كتب الكاتب الفاتح جبرا المتوفرة بمعرض الدوحة
|
|
 أي زول عنده مزاج يتشاكل يجيني هنا !!!!!
|
السلام عليكم,
أول حاجه الحمد لله ما عندي مشكله مع أي زول في المنبر عشان الناس ما تفهمني غلط,
لكن الليله روحي محرقاني,
وقافله معاي,
صحيت من الصباح في أمان الله,
لكن حصلت حاجات زهجتني,
وبما اني من النوع اللايوق,
ولما بزهج بزهج كم يوم ورا بعض,
وخصوصا اني من النوع الكتوم, يعني بقعد أهري وأنكت في نفسي,
لدرجة تعذيب الذات,
فلازم عشان ما أضيع وقت في الزهج, خصوصا اني عندي شغل متلتل,
أفرغ الشحنه بتاعت الغضب دي,
|
|
 
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: Amany Elamin)
|
وبما اني ياعيني قاعده براي في اخر الدنيا,
فما ممكن أفرغها في الأغراب المعاي ديل,
والسودانيين مابفهموا الكلام ده,
يعني لو لفيتها مع زول هنا ياخسرته ياخسرته,
وحرام أضرب تلفون السودان عشان أزهج الناس معاي,
يعني لو ضربت لأمي احتمال ما تنوم الليله, تقعد تقول لي سجمي وزهجانه مالك,
وخلاص تعالي راجعه,
ده غير انها حتقعد تضرب لي كل خمسه دقايق,
واحتمال تكلم الحله كلها اني الليله زهجانه وانها قلقانه علي..
فيا أولاد وبنات الحلال,
الناس هنا أخوان, وما فيها حاجه لما يتبرعوا لي كم نفر أتشاكل معاهم,
ما شديييييييد يعني شويه بس,يمكن أتحسن شويه,
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
ملحوظه: أي زول عنده مشكله معاي,
يعني انشاءالله مامستلطفني ساكت,
ما يجيني هنا,
عشان أنا ماتقفل معاي زياده,
ملحوظه تانيه:
العرض ده مستعجل,
يعني مافي زول يجيني بكره عشان يتشاكل معاي,
العرض ده بينتهي الليله الساعه 12 مساء بتوقيتنا,
وبكره حأواصل في بوستيي بتاع بني اسرائيل عادي,
ملحوظه أخيره:
لو ما لقيت استجابه حأمشي أسوط البوست المذكور أعلاه وأفش فيه زعلتي دي..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
طلب ليس بغريب في هذا الزمن الأغبر! ومرات الواحد يتمنى شكلة مع ضلو وما يلقاها، لذلك ألجأ لطريقة
عنيفة عندما تقفل معاي، أدق رأسي بالحيط، ولن أدعوك لفعل ذلك لأن جبهتي صارت محنية بفعل الطرق على
الحائط، وصدقيني، أعود بعد الخبطة أكثر إشراقا وميلا نحو السكون!
تحياتي أماني...
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Abureesh)
|
يا جماعة انتو البت دي قالت العايز يتشاكل ولا العايز يتزوج؟؟
لانو ما ممكن زول يقطع تذاكر ويمشي لي زول عشان يشاكلو
لو ما متزوجة فالباب مقتوح للشباب العوانس والمنبر مليء بهم
كانت متزوجة ففشي غلك وابرزي عضلاتك في الزوج المسكين زيما بحصل لينا
ولك التحية وباقي ليك زي كم ساعة كدا وتروقي
| |
|
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: Zomrawi Alweli)
|
يا جماعة انتو البت دي قالت العايز يتشاكل ولا العايز يتزوج؟؟
لانو ما ممكن زول يقطع تذاكر ويمشي لي زول عشان يشاكلو
لو ما متزوجة فالباب مقتوح للشباب العوانس والمنبر مليء بهم
كانت متزوجة ففشي غلك وابرزي عضلاتك في الزوج المسكين زيما بحصل لينا
ولك التحية وباقي ليك زي كم ساعة كدا وتروقي
زمراوي الحبيب
اناشخصيا جاهز لي كلو
لو مافي داك
رايك شنو
مصارع قديم
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: abas)
|
| Quote: هسي البنات بشاكلوهم كده؟؟؟؟؟؟؟ |
طبعـا ما بشاكلوهم كدا..
طيب..
نصيحتى خلى الشكل، ولا براسمالو..
طيب الزهجـة ما فكت لسـه..
البسى ليكى لبسـة رياضيـة، وكبك.. وفى أى حديقـة عامـة فى مدينتكم أجرى زى كيلومترين (منهم مشى شوية)
و بالليل مشى حوالى كيلومتر بعد تناول العشـاء.. واليقول ليكى يا مجنونة أمشى نومى ولا تهتمى بيه..
بعد داك لو ما فكت تعالى لومينى
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: د.نجاة محمود)
|
أطلبوا الشكل .. ولو في الصين ..
شوفي ..
تركبي تروحي الفلبين ..
ما أصلها فركة كعب من عندكم ..
وفي مانيلا تسألي عن مطعم فش الخلق ..
بيبيع صحانة للقرفانين زيك و يقوموا يهشموها
على جدار خاص في المطعم معد لهذا الغرض ..
تشتري صحانة على قدر قرفتك ..
وهاكي يا تكسير ...
ترتاحي راحة تامة بعد التكسير ..
النتائج مضمونة ,,
بس ما يجرحك الصحن ..
نقوم نخش في نقل دم ..
والدم البوذي ما بينفع معاك ..
ندخل في ورطة ..
أعملي حسابك ..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: محمد ابراهيم قرض)
|
أمانى كيفك؟؟؟
تصدقى؟؟
ما ح اسألك مالك؟؟
لأنى حاسة بيكى،
و الحاصل معاكى هو سيم سيم حاصل معاى،،
Quote: لكن الليله روحي محرقاني,
وقافله معاي,
صحيت من الصباح في أمان الله,
لكن حصلت حاجات زهجتني,
وبما اني من النوع اللايوق,
ولما بزهج بزهج كم يوم ورا بعض,
وخصوصا اني من النوع الكتوم, يعني بقعد أهري وأنكت في نفسي,
لدرجة تعذيب الذات,
فلازم عشان ما أضيع وقت في الزهج, خصوصا اني عندي شغل متلتل, |
و هو د بالظبط حالى،،
يعنى سبحان الله،
قدرتى توصفينى الايام دى بدقة شديدة،،،
يكون دة (أيام) الزهج العالمى؟؟؟؟؟؟
عموما يا ستى،
ح اتابع معاكى البوست دة،
عشن أعرف ح تطلعى من الموود دة كيف،،،
تحياتى،،،
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Hala Hassan)
|
هاله حبيبتي:
Quote: عموما يا ستى،
ح اتابع معاكى البوست دة،
عشن أعرف ح تطلعى من الموود دة كيف،،، |
هاله ياخ أنا قلبي واجعني,
وروحي محرقاني,
وعامله بنظرية الكاظمون الغيظ,
لكن بعد شويه بطرشق..
ما تعايني لي ساكت,
تعالي نتصرف ياخ,,
أصلو هو الزهج ده براه لي يوم القيامه ما بروح,,
فكري معاي يمكن نلقا حل..
| |
|
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: محمد ابراهيم قرض)
|
أهلا يامحمد:
Quote: بيبيع صحانة للقرفانين زيك و يقوموا يهشموها
على جدار خاص في المطعم معد لهذا الغرض ..
تشتري صحانة على قدر قرفتك ..
وهاكي يا تكسير |
فكرتك دي عبقريه, وقاعده تساعدني خالص,
شقت البلاستيك البيجي مع الأجهزه الجديده,
ياخ فيه دوائر دوائر كده بتقعد تعملهم طق طق طق كده,
ده عظييييييييم,
بريحني راحه عجيبه.
مره برضه كسرته لي دسكيتات, تتذكر زماااااااا مش كان في حاجه اسمها دسكيت,
بدخلوها في الكومبيوتر,
بس ديل تلقاهم كتاااار وما عايزهم, مرات لو عايزهم برضو لكن ما عندك بديل,
متعه والله,
لكن الصحون دي ما جربتها لسه,
عشان لو جربتها أمي بتطير لي الزهجه وراسي بالمره,
لكن عارف مجرد التفكير في الموضوع ده ريحني شويه,
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: د.نجاة محمود)
|
دكتوره نجاة:
قلنا ما شكل شديييييييييييد.
براحه براحه..
بعدين أنا زعلانه منك,
هسي متشاكله ليك مع زول,
ناس علوم ذنبهم شنو؟
والله حرقتني كيف؟؟
قراية العلوم كان عرفتيها حاره وصعبه كيف,
ما كان قلتي الكلام ده,
كفايه انه علوم الخرطوم دي خرجت المرحوم الطيب صالح شخصيا..
وخرجت ناس كتااار قامات انتي أكيد عارفاهم.
وبعدين بره السودان العلوم دي توب التوب..
بس بلدنا ماشه بالعكس..
طبعا انتي فردتي عشان كده عملت ما ملاحظه..
لكن هسي ده موضوع شكله ممتاز, يا تعتذري لي ناس علوم يا نتشاكل من هنا لغاية الساعه 12,
رايك شنو؟
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
عادل اخوي اتخرج من علوم
لكن ما قاعد يجي يتبوبر بي شهاداتو
وابوي قرا علوم برضو في الجامعة الامريكية في بيروت
لكن عمرو ما جا اتبوبر بشهادتو
ما قلنا علوم سهلة ولكن قرايتها ما بتخلي الزول يتبوبر في الناس يعمل بق شو
ويطرح نفسو طرحة قدر دا يا بت امي
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: د.نجاة محمود)
|
يا سلااااام يا دكتوره نجاة:
جيتيني راجعه,
خلاص اتشاكلاكي..
Quote:
ما قلنا علوم سهلة ولكن قرايتها ما بتخلي الزول يتبوبر في الناس يعمل بق شو
ويطرح نفسو طرحة قدر دا يا بت امي |
يا دكتوره ما في حاجه في الدنيا دي كلها بتخلي الزول يفكها في روحو,
كان قرايه وللا سماحه وللا مال,
ناس كتار كان عندهم ده كله ومشوا خلوا,
وناس كتار عندهم ومااستفادوا منه أي حاجه,
أها انت غلطانه في ناس العلوم ديل بالذات ليه؟
ما تقولي لي زولك ده أنا رايي فيك انت ده كده كده كده,
في داعي تجيبي سيرة علوم؟؟؟
وبعدين لو والدك وللا أخوكي قروا جملتك ديك,
كان بظبطوا معاك الموضوع ده تماااام,
أسمعي أنا رايحه لي شكله ولقيت اتنين,
انتي وزمراوي,
ماشين كويس,
واصلي,
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: عزاز شامي)
|
Quote: الناس دي بس دايره تجيب سيرة العرس ساكت..
عارف شكلي حأتشاكل معاك انت , تنفع.. |
بالله الزول مايلقى ليهو زول يشاكلو وكمان في الصين
ديل المشي في شوارعم ظاطو شكل
وبعدين الزول البريد الشكل بكون محتاج لي زول يشاكلو
وعشان تتشاكلي لازم يكون في زول جمبك
وعشان ندي مشروعة التواجد بجمبك لازم تتزوجي واحنا مجربين
وخلي بالك ما تعفصي لينا اصابع عزاز الزغيرونات ديل
| |
|
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: osman righeem)
|
يا
اماني بت الللمين هووووي
ارعي بي قيدك ...
علي باليمين .. انا قافلة معاي ليها اسبوعين
وقاتلوا في حناني ساكت ..
لكن الليلة .. بتفشا فيك ...
روحي محرقاني
وعندي ابو الشهيق..
وعندي امتحان بعد بكرة ...
لكن لازم اشوف لي زول اتفشا فوقو...
بس شكل النسوان ما بنعرفوا ( الليلة ما يجوني الجندريات)
نحن ناس عصاتي المضببة
والخوسة في الضراع ....
وكان حجاز مد اليد ... بتسمع ... كع ...
دحين يا بت اللمين اخوي ...
ابعدي من وشي
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: ahmed haneen)
|
يتيهي يسخهعبهسي يس09سي يس9سي ]س09حخ 90سي90بخكت ءؤحخء يحخخحي يسحخحخه؛×؛×ه يخهحخكمرتكمتسيلكسمينك حخخ
حٍيخ:خ×؛ي :خلهحيخلهيخ لج؛خيهل
ل؛<خهخهجحخلهل
جحخٍجحخل؛خيلع؛خل؛خيلع؛ ×؛يسلحليحخخخلتامءمىءملخلنسيمىومسينتيبهيس يسخهعسخب يس
يسسيحسيحخسيحسيبعسيحخ يسب
سي سيحخيسحخيح سحخسيخبعيسب بيس
بس
وكان ما عاجبك .. أشربي من اليانج
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: محمد أبوالعزائم أبوالريش)
|
اماني ...شكرا كتير ليكي وشكر من الصميم ...و الله ...لانك ما خيّبتي ظني ...
... و انا بقرأ في البوست داك ... بتاع اخوانّا في الله ...جاني انطباع قوي..
..و بصمت بالعشره ... انك انت زرله بتاعة مشاكل...
...ثم تاتين يا جهيزه لتبصمي بالعشرين ...عصا..و نبّوت...انك فعلا لا انطباعا... انك بتاعت مشاكل..
... لكن اقول ليكي حاجه ... ما مشكله ... عندنا زول صاحبنا كده... اصلا طالع للربا و التلاف ...
...و اسمو (عنكبه)...(اي عنكبه شنكبه ... عضلات تبش) .... حالفتو علي البوست ده... ومعاها دفره ...
... بس انتي ابقي قدر كلامك ... و يا منبر دخللك شر مستطييييييييييييييييير...
...
...بجانب النص ....
...(ياخ) انت الحساده العليكي شنو ...(ياخ)...يعني الواحد لمن تقع عينو بهناك علي بوست متمبز و يبدأ في ..
..مطالعته و بذهن منفتح و صاحي ...عشان يستفيد ... تجي تعمليها لينا بهنا... عكاكيز و دراب و فليق....
..و بعدين لو انتي عندك حبة صبر ... داك ذاتو ملغوم وفي الغالب يمكن تجيكي فيهو كلاشنكوفات ..و قنابل..
...بس جهّزي ... دروعك و مصداتك ... و كتّري منها ساي..
... طلب اخير بالله و عارفو (غالي)... صعبه دي؟؟؟؟
...
...(ياخ) ...ما تمددي الموضوع شويه كده للوراء و عمقا في التاريخ ...
..... و تشوفي لينا ناس المعتقدات التوحيديه ما قبل اليهوديه
...( الاحناف) مثلا ... و مشاكلم و صراعاتم مع الاوثان و ناس الاوثان ... ثم ظهور اليهوديه و صراعاتا مع الموحدين
... و غير الموحدين ...و اعتقد الموضوع قابل للتمدد ...حتي ظهور المسيحيه ثم الاسلام و الفترات الزمنيه فيما بين
... الديانات السماويه الثلاثه و ما تم فيها من صراعات و حروب و كره ... و لماذا اختصت هذه الرقعه الارضيه من الكون..
...(منطقة فلسطين و اورشليم و جزيرة العرب ...بالدين السماوي بينما بقية الكون باّلهه ارضيه...
...الهة الشمس ... الهة الجمال ... هندوس بوذيين ... مجوس ...الخ....
...
...
لك الورد و العكاكيز .... و حبة مشاكل...
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Hololy)
|
أهلا بيك Hololy:
Quote: ...(ياخ) انت الحساده العليكي شنو ...(ياخ)...يعني الواحد لمن تقع عينو بهناك علي بوست متمبز و يبدأ في ..
..مطالعته و بذهن منفتح و صاحي ...عشان يستفيد ... تجي تعمليها لينا بهنا... عكاكيز و دراب و فليق....
..و بعدين لو انتي عندك حبة صبر ... داك ذاتو ملغوم وفي الغالب يمكن تجيكي فيهو كلاشنكوفات ..و قنابل..
...بس جهّزي ... دروعك و مصداتك ... و كتّري منها ساي.. |
ضحكتني والله.. البوست داك من شدة ما ملغوم,
زول دخل قال لي انت بتقولي في شنو مافي,
بعيد بعيد,
لكن والله مازولة مشاكل,
أنا ماشه فيه بمزاااج,
وعندي فيه حاجات كتيره لسه..
وأصلو اختلاف الراي مابجيب شكل..
الشكل ده بنفتح ليه بوست برااااه..
موضوعك شيق وبيشجعني علي القرايه والاطلاع,
ربك يسهل بس نظبط موضوع أخوانا في الله,
عشان ما نتشعب,
شكرا علي مرورك الكريم,
| |
|
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: ahmed haneen)
|
أحمد حنين:
Quote:
لكن الليلة .. بتفشا فيك ...
روحي محرقاني
وعندي ابو الشهيق..
وعندي امتحان بعد بكرة ...
لكن لازم اشوف لي زول اتفشا فوقو...
|
اتفقنا,
أول حاجه علييييك الله,
في طولك في عرضك,
غير صورة البروفايل حقتك دي,
كلامك ده قريتو عين مغمضه وعين مفتحه,
ناقصين نحن!!!
بعدين زح من وشي انت ده,
عندك امتحان بعد بكره تمشي تقرأ طواااااالي,
القاعد ليها في النت شنو؟
عدم القرايه ده ياهو ذاتو الجايب ليك حراق الروح,
أمشي ياولدي أقرأ ليك كلمه كلمتين بنفعوك..
شكل النسوان ده بوري ليك أنا دي كان ما قعدت في واطات الله دي,
وختيت الرحمن في قلبك وقريت,
كدي تاني ألقاك حايم..
| |
|
|
|
|
|
|
|
|
 Re: أي زول عنده مزاج يتشاكل يجيني هنا !!!!! (Re: حمور زيادة)
|
| Quote: طاقتي الحمرا وينا ؟ |
حمور ياخ كرهتني,
دي ما طريقه..
ما تقعد تجدع حاجاتك وتجي تسألني منها,
ما يا تلملم حاجاتك دي كويس,
يا أنا بلم حاجاتي وبطلع أخلي ليك البيت ده..!!!!!
دي ما طريقـــــــه!!!
ملحوظه:
عرفاك قاصد نكتة القرد..
بلا قرد معاك ..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
البرد!
إنتى تخافى من البرد وكمان جاية تشـاكلينـا؟
إذا أنتم من الحر والبرد تفرون، فأنتم والله من السيف أفـر.
وهسى جاتك هالـة متضامنـة وبقيتـو حلفـاء.. طيب. شوفو ليكم زول تشاكلوه.. نحن هدا طرفنا.
من زمان كنت حاسى أنو دى مؤامـرة وانتى مقدمينك طعـم بس..
المهم.. إقتراح تانى، إنك تمشى الصين.. دى حتفك قرفتك وقرفـة الخليتهم وراكى.
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: omer osman)
|
عمر عثمان:
Quote: يا اماني زي كلام دلال ده البجيب الشكل .........
لكن سيادتو عمر مش (عمو عمر) زول بقبضو مافي طالما فينا نفس طالع ونازل. |
غايتو أنا مااااا برد عليك,
عشان في ناس متخصصين,
بجوك هسي لي كلامك ده طايرين,
بعدين أنا ما فاضيه أحجز بالله عندي كم شكله هنا, عايزه أحسمهم,
ياحماعه بالله مافي أي زول يجي طاير,
أنا بس الأتشاكل هنا,
العنده شكله مع زول بعيد بعيد..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Abureesh)
|
انا اصلو من زمااان شكلك ماعاجبني
وكمان خاته في البروفايل صورة حمامة سلام
علي الايمان اجيب نبلة وبي حجر واحد اطير ليك ريشها ده صفقة صفقة وتجي عامله لاندينج طوالي
اها تاني لو قلتي ليها طيري مابتطير وتكتشفي بما انك قارية علوم انو الحمامة بعد يقطعوا ليها ريشها بتبقى طرشة .
الوش ده جبتو من السماء الاحمر ماتساليني تقولي لي جبتو من وين
ما تحياتي ولا حاجة دي اشكال يحيوها دي
عمي عسكري كانوا مابحيوا الضباط من النساء واحده يوم زنقتوا قالت ليهو مابتحييني مالك قال ليها والله انتي لو ماكنتي ضابطه مفروض احييك ماشفتك سعادتو اها سعادتو ضحكت طوالي اسع انتي البضحكك شنو عامله ضرسك الكبير ده
زاتوووو
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: ALZOLZATOO)
|
الزول زاتوووو:
Quote: وكمان خاته في البروفايل صورة حمامة سلام
علي الايمان اجيب نبلة وبي حجر واحد اطير ليك ريشها ده صفقة صفقة وتجي عامله لاندينج طوالي |
أول حاجه انت ورغيم ماتنفعوا في الشكل,
تلقوا ليكم زول بتشاكل,
تقعدوا تضحكوا فيه,
بعدين دي ما حمامة سلام ولاحاجه,
سلام شنو في الشكله دي,
دي أنا دي, ماعارفه أرك وين!!!
مالك عايز تقلب الكلام جد,
خلينا نتشاكل ياخ..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
عزيزتى أمانى،
قلتى لى،
أتفاكر معاكى،
المشكلة من شدة ما الزهجة متمكنة منى،
ما قادرة أكتب ذاااتو،
قلت ليهم حاسة،
إنى بفففور و أتدلق
يجى أى زول مارى،
يقول ليه معلومة (من غير قصد)،
يقوم يزيد النار حطب،
أفوووور تانى و أتدلق،،
لامن خميرنا ذااتو قربت تخلص،،
لكن عشان خاطرك بس،
أديكى من تجاربى المتواضعة...............
أنا والله مجربة كام طريقة كدة لفش الخلق،
شى علمى،
و شى من طرف راسى،
و شى ولا كدة و لا كدة،،،
أول هام،،
(كنت) ما بخلط الامور،
يعنى لو فى حاجة مزهجانى فى البيت،
ما بجيبها الشغل،
و بالعكس،،،
لكن،
من ما الزول كبر و (عقل)،
لقيت الموضوع دة بستنزفنى،،،
ولا بد من فش الخلق،،
و العنده حاجة لازم يستحمل،
(ما تصدقى الكلام دة،
والله ما بحب الإفتراء...)،
أها يا ستى،
فى طريقة تانية،
بأسلوب ناس د. فيل،
و هى إنو تواجهى متاعبك،
و تحدديها،
و تحاولى تحليها،،
يعنى حكاية،
زهجانة و ما عارفة السبب شنو دى ،
ما بتنفع،،،،
لكن د. فيل،
ما عارف إنو فى أوطاننا أتربينا،
إنو فى حاجات (مشاكل) بتحصل (من ناس)،
ما بنقدر نتفاداها،
و نتحرج إننا نواجهها،،،،
ما علينا،،
الاسلوب الأمثل،
الايام دى انا بستعملو،
أى زول يقابلنى،
يسلم على يقول لى كيف؟؟
أقول ليه زهجانة،
لو حاول يواسينى و يتكلم معاى،
أحكى ليه حاجة بسيطة،
يقوم يزهج و يمشى،،،
اقوم أنا أفكها (شويييية)،،،
___________________________
Quote| Quote: : طاقتي الحمرا وينا ؟ |
أنا حمور دة مش قلت ليه ألف مرة،
ما تبس طاقية حمرا مع قميص بنفسجى؟؟؟؟
دى شنو العالم دى،،،
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Hala Hassan)
|
Quote: أها يا ستى،
فى طريقة تانية،
بأسلوب ناس د. فيل،
و هى إنو تواجهى متاعبك،
و تحدديها،
و تحاولى تحليها،،
يعنى حكاية،
زهجانة و ما عارفة السبب شنو دى ،
ما بتنفع،،،، |
عارفااااه ياهاله عارفاااه,
شفتي السبب من ناحية عارفاه عارفاه شديد,
لكن حكاية تواجهي وتحددي وشنو دي ياها ذاتها المشرداني..
ياخ انا روحي دي مابحب أقعد معاها,
دايما بتلم فيني تزرزرني..
يوم واحد ماطلعتني صاح,
الله يعين..
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
Quote: حمور ياخ كرهتني,
دي ما طريقه..
ما تقعد تجدع حاجاتك وتجي تسألني منها,
ما يا تلملم حاجاتك دي كويس,
يا أنا بلم حاجاتي وبطلع أخلي ليك البيت ده..!!!!!
دي ما طريقـــــــه!!! |
كمان جابت ليها لداحه ؟
شوفي يا اماني ده اخر انذار ليك تغيري طريقتك دي
مليون مره قلت ليك حركات التحدي دي بتطلع ديـ ..
و تربة ابوي تاني تقعدي تعملي حركاتك دي ما بتلحقي تخلي البيت .. انا البفنك بالشباك
بلا كلام فارغ معاك
و الحاجات دي مسئولتك انتي دي
من اول يوم كلمتك الكلام ده
ما تجي هسه تعملي لي فيها طاقاك كهربه و تلولوي الكلام
فاهمه وله لأ ؟
(يوجد رفع اصابع و خبت تربيزه )
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: حمور زيادة)
|
Quote: و تربة ابوي تاني تقعدي تعملي حركاتك دي ما بتلحقي تخلي البيت .. انا البفنك بالشباك
بلا كلام فارغ معاك
و الحاجات دي مسئولتك انتي دي
من اول يوم كلمتك الكلام ده |
حمور
سجمي ياحمور!!!
تفنني أنا بالشباك..
نحن ما اتفقنا علي كده,
زمان كلمتك قلت ليك انه انا عندي قرايه وشغل,
قلت لي مامشكله مسئولية البيت بنتقاسمها النص بالنص,
وأصلو ما حأخليك تتعبي,
غشيتني يا حمور!!!
انت اتغيرت يا حمور زمان ما كنت كده,
كمان جابت لهاخبيط طرابيز,
وبترفع صباعك في وشي؟؟؟؟
(يوجد دموع)
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
بس دي فلاحتك
اول ما الزول يقول ليك كلمتين تقعدي تتبكي و تملي جضومك دموع
ياخ دي ما بقت عيشه زاتو
لا قادر اتكلم
لا لاقي طاقيتي الحمرا
ينعل ابو اليوم اللمانا زاتو
كان يوم زفت من اولو و مويتو قاطعه .. انا متذكرو
(ثم مرق و رزع الباب وراو لامن رمى الزهرية اتكسرت *)
ــــــــــ
* يلاحظ انه ظريف لامن مشتري ليها زهرية لمن كانت وردة حياتو
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Zomrawi Alweli)
|
زمراوي:
Quote: وبعدين الزول البريد الشكل بكون محتاج لي زول يشاكلو
وعشان تتشاكلي لازم يكون في زول جمبك
وعشان ندي مشروعة التواجد بجمبك لازم تتزوجي واحنا مجربين |
الزواج ده ما شكله دي شبكه,
ياخ انا مابحب الشكل ولا حاجه,
وهراااااااااشه,
أي نعم هسي من هنا لغاية الساعه 12 لازم أتفشي بشكله,
لكن أصلو ما جابت ليها شبكه قدر ده,
نبقي في أسئلة نكير,
الشنو داك وينو؟
وماعارفه شنو داك ما عملتيهو ليييه؟
لا لا لا لا,,
أنا بتشاكل في البورد ده كفايه ...
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
اماني
سلام
وكدي قبل ما نقرر نشاكلك ضروري نعرفك عاوزة ياتو شكل من الشكولات
-شكل مثقافتية
-شكل عنقالة وناس قريعتي راحت زي ناس كلثوم(بنية)
-ولا شكل سياحي حنكوشي
-ولا شكل اسفيري احتقاني
حدد ي نوع الشكلة وتيمي العامل في الية الشكل جاهز موية ونور
ومن حسع شوفي ليك حل جذري
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Nasruddin Al Basheer)
|
Quote: بعدين دي ما حمامة سلام ولاحاجه,
سلام شنو في الشكله دي,
دي أنا دي, ماعارفه أرك وين!!!
.. |
لا كان كده انتي ماعايزة شكلة انتي عايزة موية سكر بي ضم السين
انا سكري زمان لحسوهو والكيس الجواني جلدو بيهو الكراسات والكيس البراني عملوهو مصلاية
لكن بنشوف ليك سكر من اي حته عشان تنزلي وتركي عندنا مش في فنان قال انزل تعال ياحمام شتت ليك سكر
وتاني قال طيري ياقمرية وركي فوق الزنكي احب تاور زاتووو قدامنا عمود تلفون وكهرباء بس انا جني وجن الحمام البرك في العمدان
welcome home
تحياتي
زاتوووو
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: عبدالكريم الامين احمد)
|
عبدالكريم،
هو بالله سميرة حنكشة (شخشيا) بتسخن و نازلة الميدان؟؟؟
أنا كنت فاكراها أعتزلت،،،،
و كمان كنت فاكرة نوع الشكل دة خفيف خفيف،
نوعية،
يا إنتى أوععععك تعاينى لى كدة تانى،
عاملة عيونك زى أنوار ال....،
و يتلفت هيثم لأصحابه،
والله يا جماعة الزولة دى مسيخة مساخة،
عاملة زى طعم الشوكولاتة الأكلتها امبارح دى،،
كلو كلو أبت تتبلع لى!!!!!!
أمانى،
معليش أنسى نصيحتى الفوق دى
و إعتذرى لعبدالكريم حسسسسسه دى،،،،
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: JAD)
|
أهلا يا جاد:
| Quote: تحياتي يا أماني .. لا بأس .. عادي تحصل زنقات زي دي .. بس عاوزة ليها شوية صبر وتروح .. |
شكرا أخ جاد, الله يثبت اليقين,
عارف لو ما عملته كده, كان الخيار التاني اني أمشي البيت أستسلم للزعل,
ودي حركه لايوقه وطويله شديد,
أهو بنحاول نفرق, كتر خير بكري اللمه الناس دي مع بعض,
وكتر خير الناس الجات تازر,
مشكور,,
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: احمد سردوب)
|
أحمد سردوب:
Quote: ينفع يتداخل زول فرحان وما بعرف يشاكل ولا دي الحاجات اللي بتغيظ زاتا
انا مبسوط وشكلو نصيبي من الزهج جالك بالله ابقي عليهو عشرة وما ترجعيهو لي لانو لا تسترد البضاعة بعد خروجها |
لا لا ماينفع,
هسي علييييييييك الله الفرحان ليها شنو؟
لو خليتني أحسب ليك الحاجات البتزهجك, حتفهم حاجه,
بعدين نصيب ناس كتار الليله من الزهج جاني؟
أحسن يجوا يستلموا حاجاتهم بعد ده !!!
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
امانى
ايه رأيك
بقدر ما انا راجعه من العمل تعبانه بقدر ما انا سعيده وفرحانه بالبوست بتاعك ده
والله خفف على الكتير
اسمعى امسكى فى الصلاة على الرسول صلى الله عليه وسلم انشاءالله الزهجه تفك
بعدين انت فى اجمل بقاع العالم وجنبك التكنولوجيا والرقى والحاجات دى كلها مفروض تكونى فرحانه
ولا يا ربى دى زهجة قرايه او شغل تقيل
كدى عاينى كده وكده وعدى العربات فى الشارع ودى لونها احمر ودى لونها ابيض بتلقى روحك نسيتى الزعل وكان جعتى واشتقتى لملاح تقليه كارب لكن ما ضفادع اكلى بالهنا
ماتشاكلينى ياخ
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
Quote:
بعدين نصيب ناس كتار الليله من الزهج جاني؟
أحسن يجوا يستلموا حاجاتهم بعد ده !!! |
اولا انا عملت ليك تنازل عن نصيبي راجعي المحامي بتاعك . وزي ما قلت ليك البضاعة بعد خروجها من القلب اقصد الدكان لا ترد
بعدين الفرحان ليها لو قلتها ليك وانتي في مودك دة احسن تحسديني ممكن تجيلي بعد تصفي وتروقي وتوزعي زهج الباقين وتستهلكي زهجي ما يفضل حاجة منو
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: Amany Elamin)
|
Quote: بعدين ما جابت ليها مصارعه,
شكل البنات ما بتعرفه؟؟؟ |
| Quote: ياخ فيه دوائر دوائر كده بتقعد تعملهم طق طق طق كده |
| Quote: عامله ضرسك الكبير ده |
| Quote: (يوجد رفع اصابع و خبت تربيزه ) |
| Quote: بس اسمك ده بذكرني بسلاح الأسلحة.. |
-----------------------
يوجد إعجاب
| |
|
|
|
|
|
|
|
|
|
Re: أي زول عنده مزاج يتشاكل يجيني هنا !!!!! (Re: rosemen osman)
|
انت يا أماني
عامله نص صورة تقصدي انه المراة نصف الرجل ؟
دي طعنه لكل المكاسب الجندرية
و طعنه مميته خاصة لكل الاخوات الفاضلات بالبورد
و بعد كل هذا التراكم النضالي و المكتسبات
الثورية التي حققتها المراة علي مر العصور و الاجيال
تجي يا اماني الامين تقولي رمزا وفعلا إن المرأة = نصف الرجل
غايتو كان ما جو اخدن حقهن يكون كلامك صاح
| |
|
|
|
|
|
|
| |
Abureesh
ناهد بشير الطيب
الشامي الحبر عبدالوهاب
محمد عبد الماجد الصايم
محمد كابيلا
Zomrawi Alweli
osman righeem
Dalal Ezzaldin
abas
معروف حمدين
حمور زيادة
ahmed haneen
محمد أبوالعزائم أبوالريش
Hololy
omer osman
ALZOLZATOO
نزار باشري ابراهيم
عبدالكريم الامين احمد
Nasruddin Al Basheer
WAD ELGAALI#4
د.محمد حسن
معتصم دفع الله
JAD
احمد سردوب
محجوب البيلي
عبدالله كع
عزام حسن فرح
Yassir Tayfour
rosemen osman
فيس بوك
تويتر
انستقرام
يوتيوب
بنتيريست