|
|
 Re: إستقالةابو جهينة (Re: humida)
|
Quote: * الناس القاعدة تشتغل و تلم الناس و علي عاتقها كل شأن ما يسمى بورداب الرياض فئة قليلة .. لا تجد اي سند او عون من اعضاء بورداب الرياض الآخرين ..
* في جميع المناسبات و التي تحتاج الي دعم مادي .. ما في زول بدخل يده في جيبه يدفع مليم غير اعضاء اللجنة و نفر قليل ..
* الفصاحة و الافتراء و الكذب من كثير من اعضاء بورداب الرياض علي اعضاء اللجنة .. و العبارة المشهورة ( ليه ما كلمتونا ) ..
* اتهام اعضاء اللجنة المستمر بانهم كيزان تارة و شيوعيين تارة وجن ازرق تارة آخرى من اناس لا يقدمون اي دعم لبقاء هذا الجسم متماسكا ..
* عدم التفاعل مع البرامج المطروحة من قبل اللجنة .. و عدم التفاعل مع قنوات الاتصالات ( المجموعة البريدية - جوال بورداب الرياض - الرسائل النصية ) .. و الحجة دوما ( ما كلمتونا ) ..
* وجود اعضاء من بورداب الرياض همهم الاول شق هذا الجسم .. او جعله تابع لاحد الكيانات المتناحرة في الرياض ..
و كثير من الاسباب ..
استقيل يا ابو جهينة .. و نخلي الناس البتتفاصح دي تجي تمسك اللجنة .. و تدخل يدها في جيبها انشاء الله تطلع لينا حفنة تراب .. |
سلامات يا شاكر ..
راجعو كلام حميدة دا كويس .. وركزو على ما تحته خط .. المسالة دي ما من الليلة .. قريت في مكان تاني استقالة معتصم دفع الله .. وخالد سعيد .. لانو المسالة فاتت حدها .. والبيحاك بي تحت الناس ومن خلفهم .. ما اظن لو قلناهو هنا دا الناس تصدقوا .. مجموعة بورداب الرياض الحالية دي أو اللجنة الشغالة دي بما فيها أنا وحميدة الكتب ليكم الكلام دا .. عارفين تماما ومقتنعين انو مافي حاجة اسمها لجنة ما هي غلا عبارة عن شكل صوري .. تكليف في المقام الأول على مهام خاصة بي كل الناس .. للاسف تحولت لي أعباء تقيلة جدا على الناس خصما من وقتهم ومن مالهم .. ومن زمن اسرهم .. وفي نفس الوقت في النهاية تجيب ليها تشكيك .. وجديع كلام فارغ .. والمشكلة أنو الناس البتجدع في كلامه دي الواحد لما تكون في اي حاجة وتجي تقيف قدامو متوسل ليهو علشان يدخل يدو في جيبو ويساهم معاك بي القدر اليسير .. يعمل ليك فيها رايح ..
كنا بنتعامل بي مبدا ماف مشكلة نتشايل كلنا .. بي حبه من دا وشوية من دا .. وبنكمل الناقص لينا بي محبة واخوانية .. لكن يظهر انو في ناس هنا دا .. وللاسف الشديد عايزه تعمل فيها تنظيمة ومؤسسية ؟؟ لكن بي بلاش .. عايزين خزينة مليانة .. وبرامج يجو يقضو فيها اوقاتهم .. والواحد تقول ليهو ساهم معانا يقول ليك باااص يا يعمل فيها رايح ..
لذلك
اي واحد ما قدر يتحمل كل هذا الضغط لمدة كل السنوات دي والكلام الفارغ البيسمع فوقو معاهو كامل الحق انو يتنحى ما كل الناس بتستحمل ضغوطات ..
نحن الحمد لله كبورداب عرفنا بعضينا كويس بالنحو المطلوب .. وعلاقتنا كل يوم بتزيد اسريا اجتماعيا انسانيا .. دا ما انهزام لكن كدي الناس البتتكلم وتطلع في الكلام الفارغ دا تجي تعمل ربع العملو أبوجهينة واللجنة الحالية دي .. ابسط حاجة خلي واحد بس يجي يدق لينا صدرو ويقول والله يا شباب انا بدعم المشروع الفلاني بي المبلغ الفلاني .. خاصة وانو في كتير جدا من المشاريع مؤجلة العامل المهم فيها المادي ..
الناحية المهمة في المسالة دي يا شاكر .. أنو اعباء الريس ابوجهينة العملية زادت خلال اليومين الفاتو .. وتم تصعيدو لي وظيفة إدارية اشد حساسية .. عن سابقتها .. تتطلب المزيد من الجهد يتناسب معاها ..
لو الناس البتكورك بي بره وفاكره انو ابوجهينة دا مكنكش في الرئاسة واللجنة الحالية دي مهيمنة على الوضع .. يجي يقيف ويعلن عن نفسو أنو قدر المسؤولية دي من كل النواحي .. وساعتها أبوجهينة وكل من في اللجنة ح يلقاهم سند حوالينو .. من أجل فقط ان نحافظ على بورداب الرياض القيمة الانسانية المشهود ليها بي كل عمل جليل.
اتمنى ان اصادف من يتحمل هذه المسؤولية ويكون على قدر كلمتو .. ما يجي يعمله لينا كلها صراعات .. ويسوق الناس لي جهة هي اساسا ما مبلغ همهم من مشاكل وخلافات شخصية ليها سنوات حتى قبل قيام الموقع دا اللي اتكونت منو مجموعة بورداب الرياض ..
|
|
 
|
|
|
|
|
| العنوان |
الكاتب |
Date |
 إستقالت ابو جهينة | Shaker Hamid | 03-02-09, 09:52 AM |
 Re: إستقالت ابو جهينة | د.محمد حسن | 03-02-09, 10:10 AM |
| Re: إستقالت ابو جهينة | Shaker Hamid | 03-02-09, 11:07 AM |
| Re: إستقالت ابو جهينة | Zomrawi Alweli | 03-02-09, 10:15 AM |
| Re: إستقالت ابو جهينة | صالح عبده | 03-02-09, 10:28 AM |
| Re: إستقالت ابو جهينة | حسن مضوي | 03-02-09, 10:40 AM |
| Re: إستقالت ابو جهينة | حمزاوي | 03-02-09, 11:10 AM |
| Re: إستقالت ابو جهينة | Shaker Hamid | 03-02-09, 11:20 AM |
| Re: إستقالةابو جهينة | Shaker Hamid | 03-02-09, 11:15 AM |
| Re: إستقالةابو جهينة | humida | 03-02-09, 11:31 AM |
| Re: إستقالةابو جهينة | ادريس خليفة علم الهدي | 03-02-09, 11:51 AM |
| Re: إستقالةابو جهينة | tmbis | 03-02-09, 11:53 AM |
| Re: إستقالةابو جهينة | ود الباوقة | 03-02-09, 12:10 PM |
| Re: إستقالةابو جهينة | Zomrawi Alweli | 03-02-09, 12:00 PM |
| Re: إستقالةابو جهينة | Khalid Saeed | 03-02-09, 01:21 PM |
| Re: إستقالةابو جهينة | علاء الدين حيموره | 03-02-09, 02:20 PM |
| Re: إستقالت ابو جهينة | عزالدين آدم علي | 03-02-09, 01:56 PM |
| Re: إستقالت ابو جهينة | معتصم دفع الله | 03-02-09, 03:18 PM |
| Re: إستقالت ابو جهينة | ismeil abbas | 03-02-09, 05:34 PM |
| Re: إستقالت ابو جهينة | احمد العمار | 03-02-09, 06:29 PM |
| Re: إستقالت ابو جهينة | جمال هباني | 03-02-09, 07:35 PM |
| Re: إستقالت ابو جهينة | حبيب نورة | 03-02-09, 09:21 PM |
| Re: إستقالت ابو جهينة | علي الكرار هاشم | 03-02-09, 09:26 PM |
| Re: إستقالت ابو جهينة | Shaker Hamid | 03-07-09, 11:52 AM |
| Re: إستقالت ابو جهينة | yasir Abdelgadir | 03-02-09, 09:25 PM |
| Re: إستقالت ابو جهينة | Shaker Hamid | 03-07-09, 12:02 PM |
| Re: إستقالت ابو جهينة | عبد اللطيف بكري أحمد | 03-07-09, 12:09 PM |
| Re: إستقالت ابو جهينة | Shaker Hamid | 03-09-09, 09:56 AM |
| Re: إستقالت ابو جهينة | عثمان سيد أحمد | 03-09-09, 12:26 PM |
| Re: إستقالت ابو جهينة | Shaker Hamid | 03-10-09, 12:51 PM |
|
| |
tmbis
فيس بوك
تويتر
انستقرام
يوتيوب
بنتيريست