|
|
 مشتاقة لأمدرمان.............
|
مشتاقة لأمدرمان
شدييييييييييييييييييييييييييييييييييييييييييييييييييييييييييييييييييييييييييييييييييييييييييييييييد...لمن مخنوقة.
|
|
 
|
|
|
|
|
|
|
|
Re: مشتاقة لأمدرمان............. (Re: khaleel)
|
والله ياخليل ...اسه اقعد ابكي ليك...
شعور الشوق للوطن والاهل نص الليل......شعور عجيب...
يااخي حمد الله على السلامة....خليت السودان كيف؟؟؟
لسه الوجوه اللافحاها الشمس البتشبه كلنا....
خليل....
مخنوقة
| |
|
|
|
|
|
|
|
|
|
Re: مشتاقة لأمدرمان............. (Re: Yassir Tayfour)
|
Quote: غايتو جنس دلع بنات!
___
ما جيتي قبل شهرين من هناك؟؟ والمسكينة المعاك دي تقول شنو؟؟ |
ياسر دلع شنو...
يااخي جيت منها شعر 8 يعني قريب لي 6 شعور اضيف ليهم 7 سنة...وبجي زيارة اسبوعين تلاته بسووا شنو...بسووووووا شنو...
المسكينة ديك بكرة حتفرش ...
ياسر والله غالبني...مشتاقة لي لمة اهل في حوش ابوي...احي استغفر الله
| |
|
|
|
|
|
|
|
|
|
Re: مشتاقة لأمدرمان............. (Re: osman righeem)
|
Quote: كلنا مخنوقين لما تفك الخنقه شويه
بسرعة نتخنق تاني
ادمنا الاختناق |
رغيم كيفك???
انت كنت هناك ولا بتهيآ لى ساى??
لانو يوم بيت ناس العوض جات سيرة انك كنت موجود ولا انا ملخبـطة??
دا قدر ماسمح اننا نكون عايشين على الاشواق والوطن يبقى عبارة
عن زكريات..
رغيم سلامى يقشاك وين ماقبلت
| |
|
|
|
|
|
|
|
|
|
Re: مشتاقة لأمدرمان............. (Re: osman righeem)
|
عثمان سلام
لم تنزل ليك أغنية زي دي المفروض و من الزوق و من اللباقة و من الكرم إنك تنزل معاها كود التنزيل
و إلا تكون زول غتيت ساكت
جمال الأغنية و الأداء و كمان تسجيل نضييف شديد
حنين ربنا إرد غربتك و إبل شوقك من أم درمان
| |
|
|
|
|
|
|
|
|
|
Re: مشتاقة لأمدرمان............. (Re: osman righeem)
|
الللللللللللللللللللللله يارغيم
عوقتني شديييييييييد
انا يادوب سمعت الاغنية لانه كمبيوتري بتاع امس سماعاته ماشغالة..
انا اسه الدموع شووووووووووووووووووووووووووووووووووووووووووو
رحم الله ملك الاغنية هاشم ميرغني...
ورحمنا الله...
والله فعلت الأفاعيل يارغيم ....فعلت الاغنية الافاعيل بي..
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
على كدا نحنا في نعمه كبيره وما حاسين ..
ياحنون والله حننتيني لمن فكرت اجيب الكميرا واصور ليك الشوارع
وصفي بس انتي مشتاقه لياتو حته اصورها ليك
ربنا يبل شوقك ياحبيبه ..
اميره حمدلله على السلامه .. شكلك رجعتي
كل سنه وانتي طيبه ويحقق الاماني
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
حنين للبلد... ياسلام عليك .... قلتي حنين لامدرمان... ممكن اشاركك الحنين..... تعرفي مره كده اشتد بي الحنين ورحته فتحت بوست باسم احواش وميادين امدرمان ... الحنين كان مركب من الحنين الزمان والمكان ... شفتي جنس بهدلت الغربه... ربنا يرجعنا جميعا لاهلنا ومن نحب تامين سالمين... معزتي
| |
|
|
|
|
|
|
|
|
|
Re: مشتاقة لأمدرمان............. (Re: خدر)
|
(*)
أمدرمان ...
هل مازالت شوارعها تعبق برائحة جبنة الضهرية ؟؟؟؟؟؟
ويحترم الصغير كبيرها و يغار فتاها على جارته ؟؟؟؟
هل مازال أهلها يتزوجون بعد حب ؟؟
ويموتون بعد أن يملأوون الدنيا ويشغلون الناس ؟؟
هل نساؤها مازلن يعلمن النساء كيف للمرأة أن تكون كما تريد أن تكون ,
لا كما أريد لها أن تكون ،؟؟؟؟
هل مازال مريخها أحمر وهلالها أزرق وشاعرها مجيد؟؟؟؟؟؟ .
يا(حنين)
نقطتك دي الليلة قاتلة
بالله نقطي بعيد عن سيرة (أمدرمان)دي
برانا عاوزين لينا سبب..
| |
|
|
|
|
|
|
|
|
|
Re: مشتاقة لأمدرمان............. (Re: خدر)
|
وريني انت ياخدر
اسوي شنو.....والجرسة اريتها كان بتخفف علي...كان اتجرست من زمان..
لكن حمى الإدكار تعاودني من امس,,,اشتدت واشتد الحنين,,,
اشم هواك بس يا أمدر.....
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
اكتر ما يغيظ سكان الخرطوم حب اهالي امدرمان لامدرمان ..
والله انتو يا ناس امدرمان فاكنها في روحكم سااااي!!!! عبارة يرددها الكثيرون ..
عن نفسي ما قطعت الكبري ده الا للجامعة ولولا الظروف لدرست بجامعة القران الكريم او الاسلامية ولو كنت حنفولي لاخترت التقانة حينها..
امدرمان وما ادراك ما الاحياء الشعبية ..
الموردة وما ادراك ما العباسية ..
الخور وما ادراك ما الفيضان ..
شارع التلفزيون وما ادراك ما المسرح القومي..
السوق الشعبي وما ادراك ما استاد الهلال..
قصر الشباب وما ادراك ما الفنون ..
بانت وما ادراك ما شارع الفيل..
بيت المال وماادراك ما ودرو .
استوب مكي وما ادراك ما شارع البوستة ..
باسطة الطيب سيد مكي وما ادراك ما فاخر الكوتش..
ابروف وما ادراك ما القلعة ..
مدرسة التوفيقية وما ادراك ما الاقباط ..
حي المسالمة وما ادراك ما الغزلان ..
حي العرب وما ادراك ما سوق امدرمان ..
الأزقة نفسها ...خططها مسطول ..وتكمن الروعة في السطلة ..
بيوت الطين .الباب الخشبي ...شجرة اللالوب ..
اصوات تتعالى في الشوارع بين سلامات علوية لي محاسن ومرسال فاطنة لي شافع السرة وضحكات عم عبد الله ..
دار الرياضة وما ادراك ما تسالي عم علي...
الدايات وما ادراك ما مدرسة امدرمان الثانوية بنات ..(اها خلو ده كلللو واقيفو في دي سمح ؟ )
امدرمان ...
امدرمان الانثى التي اعشق ..
| |
|
|
|
|
|
|
|
|
|
Re: مشتاقة لأمدرمان............. (Re: عمر الفاروق)
|
| Quote: امدرمان الانثى التي اعشق .. |
عمر الفاروق
الغريبة بالجد زمان كنت لمن اعبر امدرمان امشي لي الخرطوم بتخنق...اسه عرفت الخنقة الجد جد
طافت الروح وهومت في كل ركن في امدرمان ذكرته في مداخلتك.
بالله انت ود امدرمان....
| |
|
|
|
|
|
|
|
|
|
Re: مشتاقة لأمدرمان............. (Re: Balla Musa)
|
Quote: والله ياحنين
لقيت مداخلة منك بى هناك قررررربت أعمل فيها محمدE سليمان
لكن لقيت موضوع البوست مابستحمل. |
بي وين يابلة....ساعدنا باللنكات الله يرضيك ويعافيك...
قلت لي E
محمد معانا ماتغشانا
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
حنين الفاقده حنان أم درمان
| Quote: ابوحسين ماكان تختصر رحمة للباندوث وتقول أسالونا انحنا اهل العلم |
كان ما متنا شقينا المقابر ..
هاشم ميرغني علم بارز صوت و أداء و كلمات و ألحان و الثنائية مع عزمي أحمد خليل
فنان لو غنى في الحفلة مافي داعي للكراسي و بعد الحفلة الواطة كلها مناديل
و غنى أسائل عنك آذارا رياحيناً و أزهارا
كل أغانيه جميلة و ألحانو جميلة
و غنى حان الزفاف
و الله الما مشوكشين إتمنو الشاكوش علشان إبكوا مع هاشم ميرغني
له الرحمه و المغفرة
تحياتي
| |
|
|
|
|
|
|
|
|
|
Re: مشتاقة لأمدرمان............. (Re: سفيان بشير نابرى)
|
Quote: ده كلام خدر
"شفتو القديس ده صوتو رويان كيف ؟
ربنا يرحمكـ يا هاشم ميرغني "
ياناس سريع نادوا لينا خدر ده
ياخدر ده القديس هاشم
والا عادل مسلم ياخ
جد اتلخبتو عليّ ؟ |
سفيان
الله يغفر ليك...صوت هاشم ميرغني الله يرحمه بتلخبطوا في..
زعلتني على الزعل البي.....كلمني امدرمان كيف يانابري...امدرمان كيفنها,,,,
عليك الله رغيم ده مش بالغ فينا,,
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
قالو الجعره
بعد العبره
بتخفف
قلنا دا ياهو بالنقدر
نساعد فيهو
كان الحكاية هدأت
ممكن نشيل أم در
في أغنية حديثه
بتلف أم درمان موقف موقف
ومحطه محطه من الحره 414
الي مطار الصالحه
ومن كلماتها
( الثوره الثوره
اهي ييا
ورا ورا الصفقه يا)
لكن تبقي أم درمان التي
في الذاكره
وكلنا له أم درمانه
وعلي راي عمتي
الغنا السمح صابون صقر( بالفتح كلها)القلوب
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
((سفيان سلام
دا هاشم ميرغني الله إرحموا و إغفر ليه))
ابو حسين سلامات وشكراً للمعلومة
وفعلاً الصوت بقي لي شبيه لاداء
عادل مسلم وعادل فنان جميل
بس القديس قديس .
((أسأل المشوكشين و المكتولين ... ناس سنة دو بعرفوهو كويس))
طيب سلم لي علي حسين ياخ
محبتي
| |
|
|
|
|
|
|
|
|
|
Re: مشتاقة لأمدرمان............. (Re: تماضر الخنساء حمزه)
|
Quote: والله طوّلتي ديل كده كم مشاط؟؟
حنين..والله البلد كلها واحشاني، |
خلي ياتماضر خلي سااااكت الفيني يلخبط كيان خلي العين والهاء...
على حس المشاط....نفسي في مشطة"السودان قفل" لي وراء...مشطة في بانت..وقدلة في امدرمان...
حافي حالق....
| |
|
|
|
|
|
|
|
|
 Re: مشتاقة لأمدرمان............. (Re: حنين للبلد)
|
حنين وكلكم
ازيكم
تتخيلى يا حنين انا قاعده فى امستردام البارده وابومهند الغتيت دا حسى دى قاعد فى امدرمان الدافئه ديك , مشى وخلانى فى البرد دا وقال شنو ضرب لى حسه قال لى انقرى نحن حسه قاعدين ويين. قلت ليهو ويين قال فى المورده بياكلوا فى سمككككككككككككككككككككك. طوالى قفلت الخط.
اخخخخخخخخ انا من امدر وناس امدر
ربنا يرد غربتنا البلا فايده دى
تحياتى
حليمه العيانه
| |
|
|
|
|
|
|
|
|
|
Re: مشتاقة لأمدرمان............. (Re: Halema2)
|
كر وسلامتك وكفارة ياحليمة من العيا,,,
والله ياحليمه انا البي ماعارفة شنو...بالجد لي تلاته يوم حاسة اني بحتضر من الشوق..
اخر زيارة لي ماقدرت اقعد كتير وضربتني ملاريا مسخت علي الاجازة كلها...وناس انعام وبورداب الخرطوم اظنهم هم الوصلوني للحالة دي...
تاني انتي بس ابومهند ده في طرفه...
| |
|
|
|
|
|
|
|
|
|
Re: مشتاقة لأمدرمان............. (Re: Balla Musa)
|
مالها مداخلتي يابلة عيبها لي
قاتل الله التواضع، على قول محمد اي سليمان انحنا في اللغة دي بروفات لكن تقول شنو
بالمناسبة انا في الاصل مابركز بدمج الدارجي مع الفصحى...لكن لو ركزت والله ياجزولكم
تصدق طرحه للبحث عن وظيفة وقفني واحترمته شديد,,,اخير من يقعد يلعن في الظروف.
| |
|
|
|
|
|
|
|
|
|
Re: مشتاقة لأمدرمان............. (Re: Balla Musa)
|
Quote: حنين
عليك دبنك شوية شوق معاك لشندى
أنا باقى شوال الشوق عندى كمل وآخر حتحات ضرضرتو قبل سنة. |
بلة
شوقنا لي شندي واهلها...
معهد التربية شندي
الخور، حلة تحت ....وحلة فوق
وحلة قريش....
ومهرجانات وكرنفالات
وفي كل خطوة بنلقى شهيد...وكتييييييييييييييييير
شندي قضيت فيها طفولة جميلة
لكن امدرمان.....مااااااااااااااافي زيها مافي...
| |
|
|
|
|
|
|
|
|
|
Re: مشتاقة لأمدرمان............. (Re: محمد عثمان)
|
Quote: خلاص تعالى نتبادل...
حنين..
سلااام
غايتو البلد دى فيها سر عجيب
تقعد فيها تزهج..تمرق منها يوم واحد
تشتاق لبها..
ان شاء الله تعودوا سالمين و تامين...
يديك العاافية... |
يامحمد
دايراها بي زهجتها وبي سخانتها وبي ترابها البعفر وبي كل شيء
دايرة اقالدها.....مشتاقة ليك أمدر...
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
سلامات بطعم الحنين والامل
لم تكذب أمدرمان على أبناءها
عندما قالت بلسان حالها000
أناأمدرمان
أنا الواحة ورى البسقى والعطشان
بروقى تضوى لواحة
وتهدى السارى والضهبان
لذاك تجدنانهيم عشقا اليها
لك الود
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
ياسر
لامدرمان نكهة مميزة خاصة بيها "لو ماجا زول ناطي قال لي كيف يعني نكهة للمدن" امدرمان دي بالذات ياياسر احلف انه عندها نكهة وتميز.
تحياتي ليك، ولي امدرمان ، والاذاعة ، والتلفزيون.
ليكم كلكم بلا فرز.
يحليلكم.
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
سلام يا حنين
ومشتاقين
اقول حاجة غريبة
انا من مواليد الخرطوم المقرن
ماعديت كبري امدرمان الا لمن دخلت الجامعة !!
يعني زول خرطوم وبس
وفي النهاية اتزوجت من امدرمان !
اهل امدرمان يحبون امدرمانهم حب ما بتوصف
بالله اسمعي خلاص فارقت امدرمان بصوت محمد ميرغني وعود
عشان الليلة تبكي ما تسكتي !
| |
|
|
|
|
|
|
|
|
|
Re: مشتاقة لأمدرمان............. (Re: خالد العبيد)
|
Quote: سلام يا حنين
ومشتاقين
اقول حاجة غريبة
انا من مواليد الخرطوم المقرن
ماعديت كبري امدرمان الا لمن دخلت الجامعة !!
يعني زول خرطوم وبس
وفي النهاية اتزوجت من امدرمان !
اهل امدرمان يحبون امدرمانهم حب ما بتوصف
بالله اسمعي خلاص فارقت امدرمان بصوت محمد ميرغني وعود
عشان الليلة تبكي ما تسكتي ! |
ابو النسب
بالجد.....مالك عليا ما انت عارف نقطة الضعف الفيا
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
ابداك من وين يا امدر
وكيف النهايات...
الثورات ..وكل حلة بتشبه اختها...تلقى في الميدان نفس الجامع جنبه المدرسة وحتى "الجزر" نفسه...حتى الناس بتتشابه...ناس امدرمان رغم انه اتسكنت من مختلف مناطق السودان لكن اي زول يجيها ياخد شبه منها...ياهم زات الملامح والصفات.
الثورات وانت طالع بشارع الوادي ولا النص بيتلاقوا جنب مقابر احمد شرفي...مامريت جنبها الا وشلت الفاتحة لكل الاحبة المدفونين فيها...كم احتوت رفات اهل واحباب...اشتقت اشيل الفاتحة على ارواحهم الطاهرة...ونجي جنب ودنباوي والشهداء ....واللللللللله اشتقت لي موقف المواصلات...
والشارع الضيق البوصل الشهداء بسوق امدرمان.
والسوق ....وكل شيء بي تمانية الف اي شيء بي تمانية الف ...ستات الفول والتسالي وصوت البياعين كل يدوزن بي نغمة جالبة...وسوق العناقريب..والسلخانة، وسوق الجلود...
غلبني
| |
|
|
|
|
|
|
|
|
|
Re: مشتاقة لأمدرمان............. (Re: علاء الدين حيموره)
|
Quote: حنين اختي الحنينة ..
الله يرد الغربة الكضابة ...
رسالة منك لناس 8 سنوات اغتراب نتواصلة ( ما 8 شهور )....
الله يرجعنا بس |
علاء الدين حيمورة
الله يلم الشمل...امدرمان خرطوم المهم نشم هواء السودان
وبرضه لامدرمان معزة....
مشتاااااااااااااااااااااااااااااااااقة يا امدرمان...
| |
|
|
|
|
|
|
|
|
|
Re: مشتاقة لأمدرمان............. (Re: حنين للبلد)
|
حكاية من امدرمان
على ايامنا كان فى شارع الاربعين ثمة بوتيك اشتهر باسم صاحبه (صلاح ريفولى )لم اجد له اثرا قط ، ولا حتى لصاحبه اين ذهب وبوتيكه ؟ توارت ملامح كنت اعرفها فى المنطقة المجاورة لبيتنا فى العباسية شارع الاربعين ـ دكان عم جعفر ـ لم يعد له ذلك البريق ، صار مبنى بعدة طوابق لكنه لم يعد ذلك المكان الحميم الذى تشكلت على يديه ذاكرتنا الطفولية ، اختفت معالم دكان بت مسيمس ، ذلكم الدكان الذى كانت تباع فيه الموبيليا ، وباتت العشرات من المحال التجارية تتعب بصرك فى الشارع فى غير ما تناسق او جمال فى شكل العرض ، تجد الاشياء مترادفة فى العراء تصليها نار الشمس ،لا جامع بينها سواء فى اللون او الخامة ، حتى فن العرض لا يشكل وجودا ،ما لسبب سوى ان المعارض لم يكن من شانها الجمال، فقط المادة المعروضة ، فيما الكساد يشل اطرافهاباسماء اقرب للقبح منها للجمال ، طابعها القبلية والجهوية محال تجارية حملت اسم (الشايقى ، او الجعلى ، او ود الفاشر ، او مطعم نيالا ، او كسلاوى ، او ودالمحس) تنتابك رعشة وانت تحدق فى تلك الاسماء وتستحضر بت مسيمس ،او غيرها من الاسماء التى ما ارتبطت سوى بشان عام او مكان عام ، بل انك تجد فى الناحية الاخرى للتسميات ما وفد من خارج الحدود ( الارسنال ) او تجد اسما ارتبط بحدث ما (نيفاشا ،ابو جا ، او روتانا )
اطرف مشهد لمسمى كان لعربة كارو تحمل بصلا مكتوب عليها "ابو رحيق " فلم ادر هل هو البصل ام صاحب الكارو ؟
حنين
دى كتابة لمن كنت فى السودان كتبتها
مش الفنان قال
كنت معاهو هسع ومشتاق ليهو لسه؟
دى بت الشيخ مع امدرمان
بعدين ياحنون ياخ المسنجر برجع لى رسالاتى البوديها
الحاصل ؟
ادينا سلك منتظراك
| |
|
|
|
|
|
|
| |
khaleel
Yassir Tayfour
osman righeem
سفيان بشير نابرى
خضر حسين خليل
ABUHUSSEIN
Dalal Ezzaldin
willeim andrea
خدر
كمال علي الزين
امادو
ابراهيم محمد الحسن
عمر الفاروق
Kostawi
محمد عبد الماجد الصايم
Ali Sirelkhatim
محمد البشرى الخضر
Halema2
عبدالله كع
ناهد بشير الطيب
yasir tamtam
خالد العبيد
علاء الدين حيموره
سارة علي
سلمى الشيخ سلامة
فيس بوك
تويتر
انستقرام
يوتيوب
بنتيريست