|
|
|
 Re: كراريس الوجع - اهداء خاص ,, وخاص جدا (Re: عبدالله وداعه الامين)
|
شخبت كراريس الوجع
اكتبني فيك
جنبك عليك
وبشحدك
يا جايي واقع من سماك
وانا بين علاك
جواك
وفيني وبِحسِدَكْ
جواي وبَرضي ومشتهيك.
ما قالوا ليك كلو النقط
جواي تمطّّق نكهتك؟
شكّلني ضم الفيني ليك
سكّن لهات حرفي الوقف
في حتة عرفت سكتك.
اكسر بريق صحوك وجر
لوّن براك
لو لوني حاول يبهَتك
ببقاك,, وادفق اللون علي
وانا لو علي
ما انت عارف البي كمان
وعرفو الطبايع وجهتك.
وجّهتا بيك روحي وبقيت
عينيكك
ملامحك
سر غناك
وسرقت منك وجنتك.
وضحكت بيك
فريت خدود وهجك عطر
والبسمة كانت حقتك.
وانا كلي ليك
يا...
كلي ,, يا بعضي ,,, ومعاي
لو كان مناي
من بدري جدا كنت جيت
وعرفت اسرق دهشتك.
سارقني احساسي ,, وهواك
انا في هواي
ضرّيت حواسي ضهبت بيك
ضاريتو حسي في جنتك
يا تبقى كل الجنة لي
او نار
وطار
وانقر
وما تندم علي
لو بس تخونك عرفتك.
عرفتا بيك كل الوجع
جواي
ويا وجع الحرف
كيفن توجع الفتك.
وانا ما الفتك بس وجيت
وبراي بديت
اديك غناي
واديك مشاعر حبتك
حبوكا فيني الليل ونيل
واشواق تغزل الريح مطر
وعيوني دِيك العرفتك
عرفت تهش خيل الولف جواك
تخش وترش علي
طيبة قلوبا عشقتك
كتبوكا,,,
اكتبني
وكمان
لوّن خرط كل المدن
واديها ذاتك ,, نكهتك...
وابليني بيك.
عبدالله وداعه الامين
لندن 21.10.2008
| |
 
|
|
|
|
|
|
|
|
Re: كراريس الوجع - اهداء خاص ,, وخاص جدا (Re: bushra suleiman)
|
Quote: بين المغيب والمجئ يا عبدالله ..
من اين يبدأنى الحديث ، والقلب لم يعد كما كان!
فنحن نسلم رقابنا لمشانق الفراق
ولانفيق إلا على شذرات الأوكسجين
تطلب مناأن نتنفس كي نموت لأسباب مقنعة غير الفراق!
انت يا صديقى ذو هطول مختلف |
الاخ والحبيب الشاعر الانيق بشرى
بشرايا انا بك عزيزي الفاضل
نشتاقك جدا ويشتاقك المكان
وما بين جدلية الفراق واللقاء ها نحن نمد حبال الوصل مودة
نزرع الامل بازهار احبة هم منا ذاتنا
ونخدّر الروح بذكرى عطرة لاثر اقدام مرت جهة القلب وسكنت
شكرا لك حبيبنا بشرى
وشكرا لهطولك انت
وكل عام وانت بخير وعافية
| |
|
|
|
|
|
|
|
|
|
Re: كراريس الوجع - اهداء خاص ,, وخاص جدا (Re: عبدالله وداعه الامين)
|
يا ستااااااااااار !!!!
,,,,
,,,,
تعال سد ضلفة بي ضلفة ,, وتعال افتح براك النار.
ويا بتار جبال الهم منو السواك براك اذكار؟
نسبح بيك قبل نسجد ونركع من سجود لي ركوع
واسمك فينا زي تذكار.
ويا مسدار بنات اهلك
منو الخلانا نلهج بيك
ندخرك باب علي عرفة
ودفة تسوقنا لي امتار
وما محتار. ,,
براي سميتك العاقل
وعارف جن حراق روحك
ينتّف جنك البتار.
ادفر الباب علي مهلك
ولو اهلك نسوك انكر
وتلب من قصر شوقك
واصلو النية راجعة النار
وابقى كنار.
ويا مترار خزاين الليل اسرق الخطوة بي مهلك
كون اهلك
وعمرك ياخي ما تحتار.
وما تنصر علي جلدك
اذا رهف القلب وداك وكان الفقد فيك واحد
ودرب السكة هو الغدار.
ورمل الواصلة واسيهو
وبراك اعرف توازن الكيل
وما تخليهو لي الاقدار.
وشد زمل البسوقا الريح
وما تِنْصَر تكوس غيمك
وغيم رهب السحاب ودار.
وشُق الضي بريق يشلع
يضون لك كهارب الروح ومصباحك قليب ابيض
يقصِّر ليك لي مشوار.
تدور تمشيهو بي خاطرك
ودافر النية بيضا برق
بيفضح لُجتا الاسرار.
وشيل الليل براك اسهر
26.11.2008
| |
|
|
|
|
|
|
|
|
|
Re: كراريس الوجع - اهداء خاص ,, وخاص جدا (Re: Nana)
|
Quote: شوفني كيف بتبع خطاك
لما الدرب يصبح صعب
اصلك بديع كاسيك بهاك
تهزم ضلام حرفن تعب
والطيبة منك ولي رضاك
تتمنى بس ساعة قرب
اكتب وشخبت وقول مناك
يصبح غناك مليان طرب
وياريت يكون ابوعاقلة جاك
يملأ بجمال روحه الدرب
نشرب وداد يشبه صفاك
يروي الحرف يصبح خصِب |
يا نانا شخبتنا الدروب
بس نحنا تاه بينا الدرب
والسكة حاحاية غمام
وعيونا من كتر الكضب
موجوعة تتلفت ,, تتوه
وحزينة زي زولا ضهب
غشوهو حرفين انتظار
بي حرقة في نارهم يهب
والجمرة كانت نار وطن
بي غفلة واطيها القلب
بي جفلة طار قلبي وبقيت
انا والوطن حرفين نلب
حسرتنا زي كل البشر
ونتاتي لو نقدر نشب
| |
|
|
|
|
|
|
|
|
 Re: كراريس الوجع - اهداء خاص ,, وخاص جدا (Re: عبدالله وداعه الامين)
|
عبدالله يا أجمل ملاك
ابو عاقلة بس سكر نبات
تلقاهو دائماً مبتسم
زولاً حنين زيك ملاك
مجنون وبكتب في سمائي وفي سماءك
زولاً بحر أمواجو ما بتعرف ضفاف
زولاً يجبرك تشتهيو ومنو مافيش فكاك
يسأل عليك يكلمك تسأل عليه تلقاو معاك
ما تندهش وخلي إحساسك معاك
ابو عاقلة متل الزاهدين
ساعات تحسو قاعد في حِداك
يؤنسك يحدثك وبالضحك يقطع حشاك
عبدالله وداعة يا زول يا زين
يأخي والله القلوب شواهد و الزول
ده والله لمن يتكلم معاي في التلفون
ما بشعر بالزمن
التحية ليك وليهو
| |
|
|
|
|
|
|
|
|
|
Re: كراريس الوجع - اهداء خاص ,, وخاص جدا (Re: هاشم أحمد خلف الله)
|
Quote: عبدالله يا أجمل ملاك
ابو عاقلة بس سكر نبات
تلقاهو دائماً مبتسم
زولاً حنين زيك ملاك
مجنون وبكتب في سمائي وفي سماءك
زولاً بحر أمواجو ما بتعرف ضفاف
زولاً يجبرك تشتهيو ومنو مافيش فكاك
يسأل عليك يكلمك تسأل عليه تلقاو معاك
ما تندهش وخلي إحساسك معاك
ابو عاقلة متل الزاهدين
ساعات تحسو قاعد في حِداك
يؤنسك يحدثك وبالضحك يقطع حشاك
عبدالله وداعة يا زول يا زين
يأخي والله القلوب شواهد و الزول
ده والله لمن يتكلم معاي في التلفون
ما بشعر بالزمن
التحية ليك وليهو |
هاشم حبيبنا
كل سنة وانت طيب
القلوب شواهد فعلا حبيبنا هاشم والحروف كمان
فقد عرفناك وعرفنا الاخ والصديق محمد ولن افضل احدكم على الاخر
اعزاء وبدور نهتدي بها ونتجمّل
شكرا لك انت وشكرا الى محمد
وشكرا لمساحات الجمال والصدق التي بذرتموها في دواخلنا
احبكم جدا
واشكركم جدا
ولكم مني تحية وسلام يليق بقدركم
ومعزتكم
| |
|
|
|
|
|
|
|
|
|
Re: كراريس الوجع - اهداء خاص ,, وخاص جدا (Re: نادية عثمان)
|
Quote: شخبط على رمل الدروب
وأكتبني بالخط السعيد
نقرش حروف إسمي الوسيم
همزة وصال وبالضم شديد
أرسمني بي لون الغروب
وأنا عن جمالك مابحيد
خليني في جواك حنين
وغنيني زي لحنك نشيد
شتتني في روحك خيال
وأجمعني في دنياك عيد ! |
يا ستي كاتبك ومن زمن
شخبتّ اسمك في الوريد
ونحتّ حرفك في دمايا
نسجت عطرك خد وجيد
وقدلت لابسك منشرح
مبسوط وفرحان بيك شديد
ورسمت بيك الروح وهج
واديت عيونك اغلى ريد
عاوذانا ارسم فيكي ايه؟
واديتك اللون الوحيد
الشلتو من كل الجمال
وكسيتو منك لون جديد
وطلعتا بيك نجمة هواي
وادينا طعم الدنيا عيد
| |
|
|
|
|
|
|
| |
bushra suleiman
هاشم أحمد خلف الله
حسين نوباتيا
فيس بوك
تويتر
انستقرام
يوتيوب
بنتيريست