|
Re: ههههههههههههههههههه (Re: حنين للبلد)
|
عتمان بشير ود الصايم
قلتوا لي المظاهرت وين
هوووي يعني الزول ماينوم هنا..يجي يلقاكم قلبتوها ... المظاهرات بين وين اسمعوا انا بكتب في تعهدي لمن اخلص بجيب البستلة وبجيكم
| |
|
|
|
|
|
|
Re: ههههههههههههههههههه (Re: حنين للبلد)
|
ياشباب لو سمحتوا
تاني لازم في الاول تتصلوا على الحكومة في الاول وتتأكدوا
حتى بعد داك...تختوا......عشان ما......الوووو.....وتشيلوها....
غيتو جنس حكم
| |
|
|
|
|
|
|
Re: ههههههههههههههههههه (Re: حنين للبلد)
|
Quote: تاني لازم في الاول تتصلوا على الحكومة في الاول وتتأكدوا
حتى بعد داك...تختوا......عشان ما......الوووو.....وتشيلوها.... |
حنين
القصة عندها خلفيات
حتى أسألي ود البشرى عليها
| |
|
|
|
|
|
|
Re: ههههههههههههههههههه (Re: حنين للبلد)
|
حنين اختي
صباح الخير
اقعدي هنا
الاسابيع الاطارات بتعاتها مصممة علي سرعة معينة
كافل الايتام ود عمي جاء بي هناك مرقناهو بطب العصب
كان عايز يفخخو لينا
بس امشي تاوقي انا جبت ليك الصورة
ما ترجوني بالغداء في مواضيع سياسيه حايمه دايرا ليها عفار شوية
| |
|
|
|
|
|
|
Re: ههههههههههههههههههه (Re: osman righeem)
|
التاسعة ..حتة واحدة .. ياعين يا عنية ..يا كافرة يا نصرانية.. الله يعميك من البوستات الإنصرافية.. تشبثوا بالأمل من أجل القضية.. والنصر في نهاية المطاف هدية ..
بشير
حكمة اليوم: إذا تسمبكت مرة لا تيأس وإن غلبك اليأس فأمضي في طريقك وأنت يائس
| |
|
|
|
|
|
|
Re: ههههههههههههههههههه (Re: حنين للبلد)
|
Quote: حكمة اليوم: إذا تسمبكت مرة لا تيأس وإن غلبك اليأس فأمضي في طريقك وأنت يائس |
بشير والله حكمة بالجد منطقية
عتمان
لكن لقيتك كوستاوي مازيك بتين لحقت لفحتها....لكن مسؤول من الخير ود الصايم مالميتوا في لي اسه....الللللللللللللله يستر
| |
|
|
|
|
|
|
Re: ههههههههههههههههههه (Re: محمد عثمان)
|
Quote: إتلما في علبك و أحرس بوردك من ناس حنين للبلد و شلتها البنلادنية |
حنين ألحقي الكشة ..كان عندك طابعة أكتبي لينا تعهدات معاك ورسليها سريع ..
الكلام لكوستاوي ..وموجه لأبحوش سيد الصلعة .. أقصد لأبو صلعة سيد الحوش ..شفتو الكعبكبة دي ..
ومن نقل وشمار بشير ..
المصدر: بوست ..معطم سوداني بإريزونا
بشير
| |
|
|
|
|
|
|
Re: ههههههههههههههههههه (Re: بشير جبريل علي)
|
Quote: Quote: يا ريس قلنا ليك دا ملاح الناس المنقنقين ما تفضحنا ساكت إتلما في علبك و أحرس بوردك من ناس حنين للبلد و شلتها البنلادنية
ملاحكم ماعندنا معاه شغلة,,,,,,الجاب اسمنا هنا انا وشللي شنووووووووووووو
اسمع هنا ياكوستاوي المناديب كلموني بي مداخلتك دي انت قايل المنبر ده بدون عسس ولا شنو....
انت مش سحبنا منك التوكيل....جايب اسمنا مالك وناس حنين للبلد كمان الجابهم لي ناس بنلاندية شنو...كمان داير تجيب لينا الهوا مع ناس الاف بي اي؟؟؟؟
هوووي ياكرمب انت الليلة مكحل عين ومخلي التانية راجي البسألك...مش
خلاص خليت لطش الصور قبلت على قتل الهوية....واغتيال الشخصية "دي عاجباني كيف"
تاني حاجة انت من دون الناس ...لايحق لك النقاش والإفتاء في هذا البورد...لم ترسل تعهدك بعد
تاني حاجة سرقت الصور سكتنا....اسيئت استخدام التوكيل ومضيت على تعهد باسمي لي بكور دون الاخذ برأي وتمنعي وسكتنا....كمان جاب ليها حريش لي بكور ...انا الأيام دي لو سمحت شغالة شغل نقاشة ماتخربي علي...
بكور ...والله السويتها ماسبقك عليها زول لكن نقول شنو من لايملك منبره لايملك قراره...
يابكور رسل تعهدك....نرسل لك قرار سحب باسووردك
ياخرده....رسل صورنا اللطشتها من بوست عبدالمنعم واشراقة ..نرسل لك ورقة الطلاق |
آعلاه رد الريسة على أحد المتآمرين ..سنضرب الخونة والمارقين ..بيد من حديد..ولا نامت أعين الجبناء آشت ...آشت ..السيد/ الرئيس ..
| |
|
|
|
|
|
|
Re: ههههههههههههههههههه (Re: حنين للبلد)
|
بشير اخوي
انت كستاوي يا هو الزول المركب صورة المرحوم ابراهيم الكاشف و مجلبطه بألوان علم السودان الاصلي
سلامتك اتزكمت متين يكون من الحوامة بين البوستات
| |
|
|
|
|
|
|
Re: ههههههههههههههههههه (Re: osman righeem)
|
Quote: انت كستاوي يا هو الزول المركب صورة المرحوم ابراهيم الكاشف و مجلبطه بألوان علم السودان الاصلي
|
عثمان ..كيفك .. آي ياهو ذاتو..ياهو ذاتو ..كان داير تعمل ليهو كمين ..
بشير
| |
|
|
|
|
|
|
Re: ههههههههههههههههههه (Re: بشير جبريل علي)
|
إزيكم حنين إنشاء اللة طيبة خوتك خوة وش الزول يغيب ولا بتذكريه إنتي مسؤولة من الخير هل التوقيع علي التعهد يستلزم حضور ولي الأمر و لا لا وين ألقي علامة الإستفهام دي كرهتني ياخ
| |
|
|
|
|
|
|
Re: ههههههههههههههههههه (Re: osman righeem)
|
عثمان كيفك واللة براي حنين ما فاضية لي عاملة زي الممثلات المصريات في مرحلة الإنتشار أي مسلسل تلقاها فيه إنشاء اللة في دور شغالة مع العلم إنها دفعة ليلى علوي يعني المفروض تشيل الفليم براها أسمع أوعى تقول الواطة أصبحت عندكم لأنو كدة ما صاح تخمونا في نص يوم
| |
|
|
|
|
|
|
Re: ههههههههههههههههههه (Re: حنين للبلد)
|
Quote: عثمان كيفك واللة براي حنين ما فاضية لي عاملة زي الممثلات المصريات في مرحلة الإنتشار أي مسلسل تلقاها فيه إنشاء اللة في دور شغالة مع العلم إنها دفعة ليلى علوي يعني المفروض تشيل الفليم براها أسمع أوعى تقول الواطة أصبحت عندكم لأنو كدة ما صاح تخمونا في نص يوم |
اسامة
بس اوعا يكون ده كلامك الاخير..وماحتتراجع عنه عشان حاكون مضطرة لو ثبت عليه ارد عليك وانسى الخوة البيناتنا....
| |
|
|
|
|
|
|
Re: ههههههههههههههههههه (Re: حنين للبلد)
|
Quote: اسامة
بس اوعا يكون ده كلامك الاخير..وماحتتراجع عنه عشان حاكون مضطرة لو ثبت عليه ارد عليك وانسى الخوة البيناتنا.... |
ركز معاي في صيغة التهديد الفي الكلام اعلاه لو سمحت
ازيك يااخي...وبرضه منتظرة ردك عشان ارد عليك
ياجماعة خلوا الغنصرافية شوية
| |
|
|
|
|
|
|
Re: ههههههههههههههههههه (Re: حنين للبلد)
|
حنين يا أختي شوفي الناس البتخلعيهم صحي زعل الأخوان الزيك بيخلع لكن يا أختي يا ما دقت على الرأس طبول واللة تكتري أطردك من البوست و ما ترجعي إلا و معاك ولي أمرك ما تقولي مدرس سابق و اشتغلت سنة في أبوبكر الثانوية بنات يعني خبرة
| |
|
|
|
|
|
|
Re: ههههههههههههههههههه (Re: حنين للبلد)
|
Quote: ..."الشكينيبة تذر بوش للمرة الأخيرة" |
عد الغنم تنذر بوش للمرة الأخيرة .. (( أمشوا عدو غنمكم ياخ ..بلا هضربة معاكم ))
حنين.. نتحفظ..ونرفض ونشجب وندين ..ونستنكر ..
أساليب الضغوط والتهديدات ..وكشير الأنياب ..وكل ما يمت لذلك بصلة من بعيد أو قريب .. وهذا بمثابة إنذار شديد اللهجة ..وأخير ..
إني قد بلغت اللهم فأشهد ..
عاشت ثورة قوى الشعب ..
إنابة عن الشلة: 1- بشير جيريل 2- أسامة الفضل 3- عثمان دغيم
| |
|
|
|
|
|
|
Re: ههههههههههههههههههه (Re: حنين للبلد)
|
ـــــــــــ الاخت حنين .... وجميع الاخوة
سلام ,
ماشاء الله يا حنو,,,
حليتو لينا كل المشاكل....
بالله ما تنسي مشكلة ثقب الاوزون, ومعاه الفجوة الغذائية الأممية؟!
الكارثة القادمة...
أطرحيها , وكمان تعرجي المجاعة الروحية بالعالم
في الاخير مشكلة أبييييييييي مرفق ملف العنصرية الله الله الله ودارفور
تحياتي بدون أيها إنصارفية ةالإنصارف أظهر عرض أكتافي
| |
|
|
|
|
|
|
Re: ههههههههههههههههههه (Re: حنين للبلد)
|
لايابشير يااخوي
ماتشيل هم
اسامة الفضل ده نيران صديقة وكدا...لكن هنالك مساع لاحتكاري في هذا البوست...لكن لابد حسب الخطة الشللية ان جامل شوية بره عموما البوست بوستكم مع السلامة
| |
|
|
|
|
|
|
Re: ههههههههههههههههههه (Re: حنين للبلد)
|
Quote: هنالك مساع لاحتكاري في هذا البوست...لكن لابد حسب الخطة الشللية ان جامل شوية بره |
أدينا عرض أكتافك قشة ما تعتر ليك .. قال دايرين يحتكروني قال ..إنتي ناسية أنو البوست فاتحو إنتي والناس الجات دي بتجامل فيك وبتدعمك والله صحي ..الخيل تجقلب ..زي الشرة في القندول ..
| |
|
|
|
|
|
|
Re: ههههههههههههههههههه (Re: حنين للبلد)
|
Quote: يا حنين.. داير أبيع نصيبي في البوست ده..
____ طالما موضوع الصندوق طرشق.. |
ياسر طيفور عاش من شافك
شفت.......
شفت الحصل على اختك......
اها الحل شنو.... والله ماعندي حل غير اتمها نقاط
كيف عامل انت...عاين تشتري انت نصيبي...
| |
|
|
|
|
|
|
Re: ههههههههههههههههههه (Re: حنين للبلد)
|
تيفو
حتى اسامة الفضل البرلوم...وعماد الطيب وعتمان الكان اخوي...وبشير
خلاص كلهم قبلوا علي ....قبيلة رجل واحد
من مافتحوا بوست ممنوع دخول اقل من 18 سنة....والجماعة شردوا....
وودبشرى الوحيد البقى عنده عشرة
الشلليات كلها من ماشافت البوست داك شردوا
اها دي حالة دي......
شفت ياها دي عشرة ناس المنبر ده........
وانت .....زاتك جيت داير تبيع....
بيع ياخي بيع... هي الدنيا كلها باعت بقت عليكم انتوا
لكن عشرتكم....لقيتها حدها بوست جديد..
بالمناسبة قبل مانتم كلامنا
انت رسلت تعهدك
| |
|
|
|
|
|
|
Re: ههههههههههههههههههه (Re: حنين للبلد)
|
Quote: وعماد الطيب وعتمان الكان اخوي...وبشير
خلاص كلهم قبلوا علي ....قبيلة رجل واحد
|
كيف أخوك يقلب عليك يا حنو السمحة؟!
وزي ما قال طه البطحاني
أخوك يا ريا وكت الخيول بدبكن أخوك يا ريا وكت الرماح يتشبكن اخوك جبل الثبات وكت القواسي بحبكن كم بكيت وكم قشيت دموع الببكن
يازولة أنت لي حالك قبيلة نساء وبتساوي قبائل رجال وليهم شقيقة
ومداخلتي ليك الفاتت ما عاوز ليك الإنصرافية , ومن ردك ما داير تكون فيك (فرة)ولا تستنجد بالرجال (افو)
طلقانه رجلي ما ننكث العهود ولا حتي عهود بكري أبوبكر
| |
|
|
|
|
|
|
Re: ههههههههههههههههههه (Re: حنين للبلد)
|
ود طيفور
انت الظاهر عليك فعلا كنت بعيد ومامتابع
التعهد ده ماللأعضاء ...للمتصفحين الطالبنا بإرجاعهم....فبكري قال يمسك العصاية من النص
Quote: ارسل تعهدك.....نرسل لك باسووردك |
فهمت...........
ولا لحدي مايجي بكري يسحب البوست ده يفهمنا احنا حاجة
اها .................
| |
|
|
|
|
|
|
Re: ههههههههههههههههههه (Re: حنين للبلد)
|
حنوو.. قريت البوست المعني.. وكالعادة أتى بعض صناع الدكتاتوريات؛ ليبايعو الريس على وأد الديمقراطية..
___ كما احي صديقي شوشتا لإبتداره الإستنكار هنالك..
| |
|
|
|
|
|
|
Re: ههههههههههههههههههه (Re: حنين للبلد)
|
شوشتا
صحيت والله غيتو جنس غايتو
صباح الخير يااخي..قبيلك رديت ليك دخلت لقيت بكري سحب المداخلات....
عموما النبي فيكم كان ماتفسحتوا في البوست ده عافية ليكم لي الله والرسول لانيقنعت منه الله وواحد
ود طيفور
والله انا فلان عندي ليه معزة وتقدير لكن بالله بالجد اساسي اقنعني في مداخلته...غايتو الله لو داير يفرج فيك خلق الله يوقعك في ايد اساسي يعني لو الزول داير يعجب بي زول اقصد بي كتابة زول في المنبر ده يجوا يقيفوا ليه في حلقوا
شوشتا...............
| |
|
|
|
|
|
|
Re: ههههههههههههههههههه (Re: حنين للبلد)
|
Quote: مشيت بوست داليا.. لقيت الربّة رابة..
___ إنت ما عندك حلمة تحكيها! عشان نربها هنا.. |
انا ياولدي بدون مااحكي حلمة البوست انصرافي كمان جابت ليها احلام...
البت زاتها مسيكينة ماقادرة تتم كلامه...زي الغمران والناس غامتنوا مالك مالك وهو داير بس هواء يتنفس...
اسبوع الورود الحمراء......
والله شكرا يا ود طيفور وشوشتا اقلاه انتوا الاتنين ثابتين على المباديء.....خلاص والله سمحت ليكم امشوا بي هناك....كان تلقوا وردة
مع تقديري لدلوية......
| |
|
|
|
|
|
|
Re: ههههههههههههههههههه (Re: حنين للبلد)
|
Quote: مشيت بوست داليا.. لقيت الربّة رابة..
___ إنت ما عندك حلمة تحكيها! عشان نربها هنا.. |
رأيت فيما يرى النائم فارس الاحلام يركب حصانه الأبيض...هيا يمممممة يخربني...التكتح .. اقول ليك امشي مع اخوانك عافية ليك لي الله والرسول ههههههههههههههههههههههههه
| |
|
|
|
|
|
|
Re: ههههههههههههههههههه (Re: حنين للبلد)
|
Quote: أنا داير وردة منك إنت دي..
____ حناناً تعرفو ولا دلالاً تجهلو.. |
شوشتا الولد ده داير يجيب لينا المشاكل مش
انا عندي مفراكة وكنش داير ليك طقة في نص راسك بديك ليها
الورد ياولدي محل الناس الحلوين بي هناك..امشي وجيب لي شوشتا ده معاك واحدة النبي فوقك ماتنساه....على ولدي ده الأيام دي مشغول بالنضال ماتفوتوا عليه الورد...
| |
|
|
|
|
|
|
Re: ههههههههههههههههههه (Re: حنين للبلد)
|
Quote: حموودي خلانا ورحل..
___ لكن ما عرفتو عمل شنو ونهروهو.. |
ود طيفور الايام دي اصلك ماعاجبني بقيت مامواكب الانصرافية...
ود الصايم خت البروفايل الصورة بالعمة والجلابية بعد دقيتين سحبها قال ضربوا لي تلفون قال سرييييييييييييييع شيل الصورة...الحكومة الحكومة....قام هو سحبها... وبعدها جاء المنادي بالخبر انه ممنوع ينادوا بحمودي....محمد عبدالماجد الصايم... خليكم ناس رسميين
انتوا مناديناكم الاذن....طوالي مشيتوا اندرشتوا في بوست الورود
استاهل انا
| |
|
|
|
|
|
|
Re: ههههههههههههههههههه (Re: حنين للبلد)
|
Quote: كيف أخوك يقلب عليك يا حنو السمحة؟!
وزي ما قال طه البطحاني
أخوك يا ريا وكت الخيول بدبكن أخوك يا ريا وكت الرماح يتشبكن اخوك جبل الثبات وكت القواسي بحبكن كم بكيت وكم قشيت دموع الببكن
يازولة أنت لي حالك قبيلة نساء وبتساوي قبائل رجال وليهم شقيقة
ومداخلتي ليك الفاتت ما عاوز ليك الإنصرافية , ومن ردك ما داير تكون فيك (فرة)ولا تستنجد بالرجال (افو)
طلقانه رجلي ما ننكث العهود ولا حتي عهود بكري أبوبكر |
عماد ياطيب
من لايملك قوته لايملك قراره
بكور وعدنا....وعشمنا بالحلق قدينا اضانا....اها الحل شنو في رايك...نعمل شنو...وريني انت...
الحل فتح نقاش جاد وواضح وصريح لكن بعد ان يرسل بكري التعهد لنا بحرية المناقشة في الموضوع دون سياسة الحذف والرقيب الصحفي..ونرسل له بالمقابل باسوورد الى عقولنا وقلوبنا...
بكري بتعامل في المنبر ده مع شخصيات لها وزنا ووضعها وثقلها في جميع المجالات...اي شخص جا انضم الى المنبر ده...له وجوده...له واجبت وله حقوقه التي يجب ان يكفلها منبرا سمي بالحر...
ياعماد لسنا بإنصرافيين..ونناقش في موضوع جاد جدا واعلم انك تعلم اذن لابد لنا من وضع الملح على الجرح...لكن كيف وبكري العزيز يبادر سريعا الى سحب اي كلمة نخطها...لا ادري لم...طالما لم تسيء الى القوانين الربانية قبل المنبرية...
بوضوح بكري يضمن لنا عدم حذف كلامنا....نضمن له الإرتقاء بهذا المنبر مفردة وموقف.. كيف حتتحل مشكلة العنصرية والجهوية ومشكلة الوطن داروفر والجنوب وغيره مالم نستطع ان نضمن ان نحل مشاكلنا هنا كاسرة واحدة...
لو بكرة كلامي ده لقيتوا مااتحذف ....ده بكون بداية لإقتناعي بأن بكري لازا بكري...وبأن هذا المكن بيتنا ولنا فيه ماله...لنا فيه اخوان واهل واسرة...لنا فيه مواقف واراء...لنا فيه حريتنا التي نحلم يابكري...وطننا الذي نحلم اقول قولي هذا واتعشم ان يتسع افق بكري للحوار والنقاش دون تكميم افواهنا الله يرحمك يالبوست حاشتاق ليك
| |
|
|
|
|
|
|
Re: ههههههههههههههههههه (Re: حنين للبلد)
|
وعليك صباح الخير
الاستاذ محمد عبد الماجد الصايم
Quote: لو بكرة كلامي ده لقيتوا مااتحذف ....ده بكون بداية لإقتناعي بأن بكري لازا بكري...وبأن هذا المكن بيتنا ولنا فيه ماله...لنا فيه اخوان واهل واسرة...لنا فيه مواقف واراء...لنا فيه حريتنا التي نحلم يابكري...وطننا الذي نحلم اقول قولي هذا واتعشم ان يتسع افق بكري للحوار والنقاش دون تكميم افواهنا
|
اها البوسن صبح موجود ومن هنا ورايح الكلام بالعين في العين ودوغري و امـد
و الي الامام من اجل الوطن الواحد الموحدالسودان والي الامام من اجل الوطن العايز يتوحد س.اونلاين
| |
|
|
|
|
|
|
Re: ههههههههههههههههههه (Re: حنين للبلد)
|
Quote: الحل فتح نقاش جاد وواضح وصريح لكن بعد ان يرسل بكري التعهد لنا بحرية المناقشة في الموضوع دون سياسة الحذف والرقيب الصحفي..ونرسل له بالمقابل باسوورد الى عقولنا وقلوبنا...
بكري بتعامل في المنبر ده مع شخصيات لها وزنا ووضعها وثقلها في جميع المجالات...اي شخص جا انضم الى المنبر ده...له وجوده...له واجبت وله حقوقه التي يجب ان يكفلها منبرا سمي بالحر...
ياعماد لسنا بإنصرافيين..ونناقش في موضوع جاد جدا واعلم انك تعلم اذن لابد لنا من وضع الملح على الجرح...لكن كيف وبكري العزيز يبادر سريعا الى سحب اي كلمة نخطها...لا ادري لم...طالما لم تسيء الى القوانين الربانية قبل المنبرية...
بوضوح بكري يضمن لنا عدم حذف كلامنا....نضمن له الإرتقاء بهذا المنبر مفردة وموقف.. |
أجمل ما قيل في المنبر منذ أمــد طويل!!
لو وصل البوست إلى هذا الهدف لكفاه
يستحق بوست الربع الثاني والثالث .. وكل الأرباع القادمة بإذن الله
حنين .. إنتي كدا (وأشار إليها بعلامة .. تمام)
| |
|
|
|
|
|
|
Re: ههههههههههههههههههه (Re: حنين للبلد)
|
يا حنين، شنو ليكى ياخ، منتظرينك بهناك، وإنتى ما فاضية لينا طبعاُ ليكى حق، حايمة فى بيتكم دة
أدينا طلة بالله.....
تخريمة: أنا بوستيك دة فاتنى من الصفحة الأولى. لقيتى الشلة ولا لسه؟
| |
|
|
|
|
|
|
Re: ههههههههههههههههههه (Re: حنين للبلد)
|
Quote: وحخلي اسمك علي الباب لمن يرجعوا بيلقو |
أخوى عثمان، إحنا طبعأ نظام الفحمة و كدة، ما بيخارج معانا،
أنا بديك الكرت، بس بالله ختوا فى مكان واضح و لصقه ما يطير....
| |
|
|
|
|
|
|
Re: ههههههههههههههههههه (Re: حنين للبلد)
|
Quote: لو بكرة كلامي ده لقيتوا مااتحذف ....ده بكون بداية لإقتناعي بأن بكري لازا بكري...وبأن هذا المكن بيتنا ولنا فيه ماله...لنا فيه اخوان واهل واسرة...لنا فيه مواقف واراء...لنا فيه حريتنا التي نحلم يابكري...وطننا الذي نحلم اقول قولي هذا واتعشم ان يتسع افق بكري للحوار والنقاش دون تكميم افواهنا |
بعتبر عدم حذف البوست بادر مبشرة "لوماكان عدم الحذف لان بكور ماشافو لسه" من هنا ممكن نبدأ الكلام الواضح وهادف.
عتمان اخوي كيف قيلت وكيف امسيت
هالة كيفك لسه مافاتك شيء
محمد عبدالماجد الصايم بركة الجمعت
| |
|
|
|
|
|
|
Re: ههههههههههههههههههه (Re: حنين للبلد)
|
إنتوا يا كافي البلا ما بتحلموا ..حتى ولو أحلام يقظة قلنا باليل بتساهروا ..القيلولة مافي حلم برضو .. طيب خلينا من الحلم ..رغوة ..رغوة ماعندكم ما بتغسلوا .. طيب وين الجروح ما بتحاربوا .. والله بوست بقى جاف خلاص .. غايتو أنا ما داير ..
| |
|
|
|
|
|
|
Re: ههههههههههههههههههه (Re: داليا حافظ)
|
كمنجات الحديد وسراويل الحديد والحديد لا يفله إلا الحديد --------------------- وأنتي ياحنين وين كمنجاتك مع النسوان .. يخ أعملي ليك أي حاجة ..وأهو عنوان مقترح
لست أنا من تلبسها خمار من حديد
بدل تطاردي في المظاهرات الما جايبة تمنة
بشير
| |
|
|
|
|
|
|
Re: ههههههههههههههههههه (Re: حنين للبلد)
|
سلام يا بلد و التانين قلتي ليQuote: من مافتحوا بوست ممنوع دخول اقل من 18 سنة....والجماعة شردوا....
وودبشرى الوحيد البقى عنده عشرة |
دايرة الجد... اخوك مشى هناك جهرتني الصورة غلبني لا اقرا ولا اعلق اتبسملت و اتحوقلت واتخمخمت جيت مارق
شفتي كيف؟
| |
|
|
|
|
|
|
Re: ههههههههههههههههههه (Re: حنين للبلد)
|
Quote: ده إسمو"بوستك" الخايف عليهو ..............
شنو يا حنو نحن عايزين ننوم تقوموا تصحو؟! |
داليا...ازيك انحنا مظاهراتنا شوت ضفاري
انتوا مظاهراتكم ورود....جيت لقيت الجماهير بتهتف سلمنا ومرقنا قلنا مانضيع وسط الزحمة
شايفاك كل ماتبدي قصة.....يحموك تتميها الله في ياعزيزة
| |
|
|
|
|
|
|
Re: ههههههههههههههههههه (Re: حنين للبلد)
|
Quote: وسراويل الحديد والحديد لا يفله إلا الحديد --------------------- وأنتي ياحنين وين كمنجاتك مع النسوان .. يخ أعملي ليك أي حاجة ..وأهو عنوان مقترح
لست أنا من تلبسها خمار من حديد
بدل تطاردي في المظاهرات الما جايبة تمنة
بشير |
انا ياولدي...السراويل دي مابتنفع معانا لاحديد ولا ورود
انحنا ناس شارلستون ساااااكت
| |
|
|
|
|
|
|
Re: ههههههههههههههههههه (Re: حنين للبلد)
|
Quote: البوست ده نور كده ليه
ما علينا
عملت لي شاليه ممكن الزيارة حقوق المرأة و كيف تم الالتفاف عليها |
عثمان رغيم بطل اللولوة وغتغتي الكلام
ماتقول ليها عدييييييييييييييل كدة ياداليا نورتي البوست الكئيب ده....ماشايف الناس كلها شايتة يعني جات عليك وداير تعمل فيها الولد صنديد.....
| |
|
|
|
|
|
|
Re: ههههههههههههههههههه (Re: حنين للبلد)
|
Quote: يا حنين، شنو ليكى ياخ، منتظرينك بهناك، وإنتى ما فاضية لينا طبعاُ ليكى حق، حايمة فى بيتكم دة
أدينا طلة بالله..... |
هولا ياحبيبة جيت لقيت كرتك...لكن مالقيت العنوان ...بوستيكم ياتو...ماالبوستات كترت
| |
|
|
|
|
|
|
Re: ههههههههههههههههههه (Re: حنين للبلد)
|
Quote: حنين .. إنتي كدا (وأشار إليها بعلامة .. تمام) |
ود الصايم.........ذات العلامة ...وين بتغطسوا انتوا؟؟؟؟؟؟؟؟؟؟؟
ياداليا فك سراح البشرية دي شوية عندنا مواضيع جادة دايرين نناقشها
| |
|
|
|
|
|
|
Re: ههههههههههههههههههه (Re: حنين للبلد)
|
اختنا الغالية سلام
Quote: عثمان رغيم بطل اللولوة وغتغتي الكلام
|
و اللبيب تفضحه حروفه
عارفه انا في حاجه مخوفاني من البوست ده الحكومة قالت ده اجمل بوست تفراه في البورد من سنين ... وكلام جادي
قرات البوست كله عشرة مرات عشان احضر ردودي للزرزره بتاعت السنة الجاية
كدي كان في طربفة غشغيش وريني
ولله يكون بي جدها
ولا يهمك لحدي السنه الجاية بعمل ستين مصيبة
| |
|
|
|
|
|
|
Re: ههههههههههههههههههه (Re: حنين للبلد)
|
اللبيب تفضحه حروفه
Quote: عارفه انا في حاجه مخوفاني من البوست ده الحكومة قالت ده اجمل بوست تفراه في البورد من سنين ... وكلام جادي
قرات البوست كله عشرة مرات عشان احضر ردودي للزرزره بتاعت السنة الجاية
كدي كان في طربفة غشغيش وريني
ولله يكون بي جدها
ولا يهمك لحدي السنه الجاية بعمل ستين مصيبة |
تعرف ياعتمان يا اخوي ردك ده كله
عجبني فيه....بسطة الحكومة دي...تعرف ليه معناها دي شهادة انه الرفقة هنا مأمونة
والله يا الحيكومة.....الكلام ماليك ياعتمان...والله يا الحيكومة الشباب ديل شغالة فيهم تشذيب وترقية انصرافية...وكلهم اخوان...لكن البقنع كببكبتهم منو.... اسه دلوية لا ايدهالاكراعها زحموها ليك لمن طفشوا ليها الكلام من رأسها...
اها انا الله يقدرني بس انتي دعواتك معانا...تعرفي وحات نضري انا كنت شاكة انه عتمان رغيم ده في حيكومة واقفة بتملي في المشاركات..."يااخ مشاركاته مأدبة لمن مشككة"
عتمان.....عجبني ليك
والله لو ركزتوا معانا البوست ده امكن انصرافيتوا دي تصرف كتير جدا من الظواهر السلبية الفي المنبر ده...لكن اهو الله غالب ياحيكومة.....
| |
|
|
|
|
|
|
Re: ههههههههههههههههههه (Re: حنين للبلد)
|
اختنا الغالية
Quote: اها انا الله يقدرني بس انتي دعواتك معانا...تعرفي وحات نضري انا كنت شاكة انه عتمان رغيم ده في حيكومة واقفة بتملي في المشاركات..."يااخ مشاركاته مأدبة لمن مشككة"
عتمان.....عجبني ليك
|
اها الحكومة مسافرة وفاعد براي زي قرد الفنانة ديك زكمان ود البشري اخوي
لكين الادب ما فضلت خيركم كان البوست فيهو دلوكه كان عرضنا ولله اتاوقنا ومرقنا
| |
|
|
|
|
|
|
Re: ههههههههههههههههههه (Re: حنين للبلد)
|
لا حولا Quote: والله يابكري الناس دي ماغلطان عليها عليك الله سوي فيهم الدايره غلطانة انا الدايرة اختط منهج ريادي جديد هنا...والله يابكري تاني مش المتصفحين الاعضاء الهنا ديل زاتهم لو مارسلوا تعهداتهم...اسحب باسوورداتهم |
اصلوا سويت شنو انا...
خلاص وقت البوست ترك الإنصرافية نشوف الموضوع الرئيسي انا اقترح انو نقـ... آآآآآ
هو شنو كان الموضوع الرئيسي ذكريني باللاي؟
| |
|
|
|
|
|
|
Re: ههههههههههههههههههه (Re: حنين للبلد)
|
Quote: اصلوا سويت شنو انا...
خلاص وقت البوست ترك الإنصرافية نشوف الموضوع الرئيسي انا اقترح انو نقـ... آآآآآ
هو شنو كان الموضوع الرئيسي ذكريني باللاي؟ |
اذكرك...عاد انت يالممحون ماطرشت وعميت
انت يالهيمان....فقدت فيك العشم...حتى ود طيفور باع القضية قال داير ورود من مااديناه بالكنش والمفراكة......فريييد طفشة....يعني ياجماعة ...دي حالة دي...... .
نلم ده يسرح ده...نجنزر ده...يطفش ده...نفرمل ده....يحوووولق ود البشرى ...عاد ياداليا يابتي السويتيها رقدت....
تاني حاجة المحيرني الليق كله بلعب في دوري واحد...بكري..شوت ..شوت...معاك ياناس الهامش
هل من مجيب
ود البشرى ياولدي امشي محل الورد....حننتني....هي بقت عليك
خلوني هنااعوس الكوجنتوا ده براي
في النهاية بقت في وشي
| |
|
|
|
|
|
|
Re: ههههههههههههههههههه (Re: حنين للبلد)
|
Quote: ود البشرى ياولدي امشي محل الورد....حننتني....هي بقت عليك |
ياخ خوتك حلاوة قطن بس طلعت يعني غلطان انا الكنت صريح , اريتني كان حشيت خشمي قش و كملت حوقلتي من سكات
| |
|
|
|
|
|
|
Re: ههههههههههههههههههه (Re: حنين للبلد)
|
تعرف انا الصفحة التاسعة لسه ماهديتها
اذن الصفحة التاسعة اعطيك ياعثمان حق اهدائها لمن تحب
والعاشرة لود البشرى حق التصرف فيها...
غايتو نديكم هامش ديمقراطية تتنفسوا شوية
| |
|
|
|
|
|
|
Re: ههههههههههههههههههه (Re: حنين للبلد)
|
اختنا الغالية اول من اطلق صيحة في هذا الاسفير من اجل احترام الرأي الاخر و ضد الاقصاء ولن توفيها الكلمات فلقد رسخت الفكرة و اثبتت ان الوضوح في المطالب العادلة يجعل للاخرين طريق العودة ممهد ولك ودي و احترامي وتقديري
Quote: واهداء كبيرجدا وحار وصادر من القلب و بصدق لكل من كتب حرفاو حقق لنا اضافة وشاركنا في هدفنا السامي الا و هو استعادة الاسري و فك اسر المتصفحين[/QUOTE
| |
|
|
|
|
|
|
| |