هل سوف تكون الحركة الشعبية لقطاع الشمال حركة مستقلة بعد الانفصال.. مجرد سؤال

Quote: الاخ عادل امين كل عام وانتم بخير ما وصفت به المؤتمر الوطني غير لائق في حق اعضاءه ولاينبغي ان تتخلل حوارنا اساءات وما تراه انت الحد الاعلي للوعي نري عكسه تماما وانتو مبارين الفضيحةليه وقبلان ين بدور الشريك الاصغر؟

الاخ العزيز عمر صديق
كل عام وانتم بخير
حزب المؤتمر الوطني حزب سياسي تكون بعد انفصال الدين عن الدولة فيه..وتشظت ما يعرف بثورة الانقاذ الي حزب مؤتمر الوطني وحزب مؤتمر شعبي وعدل ومساواة..اصبح هذا الحزب حزب دولة وتقع عليه مسؤلية كل ما جرى في السودان من 1989 الي الان بما في ذلك ازمة دارفور(2003-2008)..سواء كانت انجازات او اخفاقات..كل سوداني حر في الانضمام لهذا الحزب او مغادرته..والساحة السودانية فيها اكثر من حزب..وذى ما بقول المثل السوداني كل زول عاجبو الصاري..
ليس هناك شخص او حزب فوق مستوى النقد وهذا اصل اصول الدين...واني هنا لا اعرض بالاشخاص بل بمجمل ما ما ينتج من هذا الحزب وفقا للدستور واتفاقية نيفاشا..
فما هو غير اللائق الذى تراه حددو لينا بالظبط كده...ما تعمم
...............
اما ليه السترة مبارية الفضيحة
عشان ما يبوظ المثل السوداني
يعني كده من الواضح ان الحركة الشعبية تتحمل حتى هذه اللحظة كل اخفاقات حزب المؤتمر الوطني على الصعيد المحلي والاقليمي والدولي من توقيع الاتفاقية 2005 وبصبر ايوب...واخرا معسكر كلما..
وفي ناس هنا بعرضو فضائح منسوبي حزبك وبالتفاصيل المملة..امشي شوفا في مكانا..اني هنا اتعامل مع احزاب وليس اشخاص..وكما ترى لم اذكر اشخاص...
.............
اما ليه ناس الحركة وقعو اتفاق مع حزب المؤتمر؟
لانه امر واقع في السودان وقد حققت نيفاشا للجنوبيين كل ما كانو يحلمو به عبر السنين..وانتهت مشكلة الجنوب عمليا...ومنتظرين الاستفتاء. والجنوبيين سكتو عن جراحات الماضي ولا زالو يتعاملو باخلاق عالية.لكن بدات مشكلة شمال السودان...وهسه مسمار دارفور....ده الله اعلم...تتخارجو منو بالساهل.. وكيزان الهامش اسوا من كيزان المركز وفي مثل دارفوري بقول(ام درينقا بعرف وين محل يعضي رفيقه
...............
اماكلامك انه كل زول عنده حد اعلى للوعي خاصته...الامر نسبي...في ناس كانو اخوان مسلمين بعدين بقو شيوعيين بعدين بقو ليبراليين بعدين بقو مستقلين...لمذا نقبل بوجود جنوبيين في المؤتمر الوطني ولا نقبل بوجود شماليين في الحركة ؟؟....هذه قضية اجتماعية/ نفسية بحتة ليس لها علاقة بالسياسة..
ولكن هناك برامتر
الاقل وعيا هم الاقل قراءة هم الاقل تجربة
طيب هل يعقل اقعد مع ناس يفرضو وصاية امنية على وعي الناس في الصحف ويمارسو الكذب ويحتكرو الاذاعة والتلفزيون..ويشردو الناس للصالح العام..والفساد المالي والاداري والقتل الرخيص ايضا...واقول انا مع احسن ناس
اذا كانو احسن ناس
يتصالحو مع نفسهم ومع ممراساتهم
يفتحو المنابر الحرة
ويعتذرو عن الماضي ويردو المظالم لاهلها..
ويفعلو القضاء السوداني
.............
والدين النصيحة يا صديقى عمر

(عدل بواسطة adil amin on 10-02-2008, 02:56 PM)