كتب الكاتب الفاتح جبرا المتوفرة بمعرض الدوحة
|
|
 كيف يمكن أن تساعد هؤلاء الأطفال (Re: naeem ali)
|
كيف ممكن نساعد؟؟!
سؤال شاغل بال ناس كتار...
وما لاقين ليهو إجابة...
في الداير يساعد بروحو وزمنو أو بقروشو أو بمعارفو...
وفي البتعاطف بس معاك وما بقدر يقدم ليييك أي حاجة...
وكل القلناهم ديل إحنا محتاجين ليهم وأهم حاجة إنو مافي زول يقلل من قدر مساهمتو لأنو أي حاجة بتعنى كتير للأطفال وأهلم....
| |
 
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
كــيــــــــف نرسُم بسمة على وُشوشُم؟؟!!
تعالوا وشاركونا في اليوم الترفيهي الشهري الإحنا قاعدين نسويهو ليهم يوم السبت الأخير من كل شهر...
أو تعالوا العنبر براكم في أي وكت بعد الساعة 12 وإستأذنوا الدكتور القاعد..
السراير الفي عنبر 12 سرير، جيبوا على عددم هدايا...
ما عندكم حتى واحد جنيه حق الهدية، يا أخوانا ولا تزعلوا روحكم..
شيلوا ليكم جونتيات بلاستيك طبية من مكتب السسترات و أنفخوها.. وأمشوا ألعبوا معاعهم...
والله سؤالكم عن أحوالم ولعبكم معاهم...
عندهم بساوي أكتر من مليون جنيه...
بتعرفوا ترسموا تعالوا علموهم لينا كيف يرسموا ويلونوا حياتم..
وما تشيلوا هم المواد إحنا بنتشايل ونوفرا ليكم...
تقدروا تعلموهم أي حاجة.. طيب راجين شنو..
هم في إنتظاركم...
وكدا ممكن تساعدوا..
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
ــيــــــــف نرسُم بسمة على وُشوشُم؟؟!!
تعالوا وشاركونا في اليوم الترفيهي الشهري الإحنا قاعدين نسويهو ليهم يوم السبت الأخير من كل شهر...
أو تعالوا العنبر براكم في أي وكت بعد الساعة 12 وإستأذنوا الدكتور القاعد..
السراير الفي عنبر 12 سرير، جيبوا على عددم هدايا...
ما عندكم حتى واحد جنيه حق الهدية، يا أخوانا ولا تزعلوا روحكم..
شيلوا ليكم جونتيات بلاستيك طبية من مكتب السسترات و أنفخوها.. وأمشوا ألعبوا معاعهم...
والله سؤالكم عن أحوالم ولعبكم معاهم...
عندهم بساوي أكتر من مليون جنيه...
بتعرفوا ترسموا تعالوا علموهم لينا كيف يرسموا ويلونوا حياتم..
وما تشيلوا هم المواد إحنا بنتشايل ونوفرا ليكم...
تقدروا تعلموهم أي حاجة.. طيب راجين شنو..
هم في إنتظاركم...
وكدا ممكن تساعدوا..
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
كيف نوفر ليهم الدوا ؟؟
مجموعتنا بتتعامل مع 4 صيدليات عشان مافي طفل يتحرم من علاجو ولا يتأخر يوم عن جرعتو ولا عمليتو تتأجل:
1- صيدلية المركز (الذرة) الشعبية (ش القصر).
2 - صيدلية مركز فضيل الطبي (ش الحوادث).
3- صيدلية الشهيدة د. سلمى (ش السيد عبدالرحمن).
4- صيدلية العمارات (ش محمد نجيب).
أمشوا وأسألوا من حسابنا (مجموعة متطوعي مستشفى الذرة) وأدفعوا البتقدرو عليه، أو شوفوا لينا شركة أدوية وجيبوا لينا منهم عينات مجانية لأي أدوية أطفال من المضادات حيوية لغاية البندول الشراب...
حسابنا الرئيسي مع صيدلية الشهيدة د. سلمى وحساب الصيدلية في البنك السعودي السوداني ممكن تحول القروش طوالي على حساب الصيدلية وبس ورينا برسالة أو تلفون المبلغ الحولتو كم وإحنا بنوريهم..
وكدا ممكن تساعدوا..
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
كيف نوفر ليهم نفقات الفحوصات؟؟
الأطفال دايماً في حوجة للفحوصات، منها تحاليل للدم أو صور أشعة وتحاليل أنسجة مريضة ومع إنو المستشفى بتعملا مجاناً لكن في فحوصات ما متوفرة هناك...
إحنا بنعملا ليهم في:
1- مركز زين للتحاليل الطبية.
2- مركز الخرطوم التشخيصي المتطور.
3- مركز فضيل الطبي.
4- مستشفى سوبا الجامعي التعليمي.
5- المعمل القومي المركزي (إستاك).
قدرنا نلقى فرص مجانية شهرية منهم لكن برضو ما كفاية لو بتعرفوا ليكم معمل أو مركز بتاع أشعة كلمو خليهو يدي كم فرصة مجانية أو تخفيض للأطفال، أو أمشوا وشوفوا حسابنا كم مع الناس ديلا وأدفعوا البتقدرو عليهو...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
كيف نحل مشاكل السفر في المشية والجية؟؟
معظم الأطفال العيانين أسرم ما من الخرطوم وجايين من بعيد ومرات كتيرة ما بكون عندهم حق السفر وبفوتو الجرعات وحتى إذا وصلو الخرطوم بنقطعوا وما بكون عندهم حق الرجعة...
لو بتعرفوا زول بتاع شركة سفريات أو ترحيلات ممكن تشوفوا لينا يوفر لينا تذاكر سفر مجانية أو بتخفيض.
نسقوا لينا معاهو، على الأقل ممكن يعمل لينا حساب معاهو ونحنا نحاسبو آخر الشهر عشان مافي أسرة تتأخر على جرعتا أو في الرجعة...
لأنو دي واحدة من الأسباب الأساسية البتخلي الأسر تبطل تجي للعلاج...
وكدا ممكن تساعدوا...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
حــــوجـــة القــســــــــــم
القسم عندو إحتياجات شبه يومية وأسبوعية وحاجات تانية كتيرة..
أجهزة ومعدات.. حاجات خاصة بالأطفال وبس للأطفال..
و محتاج صيانة أول بأول للحمامات والمكيفات والأنوار ...
إدارة المركز بتوفر جزو كتير من الحاجات دي ولكن ما كلها وفي حاجات مرات بتتأخر وروتين الحكومة كلنا عارفنو..
لو بتعرف ليك شركة معدات طبية ممكن تدينا أجهزة ومعدات مجاناً أو بتخفيض دا كتير بساعد..
لو بتعرف ليك مغلق أو شركة هندسية أو ناس فنيين ممكن يعملوا لينا حاجة من الحاجات دي...
ولو كنت إنت زاتك أكيد ممكن تساعد...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
ما عندكم وكت لي دا كلو أو إنتو بعاد!!!
أها قدرنا نقنعكم إنو إحنا بنقدم خدمة حقيقية لأطفالنا المساكين ديلا...
وحسيتو إنكم دايرين تساعدوا الأطفال ديلا بالجد...
أكيد واضح إنو الخدمات دي كلها محتاجة قروش...
وإحنا شباب متطوعين وما مسجلين رسمياً وما عندنا حساب في البنك وما عندنا مقر، حسابنا جيوبنا ومقرنا مستشفى الذرة...
وفي جزو كبير منكم ما عندو وكت يجي يشارك في النشاطات دي...
وفي جزو بعاد برة الخرطوم وإحتمال يكونو برة السودان...
لو عندكم ثقة فينا، لموا ليكم قروش شهرية أو كل فترة رسلوها لينا عن طريق قسم الأطفال في المركز، تعالوا قابلوا الطبيب المناوب وإعتبروها وصلت لينا...
أو إتصلوا علينا وإحنا ممكن نجيكم، تعالوا علينا خطوة وإحنا بنجيكم جارين...
لو إنتو برا الخرطوم أو السودان، أكيد عندكم أخوكم/ قريبكم أو صاحبكم المهم زول إنتو بتثقوا فيهو، خلوهو يجي المركز ويشوف ويسأل وأكيد حيقتنع وحيقنعكم.. إحنا واثقين من البنعمل فيهو...
حولوا ليهو القروش وخليهو يصلنا وإحنا بنوريهو يوديها وين...
ما عندكم زول مافي أي مشكلة أضرب لينا وإحنا بنوريك...
ممكن تجو مستشفى الذرة في شارع القصر قصاد كلية الطب جامعة الخرطوم.. أسألوا ناس الإستقبال من قسم الأطفال.. زوروا القسم وأسألوا مننا.. إحنا طوالي هناك...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
تخيلوا كمية الإتصالات التي وردتنا نحن وإخوتنا في تداعي
ناس تحول في رصيد
وناس جاتنا في اليوم الترفيهي
وأحلى خبر
تكفل جهة حكومية بنفقات العملية
لمحمد وليلي
خارج السودان
والله يكضب الشينة وما يطلع كلامم ونسة
غاينو الإجراءات ماشة
وبحبك يا وطني
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
حــــوجـــة القــســــــــــم
القسم عندو إحتياجات شبه يومية وأسبوعية وحاجات تانية كتيرة..
أجهزة ومعدات.. حاجات خاصة بالأطفال وبس للأطفال..
و محتاج صيانة أول بأول للحمامات والمكيفات والأنوار ...
إدارة المركز بتوفر جزو كتير من الحاجات دي ولكن ما كلها وفي حاجات مرات بتتأخر وروتين الحكومة كلنا عارفنو..
لو بتعرف ليك شركة معدات طبية ممكن تدينا أجهزة ومعدات مجاناً أو بتخفيض دا كتير بساعد..
لو بتعرف ليك مغلق أو شركة هندسية أو ناس فنيين ممكن يعملوا لينا حاجة من الحاجات دي...
ولو كنت إنت زاتك أكيد ممكن تساعد...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
ما عندكم وكت لي دا كلو أو إنتو بعاد
أها قدرنا نقنعكم إنو إحنا بنقدم خدمة حقيقية لأطفالنا المساكين ديلا...
وحسيتو إنكم دايرين تساعدوا الأطفال ديلا بالجد...
أكيد واضح إنو الخدمات دي كلها محتاجة قروش...
وإحنا شباب متطوعين وما مسجلين رسمياً وما عندنا حساب في البنك وما عندنا مقر، حسابنا جيوبنا ومقرنا مستشفى الذرة...
وفي جزو كبير منكم ما عندو وكت يجي يشارك في النشاطات دي...
وفي جزو بعاد برة الخرطوم وإحتمال يكونو برة السودان...
لو عندكم ثقة فينا، لموا ليكم قروش شهرية أو كل فترة رسلوها لينا عن طريق قسم الأطفال في المركز، تعالوا قابلوا الطبيب المناوب وإعتبروها وصلت لينا...
أو إتصلوا علينا وإحنا ممكن نجيكم، تعالوا علينا خطوة وإحنا بنجيكم جارين...
لو إنتو برا الخرطوم أو السودان، أكيد عندكم أخوكم/ قريبكم أو صاحبكم المهم زول إنتو بتثقوا فيهو، خلوهو يجي المركز ويشوف ويسأل وأكيد حيقتنع وحيقنعكم.. إحنا واثقين من البنعمل فيهو...
حولوا ليهو القروش وخليهو يصلنا وإحنا بنوريهو يوديها وين...
ما عندكم زول مافي أي مشكلة أضرب لينا وإحنا بنوريك...
ممكن تجو مستشفى الذرة في شارع القصر قصاد كلية الطب جامعة الخرطوم.. أسألوا ناس الإستقبال من قسم الأطفال.. زوروا القسم وأسألوا مننا.. إحنا طوالي هناك...
إحنا مجرد واسطة خير بنوريكم الدرب سكتو من وين ممكن تبدوها...
وبنسندكم خطوة خطوة لمن تعرفوا السكة براكم...
وبعد داك الخيار متروك ليكم...
يا إم نواصل سوا أو تتابعوا السكة براكم...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
كيف نوفر ليهم نفقات الفحوصات؟؟
الأطفال دايماً في حوجة للفحوصات، منها تحاليل للدم أو صور أشعة وتحاليل أنسجة مريضة ومع إنو المستشفى بتعملا مجاناً لكن في فحوصات ما متوفرة هناك...
إحنا بنعملا ليهم في:
1- مركز زين للتحاليل الطبية.
2- مركز الخرطوم التشخيصي المتطور.
3- مركز فضيل الطبي.
4- مستشفى سوبا الجامعي التعليمي.
5- المعمل القومي المركزي (إستاك).
قدرنا نلقى فرص مجانية شهرية منهم لكن برضو ما كفاية لو بتعرفوا ليكم معمل أو مركز بتاع أشعة كلمو خليهو يدي كم فرصة مجانية أو تخفيض للأطفال، أو أمشوا وشوفوا حسابنا كم مع الناس ديلا وأدفعوا البتقدرو عليهو...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
Quote: ما عندكم وكت لي دا كلو أو إنتو بعاد
أها قدرنا نقنعكم إنو إحنا بنقدم خدمة حقيقية لأطفالنا المساكين ديلا...
وحسيتو إنكم دايرين تساعدوا الأطفال ديلا بالجد...
أكيد واضح إنو الخدمات دي كلها محتاجة قروش...
وإحنا شباب متطوعين وما مسجلين رسمياً وما عندنا حساب في البنك وما عندنا مقر، حسابنا جيوبنا ومقرنا مستشفى الذرة...
وفي جزو كبير منكم ما عندو وكت يجي يشارك في النشاطات دي...
وفي جزو بعاد برة الخرطوم وإحتمال يكونو برة السودان...
لو عندكم ثقة فينا، لموا ليكم قروش شهرية أو كل فترة رسلوها لينا عن طريق قسم الأطفال في المركز، تعالوا قابلوا الطبيب المناوب وإعتبروها وصلت لينا...
أو إتصلوا علينا وإحنا ممكن نجيكم، تعالوا علينا خطوة وإحنا بنجيكم جارين...
لو إنتو برا الخرطوم أو السودان، أكيد عندكم أخوكم/ قريبكم أو صاحبكم المهم زول إنتو بتثقوا فيهو، خلوهو يجي المركز ويشوف ويسأل وأكيد حيقتنع وحيقنعكم.. إحنا واثقين من البنعمل فيهو...
حولوا ليهو القروش وخليهو يصلنا وإحنا بنوريهو يوديها وين...
ما عندكم زول مافي أي مشكلة أضرب لينا وإحنا بنوريك...
ممكن تجو مستشفى الذرة في شارع القصر قصاد كلية الطب جامعة الخرطوم.. أسألوا ناس الإستقبال من قسم الأطفال.. زوروا القسم وأسألوا مننا.. إحنا طوالي هناك...
إحنا مجرد واسطة خير بنوريكم الدرب سكتو من وين ممكن تبدوها...
وبنسندكم خطوة خطوة لمن تعرفوا السكة براكم...
وبعد داك الخيار متروك ليكم...
يا إم نواصل سوا أو تتابعوا السكة براكم... |
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
كيف نحل مشاكل السفر في المشية والجية؟؟
معظم الأطفال العيانين أسرم ما من الخرطوم وجايين من بعيد ومرات كتيرة ما بكون عندهم حق السفر وبفوتو الجرعات وحتى إذا وصلو الخرطوم بنقطعوا وما بكون عندهم حق الرجعة...
لو بتعرفوا زول بتاع شركة سفريات أو ترحيلات ممكن تشوفوا لينا يوفر لينا تذاكر سفر مجانية أو بتخفيض.
نسقوا لينا معاهو، على الأقل ممكن يعمل لينا حساب معاهو ونحنا نحاسبو آخر الشهر عشان مافي أسرة تتأخر على جرعتا أو في الرجعة...
لأنو دي واحدة من الأسباب الأساسية البتخلي الأسر تبطل تجي للعلاج...
وكدا ممكن تساعدوا...
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
Quote: كيف نحل مشاكل السفر في المشية والجية؟؟
معظم الأطفال العيانين أسرم ما من الخرطوم وجايين من بعيد ومرات كتيرة ما بكون عندهم حق السفر وبفوتو الجرعات وحتى إذا وصلو الخرطوم بنقطعوا وما بكون عندهم حق الرجعة...
لو بتعرفوا زول بتاع شركة سفريات أو ترحيلات ممكن تشوفوا لينا يوفر لينا تذاكر سفر مجانية أو بتخفيض.
نسقوا لينا معاهو، على الأقل ممكن يعمل لينا حساب معاهو ونحنا نحاسبو آخر الشهر عشان مافي أسرة تتأخر على جرعتا أو في الرجعة...
لأنو دي واحدة من الأسباب الأساسية البتخلي الأسر تبطل تجي للعلاج...
وكدا ممكن تساعدوا...
|
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
سلام للكل
غداً الجمعة سيكون أعضاء المجموعة على الهواء مباشرة عبر إذاعتي الإف إم
100
برنامج: أكيد في أمل
من الساعة 5 إلى 6 مساءً
89
برنامج: صحتك الساعة
5:30 إلى 7 مساءً
عن سرطان الأطفال وعمل المجموعةً
وأكيد بكرة أحلى
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
قرأتُ يوماً : " الانتصارات الباقية هي التي تحقّق في القلب ، و ليس على هذه الأرض أو تلك " ..
و أنا انتصرتُ لذاتي يوم أن أدركتُ أن معنًى للحياة يمكن أن يتحقّق في القلب مهما عتت رياح الخوف و اليأس و الغدر خارجاً ..
انتصرتُ لذاتي بينكم .. و على حدود ابتساماتكم .. تعلمتُ معنى أن تأخذ حين تعطي .. حتى حين لا تتجاوز عطاءاتنا ظلال الضحكة الصادقة .. و الدعوة الخاشعة .. و مقاومة الدمع لأنّ غداً سيزهر بكم و لكم بإذنِ الله ..
شكراً صغاري ..شكراً لأنني انتصرتُ بكم على لحظات سخطي .. على ضبابية الحياة في عينيّ ..على مواسم ضياعي .. على خوفي ..على محدوديّة أحلامي .. و لا زلتُ أحارب بكم .. و يقيني أنّ أعينكم الصغيرة النقيّة تحمل لي نصراً قادم..
أنتم من تعطون معنًى لأيامنا .. تحررون من رنين ضحكاتكم طاقة أمل تقتحم أحلامنا فنزداد إيماناً بها و بكم.. و أنتم من تستحقون أن نشعل أحلامنا شموعاً حين ندرك أن لكم في ضوئها بعض حياة ..
صغارُ أنتم .. لكنّ الحلم لا يقاس بالأعمار .. و لن يُحرَم " عليّ " من حقه في أن يصبح ضابطاً ليمسك ب" الحرامية " .. بإذنِ الله ..
و " أمل " ستكبر غداً .. و تصبح ذات شأن .. و تتحقّق نبوءتكِ " هيام " ، و يقول الناس في وطني " أمك ولدت يا أمل " ..
و " تبيان " ستفوق سنوات عمرها بذكائها و مرحها الحبيب .. و ستبقى أنشودتي العذبة دوماً أن أسمعها تغني " روضتنا حلوة " .. و أدفأ ذكريات العمر حين أراها تركض و هي تغني " الفات الفات .. في ذيله .. سبعة لفات " ..
و من غادرونا .. هبوية .. أحمد .. إرَم .. سهير .. عثمان .. و كلّ أحلامنا التي لم تمت حين غادرت .. لكنّها اختارت فينا الخلود .. جميعهم سيبقون جزءاً من نسيج الروح .. و أبقى مدينة لهم دوماً بجميلٍ لا أملك رده .. أليسوا من منحوا الحياة حياة ؟!
و في عالمكم الذي يضجّ بالصور و الألوان .. و الأوجاع التي تصرّ أن تجد لها في الأعين الآمنة المطمئنة موطناً.. انتصرتم بالضحكات و الأحلام على قسوة المحاليل الوريدية و الإبر .. و حققتُ أنا بينكم نصراً باقٍ بإذنِ الله ..
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
هو مقال جميل إختطته إخيتنا ثويبة
تلكم الطالبة المجتهدة من أرض العراقة
جامعة الخرطوم
تجدها دائماً أمام الصفوف
متقدمة بني جيلها وأجيال سبقوها بالعمر وسبقتهم هي بالعمل
طوبى لها
أردت جميعاً أحبتي أن تشاركوني متعة القراءة لها
تحدثت فيه عن نفسها
فكانت كأنها تعبر عنا كلنا
لذا إخترت العنوان
إحساس غريب إنتابني وأنا أقرأ كليماتها
فالأحرف درسناها كلنا في مراحلنا الأولية من الدراسة
والكلمات مرت علينا كلها
ولكن الجديد والمدهش
ترتيبها للأحرف
لتصير كلمات
طوعتها في جمل وتراكيب
تعطيك إحساس كاتب مرهف الحس متمرس في فن الكتابة
ألفاظ بسيطة ولكنها جزلة المعاني
تجيش بالعاطفة الصادقة
طوبى لك أخيتي
فبك يبتدأ المبتدأ
وعندك ينتهي الخبر
وعباراتك لعمري هي جواب الشرط لصفة الإنسانية
وبمشاعرك الحنينة يكون الوصل بين معايشة الواقع وترجمة الدواخل
لك التحية ولك ما بعدها
لك الود أوله وآخره
ولك الإحترام أكمله وأجله
ولنا ما تبقى من شهقات الدهشة
وآهات الإعجاب
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
Quote:
شكراً صغاري ..شكراً لأنني انتصرتُ بكم على لحظات سخطي .. على ضبابية الحياة في عينيّ ..على مواسم ضياعي .. على خوفي ..على محدوديّة أحلامي .. و لا زلتُ أحارب بكم .. و يقيني أنّ أعينكم الصغيرة النقيّة تحمل لي نصراً قادم.. |
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
Quote: والله يالنعيم
شلت حسي عديل كدا
أها إنشاء الله إستلمت |
اكثر من اربعين توب
ومجموعه من العبايات والطرح
شكرا لكم
كنتوا (الفرح)..
لكم احبكم يا (مجموعة اصدقاء اطفال السرطان) , (مستشفي الزره)..
وافر احتراماتي..
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: naeem ali)
|
تسلم يالنعيم
بحمد الله فقد تم تفعيل النسخة التجريبية لموقع المجموعة الإلكتروني تحت العنوان
www.wegroup.sd
وهي باللغة العربية
+++++++++++++++++++++++++++++++++++++++++++++++++++++++++++++++++++++++++++++++++++++++++
بحمد الله أقامت المجموعة يومها الترفيهي الثاني عشر للأطفال بنادي جامعة الأحفاد اليوم السبت 21/03
وكان الجديد في اليوم أنه تزامن مع عيد الأم
فكان توزيع الهدايا على الأمهات بواسطة الأطفال أنفسهم
وشاركتنا فرقة الكشافة البحرية بمسابقات وألعاب وإنشاد
وكان الحضور الأجمل للشاعر الإنسان محجوب شريف والذي أنشد مع الأطفال بعضاً من قصائده
ومشاركات شعرية من بعض أعضاء المجموعة
وتفاعل فوق الوصف من طالبات جامعة الأحفاد
+++++++++++++++++++++++++++++++++++
إستضافت إذاعة أمدرمان إف إم 100 المجموعة مرة أخرى يوم الجمعة 20/03 في برنامج أكيد في أمل
كما أفردت أسرة برنامج أفتح الباب بإذاعة مانقو 96 مساحة خاصة ومداخلة عبر الهاتف للمجموعة وذلك في حلقة الأمس الجمعة 20/03 بمناسبة مرور سنة على بداية البرنامج
+++++++++++++++++++++++++++++++
إستضافت إذاعتي أمدرمان إف إم 100 والإقتصادية 89
أعضاء من المجموعة يوم الجمعة 13/03
وتم عرض نشاطات المجموعة وكانت بالجد حلقتين رائعتين
++++++++++++++++++++++++++++++++++
تم عمل تحقيق عن المجموعة ونشاطاتها بجريدة الوطن عدد الأربعاء
| |
|
|
|
|
|
|
|
|
|
Re: كيف يمكن أن تساعد هؤلاء الأطفال (Re: intehazy)
|
بحمد الله فقد إبتدأ اليوم
عمليات تشييد إستراحة الإنتظار الخاصة بالعيادة المحولة لقسم الأطفال بمستشفى الذرة
وهي أهم جزء في عملية التوسعة التي ستجرى للقسم
ولذا سيكون قسم الأطفال مفصولاً بالكامل عم باقي المستشفى
وأكيد بكرة أحلى
| |
|
|
|
|
|
|
| |
intehazy
naeem ali
rani
فيس بوك
تويتر
انستقرام
يوتيوب
بنتيريست