|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: مدثر محمد ادم)
|
صديقى العزيز الرصـــــــــيد كما يناديك بها دائما الاستاذ محجوب شريف
لك التحيه
اولا لسوء حظى ولسوء الطالع السماعه عندى بايظه والذى اسهم فى تخريبها بشكل مباشر صحبك مازن
ثانيا عندى احساس كبير بان هذا العمل بديع وجميل لان صاحب هذا العمل معودنا دايما على العمل الراقى
والرصين لكى التحيه والانحناءه الهام عبدالخالق وعبرها لكل بنات وطنى من المبدعات والجتهدات فى هذا
النوع من الفن والابداع الخلاق ...
مزيد من صناعة صناعة الفن والابداع والفرح والحب
شكرا الهام ؛شكرا العربى ؛شكرا الرصيد
جايكم راجع تانى بعد ما اسمع جيدا
كونو بخير
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: مدثر محمد ادم)
|
Quote: شكرا الاخ الرشيد
والهام فنانة مبدعة
وصوت نسائي يحمل بصمته الخاصة
والجميلة
وتاني شكرا الرشيد والهام ولي قدام
مدثر تيف تيف |
اخي مدثر ...اشكرك من القلب علي كلامك الرائع والذي وان كان داعما لي تماما دون شك ..الا انني اشعر بكثير من الحرج وانا اسمعه لكني اقبله علي استحياء ..وهو حقيقي داعما ومشجعا فلك ولكل من ساهم هنا في هذا البوست كل تقدير .
دمت ياصديق
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: حيدر امين)
|
Quote: واقول ليها البروفات حتبداء من تانى وقريب
وناس شيقوق ديل بكونوا فراجه
|
يا سلام ياحيدر ياخي تاني شكرا وحقيقي الكلام دة كتييير علي .زعلي العموم لولاكم انتم اهل مسقط وناديكم واصراركم علي استمرارية العمل الثقافي لم تسني لي الاستمرار رغما عن الظروف الضاغطة ..من عمل والتزامات واسرة وغيره ..الاانه هذا التاضمن الجميل بيننا والذي اتمني استمراه ودعمه بكل مانملك .
اما ياحيدر فيما يتعلق بموضوع شيقوق فانا ليقت حل وهو انه غير يخضع vocal test حتي نشوف امكانية مشاركته في الكورال الجاي ماعندو حل ..
ارجو الافادة باجازة هذا الاقتراح ...
ودمت
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: khaleel)
|
Quote: وطبعا الهام حلقت بنا اليوم مع اروع اعمال مصطفي بطران واجمل الاغاني السودانية
واشعر العرب لا يستطيع ان يقول
صدري مزماري والدموع شربي
التحية للمبدعة الهام مرة اخري |
الرائع خليل ..شوفت كيف بتجي وتجيب معاك الكلام الفاهم ...ااتفق معك تماما هذه الاغنية واغنية الكاشف (وداعا ) وحميد ابو عشر (غضبك جميل زي بسمتك ) شوف بوست محمودمصطفي ..بدون شك اجمل ماتغني به فناني الوسط ...
رايك شنو في اغنية (ياعروس الروض ) ابو داود من كلمات الشاعر الياس فرحات اليس بها شبه من الاغاني الثلاث اعلاه في بلاغتها وصورها الرائعة . دمت ولوقدرت تجيب مزيد من التفاصيل عن الاغنية سيكون كلام تمام .
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: الرشيد محمد الخير)
|
Quote: اما ياحيدر فيما يتعلق بموضوع شيقوق فانا ليقت حل وهو انه غير يخضع vocal test حتي نشوف امكانية مشاركته في الكورال الجاي ماعندو حل ..
ارجو الافادة باجازة هذا الاقتراح ... |
والله الا كان يطفش الناس ساكت وهو غايتو فى الانتخابات الجايه قالوا بدوه الدعاية والاعلان بس يملى لينا بوستات المنبر العام دعايه وبعد داك يجى بس يشنق الطاقيه ويقعد فى الكراسى الوراء وهاك يا تعليق الطاقيه ده لانو صاحبو ابوبكر قال البدله الماعندناش غيرها استلفها كومار فى الاجازه
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: ميسرة غاندي)
|
Quote: العمل جميل ولكن ما بيغلب الاول
رأي شخصي بسيط فقط ومن غير حساسيه
يمكن لنه العمل الاول عمل خاص والتاني مسموع
احترمته فيه الاداء الجميل وبه اجتهاد مقدر و ممنون
وياريت لو اعطيتي نبزه ولو بسيطه
عن الاخ المنفذ معاك لو بس الاسم عشان تكتمل الصورة
|
تسلم ياغاندي من حقك ودن اي حساسيات تقول رايك وانا احترمة تماما خصوصا انو راي من زول فنان واذن متمرسة ..بل ساكون غاية السعادة انو العمل الاول قدر بشكل اواخر يتسلل لداخلك ..لانو من الالف للياء هو جديد اعني لحنا وكلمة ..وزي ماقلت فوق حاسمعكم ليه في القريب بصورة كاملة .
انا اسفة جدا لاني ومن انزال (دمعة الشوق ) كان اول شي في بالي ان اعرفكم باسم الشاب النفذ العمل معاي لكن كل مرة يمكن بسبب الاستعجال بنسي المهم ...
الشاب هو الفنان الرائع محمد الفاتح وهو مشهور باسم( زولو) وهو ليس محمد الخاتم الشاب الذي لعب الجيتار في الاغنية الاولي. زولو شاب مغني متمكن بكل ماتحمل الكلمة من معني ..وله عدة اعمال خاصة اتمني ان يتسع الوقت حتي اسمعكم بعضها ....
لك الشكر كله ياغاندي ..وملتقين دون شك دمت
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: احمد العربي)
|
خالص التحايا الاساتذة الرشيد محمد الخير والبقية...
صراحة منذ فترة ابحث عن حروف لكي اُزين بها هذا البوست في تعبير ، يعبر عن ما وصلت اليه من حالة شد وجذب نيجة الالق الذى تدفق به هذا العمل " يعني شى بالجد مبالغة" اثرني وسحر..
إلهام عبدالخالق & احمد العربي & وكل من شارك فهكذا تبدو المواقف جملة من ارواح العدم فى ظل تقمص لاجسادنا .. فى وجود معنى لادراك الحس بداخل الجمادات.. لوقت اطول فى ايجاد ممشى لمذاقات الوجود المتراجع كل يوم الف طعم للوراء.. هكذا تلد الحقائق شى مشترك .. وكذلك فى قلبى جنوح على شطوط التفاعل والانفعالات والاشياء من هؤلاء البشر.. مرسومون على اجسادنا وشم الهى لايخرج الا بعمل...[ياخي يديكم العافية]..
التحايا النواضر...
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: khaleel)
|
الفنانة المبدعة الهام عبدالخالق سلامات
واولا اختيارك للعمل كان موفق جدا ويدل علي
زوقك الرفيع والجميل
واداك للعمل كان مميز ومساحات صوتك كانت واسعة
وفيهو شجن جميل
وانشاء حتكوني من الاصوات النسائية المميزة في الساحة
الفنية التي تحمل بصمة ونكهة خاصة
وايضا الفنان محمد الفاتح صاحب الصوت الجميل زاد العمل
جمال ومتعة
وبالتوفيق ولي قدام
خالص معزتي
مدثر تيف تيف
| |
|
|
|
|
|
|
Re: المبدعة إلهام عبدالخالق ( تحلق بنا في فضاءات جديدة ....الف مبروك) . (Re: الرشيد محمد الخير)
|
إلهام يا تيار الرومانس الجارف !
و منذ فبراير 2005
.. يوم كنا كل صبح و مساء ( حسب قول العاقب ) ننفذ ليلة الاغنية الوطنية بمسقط عبر نظرية العمل الجماعي ( ذاك العمل الجماعي الجميل العفوي - غير المنظم ) كنت متاكد يا إلهام إنك سوف تاتين !
تأتين كما قال محمود درويش : من بين صناديق الخضار .. مثل مُهر سوداني اصيل ضاع في درب المطار
* و انا اضيف : تاتين الان يا إالهام من بين دروب البحث الجاد عن غنائية سودانية جديدة ضاجة بالق الهارموني ، و مداخل و مؤشرات لتوزيع اوركسترالي سوداني يجمع بين موزارية تم تم ربوحة و فاطنة خميس و ما يناسب سلمنا الخماسي الفريد من علوم موسيقى العرب و سيمفونية المركز - الاروبي
* و لكوني لست مختصا في علم الاصوات : فاقول بحذر ، إن صوت الهام ليس سبرانو مثل ام بلينة السنوسي ، او منال بدر الدين او زينب الحويرص ، كما انه ليس الطو مثل ما لدى فاطمة الحاج قديما و هادية طلسم حديثا ! لكنه حالة فريدة و استثنائية بين هذا وذاك
.. اصالة صوت الهام و استمراريته علي خط الجمال كما اسمعه الان تعود لكون كورداته محفوظة و منقوشة عميقا في الذاكرة . الآن فهمت مغزى قولك ذاك يا ام جعفر :
" و الله يا احمد انا ممكن اشتغل معاكم ليلة الاغنية الوطنية ، بس عاوزة لي كم يوم كدا اعمل تدريب صوتى ، لازم اعملوا براي قبل البروفات "
فهمت الان يا طه ان الهام كانت تقصد : عاوزة لي كم يوم كدا لاستعادة صوتي من الذاكرة الاصيلة
* لك يا احمد العربي شكرنا ، مودتنا و جحافل تقديرنا الفني .. واصل سيرك على خط الغنائية الجديدة
| |
|
|
|
|
|
|
|