معتز صباحي افضل من غني منذ ابو داؤود والي الأن .

Quote: عجبين تحياتي كتير من ردودك بالرغم من محاولاتك للتلطيف قاعد أحس إنو فيها دكتاتورية بالرغم من إقرارك بنسبية الحاجات . ياخي المسألة أذواق .. أنا شخصياً معتز صباحي ده ما فاعد أريد صوتو ولا بريد أسمعو.. بالرغم من إنو الإستماع ده ( خدمة إلزامية) في المواصلات. وإنت لحدي آخر مداخلة مصر إنو الفنانين كلهم مارين من تحت الجسر الفوقو السيد معتز ده وما بعيد يكون بشيل منهم ضرايب كمان. غايتو أنا حاسي إنو أي زول يخش البوست ده مفروض كسر رقبة كدة يمرق مقتنع إنو معتز ده أخطر فنان مرّ على السودان. وإذا الشعب السوداني ده كلو تقليدي في إستماعو فنانك ده ما يمشي يشوف الحداثيين وين يغني ليهم ولا هو دورو إنو يرتقي بذوق الشعب السوداني التقليدي ده؟؟. بسافر وبجيك ياخوي وإنشاء الله تكون أقنعت الباقين ديل لمن أجي.