|
|
 Re: الرحيل عز الكوشيين، شلوم! (Re: Bashasha)
|
لعناية الصديق عبد الكريم..
عارف يا صديقي.. الله عالم.. بشاشا ده ما قلنا ليهو أي حاجة.. بس شوية سؤال سؤالين..و بعد خمس و عشرين دقيقة من مفاهمتي معاهو.. طوالي راح فاتح البوست ده..و يا هو كلامي تحت.. باقي ليك ده كلام ممكن يطرد زول؟..و لا الناس ديل قاعدين في السهلة ساكت؟.. المهم
Quote: الحربائي الاخر كبر،
اولا هل هي "قضية دارفور"؟
او قبل كده، انت كعضو في المنبر ده كان اسهامك شنو، بخلاف محاولات تسويق روحك كاديب، تحاكي في ادباء الجلابة، او كيف عشوشة شغلت الاسطوانة وما ادراك؟
ثم مامعني حشرك لدور دارفور في معارك الجنوب من دون مناسبة؟
طيب لو كده، ماذا عن دور جنجويد البقارة في جنوب كردفان او مذبحة الضعين كمثال؟
هل صدفة دورك هناك زي دورك هنا، كمخلب قط للجلابة، كما رفاقك من ابالة دارفور؟ |
قلت لي حربائي؟..كويس..
الحربائي هو من يوصف بأنو خاطف لونين..و كان بيخلط الخواجيات..و بليبس الجينز..و بتابط أسبنوزا..و بيمشى يجادل الجمهوريين..و دي هي معالم الغيبوبة الفكرية و الإنسانية..فاذا في واحد شهد بانو كبر فيهو الصفة دي يبقى فعلا كبر ده حربائي.. شفت محنتك كيف يا صديقي؟..
انت قلت:
| Quote: هل هي قضية دارفور؟.. |
و دي وجهة اخرى من وجوه محنتك..
اذا كانت ثورة دارفور بدأت بفصيلين مسلحين.. نذكرك بيهم..حركة تحرير دافور (تحرير السودان لاحقا) و حركة العدل و المساواة..و في اقل من ستة سنوات تنقسم بمتوالية هندسية.ز لتصل 32 فصيل.. البمنع شنو انها ما تبقى قضية دارفور؟..و هل الإنقسام الحاصل في الفصائل دي.. انقسام بيخص السودان في حاجة..؟مش ياهو كل خشم بيت قاعد ينقسم بدعوى التهميش داخل التهميش (الشواهد قاعدة و بنجيبها ليك)؟
شفت دي الحنكشة الوصفانك بيها قبل كده..و ابيتها..ابقى اديب.. ابقى بطيخ.. ده مش المهم.. المهم يا بشاشا.ز السودان البنعرفو..و بنعرفو و بنعرف قضاياه قبال ما يخترعوا النت.. البقى ليك فضاء بتمارس فيهو استمنائك الفكري في وضح عين الماشي و الغاشي..و لو بتفتكر سودانيز اونلاين مكان الناس بتمارس فيهو رجالة النضال و الدفاع عن القضايا و الحقوق.. تبقى انت زول في غيبوبة عاتية..
انت قلت:
| Quote: ثم مامعني حشرك لدور دارفور في معارك الجنوب من دون مناسبة؟ |
سنة يا الحنكشة..!..يا سـلآاااااااااام يا بشاشا..
طيب نوقع ليك الكلام تاني.. الإخوة ناس دارفور لمن كانو دبابين و بيشاركوا في سحل الناس في السودان.. انت الوكت داك كنت في بلد طيرها عجمي..و كان لسع ما وصلت حضرة وعي المركزية الأفريقية الإكتشتفتو على عقاب عمرك.. مش قلت ليك قبل كده انت حنكوش افريقيا اللادن..و ابيت تسمع كلامي.. اها مثل سؤالاتك الهايفة دي بتأكد انك مش جلابي و بس.. في الجلابة حنكوش عديل كده ..
اها شفت ده يا هو دور الطابور الخامس البنقول عليهو.ز لأنو بكلامك ده احرجت ناسك القاعدين يطمبروا ليك هنا و يصفقوا ليك ليل و نهار..و مالو برضو نسمع ناس الرجرجة و الدهماء و الشغيلة و بغاث الطير من كل جنس.. لو بيحقو الأمانة..
| Quote: طيب لو كده، ماذا عن دور جنجويد البقارة في جنوب كردفان او مذبحة الضعين كمثال؟ |
و ده احراج تاني..للناس البتصفق ليك هنا..و السؤال الما بتقدر تجاوبوا انت و ناسك المعاك ديل هو: وكت مذبحة الضعين وين كان امثال خليل و على الحاج..و التجاني ادم الطاهر..و التجاني السيسي..و عبد النبي على احمد..و امين بناني..و موسى مادبو..؟..مش ديل برضو من دارفور؟..
و نسألك: مذبحة الضعين دي الوراك ليها منو؟.. مش ياهم الجلابة بتاعين اليسار البتردح فيهم ليل نهار ديل..
المحك يا بشاشا.. انت بتغش في ناس دارفور..و ما دايرهم يستفيدوا من خبرتك كزول دارس تأريخ.. لأنو لو كنت فعلا بتفهم تأريخ كان تديهم رأسهم بدل ما تدقشهم البورة..و تقول ليهم.. أسالوا روحكم: ليه الحركة الشعبية لتحرير السودان كانت متماسكة لمدة عشرة سنة.ز حتى شهدت انقسام الناصرفي 1993؟..وليه حركات دارفور بدأت تنقسم بعد مرور اقل من خمس سنوات من لحظة انطلاق الثورة؟..
شفت كيف انت طابور خامس..و شغال لصالح المركزية الإسلاموعروبية؟..
كبر
|
|
 
|
|
|
|
|
| العنوان |
الكاتب |
Date |
| الرحيل عز الكوشيين، شلوم! | Bashasha | 07-06-08, 04:57 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 05:38 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 05:39 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 05:42 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 05:44 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 05:46 AM |
| Re: الرحيل عز الكوشيين، شلوم! | Mohamed Suleiman | 07-06-08, 05:46 AM |
| Re: الرحيل عز الكوشيين، شلوم! | Kabar | 07-06-08, 06:09 AM |
| Re: الرحيل عز الكوشيين، شلوم! | Kabar | 07-06-08, 06:18 AM |
| Re: الرحيل عز الكوشيين، شلوم! | ماجد حسون | 07-06-08, 06:21 AM |
| Re: الرحيل عز الكوشيين، شلوم! | عبدالكريم الامين احمد | 07-06-08, 04:34 PM |
|
| |
Kabar
فيس بوك
تويتر
انستقرام
يوتيوب
بنتيريست