خلوه

ماهو باين في العيون ... وين حنهرب منو وين
الهوى البعث اليالي ... العامرة بذاد الشجون
. يفتح قلوبنا ديار محبة ... ديار حياة ...للعائدين
ما بنقاوم ... كيف حنقدر؟ وين حنهرب منو .. وين
ما إفتكرت الحظ يساعد عمري ... ويورد من جديد
من بعد فرقتنا ديك مين كان بيفتكرك تعود
كنت بحتاج ليك بشدة... وانت عني بعيد
مافي عيشة بلاك بتبقى ... مافي نشوى ومافي ريد
والهوى الجمبك عرفتو ... عاطفة ملتهبة وعهود ... وين حنهرب منو وين
إدعينا ... وقلنا تاني ما حنشتاق في عمرنا
وقبل ما تمر ليلة واحدة بحرارة .. الشوق غمرنا
كم لهينا... وقلنا إمكن ندفن الحب في سهرنا
الحياة دربك علينا ... وبأثر فقدك ... شعرنا
شفت كيف حبك حياتنا
أنت يالحبك حياتنا ... كيف بدون حبك نكون؟
شفت كيف حبك بيعمل؟ بشغل الوجدان ... بيعذب
وبرضو بتقول عني خادع ... وإني بتلاعب وبكذب
ليك حق دنياك خالية ... لا بتشيل هم لابتتعب
كنت تتعلم تجامل .. لو فؤادك مرة جرب
إنو ما يدق ... دقة واحدة إلاّ ويتفجر حنين
يفتح قلوبنا ديار محبة ... ديار حياة للعائدين
ما بنقاوم ... كيف حنقدر ... وين حنهرب منو وين؟