|
|
|
 Re: الموصلى على البالتوك . الاحد 8/8 (Re: osly2)
|
اختي زولة 123
انا ذاتي زعلان معاك
الناس ديل ما جابو خبرنا
وانا كلمتهم بي فارق التوقيت
ولكن يظهر انو ناس الغرب ودول الأستكبار
ديل بلعبوا صالح ورقهم بس
ودا صوت لوم للموصلي
واوسلي ونصار
| |
 
|
|
|
|
|
|
|
 Re: الموصلى على البالتوك . الاحد 8/8 (Re: osly2)
|
سيمباتكو واحمد حنين
طبعا اي لوم حيكون من باب العشم لا اكثر
عنى, تم تكليفي بادارة اللقاء مع الاخوان نصار و شوكلاتة
وكان بالنسبة لي يعني مهمة عمل
حضرت القهوة وعسكرت امام الكمبيوتر امشي واجي
بالرغم من ان الموعد 2 صباحا بتوقيتنا غير مناسب في المقام الاول
لاكن كله كان يهون في سبيل نسمع استاذنا الموصلي
وكنت محظوظة لاني عندي اجازة
ثم بدات التاخيرات ساعة بعد ساعةو العازفين ما جه, سيزو ما جات
وبصراحة بعدها لم استطع مغالبة النعاس
كلمت شوكلاته تصحيني بالتلفون عند حضورهم لاكن الظاهر ماقدرت
وفي الصباح سمعت ان القاء استمر لساعات بعدها
على كل حال جات سليمة المرة دي
ولو مرة تانية فتونا ناس الخليج وما جاورها والله نزعل تاني وما نرضى
تحياتي وحبي
زولة123
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: zola123)
|
احمد حنين الصديق خليك حنين وراعي لظروف الناس المعاي كانو شغالن وجو من العمل لي هنا
تحياتي والمره الجايه ليكم ان شاء الله
الدكتوره المواعيد التي تم الاتفاق عليها قد جئنا فيها بل قبلها
وافتقدنا وجودك نقدر فروقات الوقت والجايه حقتكم باذن الله وناس دول الاستكبار هم وقدرتهم
تسلمي
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: Elmosley)
|
سنارى .. نوف
نعم كان يوم ولا كل الايام .. حوار هادف بناء وطرب حتى الثماله **
التناغم المتجانس بين الموصلى وسـوميتا ومبيوع تناثر علينا
كحبات ندى تعانق زهرة نديه **
كنت اتخيل امدر وهى على بنبر تهش فى الاطفال بعبدا عن عشاء الفنانين
مارد والنصرى امين كل منهم يرتكز على عكازه يستريحون من عناء يوم قاسى بين المزارع و البوابير**
اساسى وهوبفل يجلسان فى ركن الخيمه ويتفاكران كيف يتسنى لهما الخروج من وصفهم بالظلاميين
دكتور ..sicot .. ودكتور ..patch adam ..يفكران فى كيفية الدخول
عبر بوابة سودانيز
ابوحسين ونصار مشتتين بين الطرب الغير مسبوق وحلل تكاد تحترق بالنار
سمير ابراهيم يطارد فى من اقتحم الروم منتحلا شخصية اسعد ابراهيم
سودان عزه وسلافه وريتا يتمايلن رقصا بعد ان اتضح لهن غياب
شندى وصدوح
يحدث كل هذا والموصلى يرد على تساؤلات الحضور بمنطق يحوى كل عناصر الاقناع
تنظير وتطبيق وغناء لا يسمع بل يقتحم الدواخل ولا تجد امامك الا بحور من ادهشه وجزر من الامتاع
زوله وسنارك واحمد حنين لكم العتبى حتى ترضوا والمره الجايه
المبأراه على ارضكم ووسط جمهوركم فحددوا ما شئتم لها من توقيت
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
متعتي و إنبساطي بي اللقاء كان يساويها عدم رضاي لعدم تمكن الناس من شرق العالم للإنضمام ،، بس أهو محظوظين طلعو بي وعود جميلة،،
مش عليك الله يا أوسلي كانت ساعات منعشة،،
عمو يوسف و ياسر مبيوع و محمد ما قصرو كلوكلو،،،
ما قصرتوإنتو زاتكم ،،نصار في الجزء الأول من اللقاء ،، إنت و خالتو أمدرمانية،،و زحو مني ،،أول مرة أشوفو أو أشوفها،،لكن كلكم قمتو بعمل جادي،،
و راني قال سجل و منتظر السماح ليهو بتنزيل الأعمال،،
سوميتا
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
الحبيب الموصلى
صحا ابنى الصغير من النوم,,و بدا فى البكاء...فى تلك اللظه بدات انت فى غناء "برسل ليك رساله طويله ياامى"...
طفيت النور..وطفيت شاشه الكمبيوتر...و تركت الصوت الطالع من السماعات...
و وضعت طفلى فى حضنى ..و بدانا معا نسمع
توقف هو عن البكاء وكدت انا ان ابدا
الف شكر
النصرى
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: Elnasri Amin)
|
لقد كان يوماًَ بهيجاًحافلاً .. لكن تم تجاهل طلبى وفرصتى لأنى ماعندى مايك .. طلبت أغنية " شمس الضحى " أكتر من 7 مرات وفى فترات مختلفة لكن طلبى لم يحظ بنظرة فى العام ، وحاولت كتابة أسئلتى على الخاص فارتدت إلىّ .. يعنى عشان أنا بعيد على حدود المكسيك !؟ إنتو ماعارفين إنه لسانى طويل جداً .
تحياتى للجميع وأقول لمن حضروا هنيئاً لكم بذلك الشهد الفنى ، ولمن لم يحضروا صبراً فإن الآتى أجمل .
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
التحية للناس القيافة الهنا
كان يومامشهود
مازلت مرهق البدن و مشحون الدواخل
اللقاء بدأ الساعة الثالثة صباحاً
بتوقيت وسط اروبا تصوروا حالة زول
ما سهرنجي يكون كيف
لكن اللهفة ما خلتني اقادر الابداع
و الانس الا لمن بدأت المدارك تتعطل
ناس الخليج الاستكبار دا بس في امريكا
نحن يادوب فرقنا منكم ساعتين من اسع
المرة الجاية بالكتير نبدأ الساعة 6
GMT
يا سمباتكو امس وجدت الكنز و ان شاء
الله انتظروا المفاجات في الفترة الجاية
و كل في افضل ساعات البث بالنسبة ليكم
حلمي أن ننشأ منبراً اعلامياً يبذ اعلام
السلطة و يكرس لمن حرمتنا اجهزت امين
حسن عمر من و رؤيتهم،،،
ايدكم معانا
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
حاول الكوز هوبلس أن يقفز ويهرج على المايكرفون, ولكن كان الادمن له بالمرصاد, فتم طرده بعد التحزيرات أشد طردة. أنا ما عارف الشات الكوز ده مينو, لكن الظاهر كدارتو كانت سنينة. تحياتي للأدمنس الذين أدارو الغرفة ببراعة تامة. ،صار, أوسلي, أمدرمانية وأخيراً شوكولاته الرائعة. والشكر موصول للأستاذ الموصلى وأختنا سوزي صاحبة المكرفون الرخيص.
دينق.
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: Deng)
|
النصرى امين
يا زول انت اصلك بكاى عاوز تعمل الاغنيه هى السبب
مارد
المره الجايه بطلب واحد بغنوها ليك سبعه مرات
نصار
نحن فى انتظار الكنز والى ان يحين وقت طلوعه بطل حندكه
دينق
ياخى المايك براهو قفز فوق هوبفل .. شايفك لابد بعكازك وراء
الخيمه
سـوميتا
نعم يوسف و ياسر مبيوع و محمد ما قصرو . انت الوحيده القصرتى
مرقتى الناس بدون عشاء
| Quote: و راني قال سجل و منتظر السماح ليهو بتنزيل الأعمال،، |
شوفى عمك يوسف سريع
| |
|
|
|
|
|
|
|
|
 Re: الموصلى على البالتوك . الاحد 8/8 (Re: osly2)
|
Quote: حاول الكوز هوبلس أن يقفز ويهرج على المايكرفون, ولكن كان الادمن له بالمرصاد, فتم طرده بعد التحزيرات أشد طردة. أنا ما عارف الشات الكوز ده مينو, لكن الظاهر كدارتو كانت سنينة. تحياتي للأدمنس الذين أدارو الغرفة ببراعة تامة. ،صار, أوسلي, أمدرمانية وأخيراً شوكولاته الرائعة. والشكر موصول للأستاذ الموصلى وأختنا سوزي صاحبة المكرفون الرخيص.
دينق. |
ما هذا التهريج والكذب القبيح يا ايها الدينق المريض؟؟؟
كل من يعرفني علي البال يعرف من هو جمالsudani_ngnag وما هي اخلاقة ايها البائس الحقير .. الخ الخ من الكوته المعتاده..
خسئت
--------------
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
l0000000000l@Osly
أوسلي يعني جنس ختي عليك،،
وحاتو هو شربو داك يا الشاي البي لبن،، و ديك يا البقصمات و ديك يا الموية الباردة بالتلج و الجك مندي،، الشاي سويتو أنا و الجك جابتو خالتو سكينة،، و أنا الوحيدة الكنت محظوظة و عملو لي داك يا الفول المزبط بي الجبنة و زيت السمسم و شطة خدرا،،،تسلم أيادي خالتو سكينة و يا أوسلي ما تطول لسانك أنا حا أطلعم ما متعشيين من بيتم كيف؟
غايتو عشوة فنانين جد جد ،،
سوميتا
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
الأخت/ سوميتا.
عشا الفنانين برضه فول؟
والله ده تدهور مريع جداً, حتى الفنانين عشاهم بقى فول.
يا حليلكم يا فنانين الغنيتوا في عرس أوسلي الجاب ليهم الضلع والنيفة.
سنة كم الكلام ده , أنا ما بعرفوا.
دينق.
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: Deng)
|
شكرى الخاص للمنظمين ومجهودهم المقدر .. لكن يا أوسلى بما إنكم تملكون المايك والتنظيم كان بإمكانكم نقل رسائلنا النصية بالصوت فى محاولة لتوزيع الفرص بين الذين يتحدثون عبر المايك والذين لايملكونه .. ممكن تجربوا ده لى قدام فى المستقبل .. كل الود
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: مارد)
|
هوبفل
أقرأ تحياتى من مقاعد المتفرجين
سوميتا
بيتم مش بيتك ..اللوم متعلق فيك حتى اللقاء الفادم مع اضافة عشاء الادمنز
دينق
مش قرينا فى الكمبونى سواء سنة .1956 . ؟
يا دينق لو اشترت مايك جديد بنعفيها من العشاء
قريبى مارد
اقتراح جميل سنعمل به مستقبلا
بس شكلك ما ناوى تشترى مايك قريب
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
المرة الجاية ضبيحة عديل يا أُوسلي،،
و يا جاز خلي شيل الحال،،زمن عرس أُوسلي الدنيا كانت بي خيرينها،،أسع البركة في الفول،، و أنا ممكن أعيش علي فول حياتي كلها لا أمل لا أزهج،،
سوميتا
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: osly2)
|
و يا جاز خلي شيل الحال،،زمن عرس أُوسلي الدنيا كانت بي خيرينها،،أسع البركة في الفول،، و أنا ممكن أعيش علي فول حياتي كلها لا أمل لا أزهج،،
الأخت / سوميتا.
لكن أنتي بتقدري على ضبايح عرس اوسلي دي؟
كل يوم خروفين ولمدة أسبوع.
والله زي ما قلتي, زمن السودان كان بخيرو
وزمن الدولار كان بعشرين قرش.
ولا مش كده يا اوسلي؟
دينق.
| |
|
|
|
|
|
|
|
|
|
Re: الموصلى على البالتوك . الاحد 8/8 (Re: Elmosley)
|
ســـوميتا
كان كوركتى كان سكتى اللوم معلق فيك
دينق
معقول محتفظ بالصوره دى الزمن دا كلو
انا ففدت كل ما املك من صور عندما كنت اشاركك فرحة الزواج الثالث
الموصلى
اللقاء القادم قرب .. شد حيلك من هسه
ولو اديت سوميتا الصالح العام تكون ريحت عمك دينق دا
| |
|
|
|
|
|
|
| |
Elmosley
ahmed haneen
zola123
osly2
Soumeta
نصار
Deng
HOPEFUL
فيس بوك
تويتر
انستقرام
يوتيوب
بنتيريست