|
|
|
 Re: نادى العزابة الاسفيرى ....... (Re: Amira Elsheikh)
|
أميرة ازيك
معقولة ما فهمتي غير المقتبساهم ديل
ثم تعالي هنا ...شنو الموضه بتاعة القرايات بتاعتك والفهم فيهم
يا اخت القرايات في البوستات السياسية والرياضية
الForecasting ده ما علم عزابة
عموما انا ذاتي عندي قرايات للنادي ده بكرة او بعد حنزل دستور وفاقي جدا يستوعب حزمة المتغيرات الجديدة لانو شايف الاقبال كتر وبعد ده لازم نرفع القزاز ونتكلم بشكل استعلائي مع بعض الشرائح الاخري والمتقدمين الجدد
هبة خليك هنا....هسة نفتشك وما نلقاك وتلومينا
ياخي تاني وين رندة
| |
 
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: أميرة ازيك
معقولة ما فهمتي غير المقتبساهم ديل
|
قمر ...
ازيك انت دا..
ياخ فهمت وفهمت..
لكن طالما احرجتنى مع الجمهور حافك اخرى ..
قبل ساعات بس من مداخلتك دى عرفت من خدر انك ود خالتو وطلبت من خدر
انى اكون بت خالتكم ...جيت انت ختيتا وكانو سمعت خدر وهو بيكلمنى..
بخصوص رطانتكم دى انا مافاهمة حاجة..
بس اكيد بتكونو قاصدين خير ياقول ماو صاحبنا....
_____________________________-
اسى فى داعى??
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
اميرة بت الشيخ و(العزازيب المعاها)
سلام
اول حاجة اترددت في اني اخش بس لمن حسبت انو باقي لي سبعة شهور واتأهل(شوله)
قلت اخش اقضي الزامتي العزابيه لحدي ما ربك يهونا(علامة تعجب)
اها يا قمر في عضوية(استفهامين)
ــــــــــــــــــــــــــــــ
بس بعد السبعه شهور تدوني خلو طرف
| |
|
|
|
|
|
|
|
|
|
Re: نادى العزابة الاسفيرى ....... (Re: ممدوح أبارو)
|
شوف يا ممدوح قبل تتشرط انت بسبعة شهور وخلو طرف كمل طلبك
Quote: اها يا قمر في عضوية(استفهامين)
|
في اكسلاميشن مارك ناقص هنا
شفت معاينات تمكنا زمان (الزول يسألك ماالدولة المعروفة ببلد المليون شهيد؟: تحك رأسك تقول الجزائر...بكل برود حقول ليك عد لي المليون شهيد) ياهو حالنا حسب الدستور المذكور فوق للحالات الجديدة بعد الصفحة السادسة
مرحب بيك أبارو
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: ياهو حالنا حسب الدستور المذكور فوق للحالات الجديدة بعد الصفحة السادسة
|
غريبه انا قدمت طلبي في السادسه؟!
يعني طلبي اتقبل (بدون استفهام وتعجب)
شكراَ للسيد مسعول الجوده والمقاييس بالنادي (وجوه ممتنه)
| |
|
|
|
|
|
|
|
|
|
Re: نادى العزابة الاسفيرى ....... (Re: ممدوح أبارو)
|
Quote: غريبه انا قدمت طلبي في السادسه؟!
|
الغريبة انك بتعد من واحد
اسأل دكتور هجو في جامعة السودان كان عميد كلية العلوم (كليتنا)....حضر الدكتوراة في الصفر كرقم
نحن ياخوي بنعد من الصفر
معناه انت قدمت في التامنة
برضو كمل الطلب
ورافعين القزاز
ومرحب أبارو....ممكن تستلم المنصب؟؟؟؟؟؟؟
| |
|
|
|
|
|
|
|
|
|
Re: نادى العزابة الاسفيرى ....... (Re: خضر حسين خليل)
|
Quote: فهل في تقديرك إنو في عزابي حيفوتو قطر العرس ؟
|
خدر يا صاحب ..
دائما بتجى تدينا طلة على الطاير وتمش رغم حوجتنا
تكون هنا.
كويس شكلك اخيرا قررت تجى وبالمهلة,,
بس السوال الفوق دا ما وقع لى ..عزابى دى مقصود بيها منو هنا ؟؟
عشان لو بقى انت وهو ... حنكون وقعنا فى الفخ ونرجع لمربع واحد..
بتمنى قرايتى تكون ما سليمة..
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: كيمو مدور ليه بوست عن الريس وكوبنهاجن....
نصحيتي : أرخووووووه...بجيب هوا هوا |
والله لكن .. جنس بيع ..!!
________________________________________
العزابي ربى عيالو .... ولا كيف ؟؟
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: انت بعت يا كيمو؟؟
وينك؟؟
______________________
|
هلا .. هلا .. ما أنا الببيع .. (هييييييييييييييييييع )
Quote:
______________________
اوعك تكون لقيت لقيت حوش فيهو ديوان وووو |
_____________________________
الحيشان .. وين .. ونحنا وين .. أحيييي ..
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
والله انا بسأل عما اذا كان النظام الاساسي للنادي بيوفر للعضو المنتسب اي نوع من انواع الحماية او المرافعات قانونية ضد اسئلة الخالات والعمات وعموم الاصحاب من نوع يازول انت حكايتك شنو،متين نفرح بيك، انت والله بقيت شيخ عزابة والخ....
| |
|
|
|
|
|
|
|
|
|
Re: نادى العزابة الاسفيرى ....... (Re: Salih Eissa)
|
| Quote: والله انا بسأل عما اذا كان النظام الاساسي للنادي بيوفر للعضو المنتسب اي نوع من انواع الحماية او المرافعات قانونية ضد اسئلة الخالات والعمات وعموم الاصحاب من نوع يازول انت حكايتك شنو،متين نفرح بيك، انت والله بقيت شيخ عزابة والخ.... |
Salih Eissa..
جاى وشايل جرستك معاك..
لو النظام الاساسى مافيهوالفقرة دى حنعدلو...
هو اصلا نحن عاملين النادى دا عشان المشاكل الزى دى.
بس يدك معانا...
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
خاطرة :
لماذا يسون البنات كدة ؟
إبتدرنا محدثنا وكنا يومها في سخط وشظف وكدح لا آخر له
غير أن أمسياتنا في بيوتاتنا العزابية تشهد ماتشهد من البوح الحميم والرغبة في التحرر والأنعتاق
من هكذا حياة .....
يشهد الله أنا جميعنا كنا في حيرة من أمر القلب .... يدق ويدق ويدق ثم يؤتي أكله آخرون لم يشهدوا
ما كان من أمر العرق الذي نبذله إثر كل طحين .
فما بال القلب لا يهدأ ولا يكل ولا يمل .
كان يبكي يومها بدمع القلب ولكأن يخيل إليك أن نبيذ مساؤنا لا يمطر سوي الدمع لا كسابق عهده
يحملنا لحيث الفرح .
أهدأ يابني آدم
بعدين ياخ هو العرس دة بلا االمشاكل شن بجيب؟
أحدثه ولكأنني أب لديه خبرة أعوام لاتقل عن العشرين ويحمل في جبينه هم سبع أرواح ووالدتهن التي كانت
في سابق عهدها حبيبة سميحونة .
يبكي ويبكي وكلما علا دندنات العود بكا صاحبنا بكاءً مراً لا كبكاء الناس
دموع كشلالات نياجارا وعيناه ومع إلتماع الليل صارا كإحمرار الشفق
أبك ياصاحباه فالعمر أن ترهقه أنت في حال لم تك تتمناه
لكنه الحال وواقع المآل
فتدفق
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: يا اميرة شايفك كاتبة في حيطة كوبنهاجن...
غايتو لو زغنا منك ما تلومينا |
والله حائط (كوبنهاجن) ده مابخوف للدرجة دي .. ده كلو رقص وغنا وزغاريد..
___________________________________________________
أصلو (أميرة) كتبت في حائط المبكى ...
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: يا كيمو البيع ده نحن ما ناسو...
لكن ان لقينا سعر مناسب بنتفاوض |
أسي بيع أكتر من كده ..كيف تاني ؟؟
(فتشتا لي وش صاري مالقيت)
خضر حسين بالله أشتم لي قريبك بالرتانة عشان ماحدش يفهم
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: خضر حسين مافاضي
محتفل بعيد ميلاده...وبالمرة لو لقيت سكة امشي هنيه بهناك لانو صف المهنئين اقل من صف الساخطين بكتير |
عقبال مليون شمعة ... وبنمشي نهني السكك موجودة
________________________________________________________
يعني مش كان يأجل الإحتفال ده لحدي مايشتمك لي وبعدين يحتفل زي ماعاوز
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
| Quote: العزابي ربى عيالو .... ولا كيف ؟؟ |
لوووووووووووووووول
بهناك يا بوبا رافس سلاحك ضد العرريب وبجاى خايف من بوست ما داير تدخله
والله نصيحتى ليك خش دا انا ضحكت كمية ضحك من الصباح
بس طلع الجزمة عشان الرقيص الكتير بزلق لو لابسها خصوصا حقتك بتزحلق وتقوم تلحق لينا جدو
أصلو بارى اميرة لحد ما وصل رقصة السلو على قوله لما جا واقع وبقى بعكاكيزه
هاهاااااااااااااى
غايتو جنس غايتو
---------------------------
حقوق الطبع محفوظة لود الصايم
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote:
قمر وناس كدا
______________________
رندا رجعت |
شايفها يا اميرة
بس لقيتها ختة نضارتها ولامة ناس الدوحة في عمل خير...
قلت ليها كلام جادي وكم دعوة بتاعة ناس صالحين...
لكن بجاي ما بخليها
يا رندة مشيتي وين
استأذنتي من النادي ده وله مشيتي ساي..
في فوضي ادارية وعليه:
قرار رقم :
ايقاف رنده حاتم 5 أيام
برضو هبة ما شايفها...خصم تلاتة يوم
كوبنهاجن...تتفرج يومين بدون كتابة
خضر حسين كمل احتفالاتك وتعال
في منو تاني
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: معتصم دفع الله..
ودشيقوق... |
معتصم زول امير...اديته اذن قال ماشي وجاي
ودشيقوق؟؟؟؟؟؟
ود شيقوق اخر تصريح قال لي النادي بتاعكم ما بغطي معاه قال...لقيته حايم في الفيس بوك...خاتي حديقة الدندر والبيئة في برامجه الانتخابية...العررريب ده ما ساهل...راجل داهية
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
بحكم منصبي كمسؤل ملصقات بالنادي وده بطلب من الاخ قمر
| Quote: ومرحب أبارو....ممكن تستلم المنصب؟؟؟؟؟؟؟ |
وللحد من الفوضي الحاصله في النادي
عليه يجب الالتزام باللافتات ادناه
فرفره
انفع يا قمر؟؟
| |
|
|
|
|
|
|
|
|
|
Re: نادى العزابة الاسفيرى ....... (Re: مازن الجمّال)
|
مازن
معليش في روتين وشوية بروقراطية في ادارة الشغل
اذكر انو طلبك مع الاخت رندة مسافرة وبترجع كمان يومين
حتلقاها موقفة من الشغل انتظر
اوريك محل الواسطة؟؟؟
اميرة الشيخ....بتحلك طوالي ....بس جهز الرشوة حقتي
| |
|
|
|
|
|
|
|
|
|
Re: نادى العزابة الاسفيرى ....... (Re: Salah Waspa)
|
يا ابارو علي الايمان انت زول كبريت عديل كدة:ادارة المناشط
انعام عبدالحفيظ مساهماتك شرسة واخير منك ناس جدو شيقوق الرافضنهم ديل:برة
صلاح واسبة :مسئول الحالات الحرجة
كوبنهاجن:ايملك للتنسيق
صورةلـ:1.معتصم دفع الله تعلق في دفتر الغياب
2.رندا حاتم بعد خمسة ايام
3.اميديتلي لاميرة الشيخ
4.ابارو لقياده الحملات ضد المذكورين اعلاه
| |
|
|
|
|
|
|
|
|
|
Re: نادى العزابة الاسفيرى ....... (Re: ممدوح أبارو)
|
Quote: ما دام قلت كدي خلاس
ومعتصم اصلاَ زول صاحبي من زمن (كن صديقي)
ولا شنو يا معتصم؟؟ |
ممدوح ..
عملتها ظاهرة ..
وإنت لسة مكتوب بقلم الرصاص...
شايفاك تشيل و تكوجن .....تنذر وترفد وبعدشوية تقول لقمر اقيف على حيلك
وانت بتتكلم معاى???
اسمع لوقدرت ختيت لينا اللافتة المكتوب عليها نادى العزابة الاسفيرى
دى فى المدخل(يعنى مع عنوان البوست)بنعفيك من اى التزامات تجاه النادى
حتى مداخلاتك ممكن نكتبة ليك...رايك شنو فى الاقتراح دا??
بجيك راجعة بخصوص جوطة الملصقات العاملة دى ..خصوصا الانذار..
__________________________
اخد راحتك لحدى ما نجتمع بخصوصك ..
| |
|
|
|
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: اسمع لوقدرت ختيت لينا اللافتة المكتوب عليها نادى العزابة الاسفيرى
دى فى المدخل(يعنى مع عنوان البوست)بنعفيك من اى التزامات تجاه النادى
|
دي ما في زول بعملها إلا الادمن بكري
(ازكر اسماء المليون شهيد في الجزائر)
| Quote: حتى مداخلاتك ممكن نكتبة ليك...رايك شنو فى الاقتراح دا? |
اقول ليك عشان اكون متعاون وحبوب اكتر انا بطلب إجازة
| |
|
|
|
|
|
|
|
|
|
Re: نادى العزابة الاسفيرى ....... (Re: ممدوح أبارو)
|
| Quote: اقول ليك عشان اكون متعاون وحبوب اكتر انا بطلب إجازة |
اجازة لا ما معانا..
خصوصا وانك لسة جديد يعنى بديت من الصفحة السابعة..
بس فى زول بتعين الليلة بكرة بجى ياخد اجازة.؟؟؟
وتانيا الملصقات البديتا دى منو البتمها؟؟؟
لانو فى ناس لسة ما اتحاسبو ... كمل بعد داك نشوف موضوع الاجازة
.
اعيد النظر فى عقوبة معتصم دفع الله بليز ..
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: شيقوق دقه
شيقوق دقه
شيقوق دقه
شيقوق دقه
شيقوق دقه
شيقوق دقه
شيقوق دقه
شيقوق دقه
شيقوق دقه
شيقوق دقه
|
قمر ..
غايتو لو كان تلفون ودشيقوق عندى كنت اسى اتصلت
لكن بس انتظرو لمن يجيك..
| |
|
|
|
|
|
|
|
|
|
Re: نادى العزابة الاسفيرى ....... (Re: كمال علي الزين)
|
| Quote: بعد موضة (الوصيف) جاتنا موضة (الأعياد ) المجيدة ... |
يازول انت قديم خلاص يا كوبي(من كوبنهاجن)...انت ما بتشوف
في موضه رافعها بكور صاحب الحوش علي الايمان صعبة خلاص...غايتو زح من الاعلام والصحافة...
توضيح ذوغير:
الحوش مقصود بيه بتاعنا يعني المنبر...ما الحوش داك يا كوبي...انا عارفك من يجيبوا ليك سيرة حوش الايام دي بتبسم لا اراديا...وبتهمهم بكلام غير مفهوم
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: في موضه رافعها بكور صاحب الحوش علي الايمان صعبة خلاص...غايتو زح من الاعلام والصحافة...
|
قمر...
والله صدقت ... انا مشيت مليون مرة بغادى بس غلبنى..
قلت دا سيد الحوش زاتو ..
والله يا قمر حاسة ليك فى كبة كبيرة واللهى يستر ..
كان كد..
_________________________________________
عاشت حيطة كوبنهاجن .
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: توضيح ذوغير:
الحوش مقصود بيه بتاعنا يعني المنبر...ما الحوش داك يا كوبي...انا عارفك من يجيبوا ليك سيرة حوش الايام دي بتبسم لا اراديا...وبتهمهم بكلام غير مفهوم |
يا(بوبا) .. سيد الحق مانقدر نلاويهو (الكورة كورتو) كان شالا وقال ماداير معانا (حلتنا بتحرق)
_____________________________________________-
بعدين وقفة (المسينجر) دي ماقرصة .. في أضانا عشان .. نآمن ..
| |
|
|
|
|
|
|
|
|
|
Re: نادى العزابة الاسفيرى ....... (Re: كمال علي الزين)
|
Quote: بعد موضة (الوصيف) جاتنا موضة (الأعياد ) المجيدة ...
|
كيمو
والله انت وقمر لخبتو علينا البوستات.
الواحد ما يكون عارف روحو فى ياتو بوست..
_________________________________________________
قمر شايفاك بقيت تلخبت بين البوستين اعمل حسابك
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
سلاما من صبي بردا يا اخوة والاخوات العذابة
ما عندكم حالات خاصة وموقتة..
حقو تعملوا ناديكم ده (بالكيلو مايلز) اي
تعد ايام العذوبية وسنينها ثم توهل صاحبها للعضوية..
مجرد اقتراح من زول طايرة ليهو في راسو
| |
|
|
|
|
|
|
|
|
|
Re: نادى العزابة الاسفيرى ....... (Re: عبدالكريم الامين احمد)
|
Quote: تعد ايام العذوبية وسنينها ثم توهل صاحبها للعضوية..
مجرد اقتراح من زول طايرة ليهو في راسو |
كيكى ..
بركة بالشوفة..
جيت بعد خراب سوبا..
انت وضعك كريتكال شوية لازمك تنسيق مع عثمان دغيس (مكتب الحالات الخاصة)
كدا المكتب دا حيكون فاعل جدا لانوالحالات الخاصة ماشة فى زيادة
كيكى محتاجين تصور سريع وعلى الطاير.....
| |
|
|
|
|
|
|
|
|
|
Re: نادى العزابة الاسفيرى ....... (Re: خضر حسين خليل)
|
Quote: لكن بجاي ما بخليها
يا رندة مشيتي وين
استأذنتي من النادي ده وله مشيتي ساي..
في فوضي ادارية وعليه:
قرار رقم :
ايقاف رنده حاتم 5 أيام
برضو هبة ما شايفها...خصم تلاتة يوم
كوبنهاجن...تتفرج يومين بدون كتابة
خضر حسين كمل احتفالاتك وتعال
في منو تاني |
Quote: اذكر انو طلبك مع الاخت رندة مسافرة وبترجع كمان يومين
حتلقاها موقفة من الشغل انتظر |
| Quote: .رندا حاتم بعد خمسة ايام |
يعني الواحد لو كان غاب ليهو شهر كدا كان جا لقى الحاصل شنو بي جاي؟؟؟؟؟؟
النادي دا لغاية ما مشيت منه كان مديرته اميرة ...
دقسوك يا اميرة واكلوك السمسمية ... صاح !!!!!
قمر بوبا ...
اجتماع اداري فوق العاده ...
الاجنده والمناقشات بالله بالحبر السري عشان ما يشمتو فينا ناس ود البشرى ومن لف لفه ...
.
.
.
امووووونه ..... وينا.
طفشتوها ؟؟؟؟ ... يعلم الله تطفشوا بلد.
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: كلو من كوبنهاجن....
جا معاها طفشها وقعد هو
|
(كوبنهاجن) تطير عيشتو .. هو لامي فيها
_____________________________________________
والله كان مارجعت .. (أنا زاتي بطفش) ..
______________________________________
بعدين ده ياتو بوست البنكتب فيهو ده
أميرة عندها حق .. الواحد بقى بعد مايرسل المداخلة حتا يعرف البوست
| |
|
|
|
|
|
|
|
|
|
Re: نادى العزابة الاسفيرى ....... (Re: GamarBoBa)
|
انا ذاتي مما شفتو غير البوفايل قلبي اكلني ...
التصرف دا ما عجبني "بتاتا البته" وحسيت انه عنده هدف..
لكن قلت اكضب الشينة ...
غايتو لكن يا "كوبنهاجن"...
اخير نسكت ...
لكن قسمت بالله ان بقت "امووونه سوركتي" ...
الا يحلك مننا الحلا بله ..
وكان بله ذااااتو لقى البحلو...انت ما ظنيت تلقى..
| |
|
|
|
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: انا ذاتي مما شفتو غير البوفايل قلبي اكلني ...
التصرف دا ما عجبني "بتاتا البته" وحسيت انه عنده هدف..
لكن قلت اكضب الشينة ...
|
والله شايلين حال .. البروفايل فيهو وصف شيلوهوا لصقوهو بي هناك .. أخدمونا وكده
___________________________________
حكمة اليوم : السترة والفضيحة متباريات
| |
|
|
|
|
|
|
| |
GamarBoBa
ممدوح أبارو
كمال علي الزين
محمد البشرى الخضر
خضر حسين خليل
sama7
مازن الجمّال
انعام عبد الحفيظ
Salah Waspa
الطيب شيقوق
عبدالكريم الامين احمد
معتصم دفع الله
....
فيس بوك
تويتر
انستقرام
يوتيوب
بنتيريست