|
Re: عندكم ( عنقريب) في بيتكم .. مٌت مطمئناً !!!! (Re: محمد مختار جعفر)
|
الأستاذ الكريم محمد مختار جعفر
Quote: ولكننا نستقبل عيدا وفرحة بعد أيام قلائل ، فالندعوا للجميع وأنت معهم بطول العمر فى عمل نفرح به حين نلقى الله تعالى ، آملين فى مغفرته ورضوانه ، فالموت حق وتذكره واجب ... وكل عام والجميع بخير .. |
ربنا يعيد عليك وعلينا العيد بالخير واليمن والبركات يارب
وكل سنة وانت وأحبابك جميعهم بألف خير وسلامة وطول عمر وعافية يارب
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: نادية عثمان)
|
قلت لي الجرتق
أها النبقى داخلين
سلام قولا من رب رحيم عليك استاذة نادية وكل المتداخلين
الموت لا شك هو سبيل الأولين والآخرين نسأل الله لنا ولكم ولجميع المسلمين حسن الخاتمة والفردوس الأعلى
العنقريب حاضر في الثقافة السودانية وأظنه كذلك لأنه النسخة الشعبية لكرسي السلطان أو عرش الملوك
يتوج الإنسان في حياته مرتين مرة حين إكمال نصف دينه ودخوله عالم أرباب الأسر .
والمرة الثانية في ختام حياته والتي نتمنى أن تكون عامرة بصالح الأعمال
كل عام وأنتم بخير ومتعكم الله بالصحة وطولة العمر
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: جعفر محي الدين)
|
المحترم جعفر محي الدين حبابك
Quote: العنقريب حاضر في الثقافة السودانية وأظنه كذلك لأنه النسخة الشعبية لكرسي السلطان أو عرش الملوك
يتوج الإنسان في حياته مرتين مرة حين إكمال نصف دينه ودخوله عالم أرباب الأسر .
والمرة الثانية في ختام حياته والتي نتمنى أن تكون عامرة بصالح الأعمال |
بالله العنقريب يوازي كرسي السلطان عديل وعرش الملوك كمان .. ياخ كان كده بكلم أبوي يرجع لينا عناقريبنا .. انا كان عندي عنقريب براي .. يعني ملكة زماني المتوجة شفت كيف ؟
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: نادية عثمان)
|
الغالية نادية
Quote: صلح العناقرررررررريب |
السبب هو من الناس لانهم مع الموضه!!! كلما ظهر شي جديد في السوق الناس تروح وتسأل ما هذا
دي شي جميل فبعد قليل تتلافه الناس وتركد وراء الموضه وتنسي العنقريب
الذي تظهر اهميته عندما يتوفي لك شخص في المنزل ......
اتمنى من كل شخص ان يمتلك عنقريب في المنزل وهذه هي تزكرة للناس
نشكر الاخت نادية علي هذه التذكرة....
خالص التحايا
ابوالمجد
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: يسن ابوالمجد)
|
يسن أبو المجد
Quote: السبب هو من الناس لانهم مع الموضه!!!
كلما ظهر شي جديد في السوق الناس تروح وتسأل ما هذا
دي شي جميل فبعد قليل تتلافه الناس وتركد وراء الموضه وتنسي العنقريب |
قاتل الله الموضة البتضيع مننا حاجاتنا الحنينة زي العنقريب !!
والله العنقريب ده كان أروع إختراع سوداني بس معظم الناس ماماخدة بالها منو للأسف !!
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: حبيب نورة)
|
حبيب نورة ياحبيب البنيات
Quote: أنتي عليك الله العناقريب دي القاعد يكسرا منو هسة؟ |
قعد نكسرها نحنا بغباءنا وظننا إنو العناقريب ضد المدنية والعصرية .. ووكت ولدنا عريس ولا أمنا تموت نجري نكوس للعناقريب المتخلفة دي ذاتها .. شفت المفارقة العجيبة ؟!!
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: مؤيد شريف)
|
مؤيد شريف أيها الخلوق المهذب .. يازميل المهنة وصديق الأسافير
Quote: أظن أن الحزن يصنع النفوس الجميلة ويجلي عنها غبار الكبر وأوهام النفس .. رحم الله أهلك ::ولم أذق طعم فراق الاحبة إلا في مرة واحدة :والدي... هل تعلمي من شدة تعلقي بذاك الرجل أظنه اليوم بيننا وأكاد أسمع همسه الخفيف وألمس انفراجة وجهه وتبسمه الجميل..وقبل كل ذلك انسانيته الخالدة بحبه للناس جميعا واكرامه للمرأة وخوفه بل جزعه علي الصغار و و و و ماذا أحكي لك عنه .. كثيفة هي الذكريات وقصيرة هي الرحلة... |
نعم .. ففي الحزن قمة النبل .. وفيه تطهير للنفس وتهذيب للروح ..!!
رحم الله والدك الحبيب وأسكنه فسيح الجنات بحق هذه الأيام المباركات .. وسعيدة أنا أن إستفز هذا المكتوب مخزون عاطر الذكريات في نفسك السمحة فحكيت عن الوالد الجميل ونقّبت مآثره وفضائله ودعوت له فهو قد مات وإنقطع عمله إلا من ثلاث إحداهما ( ولد صالح يدعو له ) وأنت هذا الولد الصالح تقبل الله دعواتك لوالدك الذي شابهته عزة وفخارا .. وحقا كما قيل ( الخلف مامات) فأنت شبل من ذاك الأسد الراحل .. له رحمة وعظيم غفران !!
Quote: أكره العنقريب ولا أطيق منظره... فهو يذكرني بيوم أن حملناه وحملته بيدي وعاد هو (العنقريب) ليحتل حيزا علي الحائط ... |
وإن جلست فوق ذات العنقريب الذي حمل والدك الى داره الباقية.. وكنت أنت عريساً أو أحد أشقائك فسوف تحبه فهو رحيم وصديق في الأفراح والأتراح !!
Quote: الجمال عندي توصيف يحس ولا يرى
حتى لا نتهم بغزل |
لا تحتاج لمثل هذا التبرير فمثلك لا يرى جمال الوجوه وإنما جمال الروح وتهمني الآخيرة .. وأدري أنك تقصدها وأشكرك جزيلاً للثناء العاطر ياصديقي والمجاملة اللطيفة التي تفوق حجمي الإنساني كثيراً !!
كن بألف خير
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: نادية عثمان)
|
Quote: بالله قول ماشاء الله ماتسحر لينا الزول ياخ عارفة عينك الحارة دي أنا |
Quote: بالله قول ماشاء الله ماتسحر لينا الزول ياخ عارفة عينك الحارة دي أنا |
على الحلف يا الرطانة فردتي ده ما بخليهو ساااااى لازم نديهو فليوة من إنديناعشان يحت فيها شيبو عديل كده.
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: ismeil abbas)
|
ندوية
Quote: يازول شن فهمك إنت في الـ ( نيو لوك) سعادة لمستشار حسن طه ده قلت ليك متربي على العز واكل الوز مابشيب ذاتو وشعرو أبيض بمزاجو |
بس زى ده عندنا بنقول Expired وعندكم (نيو لوك) اها اتهنوا بيهو طالما جابت ليها مساخة ما تخافي نوع ديل غير مرافبين وغير متابعين لانو ادوات المتابعة ذاتها expired
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: ismeil abbas)
|
إسماعيل عباس الراجل الملك
Quote: يعنى نغير..خلاص شوفوا لينا بدل ود اللحد أغنية لأبوالأمين والرقيص إثنين إثنين وما تقولى الليلة يوم ألأثنين وهجيج للساعة إثنين بس بره السودان عشان هناك للساعى 11بس وللا قطيع ألأضنين |
هههههههههه
خلاص والله وممكن نحول مسار العنقريب ونخليهو عنقريب الجرتك وخلي زول ينزل لينا أغنية سيرة وبعد العيد الناس احرار لو عايزين يرجعوا لعنقريب الجنازة يرجعوا موش فكرة ؟!!
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: ismeil abbas)
|
إسماعيل يازول سمح الدواخل
Quote: ألرائعة/نادية الفكرة جميلة..و بعد العيد البجيك ضارب شربوت والبجيك من الحج جديد لنج..كلهم عايزين يفتحوا فينا..يالله معانا معانا بالدرب الطويل
يعنى بأذن الله معيدين فى بوستيك ده يا ألأخت....بالجد ما بتفات بالساهل |
خلاص جيب المسجل وغنية السيرة وعدتك وعتادك وخروفك وشيتك وضلعك وشربوتك ( غير المسكر) ومرارتك وام فتفتك وكمونيتك وتعال ..وأصلا ماتقول عيد مصر دي بايخ اهو نعمل لينا برنامج عيد حلو وسط العناقريب دي
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: الطيب شيقوق)
|
العزيزة الغالية نادية بت الشيخ
شكرا علي الدفاع عن شخصي الضعيف أمام هذا المكايد العريريب الذي يمنحنا وجوده اينما حل الأسر رغم مكايداته.
وبدفاعك كسرت القاعدة من " الهجوم خير وسائل الدفاع " الي " الدفاع خير وسائل الهجوم ".
أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع.
وآخر دعوانا أن يجمعنا الله تحت شجرة ظليلة علي ضفاف الدندر مع الجبنةاو النيل مع البلح البركاوي.
Quote: نادية العربي السمح ده اتعلمتيهو وين؟ كمان بنصبو وجرو وضمو وفتحتو وماضيهو ومضارعو وجمعو مثناهو و وهييييييييييييع |
يا العمدة
انت نسيت ان العرب والاسلام دخلوا السودان من دنقلا واستوطنوا بيها بعد توقيع الاتفاقية الشهيرة.
نادية .... ود شيقوق
اعذروني ان اكتفيت احيانا بالمتاوقة فقط علي البوست الجميل
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: حسن طه محمد)
|
الشاب الانيق حسن ود طه
Quote: أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع. |
يا العشاء شوف ليك فذع غير نادية بنتكم نادية ماك عارف شهادتها ليك مجروحة؟
اصلكم البرابرة بتتبادلوا الشهادة حتى امام المحاكم زى عربنا بس ناسنا انجح منكم الواحد ببيع الشهادة عديل اكان اسلط عليك كان بقيت صحابي بغطس حجرك .
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: حسن طه محمد)
|
الشاب الانيق حسن ود طه
Quote: أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع. |
يا العشاء شوف ليك فذع غير نادية بنتكم نادية ماك عارف شهادتها ليك مجروحة؟
اصلكم البرابرة بتتبادلوا الشهادة حتى امام المحاكم زى عربنا بس ناسنا انجح منكم الواحد ببيع الشهادة عديل اكان اسلط عليك كان بقيت صحابي بغطس حجرك .
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: حسن طه محمد)
|
قريبي الذي أفخر وأباهي به عين الشمس سعادة المستشار حسن طه
Quote: شكرا علي الدفاع عن شخصي الضعيف أمام هذا المكايد العريريب الذي يمنحنا وجوده اينما حل الأسر رغم مكايداته.
وبدفاعك كسرت القاعدة من " الهجوم خير وسائل الدفاع " الي " الدفاع خير وسائل الهجوم ".
أما يا زميلي وصديقي العزيز جد الحفيد الراقص في اريزونا فمعليش المعركة ( القضية ) خاسرة من أولها وانت القانوني الضليع.
وآخر دعوانا أن يجمعنا الله تحت شجرة ظليلة علي ضفاف الدندر مع الجبنةاو النيل مع البلح البركاوي. |
لن ينجح عشرة مثل صديقنا العرريب ود شيقوق في شن هجوم عليك وبالتأكيد ستكون كل قضاياه خاسرة وهو يدري ذلك ولكنه ( يتلايق) كما ( الجهد دسي) .. و ( الاووي ) وماتشرحها ليهو سمح
إطلالتك ياإبن عمي الغالي وخالتي الحبيبة حتى لو للإطلاع والقراءة فقط فهو مفرح فلا تحرمني منها سمح ؟
| |
|
|
|
|
|
|
Re: عندكم ( عنقريب) في بيتكم .. مٌت مطمئناً !!!! (Re: نادية عثمان)
|
Quote: عملنا كده وبرضو مانفع .. عاد نسوي شنو مع ( اللياقة) الإسفيرية |
عارفة يا نادية
قبل كده فتحت بوست قلت أنا قش فيهو حكاية فرتيق البوستات المتخصصين فيه ممدوح أبارو وعمك شيقا
وبددينا فى تحليل أسباب الظاهرة ، واستعرضنا نماذج لبوستات منكوبة من قبل ...
المهم البوست مشى مشى شديد وكل الحضور كانوا من ضحايا المسانيح ديل ، وهم لابتيييييييين وقانصين
فجأة بررردولوب جو ناطين فى البوست ، عليك امان الله جابو خبر البوست 5 دقايق مافى واصبح فى خبر كان
لغاية الان انت كويسة لكن كان جاء ابارور واتلم على المسنوح ده ... اصبحت واطاتك
| |
|
|
|
|
|
|
|