|
|
 Re: بيان شجب و استنكار من الباقين (Re: محمد البشرى الخضر)
|
Quote: تمبس دا اول زول حتاهو غرض عديل ..
يبقى ما باقين كيف؟؟؟
حنين مش من شلة الانصرافين برضو ..
سارة على عيبها لى ؟؟؟
غايتو سارة وحنين كان ما طلعو باقين بفتح لى بوست اعتذار ليهم.. |
اميرة الشيخ قدر الكلام انتي...لكن سارة علي التصبر لي...بركة الهكروها تمشي توقع لي بي هناك ..والرجرجة والدهماء ديل يخلوهم لي منو....
اوقع...وابصم بالعشرة مع كل العنقالة البسطاء العميقين معنا وروحا وتعامل..
لم اطلع حتى الان على البوست الاخر المعني لكن ماقرات هنا للأخ محمد سليمان صدمني بمعنى الكلمة اظني لا احتاج الى قراة البوست الاخر بعد ذلك..
ود العم...شكرا ليك ولي عودة...
| |
 
|
|
|
|
|
|
|
 Re: بيان شجب و استنكار من الباقين (Re: محمد البشرى الخضر)
|
وبرضو نوقع هنا يا ود البشرى
وشكرا عزيزى بكرى ابوبكر على الاستجابة السريعة
التهكير عمل جبان ومتوحش وهو ينم عن عدم ثقة بالنفس
وليس العكس . وإن كان لهم هذه القدرات المؤذية فلينافسوا
من خلال مواقع يفتحونها بانفسهم وليس من خلال سرقة ومجهود الاخرين
دمت عاليا يا موقعنا العظيم
ودمت يا ود الحلة يا زعيم
ضياء ميرغنى
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
بلد خربانة .. من شوارعها .. مبانيها.. أسواقها.. مطاراتها .. وأحسن إنجازاتها مسجد النيلين !!!! و ساعتها عرفت لماذا يكره أهل الموردة مسجد النيلين و يفضلون عليه حديقة ( الجندول)...!
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
Quote:
ابوبكر ياخي ما فشيتني
الكوت الجبتو دا هو زاتو و غيرو هم سبب حيرتي
ياخي اديني ليها عديل واحد زايد واحد يساوي اتنين (اتنين باقين ما مبدعين)
|
تعرف دى مشكلتى كواحد من الباقين فى فهم غير الباقيين.
لو قلت ليك العندى كلو " بطشِشك" زيادة.
إنت أفصِح وهات من الآخر ...
"بقيتى" و " بقيتك" أسباب لوعتى
أسباب "تشططى" بقيتك
وأسباب حيرتك " بَقيتى"
فهم البيان ببقيتك
زى فهم البيان ببقيتى
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
| Quote: هو غير الهندسة في فهم تاني ..! |
صدقت
لكن ياخوي مشكلتك مع الهندسة شنو بامانة كدا
شايفك لافي بالبوستات و ترمي في الكلام الهندسة اليوم الحار الما بعرفو شنو
دي واحدة و التانية اخبار الصفاية شنو
و عملتنا لينا شنو في موضوعنا
مستنيك انا بالمناسبة
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
| Quote: بلد أحسن إنجازاتها مسجد النيلين !!!! |
لا في دي لا عداك العيب ولا حاجة يا ملامح
وين بطولة سيكافا ون وسيكافا تو وكاس مانديلا وكاس دبي .. الخ .. من البطولات الحمراء المحمولة جوا وإنجازات المريخ زعيم البلد التى لا تحصي ولا تعد ..
ما تخلي موردبيتك تغلب عليك يا ملامح ..
| |
|
|
|
|
|
|
|
|
|
Re: بيان شجب و استنكار من الباقين (Re: طلحة عبدالله)
|
ياعمك ملامح ده حكايتو شنو...؟؟
لاني برضو شايفو حايم البوستات (وحليلك يا مصطفي محمود)
الا خ ملامح رصدنا له تعريض وتحرش واضح بالهندسة والمهندسين
وكذلك اراه يتحدث عن شلة اليوم الحار او كلام في هذا القبيل.....
يا ملامح ياخي لو عندك كلام في بطنك او احتقان تجاه شي معين مربوط بالهندسة او المهندسين
فبالله قولوا لدينا دغري وبالباب وخلينا نجي نتونس معاك فيهو ...ياخ ممكن نتفق معاك او نختلف معاك فيهو
ولا شنو..؟؟؟
| |
|
|
|
|
|
|
|
|
|
Re: بيان شجب و استنكار من الباقين (Re: محمد نجيب عبدا لرحيم)
|
تعرف يا ود البشرى مشكلتي مع الهندسة مع عمق دراساتها و تسطيحها لكتابات الآخرين هي تكمن في:
1 ـ تسطيح الكلام في المواقع الألكترونية..! ثانيآ إختزال المعرفة فقط في الكم الهندسي .. و ثالثآ عدم وضوح الرؤية الهندسية في إختزالها المعرفي حول قضايا المواطن السوداني محمد أحمد ..
رابعآ إستفار الكم المعرفي للمتهندسين في القضايا السودانوية .. حيث لم تظهر كتابات هندسية تدين الواقع المرير الذي فرضته حكومة الإنقاذ على السودان ..
خامسآ الجو المخملي و الخامل والذي يفرضه المتهندسين السودانيين من أمثالكم على حساب قضايا المواطن السوداني البسيط..!
سادسآ.. أرتفاع ( الأنا) العليا لدى المتهندسين السودانيين و شوفنيتهم لأبناء جلدتهم وأدعاءاتهم الصفوية في تنميط الفكر الصفوي وأهمالهم للفكر الهندسي المندحر تطبيقيآ و معرفيآ في تطوير شكل السودان الهندسي !
سابعآ.. عدم خروج فكر إبداعوي من الطائفة الهندسية وإحتقارهم حتى لأولئك المهندسين الذين لم يتخرجوا من جامعة الخرطوم ..!! و كأن جامعة الخرطوم هي أساس الهندسة في السودان..!
ثامنآ لم نر إبداعآ يومض بفكرة جديدة أو بناءآ لصيرورة الهندسة لتخلق فكر هندسي و خلاق مبين..
قال لي بكري أبوبكر ( لا تغضب من محمد البشري فهو أظرف زول في البورد)
وحقيقة أستغربت لإشارة بكري أبوبكر لك بالظرافة ولم نر منك سوى العكس ..!! ونأمل ألا يكون أمثال (....) من الظرفاء إيضآ ..
و تاسعآ لم أكره في حياتي شخصآ مثل ذاك الذي أدعى بأنه مصمم مسجد على النيلين !! وكأن السودان تنقصه المساجد وأمكنة الصلوات..!! وهذا جزء من العقلية الإنصرافية الهندسية..! حيث تعمل عقليتها فيما لا يرتجأ الناس!
وها هي جزئية من إنتقاد العقل الهندسي السوداني في صيرورته الإنصرافية و تعطيل خاصية الخلق و الإبداع .. وهذا الموقع خير دليل لهذه العقلية!
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
المهندسين خلي و كيكي
النقاط المتعلقة بالهندسة و كدا اخليها ليكم تناولكم ليها اكيد ح يكون افضل وفي صالح الحوار
اما انا فبجيك برواقة لباقي عولاقك دا يا خينا
هاك دي تحت الحساب
قلت لي مشيت كبيت الجرسة لبكري وقاليك انا ظريف اها و عملت شنو؟ ما صفيتو ؟
بالغت والله
كان تصفيه
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
يا ود البشري
بما ان الهندسة معنية بالترتيبات والتجهيزات في مرحلة ما قبل الانطلاق
اري من الضروري اولا ترتيب الفضاء والارض لانطلاق هذا الحوار الذي اراه مفيدا وجدا جدا مع الاخ ملامح
وعشان كده يا عمك هل تعتقد بان هذا الفضاء يجب ان يكون هذا البوست
ام استمحيك عذرا لنقل الحوار الي فضاء اخر وبوست منفصل..؟؟
ومهما كان خيارك فانا جاهزين موية ونور وونش كمان..!!
الرجاء الرد السريع
| |
|
|
|
|
|
|
|
|
|
Re: بيان شجب و استنكار من الباقين (Re: عبدالكريم الامين احمد)
|
باشمهندس كيكي
للامانة انا بعد قريت النقاط المكتوبة لقيت فيها - الغريبة - شي مفيد وممكن زي ما تفضلت ياسس لحوار جيد
عشان كدا استعنت بيك و بالمهندس خليل عشان نطلع بفايدة حقيقية
تماما موافق على فكرة الحوار لبوست آخر
عشان بعد شوية هنا الواطة ح تغيم و السماء ح تكفهر و ح تصب مطرة السنين على راس هناي دا
قو آهيد يا باشمهندس
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
| Quote: قو آهيد يا باشمهندس |
شكرا باشمهندس محمد
وهو كذلك...
وهنا لو غيمت برضنا حنجي نتمتع بذرات من الامطار المكفهرة
وما اجمل الامطار ذات الذرات المكفره عندما تاتي في الربيع
.....
وسنكون مع ملامح في بوست لن يبعد كثيرا من هنا
| |
|
|
|
|
|
|
|
|
|
Re: بيان شجب و استنكار من الباقين (Re: عبدالكريم الامين احمد)
|
الحمد لله إن الأمين كابو قد توفي ألى رحمة مولاه.. ولكن بعد أن قتل
(يوهنس) لاعب الهلال و أرتريا المسكين بناءا على رغبة المرحوم القطب المريخي فلان و مع القطب الآخر اللواء معاش فلان الفلاني..!! وللذين لا يعرفون الأمين كابو عليهم الإستفسار من المهندس ( كيكي).. من مايرنو ..
بالمناسبة يا كيكي أنا أهلى ( الصابوناب).. ودمت.. وأوعى تخلي شيطانك ود البشرى يملأ راسك بالرغم من إنحياز بكري له .. بالمناسبة هذا هو موقعنا الجميل وخنندقنا الخطير..
http://www.alzol.com
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
هلا يا ملامح...
ويا زول انا ما من مايرنو...واولا
وثانيا ما بتاع طلس ملص وهيك لاقويس...بل بنقولها هنا في اطار عكس الحاصل في الواقع السوداني..
والهكر ده لو كان ذكر سيرة سنجة بدل مايرنو كنت علي استعداد للتجوال معه في حي 14 ركن ركن...وما حديثي عن مايرنو الا لانني بعرف مايرنو
زي ما بعرف الصابوناي وام بنين وابو حجار وسنجة وكركوج...
وبعدين يا سيدي نقاشي معاك ما حيكون (حديث شيوخ الصابونابي ضد الامين كاغو)
بل حديث (ملامح العقل ضد كيكي العقل)..
....
والمهندس ود البشري ما بملي راسي بل الكلام المكتوب هو البملي راسي...ومنتظرك بهناك
| |
|
|
|
|
|
|
|
|
|
Re: بيان شجب و استنكار من الباقين (Re: عبدالكريم الامين احمد)
|
Quote: المهندسين خلي و كيكي
النقاط المتعلقة بالهندسة و كدا اخليها ليكم تناولكم ليها اكيد ح يكون افضل وفي صالح الحوار
اما انا فبجيك برواقة لباقي عولاقك دا يا خينا
هاك دي تحت الحساب
قلت لي مشيت كبيت الجرسة لبكري وقاليك انا ظريف اها و عملت شنو؟ ما صفيتو ؟
بالغت والله
كان تصفيه |
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
Quote: ياعمك ملامح ده حكايتو شنو...؟؟
لاني برضو شايفو حايم البوستات (وحليلك يا مصطفي محمود)
الا خ ملامح رصدنا له تعريض وتحرش واضح بالهندسة والمهندسين
وكذلك اراه يتحدث عن شلة اليوم الحار او كلام في هذا القبيل.....
يا ملامح ياخي لو عندك كلام في بطنك او احتقان تجاه شي معين مربوط بالهندسة او المهندسين
فبالله قولوا لدينا دغري وبالباب وخلينا نجي نتونس معاك فيهو ...ياخ ممكن نتفق معاك او نختلف معاك فيهو
ولا شنو..؟؟؟ |
ملامح ده كلامي الاولاني لود البشري قبل ان تقول انت ملامحك الجبتها دي
وانا بالمناسبة شايفة من فترة وانت بديت تتعترض للمهندسين وصابرين ليك قلنا علها سحابة زعل وتروح
والليلة ما دام جبت البيان بتاعك قلنا دي فرصة نتناقش معاك فيها....
..
وبعدين انت ما دام قلت مهندسين فاتوقع انو اي مهندس او مهندسية يجي يتناقشك في الكلام ده
ولا شنو؟؟
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
Quote: تعرف يا ود البشرى مشكلتي مع الهندسة مع عمق دراساتها و تسطيحها لكتابات الآخرين هي تكمن في:
1 ـ تسطيح الكلام في المواقع الألكترونية..! ثانيآ إختزال المعرفة فقط في الكم الهندسي .. و ثالثآ عدم وضوح الرؤية الهندسية في إختزالها المعرفي حول قضايا المواطن السوداني محمد أحمد ..
رابعآ إستفار الكم المعرفي للمتهندسين في القضايا السودانوية .. حيث لم تظهر كتابات هندسية تدين الواقع المرير الذي فرضته حكومة الإنقاذ على السودان ..
خامسآ الجو المخملي و الخامل والذي يفرضه المتهندسين السودانيين من أمثالكم على حساب قضايا المواطن السوداني البسيط..!
سادسآ.. أرتفاع ( الأنا) العليا لدى المتهندسين السودانيين و شوفنيتهم لأبناء جلدتهم وأدعاءاتهم الصفوية في تنميط الفكر الصفوي وأهمالهم للفكر الهندسي المندحر تطبيقيآ و معرفيآ في تطوير شكل السودان الهندسي !
سابعآ.. عدم خروج فكر إبداعوي من الطائفة الهندسية وإحتقارهم حتى لأولئك المهندسين الذين لم يتخرجوا من جامعة الخرطوم ..!! و كأن جامعة الخرطوم هي أساس الهندسة في السودان..!
ثامنآ لم نر إبداعآ يومض بفكرة جديدة أو بناءآ لصيرورة الهندسة لتخلق فكر هندسي و خلاق مبين.. |
لاحول ولا قوة إلا بالله،،،
دة كلوووو؟؟؟؟؟
| |
|
|
|
|
|
|
|
|
|
Re: بيان شجب و استنكار من الباقين (Re: tmbis)
|
Quote: والله يا كيكي الكلام دا خطير جدا ..
إنت ما طلعت من الباقين بس .. من الباقين واعمل شخيط ..
كدي بلاي تعال لي جااي شوية .. |
هلا يا تامبا
واحنا يا حبة باقين وباقي الباقين ذااتو
وتقول شنو مع ملامح ده..العاوز يحولها معركة ما بين شيوخ الصابونابي وفكيية مايرنو
معركة حامية الوطيس ممكن تحرق ميكافيلي ذاااتو...
فعشان كده لازم نركب معاهو زلط الصعيد ده شوية ونقطع الكبري صوب كركوج والفيافي العجيبة ديك
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
العوض المسلمى
تعرف عندى صاحبى ضابط إدارى من " الشوّافة" ريفى كوستى ، تزاملنا فى العمل فى سنجة وسنار وكان بضحك بعدما سابع
دليب بقت قريبة بالظلط لكوستى.
السبب:
إنو كان بقولوا للزول الزهجانين منو : إنت بالـ "تمرقك" فى سابع دليب - فاس فاس بتاعتهم- شدة ما كانت بعيدة من النيل الأبيض.
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
كتب المالامح ولا فاهم سجم رمادو و حايم في الاسافير كعبيط القرية Quote: شوف يا ود البشرى المن غير بشرى ..
لا أحسبك سوى أحد الذين إنحطوا بمستوى هذا البورد .. زيك و زي فلان!
كون أن كتاباتك الأسفيرية الفاشلة و خلقك لبيئة أسفيرية نتنة لا يمكن أن تتأتى هذه البيئة من شخص سوى ... و بالمناسبة أنت و من معك ليسوا سوى عصابة أسفيرية منتهية ...!!! ولولا و صف أخونا بكري أبوبكر لك بالظرافة لظننت أنك أحد متهندسي الإحتراب في هذا البورد.. يا عديم النخوة ... !! فأنت و من شايعك ليسوا سوى بالونات تفرقعها إبر الدبابيس ..! شوف يا ود البشرى فأنا من خلالك فلقد كفرت بك و بمن شايعك و من و قف معك .. فلاغرو أن يكون المبدعون خصومك ..! يا جاهل ... والجهل لا يغدوا سوى أن يكون سلافة أفعالك و كتاباتك و خلقك لبيئة تحرشية في هذا المكان .. و أصنفك و من معك أركاء هذا الزمان!
قول لينا ما هي عقدتك الدنوية حتى نعالجها لك ... يا حلم الصبا ..! |
و عشان ما اخرب عرض الحال المفتوح ليك هناك
جبت عولاقك و (حُسن) اخلاقك هنا
عشان عايز اقزقز بيك و اضقل بي مزاج
رجاء باللاي ما تجري لبكري و اكل نارك براك
ياقول صديقك - يتبع
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
مقاشر ما تقول نسيتك لكن مزاجي الليلة رايق ما داير اعكرو بي خلقتك
بس حيرتني دي دا شنو ياربي يكون
صعلقة يعني و سفاهة مثلا ولا شنو
غايتو ح افترض حسن النية و اعتبرها عوارتك المعتادة حتى اشعار آخر
اها حاجة تانية
يا خوي ممكن تديني فكرة كدا عن فئتك العمرية و خلفيتك الاكاديمية عشان ما عندي مزاج ولا حيل زيك افتش البروفايلات ولا اتتبع اواسك خصوصيات الناس
وفي نفس الوقت ما داير اظلمك و اتعامل معاك استنادا على الانطباع الخلفته كتابتك - او على الاصح - هبالتك الهنا
و كالعادة - يتبع
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
Quote: حنة عريس هي ياخ؟
ياعمك نزلو بالله ده وأديه باقيه
شفتو نوعكم ده هو البجيب لينا الكلام
ــــــــــــــــــ
بمناسبة التوقيع وييين طه أخوان ياقريبك؟ |
اهاااااااااااااااااااا يا ممدوح ... كدا نمشى ونجيكم بعد الكريسماس ... سمح؟
من اول يوم؟؟؟!!!
شول اشوانق دينق
| |
|
|
|
|
|
|
|
|
 Re: بيان شجب و استنكار من الباقين (Re: محمد البشرى الخضر)
|
مساوئ .. نجي لتفكيك خطابك المعولق واحدة واحدة | Quote: لا أحسبك سوى أحد الذين إنحطوا بمستوى هذا البورد .. زيك و زي فلان! |
اوكي انا انحطيت بمستوى البورد الرفعتو انت
فلان دا منو ؟ لما كتبت كلامك دا اظنك صاحي كنت فشجاعتك المكتسبة خانتك ولا شنو
قول قول ما تتحسس| Quote: كون أن كتاباتك الأسفيرية الفاشلة و خلقك لبيئة أسفيرية نتنة لا يمكن أن تتأتى هذه البيئة من شخص سوى ... |
عاد اقول ليك شنو بس ؟ الفيك بدربو | Quote: و بالمناسبة أنت و من معك ليسوا سوى عصابة أسفيرية منتهية ...!!! |
تاني جينا لمن معك
ياخوي انا مسؤول عن ما اكتبه فقط زي ما مفروض انت برضو تكون مسؤول عن كتابتك - و ان كنت اشك
ثم شنو حكاية شلة واستهداف و عصابة انت ياخوي اظن فاكر روحك حاجة كدا
لما تتهابل في مكان عام زي دا شي طبيعي انو الناس تنتقدك و تضحك على هبالتك فما تفتكر الناس الانتقدتك معناها قاصداك او عاملة ليك عصابة
غايتو إذا دا فهمك معناها ليك حق تحاول تحشر نفسك مع مجموعة البيان و تفرض نفسك
انت قايل القصة شلليات و عصابات اظنك | Quote: ولولا و صف أخونا بكري أبوبكر لك بالظرافة لظننت أنك أحد متهندسي الإحتراب في هذا البورد.. |
نفسي افهم انت كلام بكري دا حرقك وين وليه؟
شايلو حايم بيه الحلة كلها , ثم اساسا الوداك تتشكى لبكري شنو ؟
مش حلفت و ارغيت و ازبدت و قلت ما بخليك و جايب معاك اهلك و عملت السبعة و ذمتها
دا كل القدرت عليه ,تشتكي اها واسي قاليك ظريف و احرجك كيف العمل| Quote: يا عديم النخوة ... !! |
يا عجل| Quote: فأنت و من شايعك ليسوا سوى بالونات تفرقعها إبر الدبابيس ..! |
تعال فرقعني طيب
كنت صفاية وداير تصفينا اسي بقيت دبوس ... جيد ليك
باقي العولاق بجيهو ليك بعد الصلاة ان شاء الله
| |
|
|
|
|
|
|
|
|
|
Re: بيان شجب و استنكار من الباقين (Re: طلحة عبدالله)
|
بالله شوفو الإبداع ده كيف
حتى نتعلم فتح الموضوع وإنتهاؤه
التحية لهم وهم أول من أدان وشجب
التحية لهم وهم من وراء بوستهم أتت
عشرات البوستات بما فيها من إبداع
وما فيها من لغاويث ومهاترات
Quote: الأستاذة الشاعرة أسماء الجنيد:-
* أن تقودي معركة الدعوة بالعودة لجادة الصواب برصانتك ونديهتك وصبرك على (الملاواة)، لهو أمر يحسب لك، وكنا له من المنتبهين، هل يا ترى كنت من بين الذين اتصلنا بهم ولأسباب مختلفة لم تصلك الرسالة؟!، الله أعلم!، ولكن ما هو معلوم أنك تساميت على صغائر الأمور والبعد عن الحساسيات لتنفذي إلى جوهر الأشياء فكان حضورك الباهر على رأس قائمة المتداخلين تذودين برصين الحديث ومحاولات إصلاح ذات البين ، من أول خيط البوست حتى أطرافه، طوبى لك، وأشكر لك إستحسانك لما كتبت من مداخلات متواضعة.
أستاذنا كمال عباس:-
* راصدون كنا لما (ناشك) - ومايزال - من خشن القول، ونراك تعتصم بالرصانة والموضوعية والتهذيب المكثف لتعليم أولويات كيفية إحترام المخالف في الحوار.. أقول قولي هذا قبل أن أدلف لوجهة نظرك حول البيان وسلبياته.. كل ماقلته من وجهة نظر، نحترمها وستكون نصب الآعين في تجاربنا القادمة.. ليس فينا من هو فوق النقد أو كمال القدرة على الانجاز، دون هنة هنا أو هناك، وبغض النظر عن الاتفاق أو الاختلاف معك، نحيي فيك روح الموضوعية.. ونحييك في شخصك الكريم.
* واسمحا لنا ونحن في حضرة (أحاديث الامتنان) أن نشيد بتعاضد كل من ناصر بياننا ذائداً عن الحقوق المشروعة لنا ولسوانا موضحاً وشارحاً وملقياً إضاءات كاشفة على جوهر ما نريد ولب ما نبغي بحسن نية، نافياً عنا كل محاولات الصاق ما ليس فينا وداحضاً تخرصات ما نسب إلينا دون أن نتقول به أو نقصد إليه سبيلاً.
* نخص بالامتنان هنا كمثال وليس الحصر كل من عثمان موسى، فتحي البحيري،بهاء عيسى، خالد كودي، عادل عثمان، نصر الدين عثمان، فتح الباري( الحوت)، صبري الشريف، عبد العظيم أحمد، عبد الغفار محمد سعيد، حليمة2، المسافر، الأزهري2، محمدE سليمان، عبد المنعم الجزولي، سعد الدين عبد الرحمن، صفاء فقيري، عادل السعيد، العوض الطيب، يحيي ابن عوف، بدر الدين أحمد موسى، علي الحلاوي، صلاح ليون، الوليد محمد الأمين، عبد المنعم سيد احمد، جمال الدين بلال، كبر، عبد العزيز عيسى أبكر، سلوى صيام، الشريف، محمد ابراهيم قرض، أحمد طراوة، أسامة الخواض، هادية محمد ، ملامح، وليم أندريا، ضياء الدين ميرغني، محمد حيدر المشرف، محمد عبد القادر سبيل، مدثر محمد عمر، أحمد موسى، الوليد أحمد.. وآخيراً القاص والكاتب عادل القصاص الذي كان من المفترض أن يوقع ضمن المجموعة على البيان إلا أن إفادته بالتوقيع أتت متأخرة نوعاً ما.
* نحن الآن على مشارف نهايات العشر الأواخر من دقائق هذا البوست الذي أدى غرضه تماماً، ورأينا ضرورة أن نختتمه.. فليس من الحكمة أن نتركه هكذا يسير دون الوصول (للميس) كثور ساقية جحا في الحكايات الشعبية!.
* إستمعنا( واستمتعنا) خلاله لكل وجهات النظر التي نحترمها بكاملها جملة وتفصيلاً، وسنعمل على الانتباه لها مستقبلاً . خاصة أن بها من الملاحظات السديدة والتي لا يمكن إغفالها أو إهمالهاأو تجاوزها.
8 سنواصل ما (انقطع) من أمر (نشر) هذا البيان على أوسع نظاق عبر الصحف وكل وسائط النشر الأخرى المتاحة ونحن نستصحب معنا هذه المرة كل هذه الكواكب الأصيلة التي انضمت ووقعت معنا ، هنا في سودانيس أون لاين وهناك في كل من موقعي سودان فور أوول وسودانيات، بنفس الأسماء التي وقعت والصفات التي وردت.
* إنابة عن عزيزنا يحيي فضل الله والذي ما يزال كما هو واضح مشغولاً بأمر البروفات المكثفة لمشروع عمل مسرحي جديد، نشكر الجميع ونقفل باب المناقشة ونخرج .. دون أن يكون في الآنفس شئ من حتى .. والعفو والعافية.
* وأرحكاكم لقدام.
* ختام
|
وأركز على هذه الجمل:
| Quote: نشكر الجميع ونقفل باب المناقشة ونخرج .. دون أن يكون في الآنفس شئ من حتى .. والعفو والعافية. |
| Quote: إستمعنا( واستمتعنا) خلاله لكل وجهات النظر التي نحترمها بكاملها جملة وتفصيلاً، وسنعمل على الانتباه لها مستقبلاً . خاصة أن بها من الملاحظات السديدة والتي لا يمكن إغفالها أو إهمالهاأو تجاوزها. |
| Quote: نحن الآن على مشارف نهايات العشر الأواخر من دقائق هذا البوست الذي أدى غرضه تماماً، ورأينا ضرورة أن نختتمه.. فليس من الحكمة أن نتركه هكذا يسير دون الوصول (للميس) كثور ساقية جحا في الحكايات الشعبية |
| |
|
|
|
|
|
|
|
|
|
Re: بيان شجب و استنكار من الباقين (Re: صلاح ليون)
|
مرة تانية فووق للإستفادة
Quote: * نحن الآن على مشارف نهايات العشر الأواخر من دقائق هذا البوست الذي أدى غرضه تماماً، ورأينا ضرورة أن نختتمه.. فليس من الحكمة أن نتركه هكذا يسير دون الوصول (للميس) كثور ساقية جحا في الحكايات الشعبية!.
* إستمعنا( واستمتعنا) خلاله لكل وجهات النظر التي نحترمها بكاملها جملة وتفصيلاً، وسنعمل على الانتباه لها مستقبلاً . خاصة أن بها من الملاحظات السديدة والتي لا يمكن إغفالها أو إهمالهاأو تجاوزها.
* سنواصل ما (انقطع) من أمر (نشر) هذا البيان على أوسع نظاق عبر الصحف وكل وسائط النشر الأخرى المتاحة ونحن نستصحب معنا هذه المرة كل هذه الكواكب الأصيلة التي انضمت ووقعت معنا ، هنا في سودانيس أون لاين وهناك في كل من موقعي سودان فور أوول وسودانيات، بنفس الأسماء التي وقعت والصفات التي وردت.
* إنابة عن عزيزنا يحيي فضل الله والذي ما يزال كما هو واضح مشغولاً بأمر البروفات المكثفة لمشروع عمل مسرحي جديد، نشكر الجميع ونقفل باب المناقشة ونخرج .. دون أن يكون في الآنفس شئ من حتى .. والعفو والعافية.
* وأرحكاكم لقدام.
* ختام
|
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
احمد التجاني ...
ومنا ومنكم صالح الاعمال
تنظير
ما عشان كدة كوتناها ياخ
صلاح ليون..
جيب الكوتات دا ما حيوصل الفكرة بطريقة سليمة
كان عندك راي في البوست او رفعو ياريت تعبر لي عن بمفرداتك انت عشان اتناقش معاك فيه - لو احببت
مهازل ...
بجيك للباقي بعدين ان الله هون
| |
|
|
|
|
|
|
|
|
 Re: بيان شجب و استنكار من الباقين (Re: محمد البشرى الخضر)
|
مخازي ... نواصل مع سجمك| Quote: شوف يا ود البشرى فأنا من خلالك فلقد كفرت بك و بمن شايعك و من و قف معك .. فلاغرو أن يكون المبدعون خصومك ..! |
ومنو الدعاك للإيمان اصلا يا دا
ومنو البتشرف بي ايمان امثالك بيه , ايمان الزيك بي خصم علي لا اضاقة
ما مشكلتي ان يكون زيد او عبيد خصوما لي المشكلة انك حاسب نفسك مع المبدعين و دي لعمري هي الماساة| Quote: يا جاهل ... والجهل لا يغدوا سوى أن يكون سلافة أفعالك و كتاباتك و خلقك لبيئة تحرشية في هذا المكان .. |
الله يسامحك يا العالم | Quote: و أصنفك و من معك أركاء هذا الزمان! |
تاني قام جاب سيرة البحر
انت ما تبت يازول من سيرة الركاكة دي , هسي نقوم عليك نبقى في الشكية| Quote: قول لينا ما هي عقدتك الدنوية حتى نعالجها لك ... |
امسك عندك:
- لن اعيش في جلباب ابي , او بحاول
- احساسي باني يجب ان اكون مع علية القوم و اكارمهم , رغم تجاهلهم لي
- عقدة قديمة مع الهندسة و المهندسين
- عدم شجاعتي و قدرتي على الكتابة وانا واع
كفاك ولا ازيدك ولا اقول ليك عالج لي ديل اول و بعدين نكمل زي ما قلت ليك سفاهتك ما بقدر اجزم عليها لكن عوارتك انا بها زعيم
فحاعتبر (حلم الصبا) دي من قبيل العوارة يا (الاماني السندسية)
وفي الختام اقريك و الاخوان السلام
وان عدتم انحنا قاعدين
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
إنت زعلت من حلم الصبا دي..
ولا تزعل نفسك .. أغيرها ليك يا حلم الكرى ..
وبرضو أوقع مع الباقين يا لذيذ ..( بشهادة أمين الموقع) ..
الواحد بكتب عن أوباما و مولانا الحسيب النسيب ..
لكن ناس حلم الكرى ديل بسوقوك لي وين ما عارف ..
صحي صدق الباشمهندس ملاسي في مسألة التعقيدات دي ...!
قال ود أبرك قال..
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ود العم...قلنا نسلم عليك ابوي ونرجع نواصل طمة البطن....
يلا مع السلامة
ااي نسيت....
دايرة اوقع تاني ممكن...
اوقع مع الرجرجة والدهماء.....
"ابوي اسمع نصيحتي انت مافي حوجة لمواصلة الحوار الأعرج المن اسه ممكن اوريك نهايته حيكون شكلها كيف ...اتجاوز الحاصل ده...وانت عارف مكانتك بين اخوانك قدر شنو...عليك الله ماتواصل في نقاش لاجدوى منه، وبيع الموضوع ده...
| |
|
|
|
|
|
|
|
|
|
Re: بيان شجب و استنكار من الباقين (Re: نعمات حمود)
|
يا ود البشرى يا هندسة..
اليومين ديل الواحد مزاجو رايق و معنوياتو في السما ..
موضوع المهندسين حسمناه مع الكيكي ..
وصلتني عدة مناشدات من أشخاص أحترمهم و أكن لهم كل تقدير بأن
نحاول أن نهدئ اللعب .. ولقد كتب لي أحد مهندسي البورد ( رجائي لو عندك مشكلة مع ود البشرى حلوها بعيد من بقية المجموعة)..
فبالنسبة لي الموضوع إنتهى من فترة سابقة .. وحضرت للتوقيع هنا..
ولكن إستمرار ردودك التهكمية هو الذي أجبرني لبقية الردود..
فيبدو أنك مازلت غاضبا و في نفسك شئ من حتى ..
وها أنذا أعافيك وأطلب منك العودة لكتاباتك الجميلة وخاصة في الأدب والشعر الشعبي .. وفي هذا مجال متسع للكتابة و المساجلات الجميلة وأدب الأستظراف .. وآمل أن تصفى النفوس بما عمرت من صفاء وقيم إيجابية.. لينعكس هذا على جوهر وروح البورد ..
بالمناسبة إنت فعلا زول ظريف .. وتهكمياتك تذكرني بالكاتب الروسي نيكولاي قوقول.. مع وجود( تذكية) لك من الأخ أمين الموقع,,
تحياتي لحتحوت الصغير ( ما سيرة بحر).. ولأنه أصبح من الشخصيات الهامة في البورد و ربنا يخليهو ليك .. آمين يا رب.
| |
|
|
|
|
|
|
|
|
|
Re: بيان شجب و استنكار من الباقين (Re: malamih)
|
| Quote: ابوي اسمع نصيحتي انت مافي حوجة لمواصلة الحوار الأعرج المن اسه ممكن اوريك نهايته حيكون شكلها كيف ...اتجاوز الحاصل ده...وانت عارف مكانتك بين اخوانك قدر شنو...عليك الله ماتواصل في نقاش لاجدوى منه، وبيع الموضوع ده... |
!!!!
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ملامح
اها فكيت درب ود البشرى داير تقبل علي 
شايفاك عملت كوبي بيست لي مداخلتي مع ود البشرى عندك راي فيها ولا شنو...ده كلام بيني وود العم يعني مافي مكان لي تالت..
لكن لو داير اضافة مني ليك شخصيا...ممكن اقول ليك ياملامح كلامي لود البشرى عنيت بيه انه بالجد طريقتك التصاعدية في ادارة المناوشات مع ود البشرى تابعتها لك في بوست قبل ان يقوم بكري بسحبه ولم تعجبني نهائيا كما لم تعجب غيري ليس دفاعا عن ود البشرى لكن لان اللغة المستخدمة كانت غير مرضيةوانتقدها عديدون هنا..
ياملامح الخلاف في حد ذاته مامشكلة لكن اللغة الخلافية هي المشكلة..عندك راي في ابو حتحوت ولا غيره ده لايرقى لتبادل الشتائم ونعته بصفات تغضب كثيرين هنا لم يروا منه الا كل خير وحديث مهذب..
ود البشرى ياملامح جمعنا بيه البورد ده زيك زينا لكن الميزه وميز غيره من الاخوة الاعزاء هنا هو احترامهم لغيرهم وعدم تبخيسهم لقيمة الىخر.
عموما الموضوع بعد قراتي لاخر مداخلة لك ياملامح اظنه بدا ياخذ منحى هاديء لانه بالجد مللنا قراءة من مسك التلابيب الجاري هنا...
الدنيا ياملامح مابتستاهل....نعادي وكمان عبر الاسافير.
عموما ارجو ان اكون قد اجبت عن استفهاماتك...وبرضو ممكن تشاور بكري
سلام..
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
ملامح...
سؤالي الجاي دة انا جادة فيهو...
انا بس دايرة اعرف انتا عندك راي في الباقين (انحنا)...طيب معناها انتا مصنف نفسك من المبدعين..
بدون اي حساسية او مهاترة ممكن اعرف نوع ابداعك شنو...؟؟وانتا شغال شنو...؟؟ عشان لو ما طلع عندك ابداع تبقي دي مشكلة...
علي فكرة يا ريت تخت لينا كم رابط لي بوستات قديمة لو عندك مكتبة عشان نتعرف عليك اكتر..
غايتو الابداع الشايفاهو انا هو مقدرتك الخرافية في ملاحقة ودالبشري...وصدقني ماحتصل لي شئ..
| |
|
|
|
|
|
|
|
|
|
Re: بيان شجب و استنكار من الباقين (Re: سارة علي)
|
الأخت حنين يا بلد ..
الإقتباس يعني تأيدآ لما كتبتيه لود البشرى في مناشدتك له بعدم الإستمرار في ما يثار من حديث .. أما علامات التعجب تعني تأخر رد ود البشرى لهذه المناشده لا أكثر ...
بالمناسبة أنتم تعرفون ود البشرى ولكنكم لم تعرفوني .. لذا كان وصفك لمعرفة ود البشرى لمكانته بينكم في تسفيه لي من صياغ الحديث ..
وأحب أن أعرفك أختى الفاضلة عشت عمري كله محترما رافعآ رأسي .. لا ولن أحنيه ولم تلحقني أساءات سوى في هذا المنبر .. فنحن ينطبق علينا قول الشعر الشعبي في البيت الذي يقول( في محضر بواش حاشاه ما بنزم). ودمت
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
| Quote: أطلب منك العودة لكتاباتك الجميلة وخاصة في الأدب والشعر الشعبي .. وفي هذا مجال متسع للكتابة و المساجلات الجميلة وأدب الأستظراف .. وآمل أن تصفى النفوس بما عمرت من صفاء وقيم إيجابية.. لينعكس هذا على جوهر وروح البورد .. |
G-Unit
شول اشوانق دينق
_______________________________
التحية لملامح وود البشرى ... ارضاً سلاح.
| |
|
|
|
|
|
|
|
|
|
Re: بيان شجب و استنكار من الباقين (Re: Mohamed E. Seliaman)
|
هلا يا ازمة
وسلام جاك..
وشنو قعونجك جمع ولاشنو..؟؟
وقلنا نديك مرور يومي نشوف الليلة كيف الحال وشنو حالك واحوالك..
ونديك شوية ملاحيظ كونك اصبحت (مودل وكيس) لذا هنالك مسئولية اخلاقية تجاه المشروع الاركلوجي بتاعي
1-شايفك ماشاء الله كترت العنابر..
عنبر غيغي الاب...وداك طبعا غيغي الاصلي
عنبر غيغي 2 الرديف في بوست ياسر طيفور2 (لاحظ هارموني 2 هنا و2 هناك)..
عنبر غيغي 3 او غيغي الباقيين في ضيافة ود البشري.......
فكثر لينا من الغيغيات دي بالله ...تسهل علينا تفريغ الاحتقان الابنعاجي
2- لاحظنا عودة القعونج الي الملاعب مرة اخري..
ونحن نشيد بعودة سطوة (وعي الرسوم) ودي حالة متوقعة طبعا بعد (رسمة الخروف وشوال القعونج) الوهابية القاضية...
3- تطور مستوي الرسم عندك واستفدت تماما من نقدنا ليك في بوست العملية التي كانت في النملية
-القعونجة القوقلية والاسهم والدفرة الخارجية شايفك وجدت ليها مساحة جوه الرسمة وده بوري انك استفدت من جرعات (الريموت كنترول)....
-واصل يا زول وخضر يومي في حواشات العنابر والقعونج
ولو مشيت في الملاحيظ دي يومي وبتسمع الكلام كويس
حرم انا خليك ترسم قعونجة تضج بالحية وتنطط كمان.....
ويلا يا زول تاني كل ما الله يهون بجي بديك نصائح غيغية
حتي يتم ليك الشفاء باذن امون رع(او كما قال الشهير بشاشا)
| |
|
|
|
|
|
|
|
|
|
Re: بيان شجب و استنكار من الباقين (Re: محمد البشرى الخضر)
|
معاي رجرجة فلسطيني معاي في الشغل طلع لي زيتي..
لو كنتا ولد كنتا زمااااااااااااااااان اديتو بنية..
لو بضمن انها بتكون قوية زي حقت الاولاد بديها ليهو هسه..
احيييييي ...
(لقيتوني كيف؟؟قمة الرجرجة صح؟؟)
المهم نرجع لي موضوعنا...وووين سيد البوست؟؟
| |
|
|
|
|
|
|
| |
محمد البشرى الخضر
altahir_2
أبوبكر أبوالقاسم
محمد عبد الماجد الصايم
طلحة عبدالله
عبدالكريم الامين احمد
محمد نجيب عبدا لرحيم
tmbis
emad altaib
العوض المسلمي
ممدوح أبارو
ملكة سبأ
mohmed khalail
غباشي
شول اشوانق دينق
احمد التجانى احمد
نعمات حمود
سارة علي
Muna Khugali
Magdi Ahmed Elsheikh
Mohamed E. Seliaman
فيس بوك
تويتر
انستقرام
يوتيوب
بنتيريست