|
Re: إلى تماضر (Re: مريم بنت الحسين)
|
مريم بت الحسين
انا زرت صفحتك وطفت فى عقلك وفكرك وعرفتك يا مريم منجزة ونفاذة ومصادمة وداير تاثرى فى جيلك ودايرة تربطيهم بالبلد وتحببيهم فيه ودى رسالة كبيرة بتقدرى عليها لانك مؤهلة ومليانة ومؤسسة وانا من شرفى القاك بتكتبى لى براى بالحب دة والجمال دة
اسم تماضر ما اسم شائع ، واظن اسيادو دايما بحبو يتميزوا عشان يوصلو ندرته بين الاسماء احترم فيك حبك لصديقتك تماضر ورشا ، وهى برضو اسمها زى اسم اختى رشا ، الفنانة لو كنتى سمعتيها
اتمنى انو اكون موضع ثقتك زى تماضر صديقتك ولو شايفة انى ممكن اكون مفيدة ليك فى مسيرتك حياتك
العامرة المعباة بالفال ، ادينى اشارة وانا تحت امرك
تسلمى يا مريم العادية ، ولما العادية تكون اصالة وعلم ومشاعر دفاقة وبساطة فى التوصيل وتاثير فى الآخرين ، انتى عادية زى الشمس تدخل رواكيبنا واوضنا
|
|
|
|
|
|