|
Re: القرادة قالت: أنا والجمل جبنا العيش من القضارف .. (Re: كمال عباس)
|
Quote: بدلا من الانكفاء ولاحلام النهارية |
احلام شنو يا كمال و الله من شدة ثقتو انا قبيل كنت بفتش فيو في الميدان. قلت أقل حاجة يكون ماسك الاذاعة الداخلية.
المعتصمين عاملين اذاعة داخلية شغالة اغنية حمادو هلال : و الله و عملوها الرجال و اغاني الشيخ امام. شكلو اخوان مصر ديل قلبو.
| |
|
|
|
|
|
|
Re: القرادة قالت: أنا والجمل جبنا العيش من القضارف .. (Re: محمد البشرى الخضر)
|
شوف يا عمك .. اولا الناس الفي الميدان ديل لو قسموهم بالعدل كده بيعملو اربعة انتفاضات في السودان و اتنين في الكويت و البحرين. تاني شي في ناس شايلين يافطة مكتوب عليها : لو انت عندك دكتوراه في العند احنا عندنا نوبل ف الصبر. في اشارة لحديث هيكل ان مبارك يقول عن نفسه ان عنده دكتوراه في العند. و في واحد شايل يافطة مكتوب عليها : ما تراهنش ع الوقت انا قدمت استقالتي خلاص. فلو الشغلة كتره و شعارات الناس دي راكزة. و عاملين اذاعتم و تموين و اقسام نوم و بقو يعملو اعراس. و عندهم في المدخل اربعة نقاط حراسة بتفتشك و تراجع اوراق هويتك. يعني تقدر تقول مستولين على التحرير. بل بعضهم بيسميهو جمهورية التحرير المحررة. والسيطرة ممتده للشوارع المحيطة بالتحرير. وزي ما قلت ليك حتى الحمامات هسه بيبنو فيها و جامع عمر مكرم تحت سيطرتم. فموضوع عام الحسم و عام الصمود و عام الثبات وارد جداً. هنا اتكلم عن قوتهم التي لا اتوقع ان تتهاوي في سويعات او ايام قلائل. يعني الناس دي بالعملتو لو قررو يمشو حبه حبه عايزين اسبوع. و بعد داك الميدان عايز اسبوعين او تلاتة يرجع زي ما كان. اما قوة الحكومة فدي زيي زيك بشوفا طبعا في الاعلام. لكن لو اعتمدنا على صحيفة الاهرام الناطق الرسمي ففي تراجع في الخطاب الحكومي. الاهرام لحدي اول امبارح بتتكلم عن انو مطالبات الشباب كانت رفع الحد الادنى من الاجور و انو عددم شوية ميات و في اجندة خارجية بتستغلهم. امبارح لاول مره تقول انهم الوف و يطالبون بالتغيير. لسه ما قدروا يقولو مطالبين باقالة الرئيس. لكن ده تراجع ملحوظ. فممكن تقول النظام بيتراجع على بعض المستويات. لكن مبارك صامد و ما شغال بالفارغة. و المعتصمين كمان صامدين و ما شغالين بالفارغة. الحكومة تصرح و تجتمع و تعمل تعديلات و هم صنج لا يسمعو ولا يفهمو الا شعارهم الوحيد : ارحل.
لكن لو زهجت من مسلسل مصر ممكن تتابع فيلم اليمن. علي عبد الله صالح قافل مخاواة.
| |
|
|
|
|
|
|
Re: القرادة قالت: أنا والجمل جبنا العيش من القضارف .. (Re: تيسير عووضة)
|
Quote: يا عم عثمان ، أنا بفتكر التصرف السليم انك بدربك ده تفتح فيها بلاغ و تختها في الزبطيه لحين السداد ، تريح رقبتك و تريحنا معاك !! |
أمين كيفك زبطية شنو والله دي ما يمسكها الا غوانتنامو القفلتوهاوقطعتوا راسنا دي ياخي الليلة ماتختف كراعك وتتغدى مع اوباما وبالمرة تفتح معاهو موضوع غوانتنامو دا
| |
|
|
|
|
|
|
Re: القرادة قالت: أنا والجمل جبنا العيش من القضارف .. (Re: حمور زيادة)
|
Quote: وقال رئيس المجلس الوطني إن السودان مستفيد أساسي من الثورات العربية التي تطيح بالجيران حولنا. فالدول الثلاثة تونس ومصر وليبيا كانت تستبطن العداء للسودان خاصة القذافي الذي ظل الراعي الأساسي لكل حركات دارفور المسلحة وقبلها الحركة الشعبية التي أسسها منذ أول طلقة. وقال إن (اسلامية) الثورات الشعبية العربية تخفف من غلواء المجتمع الدولي ضد الحكومة الإسلامية في السودان. (لم يعد السودان وحده الذي تعلو فيه الشعارات الإسلامية). |
| |
|
|
|
|
|
|
|