|
Re: يا بكري : عماد عثمان يستحق... (Re: طارق ميرغني)
|
Quote: الباشمهندس بكرى إذا ماعايز تدى ولدنا إذن دخول لحوشك دا ,, أعمل ليهو إفراج مؤقت لمدة 3 شهور بعد داك هو بدبر حالو مع أخوان فاطنه...
|
------------------------------- يعنى حجة وزوغة ياعبد الكريم ..؟
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
عماد اتلحلح شوية واعمل ليك موضوع كارب كدة عن الحلفايا بس قبل ماتعمل الموضوع اعمل هوم ورك شوية وأسأل بكرى دا فى الحلفايا عبدلابى ولا شايقى ولا من وين عشان الكلام دا بيساعدك من ناحية لوجستية .. وبيساعدنا برضو ...
أها اذا طلع شايقى تقول فى موضوعك ان الشايقية كانوا من اقدم الاجناس البشرية التى استوطنت الحلفايا وقد هزموا فلول المرتزقة العبدلاب الذين حاولوا الاغارة على الحلفايا وهزموهم شر هزيمة فى موقعة ام دبيكرات الثانية واهو حاجات زى كدة عشان نمشى الحال ...
لكن اذا طلع نص نص شيل شيلتك براك ...
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
سعادة الباشمهندس بكري كل عام وانتم بخير
ادناه آخر مشاركه من الاخ عماد مناوله من الشباك في بوست بحري طراوه:
Quote: المشاركة التالية من عماد عثمان احمد – جدة الفنان الموسيقار - السني الضوي
- ولد الفنان السني احمد محمد الضوي بمدينة نوري بالولاية الشمالية في العام 1936 م وبدا دراسته بخلوة الشيخ الحسن كرار بنوري . . وسافر في بواكير صباه الى مدينة بورتسودان و استقر مع شقيقه الأكبر محمود السني المقيم بتلك المدينة والتحق بمدارس كمبوني وشد الرحال مرة اخرى الى مدينة الخرطوم واكمل دراسته بمدارس الأقباط وتخرج من المعهد الفني . . وتم تعيينه موظفا في ( شركة النور ) سابقا وحاليا ( الهيئة القومية للكهرباء ) حتى انتهاء خدمته و احالته للمعاش . - بدأ السني الضوي مسيرته الفنية اوائل الستينيات بعد ان تعلم عزف العود وكان يتغني باغنيات الراحل التاج مصطفى وبدايته مع التلحين كانت من خلال اشعار زميله في العمل ( شركة النور ) الشاعر محجوب سراج و أول تعاون له كان مع الفنان الراحل ابراهيم عوض في اغنيات مين قساك وليه بتسال وقاصدني ومامخليني وللفنانة الراحلة منى الخير اغنية غبت عني مالك ولعبت الصدفة والقدر الإلهي دورا كبيرا في ان يلتقي ثنائي العاصمة ( السني الضوي والراحل ابراهيم ابودية ) حيث ذهب الفنان المبتدئ حئنذاك ابراهيم ابودية الى الملحن السني الضوي من اجل اعطائه الحان لعدد من الأغنيات الخاصة به ليشق طريقه الفني بها وفي تلك الجلسة الفنية والتي كان حضورها الفنانة الراحلة منى الخير واللواء الشاعر جعفر فضل المولى قام السني الضوي بغناء احدي اغنيات الفنان الذري إبراهيم عوض وشاركه الغناء ابراهيم ابودية واكتشف اللواء جعفر فضل المولى ان هنالك تشابه وتجانس متناغم بين صوتيهما و اقترح عليهما ان يغني الاثنان معا كثنائي وعلى اثر ذلك وافق الاثنان وانضم لهم الفنان محمد الحويج واثمرت تلك الفترة عن عدد من الأغنيات مثل كلمة منك حلوة وحيرت قلبي معاك وفريد الحسن وبعد ذلك بفترة بسيطة شاءت الأقدار ان يتوفى الفنان محمد الحويج . . وتوقف السني الضوي وابودية عن الغناء لفترة وظن الجميع وخاصة اهل الفن بان الثلاثي قد انتهت مسيرتهم الفنية برحيل محمد الحويج . . ولكن استطاع الفنان الراحل عثمان حسين والملحن حسن بابكر ووزير التربية والتعليم الأسبق محمد توم التجاني من اعادتهما للغناء مرة اخرى . . ووظف السني الضوي كل امكانياته وقدراته الموسيقية من اجل الأستمرارية والنجاح في طريق الفن واستطاع الثنائي تثبيت اقدامهما في الساحة الفنية وذلك لتوافر عنصر العزيمة والإصرار والانسجام وحسن اختيارهما للكلمة الجيدة المنتقاة ورغبتهما في ان يقدما فنا محترما للناس واثمرت تلك التجربة المتماسكة عن العديد من الأغنيات الرائعة والتي رفد بها الثنائي وجدان الشعب السوداني ليكونا اشهر ثنائي في تاريخ الغناء السـوداني الحديث واكثرها جماهيرية واطولها عمرا . .
- نقاط سريعة :- - لم يستطيع الفنان السني الضوي الغناء بعد وفاة الراحل ابراهيم ابودية حيث يقول في ذلك : من الصعب ان يقف احد بجانبي ليغني معي بعد وفاة صديقي ورفيق دربي لاكثر من اربعون عاما وانا والراحل ابودية كنا روح واحدة في جسدين وانهما كاالتؤام . . هذا الحديث الرائع يدل على وفاء واصالة وطيب معدن الفنان الإنسان السني الضوي والجدير بالذكر ان السني الضوي كان سيصطحب ابراهيم ابودية الى لندن من اجل اكمال علاجه ولكن كانت يد المنون هي الأسرع . - من اقوال السني الضوي : لم يكن طريقنا الفني كثنائي سهلا وكان من الصعوبة ان تجد اعترافا عند الناس ونحن نطرح فننا لأول مرة خصوصا وظهورنا كانت الساحة تعج بالعمالقة امثال ابوداؤود واحمد المصطفى وعثمان حسين وغيرهم من الرواد ونحن عندما كنا نغني فان هدفنا هو اسعاد الناس . . وكثيرا ماكنت اقول لابودية : يا اخي انت مالك مادي بوزك كده ؟ فنجلس مع بعض ونتحدث كثيرا وعندما نبدا الغناء ننسى جميع مشاكلنا الخاصة . . له راي واضح في اداء المديح النبوي يبنى على انه لابد من وجود مواصفات خاصة للمديح حيث يقول في ذلك : المديح من اجمل الفنون ولكن تفريغ الحان الأغنيات العاطفية ووضع المديح عليها خطأ كبير تبعد عن المديح قدسيته لإرتباط تلك الالحان في الذهن بالغناء للحبيبة لكن المديح الذي اعنيه له مفردة ولحن يخصانه . . - الموسيقار يوسف الموصلي تحدث عن السني الضوي فقال : السني الضوي تجده في معظم الحناجر الندية تجده في ابن البادية في منى الخير في ثنائي العاصمة في عبد العزيز المبارك في اماني مراد عشرات الالحان من فئة السهل الممتنع تواضع نادر المثال , تهذيب ، ثقافة , معرفة . - تجربته مع الثنائي ايمان واماني خيري جاءت صدفة عن طريق والدهما المرحوم محمد خيري احمد ولمس السني الضوي لديهما الجدية اضافة الى اصواتهم الجميلة ومؤهلاتهم الأكاديمية واعطاهم بعض الأغنيات ووقف بجانبهم الى ثبتا اقدامهما في طريق الفن وبعد ان حققا ونالا نصيبا من النجاح سمح لهما باداء اغنيات الثنائي كاملا حيث كان يهدف الي تقديم غناء جيد وسط الغناء الهابط . كما وان الراحل ابراهيم ابودية كان موافقا على تغني الثنائي ايمان واماني خيري باغنيات ثنائي العاصمة وعندما سمعهما اول مرة قال عبارة مؤثرة : ( انتو كده عبرتوا عننا تماما ). . - من محبي وعشاق نادي الهلال العاصمي عكس الراحل ابودية الذي كان من محبي نادي المريخ . - من الملاحظ ان اشهر الثنائيات في تاريخ الغناء السوداني كانت من مدينة بحري ست الهوى والطراوة فنجد ثنائي شمبات (عوض وابراهيم شمبات ) في فترة حقيبة الفن وثنائي العاصمة في فترة الغناء الحديث وحاليا الثنائي ايمان واماني خيري وهكذا بحري دوما هي مدينة الفن والجمال . . - أغنيات عاطفية :- ·الشاعر مبارك المغربي : فريد الحسن , بدر سامي علاهو . ·الشاعر محجوب سراج : حيرت قلبي معاك . ·الشاعر عباس احمد : وصوني عليك . ·الشاعر محمد يوسف موسى : وحياة المحبة . ·الشاعر كمال محجوب : في ضميرك , البينا عامرة , نهر الريد . ·الشاعر عبد الله حامد : كلمة منك حلوة . ·الشاعر سيف الدين الدسوقي : سالتم يوم علينا . ·الشاعر محمد طرنجة : طريق الامل ( ليه نندم على الماضي وزمانا الراح ) ·الشاعر علي شبيكة : ناس قراب منك , لما ترجع , وين تاني نلقى الامان , طيب شذاك , دنيا الريد غريبة , متين يا على النظر , والله وحدوا بينا , ماقالوا عليك حنين , معايا معايا , عارفني بريدو , ناس ناسيانا , , الله عليك يا اجمل زول , طول مفارق حيه , نتلاقى زي اغراب , الاحاسيس النبيلة , امرك ياحلو , خسارة ياقلبي الحزين , سكة السفر , يادنيا شوفي البينا , بحبك انت , وحاة الريد , ياريت بدالك , يانا الزمان ياناس مالكم نسيتونا , انا بهواك , راحو الحنان . ·أغنيات وطنية :- ·الشاعر علي شبيكة : بلادي , الشعب المعلم . ·أغنية حقيبة :- ·الشاعر محمد ود الرضي : نسائم الليل . ·مدائح نبوية :- ·الشاعر علي شبيكة : لمتين ازورك . ·( جميع الأعمال الغنائية المذكورة أعلاه من الحان السني الضوي ) ·أغنيات من الحان السني الضوي اهداها لزملائه الفنانين :- ·الفنان الراحل ابراهيم عوض : من قساك , ليه بتسال عني تاني , قاصدني ومامخليني . ·الفنانة الراحلة منى الخير : غبت عني مالك . ·الفنانة الراحلة اماني مراد : تلقى الدنيا فرحة . ·الفنان محمد ميرغني : شفتك وابتهجت , عاطفة وحنان . ·الفنان صلاح بن البادية : اول حب , امنتك عواطفي , الجرح الابيض . ·الفنان عبد العزيز المبارك : ليه ياقلبي , وصية محب .
·واصل السني عطائه السخي بعد توقفه عن الغناء بعد وفاة رفيق دربه ابراهيم ابودية وقدم العديد من الالحان للفنانين الشباب ايمانا منه بتواصل الاجيال ونذكر على سبيل المثال لا الحصر من اعماله الجديدة :- ·الفنان فيصل الصحافة : ياعبير , القريب وبعيد . ·الفنان رائد ميرغني : قلبي الحنين , ياسمين , مرة تاني , حكاية غرام . ·الفنان احمد الطيب ( البحراوي ) : حا تلاقي . ·الفنانة حياة محجوب : غيرة . ·الثنائي ايمان واماني خيري : تسلم ياغالي , عليك الله .
·واليكم كلمات الأغنية الرائعة بدر سامي علاهو للشاعر الكبير مبارك المغربي وهي إهداء خاص إلى الأخ العزيز / طارق ميرغني . .
بدر سامي علاهو – كلمات الشاعر مبارك المغربي بدر سامي علاهو مابطولو سماهو حبو شاغل فكري كيف اميل لسواهو * * لو تكلم غنا صوتو كلو محنة او تبسم تنظر بابتسامتو الجنة لو تمايل عودو كالغصون يتنى زاهي بين اترابو بالشباب والفتنة ده الفريد في حسنومافي زول بسواهو * * بدر ساطع نورو يفتنك تصويرو وتسحرك نظراتو يسكرك تعبيرو في الشعور والرقه ماوجدت مثيلو هو الدلال بي ذاتو والصعب تفسيرو في فؤادي احسو في عيوني اراهو * * في مفاتنك بشهد انت اصلك مفرد ومن مشاهد غيرك مابطيب لي مشهد إن وصفت جمالو الخدود تتورد شوقي لي لقياك كل يوم يتجدد إن وقفت حيالو قلبي وين القاهو
- تزوج السني الضوي من السيدة الكريمة عواطف احمد وله من الأبناء احمد ومحمد ومن البنات هويدا وفاطمة وهيام . - يستحق الفنان السني الضوي لقب موسيقار بكل جدارة نظير عطائه ومساهماته البارزة في اثراء الغناء السوداني الحديث من الحان عذبة وجميلة وخالدة في اذهان الشعب السوداني وختاما امنياتنا له بموفور الصحة والعافية ويطول عمره إنشاء الله .
كل عام والجميع بخير . . ورسالة شوق وحب للغائبين عن البوست وفي انتظار عودتهم لنا وعذرا لغياب المشاركات خلال الفترة السابقة والسلام عليكم ورحمة الله وبركاته |
| |
|
|
|
|
|
|
Re: يا بكري : عماد عثمان يستحق... (Re: الحاج حمد الحاج)
|
Quote: اقتراحي الجاي انو عماد ينزل الانتخابات الرئاسية ومليون في المية حيفوز. |
ود السر كرار وود ميرغني علي مصطفي وبقية الديناصورات...
** بـــحـــرى لــمـــيـــن لــنـــصـــر الـــديــــن...
## ناس مجلة ماجد دى هتافات الانتخابات في بحرى في ذلك الزمن الجميل ##
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
بكرى
عماد من غيره يدينا تانى الحصة يدردم فى الكلام القصة فى القصة ينكت فى الوريقات والصور ودايما ليه بصة
بيه يابكرى بندور نقعد ونتلمه نشوف كتاباته عن الخالة والعمة ننوم فى السهلةنفرح ببحرى واللمة صدقنى اعدل الحال يمين تزيل الغمة
| |
|
|
|
|
|
|
Re: يا بكري : عماد عثمان يستحق... (Re: ناهد بشير الطيب)
|
Quote: بكرى عماد من غيره يدينا تانى الــحــصـــــة يدردم فى الكلام القصة فى الــقـــصــــة ينكت فى الوريقات والصور ودايما ليه بصة بيه يابكرى بندور نقعد ونــتــلـــــــه نشوف كتاباته عن الخالة والـــعـــــمـة ننوم فى السهلة نفرح ببحرى والــلــمــة صدقنى اعدل الحال يمين تزيل الـــغــمـة |
اها يابكرى بت بشير الطيب جابتا ليك بالشعر..
| |
|
|
|
|
|
|
Re: يا بكري : عماد عثمان يستحق... (Re: عبدالكريم أحمد الامين)
|
Quote: ] اها يابكرى بت بشير الطيب جابتا ليك بالشعر.. |
عارف اخوك عماد... ياعبدالكريم اخوى.... لامى الحاجات كيف وموثق للدنيا دى كلها....امبارح قالى عنده زى اكتر من 50 صورة نادرة لرموز سودانية اهلهم زاتو مابتكون عندهم ده غير التوثيق بتاع كل صورة وتاريخها ومناسبتها والله بالجد عماد كان مادخل تبقى خسااااارة كبيرة
| |
|
|
|
|
|
|
Re: يا بكري : عماد عثمان يستحق... (Re: ناهد بشير الطيب)
|
Quote: عارف اخوك عماد... ياعبدالكريم اخوى.... لامى الحاجات كيف وموثق للدنيا دى كلها....امبارح قالى عنده زى اكتر من 50 صورة نادرة لرموز سودانية اهلهم زاتو مابتكون عندهم ده غير التوثيق بتاع كل صورة وتاريخها ومناسبتها والله بالجد عماد كان مادخل تبقى خسااااارة كبيرة |
بت بشير الطيب والله بكرى دا لو زى أتيام الكوره مُمكن يشطب واحد من بحرى ونسجل عماد بدلو قبل نهاية السنه أنا مُتبرع يفكوا تسجيلي ونسجل عماد يلعب الموسم دا ,, وحولوني التيم الرديف لقايت ماتفضى خانه حنسو بكرى وأفتحو لي بوست لتسجيلي تاني في تيم ست الهوى والطراوه ولو مافي طريقه يحولنى الحلفايا...
| |
|
|
|
|
|
|
Re: يا بكري : عماد عثمان يستحق... (Re: عبدالكريم أحمد الامين)
|
Quote: والله بكرى دا لو زى أتيام الكوره مُمكن يشطب واحد من بحرى ونسجل عماد بدلو قبل نهاية السنه أنا مُتبرع يفكوا تسجيلي ونسجل عماد يلعب الموسم دا ,, وحولوني التيم الرديف لقايت ماتفضى خانه حنسو بكرى وأفتحو لي بوست لتسجيلي تاني في تيم ست الهوى والطراوه ولو مافي طريقه يحولنى الحلفايا... |
وماتقول كمان عماد ده لاعب محترف وراس حربة خطير وسعره باليورو كمان
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
Quote: بت بشير الطيب والله بكرى دا لو زى أتيام الكوره مُمكن يشطب واحد من بحرى ونسجل عماد بدلو قبل نهاية السنه أنا مُتبرع يفكوا تسجيلي ونسجل عماد يلعب الموسم دا |
قبل كده يا مستشار اقترح اخي صديق الموج ان يشطبنا بكري انا وهو من تيم سودانيز لكن بكري لم
يعره اهتمام.
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
Quote: قبل كده يا مستشار اقترح اخي صديق الموج ان يشطبنا بكري انا وهو من تيم سودانيز لكن بكري لم يعره اهتمام. |
تعرف ياإبن خالي بعد كده إذا حصلت تهكيره للموقع (لاقدر الله) نحنس الهكر يسجل عماد ويشطب بكرى..
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
Quote: امبارح قالى عنده زى اكتر من 50 صورة نادرة لرموز سودانية اهلهم زاتو مابتكون عندهم ده غير التوثيق بتاع كل صورة وتاريخها ومناسبتها |
أنت يا ناهد .. الزول ده ما قال ليك الكلام ده سر
المهم انا وريتو آخر حيلة يعملها.. وإن شاء الله تزبط
| |
|
|
|
|
|
|
Re: يا بكري : عماد عثمان يستحق... (Re: حسن طه محمد)
|
Quote: دمتم ... ونحن في انتظار تقديم التهنئة لعماد يا بكري ابو بكر ابن المدينة الفاضلة بحري . |
يـــــــــــــــــــــــــابـــــــــــــكــــــــــــــــــرى ** عماد عثمان لاتسجيل دائم ولا إفراج مؤقت - حننتظر لمتين...
| |
|
|
|
|
|
|
Re: يا بكري : عماد عثمان يستحق... (Re: طارق ميرغني)
|
ومن ابو محمد فؤاد وناس بحرى ست الهوى والطراوه نفس الاهداء:-
Quote: ومن طارق ميرغني يهدي اغنية شرحبيل احمد "يا ما بكره تندم وانا حالك بشوفو " الي الاخ بكري ابو بكر وكل الاهل بحلفاية الملوك وجميع الدواريت والدكام والبرديسي وال خوجلي عثمان وبحري طراوه. |
| |
|
|
|
|
|
|
|