|
انا ورانيا وعمرو
|
ترررررررررررن ترررررررررن ترن تررررررررررن
ألو... ألو... مريم.. أيوه مريم... مين معاي؟ معك كايد... أهلين أستاذ.. خير؟ مريم.. إنت مدعوة للإفتتاح يوم الثلاثاء القادم.. وإيش المناسبة؟ والله بس لأنك طالبة عندنا.. وسودانية بس يا أستاذ والله مشغولة.. وإلا أستأذن من المدير بتاعي لازم تجي.. مافيش فرصة.. جاي عمرو موسى والملكة رانيا العبدالله
يا زول انا بعد الكلام ده انطرشت.. قال شنو.. بت الحسين تقيف وتتلفح بي توبها المدبّس كله من فوق لي تحت.. وتتكلم وترحب بعمرو موسى والملكة رانيا في افتتاح مباني الأكاديمية العربية للعلوم المالية والمصرفية التابعة لجامعة الدول العربية.. وعمك عمرو سايب شغله والعراق وفلسطين وجاي يسمع بت الحسين.. غدّااااااااااار يا زمن... كله كوم والتوب كوم... إلا ألصقه بالصمغ غايته.. المهم.. قلنا عمرو مخمخم من القاهرة عشان يسمع بت الحسين.. حتقيف ليك كده وتتنحنح.. وتتجددددددددددددددددع.. وتتكلم وتلوك الكلام.. وتتفلسف وتتكلم عن مسيرة الأكاديمية التعليمية ودورها الرائد في التعليم العالي في الوطن العربي.. يعني بت الحسين تخم العفش.. وتتلفح بالتوب.. وتلبس البوت.. وتكسح بالعربية من تصبح.... أول مرة ألقى ميزة عشان انا سودانية.. الأكاديمية مؤسسها سوداني.. ده من قبيل الاعتراف بالجميل... يعني الجماعة ما قصّروا.. كاسوا رقم الموبايل حقي .. نكتوا من وين ما تعرف.. وضربهو.. واتكلموا.. وبت الحسين تتعزز.. عندها شغل.. ما فاضية ليك يا رانيا.. خليهم يأجلوا الاحتفال.. بعد ما اقتنعت ليهم .. قال إلا بالتوب قال.. يا جماعة والله بحب التوب شديد.. لكن كان لبسته من الأوضه ما بطلع.. المهم.. قلنا نشيله في كيس.. ونخلي الحاجة تدينا عدّة اللصيق عشان نلصقه هناك.. عمك عمرو يقعد.. وعيونو مورمات من قرّيص ناس الكويت.. وهرشات الأمريكان.. ويبتسم التقول سامع بت الحسين بتقول في شنو.. وبعد ما بت الحسين تبرطم وتتكلم طرق رق رق رق رق يصفقوا.. وزوووووووووووول سمع بتقول في شنو مافي.. الدكاتره قاعدين.. داااااااااك د.علا يتونس مع د.عز .. د.عاصم بشجع السودانيين زيّه.. يبتسم ويسمع باهتمام.. د.الطروانه شامااااااااااه لما نفسي أشكيهو لي أنكل عمرو.. عليكم الله أحكموا براكم.. يعني انا زوله شاطره وقراية وعندي امتياز في مواد السوفتوير انجنيرينق وسيستم انالاسيس والداتا بيز والنتوركس.. يشيّلني مادة أساليب بحث علمي.. ده في ياتو قاموس ده... في حياتي ما شلته مادة .. أجي أشيل دي.. اها .. رانوش بتكون قاعدة ليك كده زي الليدي ديانا.. بت الحسين يا كبكبه.. والتوب كمان بكون عامل فيني عمايل.. غايته الواحد يمشي يجوط ليهم الحفلة ويجي.. وبطلع لي بي شي.. بلصق ليك في الملكة دي.. يمكن تهد فينا شويه.. ولا نهد فيها إحنا.. كله تمام معاي...
اها ما قولتو لي.. توصو بي حاجة لعمرو؟ انا غايته بكلفت ليهو الكلمة سريع خليهو اليمشي يقضّي شغلته سريع سريع..
بنت الحسين
|
|
|
|
|
|
|
العنوان |
الكاتب |
Date |
انا ورانيا وعمرو | مريم بنت الحسين | 05-25-03, 08:29 PM |
Re: انا ورانيا وعمرو | HOPELESS | 05-25-03, 10:20 PM |
Re: انا ورانيا وعمرو | مريم بنت الحسين | 05-25-03, 10:28 PM |
Re: انا ورانيا وعمرو | sympatico | 05-26-03, 00:45 AM |
Re: انا ورانيا وعمرو | Hozy | 05-26-03, 01:29 AM |
Re: انا ورانيا وعمرو | zola123 | 05-26-03, 01:10 PM |
Re: انا ورانيا وعمرو | قرشـــو | 05-26-03, 02:59 PM |
Re: انا ورانيا وعمرو | alfatih | 05-26-03, 03:20 PM |
Re: انا ورانيا وعمرو | Yasir Elsharif | 05-26-03, 06:30 PM |
Re: انا ورانيا وعمرو | سودانوبس | 05-26-03, 06:49 PM |
Re: انا ورانيا وعمرو | مريم بنت الحسين | 05-27-03, 11:11 PM |
Re: انا ورانيا وعمرو | مريم بنت الحسين | 05-26-03, 07:11 PM |
Re: انا ورانيا وعمرو | مريم بنت الحسين | 05-27-03, 12:49 PM |
Re: انا ورانيا وعمرو | مريم بنت الحسين | 05-27-03, 06:44 PM |
Re: انا ورانيا وعمرو | قرشـــو | 05-28-03, 09:07 AM |
Re: انا ورانيا وعمرو | مريم بنت الحسين | 05-28-03, 03:56 PM |
Re: انا ورانيا وعمرو | سودانوبس | 05-28-03, 09:29 PM |
Re: انا ورانيا وعمرو | مريم بنت الحسين | 05-28-03, 10:39 PM |
Re: انا ورانيا وعمرو | سودانوبس | 05-29-03, 09:29 AM |
|
|
|