سامحني غلطان بعتذركلمات: مصطفى سند
ما عدت قادر أنتظر
سامحني غلطان بعتذر
ما كنت قايل من عتاب
تحكم علي بالوحدة والشوق والعذاب
إنت القبيل شلت الصعاب
في دربو عديت ألف باب
لو إنت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
لو مرّ اسمك في البعيد شايلو الصدى
بلّل نسايمو الحلوة بي قطر الندى
تلقاني واقف مرتعش ضارع إليك
عارف تمام دا المستحيل
الحسن والطبع النبيل
يغضب يجور
لحظات خصامو المرة تتمدد شهور
صدقني لو أغلط معاك دايماً أقول
إنت الأصيل
إنت الوفي عن حبي ما ممكن يميل
يضحك سلام الدنيا في عيونك دليل
من بعدو ما داير دليل
ما عدت قادر أنتظر
سامحني غلطان بعتذر