|
كتب الكاتب الفاتح جبرا المتوفرة بمعرض الدوحة
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
الله يخلي محمد ولدي ويحفظهم جميعا
هو السبب اني اترك التدخين ..
كنت متعود على سجارة ما قبل النوم (( النوامة )) كما شربتها ما بعرف انوم ..
اها انزل تحت البناية اشربها واجي .. ما ممكن .. بس بقفل علي باب بلكونة المطبخ (( التقول بشرب في خدرة هاهاهاها) ..
المهم محمد ولدي بجي اتلبد لي وداير يعرف انا كل يوم بالليل لي بطلع البلكونة واقفل بابها .. مره جيت داخل من البلكونة بعد ما شربت السجارة .. قال لي تعال نبوسك .. طبعا عرفتو داير يشم ريحة السجارة .. وطبعا دا كلو عشان ما يتعلمو السجاير .. زمان نخاف من ابواتنا وهسي من عيالنا (( عالم جبانات بشكل )) ..هاهاها
المهم متلحني ليك شديد .. اخرتها قلت ما باليد حيلة السيجار ولا ولدي .. منعول ابوك يا سجارة ومن ديك تاااااااااااني فراق الطريفي لجملو هاهاهاهاهاها
| |
 
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
بسف التمباك أعزكم الله وانا طالب بالإبتدائية .. وخليتو وبقيت أسف منذ 1985 اقلعت عن الإثنين بحمد الله عام 2000 ....
محاولة الأقلاع كانت واحدة فقط ، بعد تفكير .. قررت البداية من رمضان .. لانو هامش والوسوسة فيه ضيق .. يعني ساعة صبر واحدة بعد الفطور يعقبها صيام يوم كامل وهكذا ... خاصة بعد المواظبة على صلاة التراويح .. وقيام الليل أما إن كنت من أصحاب العشاء فقط فيفضل الخلود للنوم باكراً ... وسترى أن الامر غاية في السهولة..
الإبتعاد عن الحفلات بأنواعها والجماعات والشلل لفترة .. خاصة شلل الكوتشينة ،جماعة الكورة وضل الشجرة والعمود، وقعدات الشاي والقهوة .. وأي رحلات ترفيهية ما ليها لازم ..
الإقلال من الأكل متفادياً الشبع ابدا ما استطعت ولا تحاول أن تجد بديلاً للصعود أو السجائر في اي شكل كان .. لان ذلك بتناقض بشدة مع مبدأ الإقلاع ...ستجد أن كل يوم يمر .. يعزز الثقة بنفسك وينقلك بسلاسة لمرحلة هامة وهي الشعور بالنفور والتأفف من رائحة التبغ .. ومتعاطيه وهي مرحلة الإنتصار الكبير إن شاء الله ...
الدخان والصعود يبطلان الوضوء ما في ذلك شك .. كن على وضوء دائم .. شيخنا النبهان رحمه الله كان يقول " .. لا أستطيع أن أبقى أو امشي من غير وضوء .. الوضوء سلاح ودرع .. يحرق الشيطان فأنا لا يمكن إلا أن أكون على وضوء دائم" .. إن أنت آمنت بعالم الضياء ذاك فسيتركك التبغ صاغراً .. وإلا فاستعد للوضوء بعد كل سفة وسيجارة ...
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
Quote: انشالله في رمضان الجاي اكون وافق منو لي 6 شهور
|
كع ،،
تذكر سيجارة الفطور،،
=
يازول تخلي شنو،،
أكل كويس ،، ومارس رياضة المشي والركض ،، ودخن ساي،،
=
شوف الدخان دا مشكلتو مع الناس العندهم أرتفاع في الكلسترول
أفحص وريح بالك،، (كلسترول + قطران) تسكر المجاري والدم يقيف،،
دي المشكلة!!
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبد اللطيف بكري أحمد)
|
| Quote: تذكر سيجارة الفطور،، |
اه قومنا ...
وحاة النبي متزكرة واسي اتفريفته
| Quote: ومارس رياضة المشي والركض ،، |
ماهو ده المجنن بوبي ياحبا
Quote: شوف الدخان دا مشكلتو مع الناس العندهم أرتفاع في الكلسترول
أفحص وريح بالك،، (كلسترول + قطران) تسكر المجاري والدم يقيف،،
دي المشكلة!! |
ياود البكري .......
معقولة بس
تسلم يا حبا
بس حقة بعد الفطور....... قويه
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
عبدالله المحترم..
منذ يوم 24 ديسمبر1981م ليلة الكريسماس في النادي القبطي..انقطعت العلاقة بينى وبين السيجارة.. وتوابعها ليلا.. ولم أعد.. بدون قسم.. بدون تحدي للآخرين.. بل كان تحدي مع نفسي.. وقد نجحت والحمد لله..وقتها كنت أعمل في (مصلحة العمل) حاليا وزارة العمل..
مودتي
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
عبد الله كع
أزيك يافرده ,, أنت لسه ضارب السكليب ؟؟
ياخوى ماتسمع الكلام ده , مافى سيجاره كتلت ليها زول ,,
الدنيا دى كلها بافى فيها يومين تلاته أخير نقزقزبهن .
كمان كان بقيت بلحيل على الموضوع ده , تعال نسو كلام أخونا
البصيلى . باقى أنا اليومين ديل ماعندى موبايل .
بيناتنا الماسنجر ,,
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
سلامات ياكيمو.....
Quote: ياخوى ماتسمع الكلام ده , مافى سيجاره كتلت ليها زول ,,
الدنيا دى كلها بافى فيها يومين تلاته أخير نقزقزبهن . |
شكلي يا حبا حا اسمع كلامك ....
لكن القزقزة حتكون بالطريقه الصاح يامان
ــــــــــــ
صدقنني قللته خالص
تسلم يا غالي
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
الأخ عبدالله كع والأخوة المتداخلين
الحقيقة لم أدخل على الموضوع سوى اليوم ، والعجيبة أننى مدخن شره أدخن الأربعين إلى الخمسين سيجارة مالبورو أحمر ، ولى زميل عزيز بالمكتب (كثير النق) (يكره التدخين) ويرسل لى دائما كل ما يمكن أن ينفرنى من التدخين من إيميلات تحمل أضرار التدخين ونسب وفيات المدخنين إلى غير المدخنين ، ومثل هذا النوع من النق
الحقيقة ، لم أكن أكترث فى البدء من هذه الإيميلات ، ويظهر أن لها أثر خفى لا تحسه فى وقته ولكنه يظل يعمل فى الباطن (فى مكان ما فى النفس) 
وفجأة ،
قررت التوقف عن التدخين ، وكانت آخر سيجارة دخنتها قبيل منتصف الليل يوم 25 مارس 2008م يعنى قبل أربعة أيام
قد يقول قائل ، حتما سيرجع للتدخين
ولكن أقولها لك يا عبدالله ولمعشر القراء ، أننى لن أرجع للتدخين مهما كلف الأمر ، وليس هنالك أى بدائل أخرى كاللبان أو التسالى أو علكة التدخين ، صدقنى كل هذا كلام فارغ ، المسألة إرادة فقط وأبعد عن التدخين تجده يبعد عنك وما ذكرت التجربة رغم بساطتها إلا أنها يمكن أن تعينك
أقل لك ما هو شعورى فى اليومين الفائتين:
دوخة ، قلق ، نرفزة ، طفش ، فى شى ناقص ما هو لا أدرى
المهم بدأ هذا الشعور يقل تدريجيا والآن فى وضع أفضل
النصيحة الهامة البعد تمام عن المدخنين وأماكن التدخين خصوصا فى هذه المرحلة
سأوافيك بما يحدث معى بكل أمانة ، فأنا الآن إنسان جديد يا عبدالله
تحياتى
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: يازولyazoalيازول)
|
وهذا نموذج الإيميلات التى تسببت فى توبتى
Quote: Smoking Facts and Tobacco Statistics
• Half of all long-term smokers will die a tobacco-related death. How long have you been smoking?
• Every eight seconds, a human life is lost to tobacco use somewhere in the world. That translates to approximately 5 million deaths annually.
• Compared to nonsmokers, men who smoke are about 23 times more likely to develop lung cancer and women who smoke are about 13 times more likely.
• Secondhand smoke contains more than 50 cancer-causing chemical compounds, 11 of which are known to be Group 1 carcinogens. Do you smoke at home or in the office and pass along this horror to your family and friends?
Benzene is a known cause of acute myeloid leukemia, and cigarette smoke is a major source of benzene exposure. Among U.S. smokers, 90 percent of benzene exposures come from cigarettes.
Radioactive lead and polonium are both present in low levels in cigarette smoke.
Hydrogen cyanide, one of the toxic byproducts present in cigarette smoke, was used as a genocidal chemical agent during World War II.
Tobacco use is expected to claim one billion lives this century unless serious anti-smoking efforts are made on a global level.
Tobacco offers us a life of slavery, a host of chronic, debilitating illnesses and ultimately death. And think about it: You pay big bucks for those "benefits." Sad, but true. |
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: كمال عكود)
|
عكود اخبارك .....
اشكرك علي المتابعه .
| Quote: ما قلت لنا يا أستاذ عبد الله خبرك شنو بعد التجارب دي كلها إن شاء الله اتفكيت من المصيبة دي ؟؟؟؟ |
ابشرك بقيت مابشتري( يعني بدخن ملح)
يا عكود انت من يتو نوع ؟؟؟؟؟؟؟؟؟؟؟؟؟؟؟؟
ــــــــ
دربك اخضر
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: كمال ادريس)
|
كع
سلامات
طبعا التدخين انا ما كان عندى معاة شغلة
بس عند بداية الغربة والسكن بعيد من اماكن تموين
الصعوط علقنا فية وقرب يودينا التوج وخلينا غصب لظروف صحية
لكن طبعا البفكك من السجائر يفكنا من التمباك بقينا خبرة
فى المطير والله ولا المحسى 
دربك اخضر
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: بابكر التوم)
|
بابكر اخبارك
| Quote: طبعا التدخين انا ما كان عندى معاة شغلة |
الحمد لله الذي نجاك .......نفدته منو ياقلب
لكن يا حبا التمباك يااااااااااخي ماقصة غريبه
| Quote: الصعوط علقنا فية وقرب يودينا التوج وخلينا غصب لظروف صحية |
برضو الحمدلله عليك الله دعواتك.......
ــــــــ
ودربك كذلك
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
| Quote: اليوم أكملت 12 يوما بالتمام والكمال |
والله يا هشام قوى جدا
يازول دة خبر مفرح
اها كمان اديك النصيحة فى حالتك دى
اياك ثم اياك ان تدخن اى سيجارة او شيشة
لمدة 6 شهور بادوب بتكون عديت بر الامان
الف مبروك
____________
اليوم اكملت 8 ايام
لكن مع استعمال كل وسائل
المساعدة بما فيها هذا البوست
شكرا الاخ عبد اللة
شكرا هشام
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: معاوية الطيب)
|
Quote: والله يا هشام قوى جدا
يازول دة خبر مفرح
اها كمان اديك النصيحة فى حالتك دى
اياك ثم اياك ان تدخن اى سيجارة او شيشة
لمدة 6 شهور بادوب بتكون عديت بر الامان
الف مبروك
____________
اليوم اكملت 8 ايام
لكن مع استعمال كل وسائل
المساعدة بما فيها هذا البوست
شكرا الاخ عبد اللة
شكرا هشام |
ـــــــــــ
عينا باردة ....... دربكم اخضر
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
عبد الله
شكراً
كنت مدخن منذ اكثر من 25 سنة
دخلت علي المنبر و قرأ ت البوست بتاعك
لفت الحكاية في رأسي
رميت علبة السجاير و بداخلها 19 سجارة
و لله الحمد حتى الان صامد و كاره رائحة التبغ
جلست مع مدخنين ولم اتأثر
لي كم يوم ؟
احسب تاريخ البوست بتاعك
شكراً ليك و لكل الذين ساهموا معك
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: معاوية الطيب)
|
معاويه اشكرك
والله يا مان انا مدين دين كبير
ودالكع قال.....
| Quote: Quote: ابشرك بقيت مابشتري( يعني بدخن ملح) |
معايه قال كلام البزعل الواحدة
Quote: الاخ عبدالله
اه شوف من بوستيك دة هسى نحن وقفنا من التدخين
3 اشخاص انا وهشام وفالكون وانت لسة ماسكنا بدخن ملح |
وقال معاويه بن الطيب (الراجل الطيب )
Quote: اها اوصف ليك خارطة الطريق
ولا اقول برجع ليك بمهلة |
قال : ودالكع
ما محتاج ل خارطة وطريق ولا الحائط الممبكي يا مان
حتي الملح شتت يا حبا ( وعد مافي رجعه انشالله )
بلا سجارة فطور رمضان بلا كلام فارغ
اشكر يا معاويه .........
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: حمد اسماعيل)
|
الاخ حمد سلامات
اشكرا كثيرا علي تجربتك التي بأت بالفشل عموما هي تجربه ....والحياة تجارب
| Quote: أولا أنا بكتب ليك ومولع سيجاره ماخد منها نفسين |
دي عشان تغيظني ولا شنو يا مان ( شامي الريحه )
| Quote: محتاج لانسلين وبقت الضعفه ما من الحبوب الضعفه من البنكرياس |
قصه والله وحكايه يا مان ....... ربنا يعينك ويشفيك ( من القلب والله )
ــــــــ
دربك اخضر
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
صدقنى لو تعرف ما يُحدثه التدخين بجسمك من اضرار لما قرُبت منه أو قرُبت ممن يدخنه
الحل الابسط لهذه المشكله هو أن تضع المصحف أمامك وتقسم اليمين ألا تعود للتدخين وستفعل ولن يحدث لك شئ وكل ما ستحسه شوية صداع تزيله حبة حبتين بنادول والسلام ....وستكره حتى رائحة السجائر بعدها
والى اللقاء ...ز
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
سوركتي سلامات
| Quote: صدقنى لو تعرف ما يُحدثه التدخين بجسمك من اضرار لما قرُبت منه أو قرُبت ممن يدخنه |
والله فاهم النظريه تمام .......
والحمدلله 5 يوم خارج التغطيه ( عشان بدون دخان )
لم اجرب الحليفه علي المصحف ولكن فتحت هذا البوست ده وساعد خالص ان اتركه التدخين دون حليفه
اشكرا علي المداخلة الرايعه ....بس يا مان انت كنت بدخن ؟؟؟؟؟؟؟؟؟؟؟
دربك اخضر
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
| Quote: والحمدلله 5 يوم خارج التغطيه ( عشان بدون دخان ) |
الاخ عبد الله
الف مبروك
5 يوم يعنى اتعديت المرحلة الصعبة
بس المهم الصمود ثم الصمود ثم الصمود ( بى زهللتك دى ما تقراها الصعوط )
---------------
يازول دى دايرة ليها تلفون تهنئة عديل كدة
ارجو الاتصال 009745875260
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: omer abdelsalam)
|
الاخ عبدالسلام
تحياتي ..........
من خور جانقي لحدي الميناء البري والسوق المحلي والمركزي
| Quote: ووصيها - تنق - فيك كلما روداتك نفسك على سجارة |
نقت لمن فترت وحلقه اتقرش لا هي فهمت حاجه ولا انا خليت السيجاير ....
الكلام ده قبل اسبوعين كدا يا حبا لكن اسي الحمد لله الوضع مستتب بدون
تدخين................
اشكرك علي المرور
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
مجدي لك الشكر اجز
قلعتو من وين البوسته ده؟؟؟؟؟؟؟؟ 
يا مجدي اخبارك شنو النشالله تمام والاولاد
اخوك انتصر انتصار الفاتحين يا مان...
لكن البوست حكون دايما في الصفحه الاولي عشان الفايدة تعم .......
ــــــــــ
الجني.... ده... قالو ابوه عندو محل شيشه في الشام
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
أها يا عبدالله رأيك شنو ن الليلة تميت 34 يوم بدون تدخين ولا حتى سيجارة واحدة ولا حتى نفس
صدقنى الشغلة كلها تعتمد على قوة الإرادة
يلا شدو حيلكم وإسترجعوا الصحة والعافية وخلونا نخلق مجتمع متعافى بدون تدخين ونجعل ذلك شعارنا
تحياتى
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
عبد الله كع ، تحياتى .....
شوف يا أخوى ، انا خليته لمدة 18 شهر بالتمام والكمال
قبل شهرين رجعت ليهو ، والله ال 18 شهر ده كنت خرمان ، وزى
العندى حاجه رايحه منى ، قدرما فتشت ليها ما لقيتها ، فيا
أخوى ما تخليهو ولا حاجه .. خليته كيف ؟؟ ما ليها لازمه أحكى
تجربتها ، لأنها بقت تجربه فاشله !!!!!
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
يزووووووووووووووووووووووول
Quote: أها يا عبدالله رأيك شنو ن الليلة تميت 34 يوم بدون تدخين ولا حتى سيجارة واحدة ولا حتى نفس
صدقنى الشغلة كلها تعتمد على قوة الإرادة
يلا شدو حيلكم وإسترجعوا الصحة والعافية وخلونا نخلق مجتمع متعافى بدون تدخين ونجعل ذلك شعارنا |
ده كلام كبارجدا يلا واصل اوكع تنخ في الطريق وتقول الخرمه رمتني
37 قول 40 في كل يو م
ـــــــــــــ
شجعتنا وانشالله لقيت ليك منافس يا مان عند 18 ورده هسي
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
سلام بدون سجارة
شوف يا أخوى ، انا خليته لمدة 18 شهر بالتمام والكمال
قبل شهرين رجعت ليهو ، والله ال 18 شهر ده كنت خرمان ، وزى
العندى حاجه رايحه منى ، قدرما فتشت ليها ما لقيتها ، فيا
أخوى ما تخليهو ولا حاجه .. خليته كيف ؟؟ ما ليها لازمه أحكى
تجربتها ، لأنها بقت تجربه فاشله !!!!!
وحاتك يا غالي رجفت عديل كدا 18 شهر ورجعته .....
فاشلة ..... ولا ح تخلينا نعيد حساباتنا
ــــــــــــ
الله يستر يامان
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
كمال ادريس سلام كما ينبغي
| Quote: يامجدي مالك ياخ ... الراجل قرب ينسى السجاير تمشى تقلع البوست تاني وتذكرو.... أها هسه ولع واحدة ولوث الاوزون، انشاء الله انت تكون مرتاح |
اه زي ده مش داي ربونيه كاربه كدا
ــــــــــــ
كمال انت شنو معانا ولا معاهم؟؟
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
اولا جني الف مرحب بيك .. معانا ياخي..
Quote: الا يستحق ابناءنا حياة كريمة ليحققوا ما فشلنا فى تحقيقه لانفسنا واوطاننا!
اطفالنا هو فرصة استئناف تتيحها لنا الحياة لتحقيق ما فشلنا فى تحقيقه والاجمل انها فرص متعددة بقدر عدد اطفالنا! |
صدقته والله العظيم ......
ـــــــــــــــــــــ
شكرا يا حبا علي المرور والشرطة العسكريه
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
كنت فى العمرة ...
وأقسمت .... آخر سجارة كانت فى مطار الملك بتاعم ده إسمو شنو ده
كلامى مفهوم مش..؟
لى أسبوع هسى....
خرمااااااااااااااااااان لكن زى ما بقول الأخ عبداللطيف بكرى الخرمة ما بتكبر ولا بتزيد ولو بتكبر أو بتزيد كان راسى طرشق
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: omer abdelsalam)
|
عمر .. سلامات ياخي ..
Quote: عبدالله ..ماهي آخر اخبارك مع التدخين ان شاءالله تكون قد اسدلت عليه الستارة الأخيرة
ولتحتفى بصدر خال من النوكتبين قبل حلول شهر رمضان المبارك |
بس خرمان لي خرمه اسكت ساكت .. كل ما اشوف لي واحد مولع سجارة بموت بالمغسه
وتلقاني وشفشف معاهو السجارة .. والله حالة بطالة يا مان,, ولكن صابرين
امبارح جيتكم عند الناس المتسللة الي المغرب
لقيتكم كلهم عاملين كدا
ــــــــ
مبروك للعريس ....مش في عرس من الشلة برضو ؟
اشكر ك علي السؤال يارائع
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
أها يا جماعة رأيكم شنو الليلة أكملت 95 يوم بدون سجائر
صدقونى القصة عزيمة ، وبعد داك أنسى الموضوع
الزول بعد داك صحتو تتصلح ، وشهيتو تتفتح للأكل ويعمل ليه كضيمات وصدرو ينضف من أوساخ النيكوتين وينوم كويس ويفكر كويس ويكون عندو قبول فى المجتمع كبير
الله يلعن أبو التدخين
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: يازولyazoalيازول)
|
يا زول تحايانا
| Quote: أها يا جماعة رأيكم شنو الليلة أكملت 95 يوم بدون سجائر |
ما عزبتها عزاب السنين ..
Quote: الزول بعد داك صحتو تتصلح ، وشهيتو تتفتح للأكل
ويعمل ليه كضيمات وصدرو ينضف من أوساخ النيكوتين وينوم
كويس ويفكر كويس ويكون عندو قبول فى المجتمع كبير |
الحمد لله يا حبا.. في حاجه نسيتها .. فهتمني اكيد..
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبد اللطيف بكري أحمد)
|
Quote: الزمان 22 مايو 2008
المكان مطار روما
آخر سيجارة ،،
الحالة الآن : زي الزفت!!
التوقعات : حبة في رمضان ، الفطور ، السحور؟؟
التوصية،،
أقفل البوست دا : صلاح ابو دية و هشام يازول دا كان وقع ليك واحد فيهم هنا حقك راح،، |
عبداللطيف مرحب بيك ..
تعرف سجارة الفطور دي المخوفاني .. السحور ما مشكلة
ــــــــــــ
الله يكفينا شر الوقوع .. والترتحه
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
سلامات يا كع
قبل مدة في البوست زي دا قلت لي صاحب البوست الكان برضو عايز يخلي التدخين ولييييه اساسا مخليهو عيب لي التدخين دا و كنت في وش كل البيقولوا لي بطل تدخين اقول ليهم ياخ انا بحب التدخين عديييل وما مفكر أخليهو تب،
Quote: أها يا جماعة رأيكم شنو الليلة أكملت 95 يوم بدون سجائر
صدقونى القصة عزيمة ، وبعد داك أنسى الموضوع
الزول بعد داك صحتو تتصلح ، وشهيتو تتفتح للأكل ويعمل ليه كضيمات وصدرو ينضف من أوساخ النيكوتين وينوم كويس ويفكر كويس ويكون عندو قبول فى المجتمع كبير
الله يلعن أبو التدخين
|
انضميت لي قروب يازول يازول يونيو 10 يعني 18 يوم بدون تدخين!!
كيف
من مارس قررت انو حأبطل الندخين في يونيو، تلقائياً وبالتدريح وبصورة سهلة نوعا ما قللت لي أقل من 10 سيجارات في اليوم وبديت بدل light أدخن extra light كمان، لما جا يوم 10 كنت نوعا ما اتهيأت لإني غير مدخن،
المسألة انك تضع ارادتك في مواجهة التدخين.
* بالناسبة دي أول مرة أبطل فيها التدخين والسبب الخلاني أبطل ...
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
Quote: امبارح جيتكم عند الناس المتسللة الي المغرب
لقيتكم كلهم عاملين كدا
ــــــــ
مبروك للعريس ....مش في عرس من الشلة برضو ؟
اشكر ك علي السؤال يارائع |
الأخ / عبدالله
بطبع جيلنا في جامعة فاس والجامعات المغربية الأخرى جيل سبعينى
صراحة الوقت داك ماعرف انت كنت وين : ابتدائي ..ولا روضة .....؟
المهم ..في زمنا داك كانت { التفة } هي الموضة والأصل ..والشعر القصير و{الصلعة } مكجننها ويعتبر اصحابها من { الرجعيين } و{ المتخلفين حضاريا
بالمناسبة ..مرحب بيك في عرس زميلنا ابوسمرة والعوة مفتوحة ليك غداء وعشاء
بس { التدخين } ممنوع 
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: omer abdelsalam)
|
عمر سلامات
Quote: صراحة الوقت داك ماعرف انت كنت وين : ابتدائي ..ولا روضة .....؟
المهم ..في زمنا داك كانت { التفة } هي الموضة والأصل ..والشعر القصير و{الصلعة } مكجننها ويعتبر اصحابها من { الرجعيين } و{ المتخلفين حضاريا |
لو في بداية السبعينيات انا كنت بزر (علي قولة السعودين)
يا عزيز اليومين برضو موضة التفف قاجه و في ارقي البيوتات التجاريه
و مصاحبة موضة الصلع والتي ما اتتنا دعايه والا كان البطل
بي صلعه لامعه .. وخاصة دعاية الشامبو (للمبالغه يامان)
| Quote: بالمناسبة ..مرحب بيك في عرس زميلنا ابوسمرة والعوة مفتوحة ليك غداء وعشاء |
العرس ده شكلو في امدرمان .. العزومه مقبولة بانيات يا حبا .. ولو كان في الصحافه كنا
بنجي جري ..
ــــــــــــ
شباب الـ70 نيات .. ملوك الحب
| |
|
|
|
|
|
|
|
|
 Re: اي زول خلي التدخين يجي يورني خلاه كيف ؟ (Re: عبدالله كع)
|
العزيز / عبد الله كع
مساء الخير
وبقراء مستمتع جدا ببوستك وفي مكتبي لوحة أنيقة بتقول ( فضلا لا تدخن )
الاكتر منها اناقة طفايتي السانستيل الجميلة المختوته جنبها بالضبط 
مدخن وباعتباري الوحيد وسط فريق عمل كلوا من غير المدخنين
حتى الموظف الجانا جديد ما بدخن
حكاية تعقد مش كدة ,,,
على العموم متفائل حيجي يوم وأبطل العادة السئية دي
مفكر أخت لوحة تانية كمان
( نحو عالم جميل بلا دخان )
تحياتي
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
يا صلاح كيفنك يا حبا.
Quote: اليوم ثلاثة أشهر بالتمام والكمال من يوم 28 أبريل
والحمد لله ....
وخرماااااان برضو....
ياخ السجاير ده ماكان صاحبى !!!
وعمرو ما زعلنى ..! |
يا خي خلي الجرسه دي و3 شهور تكون ضاعة منك كدا بس شمار في مرقه
و كدا حنقوم نرجع للفردة المبزعلنا
والعمرو ما كان حيزعلنا ..
ــــــــــــ
والله بطريقتو زعلنا ولا ما زعلانا ما كل نيم ما كل نيم
ماااااراجعين مارجعين
| |
|
|
|
|
|
|
|
|
|
Re: اي زول خلي التدخين يجي يورني خلاه كيف ؟ (Re: عبدالله كع)
|
عبدالله كع
Quote: داير اخلي شراب السجاير اعمل شنو؟
مع طرح التجربه.... |
أنا في تقديري أن كل تجربة تظل تجربة شخصية
فقط يمكن أن تدلل على الإمكانية لكنها لا تحتمل
أن تكون منهاجا .. لأن لكل شخص إرادة مختلفة
وعزم مختلف .. ودرجة تحمل مختلف ..
لكن أجزم أن عزمك الخاص وقوة إرادتك التي تمثلت
في هذا البوست يمكن أن تعينك على هذا الإقلاع
(( قول كع .. أوعك تبطلو كع .. لكن خليه بالتدريج ))
لم أدخن من قبل .. ولا أتصور أن أدخن
...
| |
|
|
|
|
|
|
| |
mo
خال فاطمة
عبدالله كع
فرحات عباس
كمال سالم
يازولyazoalيازول
كمال عكود
كمال ادريس
بابكر التوم
-1.jpg)
معاوية الطيب
تبارك شيخ الدين جبريل
مجدي عبدالرحيم فضل
falcon
sourketti
omer abdelsalam
بشير حسـن بشـير
jini
صلاح أبودية
Mohammed Elhaj
حمد عبد الغفار عمر
صلاح شكوكو
فيس بوك
تويتر
انستقرام
يوتيوب
بنتيريست