أبيت الكلام الفاضى

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 01:37 AM الصفحة الرئيسية

مكتبة عادل عثمان(Adil Osman)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
29-08-2004, 07:56 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: أبيت الكلام الفاضى (Re: Adil Osman)



    بسم الله الرحمن الرحيم

    بين الخليفة وأمونة بت حاج احمد



    محمد طه القدال


    ما ضهبت اقول لقيتك
    وانتى فى كل الخواتم والمياتم
    والنجيمات والعواتم
    ما حزنت اقول بكيتك
    ونحن فى حزن المخاليق
    والمغنين المطاليق
    الفرح جاييك وعد
    غنوة اولاد التحاريك
    السعد ولا البعد
    البعد ولا السعد
    وكنتى فى ليل الخوابى
    تهاتى بينات الطوابى
    تحاكى جقليب السعى
    الجناييت خلو حجرك ريح يفوفى
    وعين مزرزرة من شقى الفرح المرابى
    ومنية الوعد الدعى
    يا ديارى الوين ....أنى
    تور عفين الشين .....أنى
    ما اضينة وزين انى
    تور عفين الشين انى
    وانت فى شوفك تخاتل رفة الطير والحفيف
    وانت فى خوفك تكاتل عينة الجلبت خريف
    وانت فى اللالوبة مصلبة البنيات
    النسيمات الهفيف
    وانت فى اللالوبة مشنقة الوليدات
    ناس نجومى ومحبس النفس الرهيف
    بطنك كرشت غى البنات نافى
    دقنك حمست جلدك خرش مافى
    وكت الوهم نافيت .. صدق الوعد جافى
    وكت العلم جافيت .. مر الصدق وافى
    وكنا بنشيل الغباين والاناشيد
    جهدية الاورطية
    جهدية الحلبونا
    شدو جمالم جونا
    حلبنا ليهم سمسم
    والسمسم ما كفاهم
    جلبنالهم سعية
    وجينا للبقعة ام قبايل
    سيل من الوادى الكبير
    الكفيف شايل الكسيح
    يا عيون ود الضكير
    واحدة من توشكى
    تقلع
    تانى تقلع فى المطامير
    يا جبة الدرويش
    البابا بسل العيش الله بسلا
    والبابا خدمة الديش الله بسلا
    البابا القول بى شويش
    يا عيون ود الضكير
    عماك فى حقك ديه
    لى زمنا مو جهدية
    جهدية الاورطية
    جهدية الحلبونا
    شدو جمالم جونا
    وحلبنا ليهم سمسم
    والسمسم ما كفاهم
    جلبنالهم سعية
    يا عيونى شن بتشوفى
    ويا امونة شن بتشوقى
    شدرا تال اليمامة
    ولا الصقر الحمامة
    ولا البطن التفوفى
    يا امونة شن بتشوفى
    ويا عيونى شن بتشوفى
    جهدية وسيف وراية
    تبروقة وخيل وشاية
    اذان بالجوع اذن لى
    ام خوفك فايت خوفى
    يا امونة شن بتشوفى
    ويا عيونى شن بتشوفى
    تلت التلاتة شلق
    تانى التلات محلق
    والتالت جا يبشرنى
    سرقوهو الدايرين حتوفى
    يا امونة شن بتشوفى
    ويا عيونى شن بتشوفى
    شايفة الدموم واللمة
    بين الدقون والعمة
    ولانى فوق معلق
    صقر الحدى مندوفى
    يا عيونى شن بتشوفى
    ويا امونة شن بتشوفى
                   |Articles |News |مقالات |بيانات

العنوان الكاتب Date
أبيت الكلام الفاضى Adil Osman29-08-04, 07:20 AM
  Re: أبيت الكلام الفاضى Adil Osman29-08-04, 07:23 AM
  Re: أبيت الكلام الفاضى Adil Osman29-08-04, 07:56 AM
  Re: أبيت الكلام الفاضى ودقاسم29-08-04, 08:03 AM
  Re: أبيت الكلام الفاضى Abdalla Gaafar29-08-04, 08:22 AM
  Re: أبيت الكلام الفاضى Adil Osman30-08-04, 02:45 AM
    Re: أبيت الكلام الفاضى garjah03-09-04, 09:02 PM
  Re: أبيت الكلام الفاضى Adil Osman12-09-04, 05:16 AM
    Re: أبيت الكلام الفاضى garjah12-09-04, 05:32 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de