ديـك مُركِب ليهو مَكنة جِـدادة .. جابتلها بخرة ..أداها شمبر

كيف سواسيوِك أسوقا
في الضحى الحلق حدية
والشعر من غير محاسنك
داير يمر بي ياتو ناحية
أي كلمة يقولا شـــاعر
إنتِ فيها إحساس وفكرة

ــــــ صاحب الخيال ــــــ

عندما تدخل اللغة " كوكة" الجداد، لا عجب
إذا هيمت الحروف

ــــــ كوتوكو ـــــــــــ

" سوسو " تتذوق نكهة الكلام كبرمكي مخضرم ،
يحتسي "كيافته" متوهط جلسته ، طبق القانون
لا هو خانقة ولا باعِصة.
ناااقشة " سوسو " دولاب الزمن وجقلبتو فوق
الراضي والمابي. قابلت صديقتا " سوهندا "
وسألتا: أجي يا إنت أخبار "سوسيويِك " شنو؟
قصدك " الجوكس " .. لا قصدي " كتكوتك " ..
عوعة .. ولا لسة ... ولا بقا عدواني
بري .. يا يومة بري .. من سوسيو سوسو ..
هن ذاتون سواسيو الزمن دة سنيناتن يجرحن
غايتو ياختي .. عُرفنا الله يستر عليهو ،،،
أجي كًر .. كُر كااااااك (ضحكة فاحشة) .. لمن
ريشن إتطاير ...
أها يا حبيبتي .. سوسيوك بلدي ... ولا بطري
ولا فيومي

ــــــــــ

الزمن سلطان ، يغير كل ما هو قابل للتغيير ،
حتى الأسماء القديمة المًعتقة كالويسكي الانجليزي
، طالها التغيير ، حتى العادات ونمط الحياة
طالتها زراع الزمن الطويلة.