؟؟
مكى: انت فاضى ؟(واياك اعنى فاسمعى ياجارة) دة برضو مثل صاح؟؟ لووووول نحن هنا عشان الولد عاصم...ادبها صنه واقرا...والبتقولو همتك ..بسندنا
حنينه...ان بنصركم الله فلا غالب لكم
| |
|
|
|
|
|
|
Re: الكــــلام دخل الحوش الالكترونى...عاجل (Re: Tumadir)
|
لفبت البوست كلو غير تمبس مافى معلومه ابا معلوماتو فى برفايلو
راويه فى الماسنجر
ناس الرياض والسعودية نرجو ارسال مساهماتكم بسرعة عاجلة لحساب تمبس كالاتي
علاءالدين منصور يونس شركة الراجحي المصرفية للاستثمار رقم الحساب 9/7632 رقم الفرع : 341
AL RAJHI BANKING & INVESTMENT CORP ACCOUNT NO: 9/7632 BRANCH:341 ALAA EL DIN MANSOUR YOUNIS
علاء(تمبس) عندهم مشكلة في النت وما قادر يدخل للرد بنفسه وقد وعد بالاتصال بكم
الرجاء سرعة الاتصال موبايل علاء:052432079 داخل السعودية 0096652432079 من خارجها
شركة الراجحي المصرفية للاستثمار رقم الحساب 9/7632 رقم الفرع : 341
AL RAJHI BANKING & INVESTMENT CORP ACCOUNT NO: 9/7632 BRANCH:341 ALAA EL DIN MANSOUR YOUNIS
| |
|
|
|
|
|
|
Re: الكــــلام دخل الحوش الالكترونى...عاجل (Re: nazar hussien)
|
تماضر العزيزة ده عمل مزهل انا مندهش و(منشده) وأكاد لا أصدق عند قرائتي للبوستات وردود الفعل الممتالية عن الوضع الصحي للاخ عاصم الحزين يبدو أننا نحن السودانيين نملك أمكانيات أحيانا نستهونها ومثل هذا العمل ممكن بسهولة نشيل عليه جائزة نوبل في ال(Networking) الاجتماعية والتكافل الاجتماعي وبراءة أختراع تعرف باسم الأشتراكية لكن علي الطريقة السودانية.
وربنا يكتب سلامتك يا عاصم ولك عاجل الشفاء
وبرافـــــو every Body
| |
|
|
|
|
|
|
|