وهبة و دينق

Quote: العزيز دينق كنت اتمني ان تأتي مداخلتك الاولي متيحة لي الفرصة للاخذ و العطاء لتوضيح اختلاف وجهة نظرينا في الخلاف الحادث. طبعا في نهاية المطاف انت الوحيد البتحدد نوع علاقاتك مع الناس و طريقة تعاملك معاهم. دا ما كان وارد التأثير عليك فيه من المحاولة دي بأي شكل لانه لا دا اسلوبي و لا بعتقد انه ممكن انت تقبل بكدا. الان انفرط الامر و واضح انه ما ح اصل معاكم للكنت اتمناه. يا دينق رأي في عبد الوهاب مازال رغم كلامك القلته انه لعدم اشتغاله بالسياسة بحكم علي حاجات بتعامل معاها الساسة و المهتمين بالسياسة بجدية، بتعامل معاها هو بتلقائية و تبسيط، يمكن يكاجر مثلاَ . دا الانا شايفه في كتابات عبد الوهاب، لا يمكن ابداَ اتصور انه عضو في جهاز الامن. في قطاعات كبيرة جدا في السودان و الخارج محيدين او ضاربين الهم بالفرح او بحكموا علي حاجات واضحة في القضية الوطنية بالعاطفة او رجالة كدا بس. دي قطاعات كبيرة جداَ انا شخصياَ ما بجرمها و لا بطردها من جنة الوطنية، بل بالعكس بشوف انه من الواجب محاورتها بالحسنة لانهم صادقين في مواقفهم مهما شفناها غلط او صاح. اكيد بتتذكر ايام امجاد لقاءاتنا في البالتوط و بتتذكر خصومات سياسية كتيرة ازالها الحوار الجاد المرن البحترم الاخر. يا دينق اذا ما عندك غير القلته دا اتمني اننا نوقف الشغلانة دي هنا لاني لا رغبة لي في خوض صراع ما كان مقصود بفتح البوست دا و يبقي الود. و اعتذر لك اذا رأيتني قد اخطأت التقدير بمسعاي هذا.