عن المرأة يا حمّور زيادة

Quote: طبعا بعد عرض حجة كل فريق يحق لك ان تلزتم ما تشاء و ما بقدر اعترض .. بس لما تنكر لي حججي بكلام عام بيبقى معيب. و صراحة بحس انك ما بتقرا كلامي كويس او زي الما بيهمك انا قلت شنو. يعني عاين سؤالك الكررتو ده بتاع المرأة و الرجل العلى درجة واحدة من القرابة هل يرثوا مثل بعضهم البعض؟ السؤال ده انا جاوبتو براي في الاول. جيت سألتني منو تاني. برضو جاوبتو ليك. هسه تاني بتسألني. بجاوبك تالت. المواريث ما فيها قاعدة عامة زي الانت قلتها دي. المواريث انصبة محددة. و الميراث يتحدد حسب تحديد الله بالحالة. فهل ترث المرأة مثل الرجل اذا كانت مساويةله في القرابة ؟ للمرة التالتة الاخيرة نعم في حالات ترث مثل الرجل بل و في حالات ترث اكثر منه. اكثر منه دي شايفك اصلو ما مريت عليهاو اعتبرت انو ظلم للرجل. من الحالات التي ترث المرأة فيها مثل الرجل : وَلأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ ( ركز هنا يا كمال .. ام و اب .. ديل على درجة واحدة من القرابة وله لأ ؟ ) و وَإِن كَانَ رَجُلٌ يُورَثُ كَلالَةً أَو امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ فَإِن كَانُواْ أَكْثَرَ مِن ذَلِكَ فَهُمْ شُرَكَاء فِي الثُّلُثِ مِن بَعْدِ وَصِيَّةٍ يُوصَى بِهَا أَوْ دَيْنٍ غَيْرَ مُضَارٍّ وَصِيَّةً مِّنَ اللَّهِ وَاللَّهُ عَلِيمٌ حَلِيمٌ ( أخ و اخت يا كمال .. ديل على درجة واحدة وله لأ ؟ ) ما اظن ممكن اوضح ليك الكلام ده اكتر من كده و الله يا كمال. فسامحني لو سألتني مرة رابعة السؤال ده ما بجاوب ليك. يلا اتمنى انك تجيب لي على سؤال صغير : حين ترث الابنة النصف و يرث الاب الربع .. هل هذا ظلم للرجل ؟