فضيحه المريخ يدفع لكليتشي في يوم المباراة

Quote: فقمت بالاتصال بجمال الوالي الذي نفي لي ان يكونوا قد سلموا كلتشي اي مبلغ من المال وقال انهم سيسلموا المبلغ اللاعب بعد التعاقد معه وهو حديث غير صحيح لان كلتشي استلم اموالا من المريخ

Quote: مستوي كلتشي تدني بصورة واضحة وكنا نبحث عن السبب ونلتمس له الاعذار

تدني المستوي سببو فلسكم وعدم ايفاءكم بمستحقات المحترفين ليس الا !!

Quote: وحمايته من غضبة الجماهير

ياتو جماهير دي ؟ المغلوب علي امرها والمخدوعه ولا جماهير تانيه !!

وكل شويه تشبكونا غضبة الجماهير ، انتو غيركم في البلد دي مافي ؟ ولا أكتر من شعب الزعـيم !!

يا اخوانا كليتشي مشي بنص القانون البسمح ليهو يفاوض أي نادي من خلال فترة معينه محدده والراجل

حسبها كويس وشاف محل راحتو وين وشتت

أهلا" بيك يا كلتشي في قلعة الكبار ومنبع الأبطال ، تعال وشوف الفرق ، ناس ترمي للاعبين الورد

وتصفق لهم عند الهزيمة وناس تكتح لاعبيها بالتراب والحجار عند الهزيمة ، تعال محل موجود الملك

فيصل حبيب الشعب وآسر القلوب ، وسيبك من نادي الشلليات والشرامه ناس علاء جبريل ومرق

تعال في النادي البدفع الملايين حوافز فوز ، مالك مال الحوافز المؤجله ، تعال نحن ناسك

وحبابك ألف يا نجم يا كبير ونحن حنحفظ ليك الجميل لما تسيبنا وتمشي مش نشتمك ونتهمك بالبيع

أسأل مننا ناس ايفوسا وايداهور وأبالو وأليجا تانا وحتي أوبينا ودعناهو وأديناهو كل مستحقاتو

وكمان أمشي أسأل شيكوزي وأوع تسأل قودوين وبيتر جيمس لأنهم حيقول ليك السودان ده أمرق منو بجلدك واللهم يجازي الكان السبب