|
|
|
 Re: Salamat (Re: Amany Elamin)
|
مرحبا بالأبنة أماني الأمين في رحاب
سودانيز اون لاين إضافة جديدة لبورداب
الصين علي قلتهم وشح مشاركاتهم بعد
اختفاء قلم الحكيمة الأخت دوما وننتهز
هذه السانحة لنناشدها بالعودة استجابة
لنداءات عشاق قلمها ونقول لها "المنبر
بعدك أصبح خلاء"
يحيي
| |
 
|
|
|
|
|
|
|
|
Re: Salamat (Re: Amany Elamin)
|
مرحبتين با امانى
عليكى بالآتى
1- حبتين للطمام
1- تربطى عيونك وتطلعى الفى بطنك
2- وتقولى البيرضيك
بس بأكد عليكى حبتين الطمام
هشام
| |
|
|
|
|
|
|
|
|
|
Re: Salamat (Re: Amany Elamin)
|
Amany
I didnot rely or state my quiry because of certain circustances or someone said so and so.....
I have no single doubt you are KOZAH
I think no need to cover your political affilation???
secondly, this web side full of all walks of colors
and welcome again
????????
| |
|
|
|
|
|
|
|
|
|
1 (Re: Amany Elamin)
|
Quote: الأخ دينق:
والله أنا مما شفت الرد حقك القعده غالباني,
غايتو قمت وقعدت كم مره, ومشيت أشتغلت شويه وعملت حاجات كتيره خلاص..
يعني أنا لو قايلاك شخصيا كده بترحب بي, كان غلبني أكتب البوست ده ذاتو..
المهم عندنا كلام كتير لقدام..
أحترامي,, |
أماني.
واضح أنك مكونة فكرة معينة, طيب خلينا نمشي لقدام علشان نعرف الفكرة دي شنو بالضبط وما نسبق الاحداث.
دينق
| |
|
|
|
|
|
|
|
|
|
1 (Re: Amany Elamin)
|
Quote: أهلا أهلا:
شول اشوانق دينق
حبيب الكل شخصيا,
لما بقرأ ليك,
روحك الطيبه والتسامح اللي أنت قاعد توزعه علي الناس هنا,
بيخلوني أقول يارب لو في بس 10 زي شول ده في جنوب سوداننا الحبيب,
حنكون دايما مع بعض حاجه واحده,
لكن عارف يا شول, في,, كتاااار أنا بعرفهم,, كلهم طيبه وتسامح,
عشان كده حقو نتفائل أنهم يغلبوا الناس اللي عايزين يفصلوا جنوبنا عن الشمال,
من جوه أو من بره,
تحياتي وأحترامي,, |
هههههه
أماني.
ده كلام شنو ده?
أنتي لسه جديدة وأنا بديك حسن الظن The benefits of the doubts
كده راجعي كلامك ده كويس وشوفي الغلط فيهو وين
دينق
(عدل بواسطة Deng on 01-29-2009, 07:57 AM)
| |
|
|
|
|
|
|
|
|
|
Re: 1 (Re: Deng)
|
الأخ دينق:
يامرحبا,,
أبدا والله بس أنا بخاف من أمتحاناتك دي,
ناس راجعي ورقتك, وشوفي أنتي غلطتي وين,,
المهم أنا قصدي أنه الأخ شول علاقاته طيبه وبينشر في المحبه..
وفي رائي المتواضع أنه التسامح والمحبه هم المطلوبين,
وهم موجودين أصلا في أغلب الحالات,
ولو قريت تحت شويه حتلقي انه قلت انه في كتاااار وأنا بعرفهم,,
حكاية في 10 وفي 15 فهي لازمه تقال للشخص علي سبيل الأطراء,
يعني أي زول رائع في أي مكان بيقولو ليه لو في 10 زيك يا سلاااام, وكده,,
المهم لو الكلام فيه خطأ أو زعلك,,
اسفين يا سيدي, وخليك دائما في حسن الظن,,,
أحترامي
| |
|
|
|
|
|
|
|
|
|
عضوه جديده, خايفه من الكتابه !!! (Re: Amany Elamin)
|
أمانى الامين
آسف للخلط بينك وأمانى أمين المقصودة ..والصدفة وحدها عى ال خلقت تشابه الاسماء .. ايضا أمانى امين مقيمة فى الصبن منذ فترة .. فاتخيلت انها هى ..شوفى السودانيين بقوا كتار فى الصين لدرجة تشابه الاسماء .. عموما صاحبتنا أمانى أمين فى الصين ولو انتى هناك فتشى عنها واعرفيها وهى انسانة اكثر من رائعة وجديرة بالعرفة .. ومنها تدينا خبرها المقطوع عننا من زمن .
شكرا وبعتذر تانى للخلط فى الأسماء
| |
|
|
|
|
|
|
|
|
|
عوسي عواستك بت امي... (Re: Amany Elamin)
|
اماني الف مرحب بيك ياحبيبة
وكوني انتي..لاغير
انحنا لينا قرابة الست سنين ولسه جداد...يعني مافي حاجة اسمها برالمة وسناير هنا...حسب رأيي الشخصي.
مرحب بيك.
| |
|
|
|
|
|
|
|
|
|
عضوه جديده, خايفه من الكتابه (Re: Amany Elamin)
|
الاخت أمانى
مرحبتين حبابك
الشباب ماقصروا معاكى فى تقديم النصائح . مدام أنتى متابعه عارفه الحاصل شنو .
أكتبى بحريه تامة والناس حره فى التعليق ما دام الاراء مطروحه للكل . كما ترين
هدا المنبر للونسه والاجماعيات والمجاملات المواضيع الجاده قليله وروادها قليلين
ومرات تكون فيها كتاحه.
عليك بنصيحة الدكتوره الشله أم شىء .
| |
|
|
|
|
|
|
|
|
|
Re: عضوه جديده, خايفه من الكتابه (Re: آسيا)
|
العزيزة أماني
عدت الآن فقط لمتابعة هذا الخيط ,
وددت أن اتقدم باعتذاري كون السؤال عن الصين جاب ليك المشاكل والشبك دي ...
يعني كان ممكن أرسل ليك في ال e-mail وخلاص , لكن طبعا انا ما اتخيلت القصة ح تجر كدا ...
عموما أكرر ترحيبي بأماني الأمين التي لا علاقة لها بأماني أمين ولا بتخصص الدراسة المشار اليه .
.
| |
|
|
|
|
|
|
|
|
|
Re: عضوه جديده, خايفه من الكتابه (Re: آسيا)
|
الأخت اسيا
والله متابعه لكن طبعا من بره ما زي من جوه
من ما دخلت رجلي بقيت أتلفت,,
زمان بقرأ وبطلع بالمضمون أو الخلاصه
لكن هسي جنس تدقيق
الكلام ده صعب شديد وحياتك
مودتي ومشكوره
| |
|
|
|
|
|
|
|
|
|
عضوة جديدة .. خايفة من الكتابة (Re: Amany Elamin)
|
و منو ال قال ليكم أمانى أمين ال قاصدها أنا ( كوزة ) بغض النظر عن اتجاهها يكفى انها كانت من شرفاء المقاطعة بالجامعة وضيعت سنة ريبيت من أجل قضية طلابية عادلة حول تصفية السكن والاعاشة وقاومت فى ظل قبضة السلطة الحديدية .. دة العرفتو من مزاملتها زمااان فى الجامعة.
ومعليش يا أمانى الأمين لو جبت ليل الهوا
| |
|
|
|
|
|
|
|
|
|
Re: عضوة جديدة .. خايفة من الكتابة (Re: سمير شيخ ادريس)
|
الأخ سمير:
مداخلتك تلتها مداخلة الأخ El hadi A.bashir
وقد قمت بالربط بين المداخلتين
لأنه قام بذكر جامعة الخرطوم ايضا
شعرت كأنه استقي المعلومه من كلامك
خصوصا انه لا بعرفني ولا بعرفه
ولكن بعد توضيح الأمور واعتذارك
زي ما قلت ليك
كأنه ما في حاجه حصلت
بشكر د. وليد لعودته بما هو كفيل بفض هذا التشابه في الأسماء
عادي يا دكتور وليد مشكور,,
| |
|
|
|
|
|
|
|
|
|
Re: عضوة جديدة .. خايفة من الكتابة (Re: Amany Elamin)
|
Quote: الأخ دينق:
يامرحبا,,
أبدا والله بس أنا بخاف من أمتحاناتك دي,
ناس راجعي ورقتك, وشوفي أنتي غلطتي وين,,
المهم أنا قصدي أنه الأخ شول علاقاته طيبه وبينشر في المحبه..
وفي رائي المتواضع أنه التسامح والمحبه هم المطلوبين,
وهم موجودين أصلا في أغلب الحالات,
ولو قريت تحت شويه حتلقي انه قلت انه في كتاااار وأنا بعرفهم,,
حكاية في 10 وفي 15 فهي لازمه تقال للشخص علي سبيل الأطراء,
يعني أي زول رائع في أي مكان بيقولو ليه لو في 10 زيك يا سلاااام, وكده,,
المهم لو الكلام فيه خطأ أو زعلك,,
اسفين يا سيدي, وخليك دائما في حسن الظن,,,
أحترامي |
الاخت أماني.
أنتي كتبتي"لو في بس 10 زي شول ده في جنوب سوداننا الحبيب,
حنكون دايما مع بعض حاجه واحده"
كأنك هنا توحين بأن سبب المشكلة في السودان هم أهل الجنوب. كلامك ده واضح جدا يا اماني ولا يوجد له تفسير أخر رغم مبراراتك التي كتبتيها. عندما اعطيتك حسن ظني بك كنت اتوقع منك أن تتداركي ما كتبتيه ولكنك لم تفعلي ذلك
دينق
| |
|
|
|
|
|
|
|
|
|
Re: عضوة جديدة .. خايفة من الكتابة (Re: Amany Elamin)
|
الأخت : أماني الأمين
عارفة! أنا أكتر حاجة بكرها في الأيام شنو؟ أيام الأعياد والمناسبات عموماً، لأننا بنقى فيها زيّ الببغاوات بنعيد ونكرر نفس الكلام: "كل سنة وانت طيب .. وانت الصحة والسلام" أو كمان "البركة فيكم ... البركة في دين محمد" ورغم أهمية العزاءات والمناسبات السعيدة في حياتنا باعتبارها واحدة من نتاج تفاعلنا الطبيعي كبني آدمين؛ إلاّ إنو الكلام المكرر ببقى مسيخ!
حسي مناسبة الكلام ده شنو؟ إنو بجي أنا أقول ليك "مرحب بيكِ" وحتردي عليّ "تسلم وأشكرك على الترحيب" وحيفضل الكلام ده مدوّر لمن تزهجي زاتو. "أنا شخصياً بزهج من الكلام ده.
خلاص القول: أخير تبقي كوزة ولا شيوعية وعندك مبدأ ورأي واضح، بدل ما تكون كوزة ولا شيوعية، وخايفة من الإفصاح عن ماهيتك دي، قناعات الزول يا أماني (أياً كانت) ما المفروض حاجة تخجّل، ولو الزول بيخجل من قناعاتو، يبقى أخير ليهو راجعا لأنها أكيد ما بتمثلوا أبداً.
وزيّ ما في شابات وشباب قالوا ليك قبال كدة (شوتي ساي)، فأنا كمان بقول ليك نفس الكلام (أها شفتي الكلام المكرر ده كيف!) وما تهتمي لرأي أيّ زول، المهم تكوني إنت مقتنعة بالكلام ده زاتو، والأهم من ده إنو تكون عندك القدرة تدافعي عن قناعاتك، لأنو (كافي البلا) المكان ده فيهو ناس بيبلّعوك الكلام في خشمك، لمن تتوهمي زاتو.
حبابك يا زولة
| |
|
|
|
|
|
|
| |
يحيي مصطفي
هشام كمال
خالد سمارة
El hadi A.bashir
Deng
سمير شيخ ادريس
العوض المسلمي
عبدالوهاب علي الحاج
Muna Khugali
سارة علي
عبد المنعم سيد احمد
Dalal Ezzaldin
باسط المكي
هشام آدم
Tragie Mustafa
فيس بوك
تويتر
انستقرام
يوتيوب
بنتيريست