|
|
 Re: علم البديع .. و الفصاحة .. بين الأدب و اللداحة (Re: ابو جهينة)
|
اللغة العربية صعبه شديد وهي من أغنى اللغات في التصريف والبلاغة ومما يؤسف له أن السواد الأعظم من الناطقين بها لا يجيدونها وبيني وبينك المسألة صعبه شديد يعني لمن يجيك واحد ويقول ليك ما هوالتصحيف ، أها أقول ليهو شنو وللفائدة العامة يقولون أن التصحيف هو التشابه بين كلمتين أو أكثر خطاًوالفارق النقط مثال على ذلك: التحلى والتخلى والتجلى يعني لو ما النقط دي كان نزلنا سنترليق. هناك أيضاً الإزدواج وهو عادة ما يكون في الطرق السريعة إلا أن العرب شكيتهم على الله قالوا وقولهم الحق مش ده كلامهم وعلى السليقة بمرقة ماجي أو بدونها أن الإزدواج ليس في الشخصية إنما يكون في تجانس اللفظين المجاورين نحو من لج ولج ، ومن جد وجد وتكتل غنمايتنا كان أنا فاهم حاجه.
وهناك التشطير مش بتاع خارجة الطريق قالو التشطير ده أن نجعل كل من شطرى البيت مسجوعاً سجعة مخالفة للسجعة التي في الشطر الآخر كقوله:
تدبير معتصم بالله منتقم لله مرتغب في الله مرتقب
وأهو البيت ده بالذات الطلعني الطيش وكرهني العربي لأنو كلو غين وقاف ، و يا ريت لو معتصم ده شاف لينا حاجه خفيفة ولمن تنتهي من البيت ده نفسك يقوم تقول بتكاس في بصات الجيلي. وبرضو قالوا عندهم حاجه إسمها الترصيع وأنا كنت فاكر الحكاية حا تكون بتلمع من المجوهرات أو حتى السكسك أجي ألقى ليك الترصيع عندهم عبارة عن توازن الألفاظ تقول إكروبات مع توافق الإعجاز أو تقاربهما كما في قوله تعالى: إن الأبرار لفي نعيم وإن الفجار لفي جحيم. وكمان قالوا عندهم التشريع أها فرحت ليك فرح وقلت أكيد حا يكون في حل لمسألة تطبيق الشريعة في السودان وحكاية العاصمة القومية تكون علمانية ولا نصرانية ولا إسلامية ولا تحت الوصاية البريطانية ، دخلتي ليك عليهم ألقى ليك التشريع برضو ممكن يكون التوشيح وذا القافيتين أيضا ، أها بطني طمت ، لكين قلت برضو أعرف الحاصل شنو ، قالوا لى هو بناء البيت على قافيتين ما زي البيوت البغتربوا عشانها السودانيين وبعدين لا يرجعوا تاني لا يبنو بيوت ، وقالوا برضو يصح الوقوف على كل واحد من القافيتين كقوله:
يا خاطب الدنيا الدنيئة إنها شرك الردى وقراراة الأكدار
دار متى ما أضحكت في يومها أبكت غداً تباً لها من دار
فيصح الوقوف على الردى وغدا فتقلب الأبيات من بحر الكامل إلى البحر الأبيض المتوسط وتكون مجزؤة من الكامل وتقرأ:
يا خاطب الدنيا الدنيئة إنها شرك الردى
دار متى ما أضحكت في يومها أبكت غدا
والأولى ممكن تتغني حقيبة ونجيب الفرق في الوزن بي ياليلة هووي هووي هووي لغاية ما تظبط أما الثانية فيمكن بمساعدة الموسيقى الحديثة أن نتغني بها. وبرضو الجماعه عندهم كلام زي الفزورة وقيل الغلوتية ودي قالو نوع من المحسنات اللفظية يسمى ما لايستحيل بالإنعكاس حتى لو كان الباك مطرود ومساعد الحكم نايم في الأوف سايد وهي تشبه فيما تشبه الخرطوم بحري الحاج يوسف الخرطوم بحري يعني وبالعكس والبركب ما يقول ينزلوهو في شمبات ومثال لذلك: دام علاء العماد أو مثل كن كما أمكنك ، فإنه يمكن قراءة العبارة من الشمال لليمين أو اليمين للشمال زيها وزي الجلابية المقلوبة جاى جاى تلبس.
وراجعين
|
|
 
|
|
|
|
|
| العنوان |
الكاتب |
Date |
 علم البديع .. و الفصاحة .. بين الأدب و اللداحة | ابو جهينة | 06-25-03, 12:06 PM |
| Re: علم البديع .. و الفصاحة .. بين الأدب و اللداحة | سجيمان | 06-25-03, 12:13 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 12:22 PM |
| Re: علم البديع .. و الفصاحة .. بين الأدب و اللداحة | HOPELESS | 06-25-03, 12:24 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 12:29 PM |
| Re: علم البديع .. و الفصاحة .. بين الأدب و اللداحة | almulaomar | 06-25-03, 12:58 PM |
| Re: علم البديع .. و الفصاحة .. بين الأدب و اللداحة | Ahlalawad | 06-25-03, 01:21 PM |
| Re: علم البديع .. و الفصاحة .. بين الأدب و اللداحة | shiry | 06-25-03, 02:12 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 02:21 PM |
| Re: علم البديع .. و الفصاحة .. بين الأدب و اللداحة | بدرالدين شنا | 06-25-03, 02:19 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 02:24 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 02:28 PM |
| Re: علم البديع .. و الفصاحة .. بين الأدب و اللداحة | ابو جهينة | 06-25-03, 02:30 PM |
| Re: علم البديع .. و الفصاحة .. بين الأدب و اللداحة | BousH | 06-25-03, 07:30 PM |
| Re: علم البديع .. و الفصاحة .. بين الأدب و اللداحة | almulaomar | 06-26-03, 06:58 AM |
| Re: علم البديع .. و الفصاحة .. بين الأدب و اللداحة | AlRa7mabi | 06-26-03, 08:06 AM |
| Re: علم البديع .. و الفصاحة .. بين الأدب و اللداحة | almulaomar | 06-26-03, 09:26 AM |
| Re: علم البديع .. و الفصاحة .. بين الأدب و اللداحة | الشاعر | 06-26-03, 10:17 AM |
| Re: علم البديع .. و الفصاحة .. بين الأدب و اللداحة | ابو جهينة | 06-26-03, 11:30 AM |
| Re: علم البديع .. و الفصاحة .. بين الأدب و اللداحة | ابو جهينة | 06-26-03, 11:36 AM |
| Re: علم البديع .. و الفصاحة .. بين الأدب و اللداحة | ابو جهينة | 06-26-03, 11:37 AM |
| Re: علم البديع .. و الفصاحة .. بين الأدب و اللداحة | بدرالدين شنا | 06-27-03, 05:24 AM |
| Re: علم البديع .. و الفصاحة .. بين الأدب و اللداحة | ابو جهينة | 06-28-03, 08:03 AM |
| Re: علم البديع .. و الفصاحة .. بين الأدب و اللداحة | almulaomar | 06-28-03, 09:37 AM |
| Re: علم البديع .. و الفصاحة .. بين الأدب و اللداحة | ابو جهينة | 06-28-03, 10:01 AM |
| Re: علم البديع .. و الفصاحة .. بين الأدب و اللداحة | almulaomar | 06-28-03, 11:20 AM |
| Re: علم البديع .. و الفصاحة .. بين الأدب و اللداحة | Shinteer | 06-28-03, 12:19 PM |
| Re: علم البديع .. و الفصاحة .. بين الأدب و اللداحة | ابو جهينة | 06-28-03, 12:31 PM |
| Re: علم البديع .. و الفصاحة .. بين الأدب و اللداحة | قرشـــو | 06-28-03, 12:51 PM |
| Re: علم البديع .. و الفصاحة .. بين الأدب و اللداحة | ابو جهينة | 06-28-03, 01:01 PM |
| Re: علم البديع .. و الفصاحة .. بين الأدب و اللداحة | almulaomar | 06-28-03, 03:40 PM |
| Re: علم البديع .. و الفصاحة .. بين الأدب و اللداحة | al_msaa | 06-28-03, 03:46 PM |
| Re: علم البديع .. و الفصاحة .. بين الأدب و اللداحة | ولياب | 06-28-03, 03:32 PM |
| Re: علم البديع .. و الفصاحة .. بين الأدب و اللداحة | بدرالدين شنا | 06-29-03, 05:19 AM |
| Re: علم البديع .. و الفصاحة .. بين الأدب و اللداحة | almulaomar | 06-29-03, 07:18 AM |
| Re: علم البديع .. و الفصاحة .. بين الأدب و اللداحة | ابو جهينة | 06-29-03, 07:34 AM |
| Re: علم البديع .. و الفصاحة .. بين الأدب و اللداحة | ابو جهينة | 06-29-03, 07:45 AM |
| Re: علم البديع .. و الفصاحة .. بين الأدب و اللداحة | almulaomar | 06-29-03, 11:12 AM |
| Re: علم البديع .. و الفصاحة .. بين الأدب و اللداحة | ابو جهينة | 06-29-03, 01:12 PM |
| Re: علم البديع .. و الفصاحة .. بين الأدب و اللداحة | almulaomar | 07-10-03, 12:01 PM |
| Re: علم البديع .. و الفصاحة .. بين الأدب و اللداحة | tmbis | 09-01-03, 08:15 AM |
| Re: علم البديع .. و الفصاحة .. بين الأدب و اللداحة | ابو جهينة | 09-01-03, 08:30 AM |
| Re: علم البديع .. و الفصاحة .. بين الأدب و اللداحة | tmbis | 09-01-03, 08:32 AM |
|
| |
almulaomar
فيس بوك
تويتر
انستقرام
يوتيوب
بنتيريست