|
|
 مـــعاً لحــل مشــكلة كيمــان العـــزابه
|
بسم الله الرحمن الرحيم
صراحه كدا أنا بزعل جدا لمن اشوف كيمان العزابة المتكومه في بيوت وحيشان ماليها حد..
وبزعل لما اشوف بناتنا اتعدن سن الزواج ولسه الواحده قاعده في بيت ابوها ..
الصوره مؤلمه ومحتاجه حلول عشان الوضع دا خطير جدا وما بيرضي عاقل .
وطبعا العالم دي ما قاعده باختياره بدون زواج في اسباب خلتم يعزفوا عن الزواج او ما خلتهم يحققوا حلم الزواج.
يا اخوانا ناس البورد انا عندي اقتراح للمساهمه في حل نسبه من مشاكل كيمان العزابة دي.
اول شئ المشكله بتتلخص وببساطه شديده في قروش العرس وتجهيزاته يعني ناس الشيله والحفله وعشاء المعازيم والكلام دا مع العلم انو الشخص من ديل يكون قادر يعيش البنت بعد الزواج بس المشكله كيف يلم مصاريف الزواج.
وفي الجهة المقابله في بنات عاوزات راجل مالي هدومو وقادر علي تحمل المسئوليه وما طالبات شئ غير الستره وما يهمها لو جاب ليها فستان ولا توب ولا حتي طرحه بس يكون زول مسئول.
طيب الناس الزي ديل حرام نقيف نتفرج عليهم لازم نساهم في جمعهم ببعض.
بس كيف..؟؟
نحن بورداب سودانيز اون لاين ممكن وعن طريق البوست دا نساهم في التوفيق بين الطلبات كالاتي:
أي عضو في البورد عارف حاله زي دي ممكن يستقبل من صاحب الطلب معلوماته وكتابه طلب الشخص علي البوست مع الاحتفاظ بعنوان الشخص للاتصال به في حال وجد له طلبه او رغب احد الطلبات الموجوده علي البورد.
انا خصصت بريد للناس الماعندها ناس تنزل طلباتها علي البورد لتلقي بيانات الشخص كامله. علي ان انزل منها علي البوست رقم الشخص ومواصفاته ومواصفات الشخص المطلوب مع الاحتفاظ ببياناته كامله لحين موافقته علي اعطائها للطرف الآخر في حال ناسبته شخصية الطرف الآخر.
وكتابة البيانات تكون علي الشكل الآتي:
الرقم المتسلسل: (ويكون بتسلسل طلبات البورد)
العمر:
المؤهل الدراسي:
المواصفات يراعى فيها الدقه والمصداقيه)
مواصفات الشريك المطلوب:
(في حاله وجود احد الطلبات المناسبه كتابة رقم الطلب فقط)
عمر الشريك المطلوب:
مؤهل الشريك المطلوب:
والاخوه زوار البورد يمكنهم كتابة طلباتهم علي البريد الاتي لتوصيلها للبوست
ويا بخت من وفق راسين في الحلال
ودمتم
[email protected]
|
|
 
|
|
|
|
|
| العنوان |
الكاتب |
Date |
| مـــعاً لحــل مشــكلة كيمــان العـــزابه | HOPELESS | 05-12-03, 10:21 PM |
 Re: مـــعاً لحــل مشــكلة كيمــان العـــزابه | سجيمان | 05-12-03, 10:27 PM |
| Re: مـــعاً لحــل مشــكلة كيمــان العـــزابه | HOPELESS | 05-12-03, 10:34 PM |
 Re: مـــعاً لحــل مشــكلة كيمــان العـــزابه | Bakhaf | 05-12-03, 10:28 PM |
| Re: مـــعاً لحــل مشــكلة كيمــان العـــزابه | HOPELESS | 05-12-03, 10:38 PM |
| Re: مـــعاً لحــل مشــكلة كيمــان العـــزابه | HOPELESS | 05-13-03, 12:06 PM |
| Re: مـــعاً لحــل مشــكلة كيمــان العـــزابه | قرشـــو | 05-13-03, 02:29 PM |
| Re: مـــعاً لحــل مشــكلة كيمــان العـــزابه | HOPELESS | 05-13-03, 10:03 PM |
| Re: مـــعاً لحــل مشــكلة كيمــان العـــزابه | ABUHUSSEIN | 05-13-03, 10:51 PM |
 Re: مـــعاً لحــل مشــكلة كيمــان العـــزابه | HOPELESS | 05-14-03, 02:00 AM |
| Re: مـــعاً لحــل مشــكلة كيمــان العـــزابه | ود عقاب | 05-14-03, 06:25 AM |
| Re: مـــعاً لحــل مشــكلة كيمــان العـــزابه | HOPELESS | 05-14-03, 09:15 AM |
| Re: مـــعاً لحــل مشــكلة كيمــان العـــزابه | قرشـــو | 05-14-03, 12:50 PM |
| Re: مـــعاً لحــل مشــكلة كيمــان العـــزابه | HOPELESS | 05-15-03, 03:13 AM |
|
| |
فيس بوك
تويتر
انستقرام
يوتيوب
بنتيريست