ذاكـرة الأنـف ..

Quote: اما الرواية ... فالكتابه عنها في حد ذاتها روية ... الجو الكان مصاحب لي كتابته .. قلق براكه .. تركيزة في الاستماع .. خط يديو لما يغلبي اقراة ... الرجفة في الكتابة قفله الباب .... قريت اول نسخه قبل اي تعديل اضافه او حزف شفته الفكرة ... قبل الحبكه الدرامية

بس تعرف المرحلة ديك تلقاها كانت
من أمتع المراحل ليكم كمتابعين للرواية
من ما كانت فكرة لغاية ما إتكونت
وبقت بي شكلها الجميل الأنا قريتو داك ..

Quote: الكتاب التحت دةخ اقتنيته قبل شهور .. قريت جزاء منو ولسه .. بفتش لي زمن عشان اتمه ...

طبعاً شوقتني أقرأ الكتاب دا ..
وفعلاً (لوكا) دا ذكرني بي (غرينوي) بتاع رواية العطر
في مقدرتهم الغير مسبوقة على تمييز الروائح
ودا شي صعب جداً لأنو الإنسان العادي بعد ما يشم كذا ريحة
بعد الريحة الخامسة بالكتير بيبتدي يفقد المقدرة على تمييز الروائح

Quote: Luca Turin can distinguish the components of just about any smell

وكونوا لوكا دا بيقدر مش يميز بين العطور وكمان يميز بين مكوناتها
يبقى دا فعلاً مثير للدهشة, ويستحق فعلاً لقب إمبراطور الروائح !

وبالنسبة لغرينوي بطل رواية زوسكيند الوضع مشابه
بس المصيبة إنو غرينوي من شدة ما إنو بيقدر يميز
بين مكونات العطور أو الروائح كان مصر إنها ما تكون مألوفة أبداً
ودا الخلاهو يقتل خمسة وعشرين إمرأة عشان يستخلص
من أجسادهن مكونات عطره الأسطوري !

Quote: حدي الان اشبع .. ذاكرتي بي عطور كتيرة .. لنو كل ما اقرء عن عطر بمشي العطارين واشمشم "

أنا هسي من تلخيص الفكرة بتاعتو بس طلعت بي إسمين لعطور
من أجمل العطور الممكن تشمها يا نزار
ولاحظ كانت كلمات عادية وردت في السياق ..

Quote: Obsession

من كالفن كلاين

Quote: Collection

من سكادا
أمشي شمشم وأدعي لي ..

أما بخصوص حتشبسوت وولعها بالعطور
فدي دايرة ليها كلام تاني برواقة ..