|
|
|
 Re: من الموصلي الي اساسي الذي اهداها الي كوستاوي الذي وزعها علي الجميع (Re: ثابت محمد)
|
يا ثابت
كيفك ؟؟
Quote: والله إنت غياااظ
أساسي ده مش كورك ليك لما حلقو اتقرش |
المشكلة يا ثابت انك ما عارف الزول ده لسه ..
لانو عامل زي الدنيا ..
الايامات دي .. داخل في الدور الرومانسي شديد .. وآخر شفافية .. ورقة .. وبعد يومين ما معروف يكون عامل كيف ..
علشان كدا ما عايز اتورط معاهو ..
بالرغم من انو حاجاتو جاهزة عندي .. لكن منتظر لحدي ما يرسي على بر ..
..
انا طبعا ما فاتح ليهو .. لكن التلاتة ايام الفاتت هو عارف اني كان عندي مشكلة في الاتصال وكنت خارج الشبكة .. وشغل الملتميديا بيحتاج لي اتصال سريع علشان المعاملة مع الملفات بي كل انواعه ..
..
اما اشتقت ليك .. بحاول انزله فيديو .. بس علشانك
لانو زي ما قلت ليك .. صاحبك ده ما مضمون شديد..احتمال يقلب في اي لحظة
| |
 
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
استاذ يوسف
تحياتي .. والف شكر للاهداء .. ونحن ناس البيت يا استاذ وكان ما كفتنا بنحرم ناس اساسي وكوستاوي السمع
| Quote: طمني علي الفنان عمر منصور |
عمر ما زال يتعامل مع كندا بأنها احدى حواري امدرمان ..المورده أو بانت أو العباسية أوشارع الفيل طال غيابه وتعاقبت السنين .. وما زال كمانه الحنين يرن في اعماقي ..اعماق الروح..
.
.
بالمناسبة يا استاذ
من ضمن مقتنياتي النادرة جدا .. ( بالسودان ) النسخة الاصلية من الاهداء الخاص للفرقة المصاحبة في تنفيذ ( شوق الهوى ) ..
وتظهر الاسماء على مغلف الكاسيت ومازلت احفظها حتى بالاخطاء ..
( ساكسفون محمد أحمد سلطان والصحيح محمد أحمد سليمان
طبعا المقصود ( حمودة ) وهو الآن أيضا بكندا..
وعمر منضوري والمقصود طبعا عمر منصور
ذكريات الشريط مازالت عالقة ..
الساعة خمسة صباحا بعد حضور عمر من المطار قادماً من القاهرة ،، كنا نتقاسم الغرفة مع بعض ..
أول ما وصل وانا بين صاحي ونائم .. شغل الشريط ، وبدأ صولو الساكس ( وتكنيك ) حمودة المميز في التعامل مع ( ريشة ) الساكس بالاحساس العالي جدا..
دخول مجموعة الكمان في الحوار الاوركسترالي ..
ثم الصوت المنساب مع نسائم الصباح واشعة الشمس الرحيمة
في هواك
ياغالي أنت كم صبرت على مظالم
كنت بتلقاك بضحكة
والبحسو ده الله عالم
وأنت عارف كم بحبك
ثم ( المودليشن ) المدهش في زمان باكر جدا بدأ فيه البعض حل طلاسم عبارة ( موساجيت )
..
.
من ضمن ( أحلامي ) المؤجلة ...
الاستماع ليوسف الموصلي والمجموعة الأوركسترالية القديمة في عمل مشترك بعد الاستفادة من وجودهم بالخارج وفي تطوير نفسهم بالامكانات المتاحة ..
فهل ننتظر كثيرا يا استاذ..؟؟
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: JAD)
|
جـــاد العزيز
كل سنة وانت طيب يا مواطن..
لقيت ردك بي هناك في حوش اساسي .. طبعا ما وصلتني منك اي حاجة
وخليك من الرسائل دي .. الشوف يا جاد الشوف مهم ..
العيد ده كنت في حالة خندقة شديدة .. ونوم وبيات شتوي علشان كدا ما كانت في حوامة كتيرة ..
..
الوصلة شغالة بي مزاج ياجاد ..
بس راجع ملحقاتك في الجهاز وإذا الريل ما شغال اعمل ليهو تحديث ، اما إذا اتصالك بطي فدي المشكلة الاساسية لعدم سماع الملفات بي وضوح ..
..
نتلاقى يامواطن ..
وفي انتظارك
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: ودقاسم)
|
| Quote: أنا حفظتها عندي ، ممكن تشيل لنك الحفظ ، عشان الجندرية ما تقدر تحفظها ، أصلها بتكون نائمة لسة ...!؟ عارف ، حسادة ،،، بس هي النائمة ليها شنو ؟ |
ايوة علشان عارفين الحركات دي .. الكود عملناهو ( سحري ) من النوعية البتحفظة وتشتغل معاك اربعة وعشرين ساعة وبعدين بيختفي تلقائيا من الجهاز
يعني تاني إلا تمشي تجيبو من قهوة وزد الاغا بتعرف قهوة ود الاغا ياخال..؟
..
.
بعدين اماني الجندرية دي والله لما نلقي الحاجة السمحة قاعدين نفرزه ليها على الجمب ومرات بننزل كود الحفظ قبال الاغنية ما تنجض ..
كل سنة وأماني بألف خير
وانامتقاسم البوست ده مع استاذ يوسف النص بالنص ..
وبهدي لي اماني الاغنية من النص العندي والنص الخاص من استاذ يوسف
ياربي تكون قريبه وتسمع الاغنية دي
| |
|
|
|
|
|
|
|
|
 Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
الاخ العزيز/ موسيقارنا اللآمع ،، الموصلي
كل عام وانتم بخير .. وكل الامل بتحقيق الأماني والطموحات ..
الشكر ليك وللأخ تمبس الشّهْم ولكلّ مَن اهتمّ وسعى لتوثيق أغنياتك
الجميلة .. واغنية بريدك ،، هذه ، من الأغاني الحميمة ،التى تعلق
بالذّاكرة في يُسرٍ وسهولة ؛ ولذلك ، فارتباط المستمعين بها ، كبير
ماذا عن الأغنية الأخرى ، بِتْ خالة أغنية " بريدك "، ألا وهيَ :
بلدنا نعلِّي شانا ؟ .. ألمْ تحظى بتوزيع حديث ؟
مع كثير الإعزاز ،، والتحايا للجميع ..
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
أستاذنا الموصلي و الشباب ..
ماحا أقدر أعلق لآنه عندي مشكلة مع الـsound card , لكني متخيل الروعة تماما" وحاسدكم " و أنا في المزيكة مابكضب حسوووووووود !
الأغنية دي طبعا شكلت جينة إضافية للدم السوداني , وهي من ذوات الدم الخفيف جدا , ومفعمة بالحنين و الزوق لدرجة بعيدة , و حا أسمعها في ثوبها الجديد غصبا الظروف و الحال الحرن , أو الـcard الحرن , بس نديها صنة !
الموصلي طالما بقيت قريب لينا بيجاي الله قال بي قولك !..أمانة ما وقع راجل !.. نجرك لداخل كندا جر .. و الموسيقيين الكبار راقديييين, بس مؤقتا عايز أنسق معاك بخصوص مجموعة من CDs وكيفية الحصول عليهم هل من شركة أم بمراسلة شخصية, لدي كذلك إستشارة حول مشروع mini studio شغال بجهز فيهو.. حا أسعي للتنسيق معاك , و نهنيك بالعيد الـ30 لي بريدك ..
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
مجموعة من الفنانين بالمهجر يسوقون أعمالاً توثيقية للراحل خوجلى عثمان
Quote: تفكر مجموعة من الفنانين والموسيقيين المهاجرين فى عمل فنى وتوثيقى للراحل خوجلى عثمان يتم تسويقه فى الاسواق العالمية والمحلية ، وسيتولى العمل الموسيقار يوسف الموصلى وعازف البيز نادر السوداني ، ويقوم المقترح على انتاج سي دي لاغنيات الراحل بأصوات جمع من الفنانين ، وتم اختيار الدكتور المعز عمر بخيت رئيساً ومسئولاً مالياً ، على أن تتولى لجنة فنية جمع التبرعات لاكمال هذا المشروع .
تأجيل عروض «حكاية الحاج» بالمسرح القومى
تم تأجيل عروض مسرحية «حكاية الحاج» التى كان من المؤمل ان تعرض بالمسرح القومى بام درمان حتي يوم 20 نوفمبر الجارى، نسبة لقيام فعاليات مهرجان فرق المحترفين الذى تقيمه ادارة الفرق والجماعات المسرحية.
يذكر ان مسرحية |
نقلا عن صحافة اليوم السبت 05/12/11
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
Quote: أيوة خليك كده عشان أحبّك ،،،
طيب لي طلب تاني :
أنا حفظتها عندي ، ممكن تشيل لنك الحفظ ، عشان الجندرية ما تقدر تحفظها ، أصلها بتكون نائمة لسة ...!؟ عارف ، حسادة ،،، بس هي النائمة ليها شنو ؟ |
Ustazy
Wad Gasim
salam
Kulu sana Wa Inta Tayib
I have never seen
حسادة
like this,however,I wish you
more in this field
thanks
Salam to your family
thank you Ustaz Almawsily
and nice brother Tambis
| |
|
|
|
|
|
|
|
|
 Re: من الموصلي الي اساسي الذي اهداها الي كوستاوي الذي وزعها علي الجميع (Re: Kostawi)
|
خالص التحايا
الاستاذ الموصلى
الصديق العزيز تمبس والجميع....
ودفء الاندمال فى مسام الروح والجسد انفعال .. هاهى فضاءات الواقع تصبح ذكريات يضاجعها السراب من كل الاتجاهات يلفها الضباب ؛ياتيها النسيان من كل الابواب وهى تقرر لنا بكل الجفوه التى فى تفاصيلها ان (نودع) كما لو انننا لم نكن معا ثم نذهب ؛كما لو اننا لم نحفر قافية فى خاصرة اللغه ونجلس.
لبعض الموسيقى لان احساسيسنا التى انتفضت فى بغته حية من جسم منحول ؛جاز لها ان تهفو الى احتفائية فرح هو منا..
الاله كان ياتى مهرولا مسرعا الى بحيرتها لكى يتعلل بانه ياخذ قسطا من الماء لكنه للاسف كان ينظر خلسة الى مفاتنها...
ولاتزال دوزنة العطاء للحن عطائى تتطلع الى مقدمة وتر احتوانا (ياكلكم) برفق وشفقه كما لو انه خطة لفكرة فاضله...
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: Elmosley)
|
هسي يا فناننا الانسان كان عملت لينا بيها مسابقة مش كان فزنا وخرتنا الجائزة الكبرى من ناس كستاوي ديل ؟
طبعاً دي من الاغناني الهججنا بيها في بداية التمنينات في حفلات استاذنا
الله يديم علينا نعمه ويحفظه لينا
***
تمبس
Quote: بعدين اماني الجندرية دي والله لما نلقي الحاجة السمحة قاعدين نفرزه ليها على الجمب ومرات بننزل كود الحفظ قبال الاغنية ما تنجض ..
كل سنة وأماني بألف خير |
وانت بالف خير وسعادة د امي انا
وربي يخليك ويديك لما يرضيك ويعليك فوق المابيك
حفظتها طبعاً وتسلم لي انت .
يا ود قاسم علي الله ما تنق لي في حنية تمبس دي علي
كفاية النقة بتاعتك الجابت جماهريتي في البورد الدلجة وخلتنا نلعب في الليق
| |
|
|
|
|
|
|
|
|
|
Re: من الموصلي الي اساسي الذي اهداها الي كوستاوي الذي وزعها علي الجميع (Re: الجندرية)
|
الله .. الله
وأنا أقول البلد دي منورة كدي مالا ...؟؟
اتاريك ظهرتي بي هنــا..
بركة الموصلي الجابك يا اماني .. والبركة في شوفت صورة ست الحبايب
..
Quote: يا ود قاسم علي الله ما تنق لي في حنية تمبس دي علي
كفاية النقة بتاعتك الجابت جماهريتي في البورد الدلجة وخلتنا نلعب في الليق |
ليق شنو يا منقه .. ناس البرازيل كلموني خمسة مرات ..
الخــال ده يا اماني خليهو علي انا ده نقتو دي ما قايمه من حتته
ما بتعمل ليك الحبه.. كان فرفر شديد ..
بندهـ ليهو ابواتي القبيل .. قايل نفسو براهو ود فقراء
| |
|
|
|
|
|
|
| |
Elmosley
tmbis
ثابت محمد
JAD
عمر عبد الخالق سعيد
ودقاسم
Rakoba
فيصل عباس
محمدين محمد اسحق
محمد أبوجودة
اساسي
عبد الله عقيد
محمد الامين احمد
حسام يوسف
الخير محمد عوض
مبيوع
Saifeldin Gibreel
yasiko
ناذر محمد الخليفة
Kostawi
معتز تروتسكى
mekki
ناصر محمد خليل
الجندرية
مطر قادم
فيس بوك
تويتر
انستقرام
يوتيوب
بنتيريست