|
|
 حلمانه بدكتور (خليل ابراهيم) و( اوباما )في ليلة الكريسمس!
|
غايتو جنس احلام اسكتوا ساي
خلوني امشي اضرب الديك الرومي ده
واجيكم احكي لكم بكره بتوقيت بعضكم.
البضحكني وعرفني اني وصلت مرحلة الجنون في الانفعال
بالاحداث السياسه فانا كنت مسؤلة اخذ (المنتس) في ندوة
لدكتور خليل ابراهيم في قلب الخرطوم وآمن الانقاذ يحيط بينا 
حسه عليكم الله دي احلام امراة كنديه في الكريسمس؟؟!!
بدل احلم
بورود يهديها لي حبيبي
وشموع موقدة بقلوب العشاق
ومساج على شاطيئ الكاريبي
ورقصة على انغام حالمه
اقعد احلم اني بغطي في ندوة كتابيا!!
غايتو افيدكم علما اني ضحكت على نفسي ضحك شديد
وحسيت باني قربت ازحلق قبل ما ينطق اوكامبوا ده
يا اخي الزول ده ما ولدنا ولادة عديل كده.
اما (اوباما) فخلوهوا ساي فيلم هندي آخر.
يعني اختكم زحلقت والعوض على الله.
لو سالتوني متعشيه بشنو؟؟؟؟
بقول لكم متعشيه بونسة عن مليشيات رياك ميشار!!
في بني آدم نصيح بتعشى بونسة عن مليشيات النوير وقوات
فاولوينوا ماتيب ويمشي ينوم!!
|
|
 
|
|
|
|
|
|
|
|
Re: حلمانه بدكتور (خليل ابراهيم) و( اوباما )في ليلة الكريسمس! (Re: Tragie Mustafa)
|
| Quote: البضحكني وعرفني اني وصلت مرحلة الجنون في الانفعال |
يعني اتاكدتي؟
Quote: بالاحداث السياسه فانا كنت مسؤلة اخذ (المنتس) في ندوة
لدكتور خليل ابراهيم في قلب الخرطوم وآمن الانقاذ يحيط بينا |
انصحك تقيسي حرارتك
| Quote: حسه عليكم الله دي احلام امراة كنديه في الكريسمس؟؟!! |
طيب الدخلك في مشاكلنا الداخليه حقت السودانيين شنو يا الكندية؟؟
Quote: بورود يهديها لي حبيبي
|
ده منو تعيس الحظ ده؟؟
Quote: ومساج على شاطيئ الكاريبي
ورقصة على انغام حالمه
|
دي غايتو ياها زاتها البقولوها في الهناي
او كما قال عادل امام ( ودي تتشاف من اي ناحيه دي)
| |
|
|
|
|
|
|
|
|
|
Re: حلمانه بدكتور (خليل ابراهيم) و( اوباما )في ليلة الكريسمس! (Re: محمد الامين احمد)
|
يا شباب كتلتوني بالضحك
وشكلكم بالحاله دي حتحرفوا
البوست وما تخلوني احكي الحلم ذاته
| Quote: حسه عليكم الله دي احلام امراة كنديه في الكريسمس؟؟!! |
كنديه الهيجتكم دي اهم حاجه.
لاني بغرف الثلج وضهري مكسور منه
ولاني انتمي لبلد بكتب ممكن لرئيس وزرائها ايميل بكل
بساطه من كي بوردي المعفص ده ويرد لي بكل ادب.
ولاني بعيش في بلاد قوانينها زي الورد وراجل لو عايني
لي ساي عين ما عجبتي ممكن اشتكيه بتهمة التحرش
الجنسي وامسح بيه الواطة وتقوم لي الدولة محامي عشان
يسترد لي حقوقي ومن قورش دافعي الضرائب!
بينما اخواتي في دارفور يغتصبن جهار نهار ويطلع رئيس الدولة يكذب
ويبعث لجنة قضائيه وعلى رأسها امراة وللاسف ايضا تشاركه اكاذيبه!!(القاضيه حمو)!!
الكويس في زخم هذه الحقوق و الترف الانساني لآدميتي
احمد الله اني انوم واصحى بهم بلادي وشعبها,والا لماذا انا هنا
وحتى احلامي ملك للهم العام؟؟!!
كنديه التي اعتبرها البعض استفذاذ هي فخر لكم
يفترض ان شعبنا مهما ابتعد يحمل الوطن داخله طبعا ليس كلنا.
اها وفي اطار الكندنه دي
كدي امشي اشوف لي حاجات من ال Boxing Day
يوم التنزيلات العالمي وارجع لكم!
اها ينط لي واحد يقول لك مترفه!!
ما يكون عارف انه ممكن اكون ما قادرة اغير لساتكي طول السنه
ورغم خطورة القيادة بلساتك غير مخصوصة للجليد ومنتظرة البوكسنج
دي عشان اقدر اشتريها!
جني قلت لي شاي بلبن مقنن
اسكت يا مفتري تضرب في الزفر كل يوم وحسادني على التركي المرة في السنه
وعزموني ليه قرايب رافت ميلاد من( بعيد )؟؟!!
| |
|
|
|
|
|
|
|
|
|
Re: حلمانه بدكتور (خليل ابراهيم) و( اوباما )في ليلة الكريسمس! (Re: معاذ حسن)
|
ترج رج رج راااج !!
البركة بى الشوفة ياخ مشتاقين جد جد وينك؟؟
تراجى يا عزيزة هسه دا حلم ليك فى ليلة الكريسماس ؟
دا اسمو كابوووووس !! سمى الاشياء باسمائها بعيد عن الولاءات السياسية
لووووووووووووووول !
سمعتى دى يا رجروووج ؟
شعر: أحمد مطر
مِن أوباما..
لِجَميعِ الأَعرابِ شُعوباً أو حُكّاما:
قَرْعُ طناجِرِكُمْ في بابي
أرهَقَني وَأَطارَ صَوابي..
(افعَلْ هذا يا أوباما..
اترُكْ هذا يا أوباما..
أَمطِرْنا بَرْداً وسَلاما
يا أوباما.
وَفِّرْ لِلعُريانِ حِزاما!
يا أوباما.
خَصِّصْ لِلطّاسَةِ حَمّاما!
يا أوباما.
فَصِّلْ لِلنّملَةِ (بيجاما)!
يا أوباما..)
قَرقَعَةٌ تَعلِكُ أَحلاماً
وَتَقِيءُ صَداها أوهاما.
وَسُعارُ الضَّجّةِ مِن حَوْلي
لا يَخبو حتّى يتنامى.
وَأنا رَجُلٌ عِندي شُغْلٌ
أكثَرُ مِن وَقتِ بَطالَتِكُمْ
أطوَلُ مِن حُكْمِ جَلالَتِكُمْ
فَدَعوني أُنذركُمْ بَدءاً
كَي أَحظى بالعُذْرِ ختاما:
لَستُ بِخادِمِ مَن خَلَّفَكُمْ
لأُساطَ قُعوداً وَقِياما.
لَستُ أخاكُمْ حَتّى أُهْجى
إنْ أ َنَا لَمْ أَصِلِ الأَرحاما.
لَستُ أباكُمْ حَتّى أُرجى
لأَِكونَ عَلَيْكُمْ قَوّاما.
وَعُروبَتُكُمْ لَمْ تَختَرْني
وَأنا ما اختَرتُ الإسلاما!
فَدَعوا غَيري يَتَبَنّاكُمْ
أو ظَلُّوا أَبَداً أيتاما!
أنَا أُمثولَةُ (شَعْبٍ) يأبى
أن يَحكُمَهُ أحَدٌ غَصبْا..
و(نِظامٍ) يَحتَرِمُ الشَّعبا.
وَأَنا لَهُما لا غَيرِهِما
سأُقَطِّرُ قَلبي أَنغاما
حَتّى لَو نَزَلَتْ أَنغامي
فَوقَ مَسامِعِكُمْ.. أَلغاما!
فامتَثِلوا.. نُظُماً وَشُعوباً
وَاتَّخِذوا مَثَلي إلهاما.
أَمّا إن شِئتُمْ أن تَبقوا
في هذي الدُّنيا أَنعاما
تَتَسوَّلُ أَمْنَاً وَطَعاما
فَأُصارِحُكُمْ.. أنّي رَجُلٌ
في كُلِّ مَحَطّاتِ حَياتي
لَمْ أُدخِلْ ضِمْنَ حِساباتي
أَن أَرعى، يوماً، أغناما!
وعمت مساءا ,, بعدين ما عندك حاجة حلوة كدا تحلمى لينا بيها ؟
عجبتنى اجواء البلاج والمساج دا فلو حسنتى اخلاقك
سانضم الى حلمتك القادمة بتاعت راس السنة
اتصلحى معانا ياخ ذى ما بقول صاحبى زمان !
| |
|
|
|
|
|
|
| |
Tragie Mustafa
Al-Shaygi
ناذر محمد الخليفة
rani
ثروت سوار الدهب
jini
Hassan Makkawi
ABUHUSSEIN
Sobajo
Faisal Elrasheed
حامد محمد حامد
محمد الامين احمد
هشام حسن
Munir
محمد أبوالعزائم أبوالريش
معاذ حسن
دينا خالد
JAD
فيس بوك
تويتر
انستقرام
يوتيوب
بنتيريست