|
Re: مقال من أرشيفي بموقع طابت عن أزمـة المرور..أهديه لكل مخالفي الذوق و القانون بالطريق العام! (Re: الطيب بشير)
|
دعك من القيادة بإهمال أو طيش..تذكـّـر معي مواقف نسميها القيادة بسخف و إصرار على التهريج:
1/ واحد يجتهد جدآ ع شان يفوتك..و تقوم إنت تهدّيء سرعتك تخليهو يفوتك..يقوم بعد ثوان قليلة يلف يمين و يفارق الشارع نهاااائي!! طبعآ بيضطرك تهدّيء لحدي ما يلف!! ..طيب .. موش كان ممكن تلف من غير ما تظهر في حياتي؟؟
2/ زول يكون ماشي في الشارع بالراااااحة..تحاول تتخطاهو ..و فجأة يبدأ السباق!! طيب ياخ أمشي..و الله أنا ما قاصد رجالة و لا أي حاجة بس أفتح الشارع الأصلآ فيهو ضيق دة..
3/ بتاع الركـشــة لو سايق في شارع كبير مقسوم برصيف..و ظهر زبون في الإتجاه المعاكس بيقوم (يبرم) الركشة في شارعك ذااااتو..و يواجهك عدييييل و يقعد يتزاوغ..قال لو هو مشى لحدي محل الفتحة البيعمل فيها U Turn..ممكن بتاع ركشة تاني ياخد الزبون!! يشترك معهم بأعداد قليلة ناس الأمجاد و بعض الملاكي..و يسمونها (قالب الشارع)!!
4/ إنت لافـّـي شمال في شارع رئيسي و الطالع منو ذاااتو رئيسي..ناس الحركة ساعدوك بي سهم..تقوم تنتظر السهم ع شان يولع أخدر..و يبدأ العد التنازلي 99..98..97 أها لمن يصل 55 بيظهروا ناس في يمينك عاوزين يلفوا معاك شمال و يقوموا يقفلوا الوراهم الماشين طواااالي..بيعملها أكتر ناس بتاعين حافلات الخط..و بيضطر الوراهم يقيف و يضرب بوري ..و يبدا الصياح و الألفاظ إياها..نادرآ ما يتعارك الناس لكن مؤكد مرات بيحصل..
الباقي منكم..
.
|
|
|
|
|
|