ماذا قال الاستاذ محمد ابراهيم نقد حول وصية الشهيد عبدالخالق محجوب

Quote: ما هي اصدق وافضل كلمات قيلت عن الحزب الشيوعي تحت قيادة نقد وعصبته ؟؟ هي هذه الكلمات التي اختصر بها حسن تاج السر وهو عضو القيادة العليا للحزب الشيوعي منذ عام 1971 ؛ اي من شخص يعرف تماما ما يقول؛ وقد قالها باستفاضة ولخص التجاني الطيب كلماته في التالي : (الزميل حسن تاج السر، وهو عضو سكرتارية اللجنة المركزية منذ إعادة هيكلة العمل القيادي في النصف الثاني من عام 1971 يصف الحالة في حزبنا في ظل ما أسماه الستالينية علي النحو التالي: عقيدة ايمانية .. عبادة فرد .. شخصنة الحزب في سكرتيره العام .. تفشي الكسل الذهني بين مثقفيه .. معاداة المبادرة .. سيادة أساليب الهيمنة والتشرذم والفتك بالخصوم وتدميرهم عن طريق تشويه السمعة وفبركة التهم .. وتسريب الاختلاقات والأقاويل عن القادة الغير مرغوب فيهم للحط من شأنهم وقتل شخصياتهم ... والإنتشاء باخبار السقوط والإرتداد والإبعاد من القيادة .. افتقاد الحق والعدل داخل الحزب .. وأصبحت القيادة نهباَ للكذب والتآمر، وتحول الحزب الي قطيع مسلوب الارادة وانطمست معالم الحزب كمؤسسة ديمقراطية..)). المرجع: التجاني الطيب بابكر؛ مجلة قضايا سودانية؛ العدد الثاني والعشرون، ديسمبر 1999، صفحة 1 هل بعد هذه الشهادة؛ وبعد مراوغات وكذب نقد المفضوح؛ وبعد برطعة القطيع الشيوعي الذي يعبده لنا تعليق هنا ؟؟ لا .. كلا .. ليس من تعليق ..

هداكا تطربق ساي ! . . و كمان جاي تعيد ؟!

مسئول من الخير . . انت حسن تاج السر دا منو ؟
ما بسأل عن هويتو . . و ما محتاج لإسمو
بس صفتو دي " وهو عضو سكرتارية اللجنة المركزية " ما غريبة شوية ؟
اوضح ليك كلامي - ما يجيني زول تاني يقول لي اشرح لغتك اللاوندية دي كمان ! - اعضاء اللجنة المركزية ديل ما كتار مش ؟ و تم انتخابهم مرة تانية كووووووولهم مش ؟

يبقى انو " حسن تاج السر " واحد من اتنين :
يا اما خلا الحزب كلو كلو . . و هنا ما في مشكلة
المشكلة لو ما خلاهو ! . . و هنا في واحد من اتنين
يا أما نقدو دا بكون اترفعت اسبابو و الشغلة ظبطت . . و هنا مافي مشكلة
لكن المشكلة لو انو الحال زي حالو و صاحبنا جا المركزية !!

اها دي مشكلة كبيرة بالنسبة لي انا العبد دا . . دا زول ما بلزمني و لا بسمع منو . . دا زول ما مبدئي


فقبل ما تشيل ليك كلام زي ابل الرحيل - عارف قد تكون ما لافقة ، لكن احترامي ليك ما بخليني اصفك بوصف ما يليق بيك - اها قبل ما تلفح يا عادل يا صاحب الامكانيات الجبارة المهدرة في " الفارغة " ، عليك الله فكر سمح ؟
انت ما الوحيد الطلع من الحزب دا . أثروا ؟ . . أكيد . . لكن ما وقفت مسيرتو ، و لا مسيرتهم ، و دا ناموس كوني .
رأي شخص و انا طالع من البوست دا بلا عودة . . مش زي بتاعتك ديك لا اعتقد انك مفترض في نفسك كمال الاخلاق وحدك ، و لا معتبر نفسك التجربة النموذجية التي يجب ان تحتذى ، و لا اعتقد انك بتشوف الناس مفروض تعبدك ، زي ما أسست للكلام دا فوق . لكن يا صديق حبيت انبهك انك ما تنجرف و تقوم تنزلق لمهاوي سحيقة يغلب الراتق الفتق فيها .
عقلك في راسك . . اوزن الامور
وقنب عافية

----------


خالص اعتذاري للعزيز عادل عبد العاطي
و عليك الله امسحا في عدم عرفة الكتابة ساي . . عشان تاني ما نتهجم على شغلة ما شغلتنا
و لك العتبى حتى ترضى

(عدل بواسطة قيقراوي on 02-08-2010, 08:20 PM)