|
|
 Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب (Re: بكري الصايغ)
|
***- وصلتني رسالة من اب يقيـم بمـدينة الرياض(السعودية) يصـب فيها جام غضبه علي الحكومات السودانية التي خـدعت الناس وضللـتهم باسم (التوسع في التعليم في السودان) وفتحت لها عدة اكشاك اسـمتها جامعات، انه يقول في رسالته:
(...مسكاقمي الصايغ، موضوعك بتاع الشهادات الجامعية (الفالصو) البتديها بعض الجامعات التجارية موضوع عاورفو زي جوع البطن، ولدي دخل جامعة من جامعات السودان كلية الطب، الرسوم بالعملة الصعبة، السكن بالدولار،الدروس الخصوصية بالريال، الكتب والمراجع بالسوداني، وانا بدفع ماقلت لا لانو ابوي علمني وصرف علي يبقي لازم ولدي يبقي متعلم واحسن مني كمان، سـمستر وراء سـمستر وسنة وراء سنة لحد ماخلص دراسته وكمل تعليمه واجتاز كل الامتحانات بنجاح وعمل التجنيد الاجباري وخلصه وجاء للسعودية ولقيت له عمل باحدي المستشفيات في الرياض،وقدمنا كل الشهادات والاوراق المطلوبة لادارة المستشفي وكلها اوراق موثقة ومختومة من وزارة الخارجية بالخرطوم، ادارة المستشفي افادتنا بانها حترد علينا لاحقآ لحين النظر في طلب التعيين وقبلها التاكد من صـحة الشهادات وباقي الاوراق. بعد اسبوعين من تقديم وصلنا ظرف كبير فيه خطاب من الادارة وكل الشهادات والاوراق الخاصة باابني، وافادت الادارة بان الجامعة السودانية التي تخرج منها ابني غير معترف بها في السعودية وغير معروفة اصـلآ لديهم!!
***- ياصايغ، لما قريت الجواب دا طوالي جاني السكري!! ليوم ماسك فيني. قمت مشيت لسفارة السودان بالرياض وقابلت الملحق وحكيت له حكاية الجامعة المامعترف بها محليآ وبتدي شهادات!!، هز الملحق كتفيه بلااكتراث وقال" شنو بايدي وممكن اعمله?مابراكم درستوه في جامعة مامعترف بها!!. وجاني السكري تاني وقتهاوحلفت مااتكلم تاني مع اي زول في الموضوع دا لانه ماحيقدر يعمل حاجة ولابقدر يغير الوضع وحارفع سكري ساكـت!!
***- وندخل في المهم، ليه الحكومة في السودان بتغش علي الناس وتبني لها اكشاك تعليمية ومابتقول الحقيقة عنها وانها جامعات من ورق?!!، ليه البشير يسكت علي هذا الفساد ويشوف مئات الألآف من الخرجيين اتحـطموا وضاع مستقبلهم?، يعني عشان ربنا سبـحانه وتعالي حرم البشير من نعمة الذرية يقوم ينتقم البشير من اولادنا ويضيع شبابهم ويعدمنا المليم?!!، ليه البشير يسكت علي هذه الجامعات الورقية ولايامر باغلاقها فورآ?، مامصلحته في بقاءها?، هل تقاضي عمولات مقابل السماح لهذه الجامعات بالعمل?، البشير يتكلم يوميآ عن الفساد ولكنه هو من اسـس ورعي ونظم وجـهز الفساد في البلاد!!
***- اللهم يابركة هذا الشهـر الكريـم نسألك ان تنصـفنا، وان تنتقم لنا من الفاسـدين الفاجرين والعنهم دنيا واخرة!!
-----------------------------------------------------------------------------------------------------------------
***- الي الوالد العزيز الهادي، رمضان كريم، واعتـذر لك ان فتحت لك جروحآ بهذا (البوست) المحبط، ولكن ياعم قل لي اعمل شنو? كل القي قدامي واحد جاي من السودان وعاوز يدرس ويكمل تعليمه في المانيا بشهادات كرتونية لاتساوي شروي نقير، لذلك فتحت هذا (البوست) لاصـرخ بالصوت العالي ( ياخريجو الجامعات السودانية ماتجوا المانيا الا بعد التاكد من الاعتراف الرسمي لشهاداتكم الجامعية).
--***- لك مودتي الطيبة وشفاك الله من كل علة.
|
|
 
|
|
|
|
|
| العنوان |
الكاتب |
Date |
| عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف بها!! | بكري الصايغ | 08-06-10, 06:21 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-06-10, 06:52 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-07-10, 00:15 AM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-07-10, 00:25 AM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-07-10, 03:05 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-07-10, 04:44 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-09-10, 02:36 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-09-10, 09:46 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-24-10, 12:28 PM |
| Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | moaz elsir | 08-24-10, 01:01 PM |
 Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 08-24-10, 01:46 PM |
 Re: عليكم الله ياخرجيين: قبل ماتجوا المانيا للدراسة اتاكدوا اذا كانت شهاداتكم من جامعات معترف ب | بكري الصايغ | 09-05-10, 01:59 PM |
|
| |
فيس بوك
تويتر
انستقرام
يوتيوب
بنتيريست