كتب الكاتب الفاتح جبرا المتوفرة بمعرض الدوحة
|
Re: مشتاقة لأمدرمان............. (Re: حنين للبلد)
|
حنين الله يرد غربتك انا الان اتمتع بشتاء دافئ في امدرمان , اتسكع في مراتع طفولة مملوؤة بصوت الاقدام وهي تلامس ازقتها الترابية .في حواري ابوروف الضيقة كنا ونحن صغار نعرف الداخلين الى الزقاق ونتبارى في نقرهم من صوت خطواتهم في نهارات امدرمان الساخنة ابان فصل الصيف. زقاقات الموردة وحلويات المغربي , سوق الموردة , وعمك عطا في ابوروف واجار عجلة منه كان حلم يومنا , ولكن حذاري من التاخر . بس ياحنين امدرمان اسة هي امدرمان ؟ لانني في اجازة وفاضي بديت املا وقتي احصائيات من كل عشرة عابرين يلقي عليك ثلاثة فقط التحية. من كل راكبين هايس الا 14 يلقي 2 السلام وهم يهمون بالصعود زمان كنا العابر وما بسلم ننظر اليه شذرا فهو اما غريب او ينوي شرا في الحلة والسلام كان كلمة سر المرور حنين خايف شديد شديد ان نرجع اليها يوما فنعرفها ولا تعرفنا مدرسة المؤتمر , زنكي الخضار ,................... بدات تزول من زاكرتنا
| |
|
|
|
|
|
|
Re: مشتاقة لأمدرمان............. (Re: امادو)
|
Quote: حنين خايف شديد شديد ان نرجع اليها يوما فنعرفها ولا تعرفنا |
امادو
تظل هي امدرمان
لكن كلامك ده حاساه جوووووة لاني فعلا كل مرة ارجع للسودان احس انه الناس اتغيرت، ماعارفة هل العيب فينا ولا فيهم ولا في الزمن، تعرف عشان احافظ على الصورة الجواي قررت انه العيب فينا انحنا البرة ديل، لانه الزمن بمر واحنا دايرين لمن نرجع لي بلدنا نلقى اي شيء زي ماهو وزي ما اختزنته الذاكرة مافي اي شيء اتغير ...لاننا بنحبه كده ودايرينه كدة لاصق في الذاكرة وماثل في الواقع...لكن الحقيقة غير
الحقيقة انه العمر جاري والزمن بيغير بسنواته ودي سنة الحياة التغيير، واكدي كتير جدا من الظروف البمر بيها السودان افرازاته حتنعكس على الناس.
امادو..كلمني عن هواء امدرمان...الهواء لسه مشبع حنين؟؟؟
| |
|
|
|
|
|
|
Re: مشتاقة لأمدرمان............. (Re: حنين للبلد)
|
عارفة يا حنين...
نفسي اجر الخرطوش التحت الشجر دة...
وبنبر الحديد البي الهناك داك....
وهاك يا رش...
يبقو علي اتنين.. ريحة البحر .. وريحة الشجر... اصلو البحر تكلة مني...
يا حليلك يا بيتنا... ويا امدرمان...
| |
|
|
|
|
|
|
Re: مشتاقة لأمدرمان............. (Re: سارة علي)
|
Quote: الأستاذ ده
زي البعرفوا يا بلة,,,,,, |
تصدقى ياحنين
ربنا كان لو وفقنى وبقيت مدرس إبتدائى..
كنت طلبت ينقلونى أمدرمان..
وبالذات حوش ناس عبد الفضيل* وهاك ياكفيت وكل خميس أركب البراق ول الإكسبريس واقضى الويك اند فى شندى.
____________________________ * جزء من إسم الأستاذ.
| |
|
|
|
|
|
|
Re: مشتاقة لأمدرمان............. (Re: حنين للبلد)
|
واحد من عربنا ياحنين قال:
فارقت المسالمة أيام هناى ومروحى وانا فارقت زولن عندو عقلى وروحى معاكى سلامة يا امدرمان عليك وانوحى
جا صاحبو قال ليهو إنت عامل زى ناس بورتسودان..
قال ليهو الشاعر قال فى ناس بورتسودان:
بورسودان بلد لكن عربها رذال يشكروا فى جبيت ماشافو بيت المال
كلك كدا آلمسنوحه حاترجعى للمنبر رونقو وبريقو.
| |
|
|
|
|
|
|
Re: مشتاقة لأمدرمان............. (Re: WadAker)
|
Quote: كل الشوق لامدر .... وشوق خاص للفتيحاب/ ابوسعد ... |
ابوعكر...شكرا للمرور، الغريبة الفتيحاب دي رغم اني مشيتها كتير لكن لسه خارطتها ماواقعة لي تختلف قليلا عن بقية امدرمان
| |
|
|
|
|
|
|
Re: مشتاقة لأمدرمان............. (Re: حنين للبلد)
|
حنين البلد
لك التحية
لآم درمان عبق خاص .حب خاص.شوق خاص..
مازي.......
مافي زول بلحقني انا....
أنا فايتك كنت فيها قبل إسبوعين ومازال يعاودنى الحنين لآم در وازوره...
كل شىء ليهو دوا إلا الشوق لآم درمان..............مودتى.إسماعيل محمد احمد عباس..
| |
|
|
|
|
|
|
|