|
Re: ملك و ملكة جمال أطفال سودانيزأونلاين (Re: haroon diyab)
|
Quote: صورة جميله جدا و المصوراتي زول فنان
بروفايل حسن زمراوي |
الأخ/ كوستاوي
السلام عليكم ورحمة الله
شكرا على تعليقك الظريف وبالمناسبة أنا الصورت الصورة، ولكن بطلب من إبني جلال نفسه صاحب الصورة ذو الثلاث سنوات. رقد براه في السرير وقال لي: (بابا صورني). يعني هو الطلع وجيه وفنان كمان
| |
|
|
|
|
|
|
Re: ملك و ملكة جمال أطفال سودانيزأونلاين (Re: jini)
|
Quote: يا كوستاوى محمد ولدى دا نظرتو دى تصنيفها شنو! |
غايتو يا جني ولدك دا kan بسمع في سورة البقرة و ما متأكد إنو حافظها, و الأستاذ غليظ قلبه
أو
أبوه قال ليه ما عندي فكة عشان تمشي السينما _________________________________________
طبعا دي تفسيرات بأثر رجعي
عندي أربع صور لآل جني في المكتبة.....و هذه إحدى الصور
| |
|
|
|
|
|
|
Re: ملك و ملكة جمال أطفال سودانيزأونلاين (Re: Ishraga Mustafa)
|
دكتور إشراقة أيه الإشراقات دي
بتك شطة و زولة Happy بشكل
كدي إتخيلي الزيها دي يجي ولد كيكي من حي الديم و يجكسها و بعدين يتزوجها....تعبك كلو يروح ساكت و الإبتسامات تبقى حاجات تانية غايتو خليها قريب من الخواجة دا طواااااالي لغاية الجامعة و بعداك نشوف ولد كيكي موقفو شنو من الإعراب
يا زولة الله يخلي لينا أولادنا wa banatna بنسلمهم الدرب و بعد داك لهم عظيم الدعوات
بس ناس كيكي ديل لازم ينقرضوا
| |
|
|
|
|
|
|
Re: ملك و ملكة جمال أطفال سودانيزأونلاين (Re: Kostawi)
|
ما شالله والله ما يحرم بيت من أطفال.
صور حلوة وجميلة ومعبرة جداً.
جنى ... ولدك من هسع مهموم بحال البلد بنظرته ده (قول ليهو شد حيلك يا بطل ... البلد راجى منو الكتير)
تسلموا كلكم.
الف شكر كوستاوى
شول اشوانق دينق
| |
|
|
|
|
|
|
Re: ملك و ملكة جمال أطفال سودانيزأونلاين (Re: Omeyma Mahmoud)
|
كوستاوي ازيك..بوستك محضووووووور..مشكووووور على التوثيق دا لاطفالنا، قبل ما تمتد معاول الزمن وتعمل عملها في اولادنا.. زي ما عملت فينا.. بالجد الجيل دا محظوظ اكتر مننا.. على الاقل حياتهم موثقة.. اها يا خوي في اطار التوثيق دا جايبة ليك صورة بتي رويدا (8 سنوات) اخر العنقود.. تنفع؟ غايتو كان نفعت عندي صورة لمصطفي ولدي (10) سنوات اخطر منها.. بس انت قول عووووووووووووك..
ـــــــــــــــ الوش الغامز بكشف سره لاحقا..
| |
|
|
|
|
|
|
Re: ملك و ملكة جمال أطفال سودانيزأونلاين (Re: عزام حسن فرح)
|
انا بشارك بصورة ابني الوحيد مرهف معتصم
بالمناسبة الليلة بالتحديد اتكلمت معاي جدة ابني وحكت لي قصه غريبه واحدة من خالات مرهف ابني زارت احد الشركات في السودان ووجدت واحدة من موظفات الشركة خاته مرهف ابني صورة سطح المكتب والمهم حصل كلام كتير والاخت قالت هو عاجبا ده مرهف طبعا ولقت صورتو في النت جدتو زعلانه قالت كيف تخت صورة الود في النت ,,,,,,,,,,,, واهو تاني حنختو يا كستاوي ولكم المحبه
| |
|
|
|
|
|
|
Re: ملك و ملكة جمال أطفال سودانيزأونلاين (Re: نادية عثمان)
|
سلام جاكم
يا جماعة الخير و يا ناس جني
صور أطفالكم كلها عندي في المكتبة...جني اقرأ ياخي جايكم واحد واحد...بس ما تحرقوا الإستوديو دا....جني صغر الصور دي أو أنا عندي كل الصور بتاعة آل جني مصغرة و موضحة
بالله الهلالاب في آخر الصف
| |
|
|
|
|
|
|
|