كتب الكاتب الفاتح جبرا المتوفرة بمعرض الدوحة
|
Re: سودان ماقبل سودانيزاونلاين في سودانيز اونلاين....!!! (Re: عبدالكريم الامين احمد)
|
الاعزاء شول وعبد الكريم..
لكم التحية وضحكت بتعليقاتكم بالبوستات قبل ان اضحك وأنا اكتبها ..
طيب مواصلة لنهج بعض كتاب سودانيز اونلاين قبل موقع سودانيز اونلاين ابان فترة مايو ..
1/ هشام هباني معارض مايو .. البقرة الضاحكة عمر محمد الطيب يفتش الرايحة ليهو في خشم شدو ..
2/ الهادي محمد امين الموثقاتي .. عبد الرحمن سوار الدهب إسلامي مندس في عباءة الجيش
3/ صبري الشريف .. محمود محمد طــه لم يعدم ولكن رفع كما المسيح ليعود ضاحداً هوس دولة النميري الدينية
4/ محمد سليمان في مايو ... الجفاف والتصحر تم بفعل معامل كيمياء البنتاجون لاسقاط المايويين
5/ معتصم محمد صالح .. الكتاب الأخضر لمعمر القذافي ..( كضااااب وتوجد صور )
6/ حمودي العسل المايوي يقول .. لولا الظروف لشاركت في هجمات الجزيرة آبا كطيار ( منك لله يا اساسي )
7/ من مصادر موثوقة نجاة محمود عضوة في تنظيم ايلول الاسود ( توجد وثائق لن نفصح عنها )
8/ خليل المايوي على لسان قسطنطين -النميــري بعد هزيمة العريس للرئيس يأمــر بإلغاء النشاط الرياضي وتشجيع الرياضة الجماهيــرية
9/ هارون دياب في آخر الأخبار - جكسا ولدنا وسيسجل بالمريخ بداية الموسم
10/ محمد عادل زمن الازهري.. السيد الريس جمال عبد الناصر بالله يغلبك عبد الله خليل وما تقدر تدخل حلايب
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: عليش)
|
Quote: قراءة شعريه للشاعر الكبير إبراهيم العبادي بمركز الخديوي امدرمان..(ممنوع حمل اعواد الكبريت..) |
صلاح الزين وامفريب وعبداللطيف الفكي وندوة عن البنيوية في النادي الجغرافي...
رواية جديدة - حكاية البنت التي طارت عصافيرها لبشري الفاضل
دي التمنانيات
وتحياتي والف مرحب بيك يا عليش
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Awadallah Bashir)
|
Quote: البوست بتاعك ده ظهرنا كوامر بزيانوس...
ناس وهبة والموج والمسلمي ما بجونا بي هنا ..محوبسين لي في....... آخر بوست ..اول حب... وروابط الجكس ...
لووووووول....
انتو دجين وهبة ده ما كان منلوجست شهير....وهبة ده ذاااتو المعانا في البورد ده.... |
هلا يا عوض ده انت يا عم طلعت دفعة عمك مرجان الصول بتاع النيل الابيض لووووووول وناس وهبة وصديق الموج ديل لو ادونا طلة بجااي حنسمع اخبار نفرتيتي غايتو وهبة ده الا نمشي نشرك ليهو جنب البلكونة الوقعت منها خديجة واسمها ايه ما اعرفش.. صديق الموج طبعا لو ادانا طلة فممكن عادي ينضم باللغة الهيروغرافية ديك
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Nazik Eltayeb)
|
Quote: رسالة لندن يؤدي للطلاق(توجد صور تياب) |
هلا يا نازك وتحياتي وكويس انك جبتي مداخلتك دي في اخر الصفحة لاني كنت بفتش لي رقشة عشان اجبيها من هنوووووك 1- الليلة ووووب من رسالة لندن دي..!! (بوست من اميرة الشيخ بتاعة زمااان) 2-فاطمة احمد ابراهيم مناضلة من وهج فريد 3- امراءة سودانية تنال شهادة التحكيم في كرة القدم 4- قالو عملو مرة وزيرة دي كلام شنو ياجماعة هووووي
وبنصحك يا نازك تقري بوستات عاطف عمر عن اسبوع تعليم بابكر بدري والرد عليها في كراكير البوست ده ففيها جندرة الف
وكل التقدير
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Nazik Eltayeb)
|
طالب بمعهد المعلمين الاعالي يعتدي علي حرمة بيت الرسول (ص)
العون الروسي للسودان (ما خفي كان اعظم)
تخرج اول طبيبة سودانية (مبروك خالة زاهر)
مقتل سيدة علي يد المرتزقة بحي الامتداد القبض علي الخائن محمد نور سعد استشهاد محمد نور سعد الي جنات الخلد محمد نور سعد هل كانت هناك خيانة .... محمد نور سعد الطيران المصري يشارك في قصف الجزيرة ابا اختفاء الامام الهادي هروب الامام الهادي استشهاد الامام الهادي
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Nazik Eltayeb)
|
ما ضر كيكي ما كتب بعد اليوم ! ياخي ده أعمق بوست منذ تاسيس سودانيزأونلاين في 1889
كيكي و ناذر و أحمد الأمين و حيدر الزين : الكتبتو ده ما بنكتب إلا و أنتم محلقين عاليا في سماوات أخر . بالله يا أخوانا ادونا الوصفه ! أجمل مداخله في البوستات كلها بتاعت سيف :Quote: - الحمد لله تمت ولادتي اليوم . صلاح غريبة -الابيض حي المعاصر . |
ضحكت لمن قربت أقع من الكرسي !
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: عليش)
|
Quote: الفنان ابوقبورة يتجه لانتاج اول فيلم لشركته الجديدة (النار للكفار) |
محطة التلفزيون لاهلية يا روعة..!! البوردابي محمد السني دفع يتالق في المسرح القومي في حكاية الطاهر السقا ومسرح الرجل الوااحد علي مهدي ده مالو بتعاور كده في خطوبة سهير.. يا سلام يا السميح يااااااخي (توجد صور) مكي سنادة يغني عشاء ام رشيرش عشة ام رشيرش البستة ماشة لخط الروصيرص بالعود تعال نشكل رابطة معجبي تحية زروق يا ود الموج
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: عبدالكريم الامين احمد)
|
Quote: ## فــشــل إنـقـلاب حرس الـصـيد وقـوات السجون... ** الخواجه نيكولا يغلق مصنع الشرى نتيجة لتحجب زوجته وطلبها الطلاق.. ## قشرة فول ولا المقبول .. ** هل إستخدم اللواء حسن بشير نصر النابالم فى جنوب السودان؟؟؟ ## لماذ لاتفتح مدرسة القابلات باب القبول للرجال !!! (بوست إستفزازى).. ## أهل الــعـــوض مستاوؤن من لبس بنات البندر .. ## تحذير من وزارة الصحه للبنات :- لاتستعملى البيره لتجعيد شعرك فالكحول تقصف الشعر وتؤدى لتساقطه.. ** وزارة الماليه تملك الموظفين من الدرجه Q سيارات سيهان بيرد بسعر 3850 جنيه وباقساط شهريه مُريحه.. |
## كيكى بالله فك النفس ..
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Nasr)
|
عاجل إغتيال المناضل وليم دينق نيال ..... تورط الجيش في مقتل المناضل وليم دينق الفدرالية هي الحل .... فشل إنعقاد جلسات مؤتمر المائدة المستديرة بسبب الحملة الانتخابية تكوين لجنة الإثنى عشر تحالف قوى الهوس الديني يطرد الشيوعين من البرلمان فالنحل مشاكلنا أولا ثم نحل مشاكل العرب
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: بشري الطيب)
|
* النيل يصل اعلي منسوب له هذا العام 88 منذ فيضان 46
* السلطات تنذر سكان جميع الجذر علي النيل في الشممالية بالاخلاء الفوري
* كارثة محققة .. النيل يبتلع القري علي الضفتين والمواطنين يفتقدون الماوي والطعام
* في بادرة اخوية .. مصر ترسل طائرات محملة بالاغاثة للاقليم الشمالي
* الاغاثة المصرية مضروبة وظهور حالات تسمم (ده بوست للايجار مع السوق الحار)
* حاتم الياس من موقع الحدث: المواطنين بالباوقة يستقبلون طائرات الاغاثة ويذبحون 3 ثيران وست خرفن
* الطالب في مدرسة عطبرة القومية المتوسطة حيدر الذين مفقود
* اضدقاء الطالب: جيدر اصر علي العوم رغم تحذيرات المعلمين
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Nasr)
|
احراق اسماعيل باشا بالمتمة...حسين ملاسي آخر أحفاد الباشا يقول.....كان الاجدر به الا يهرول الي الحبشة. مغنية اسمها مهيرة تلقي بنفسها في النيل.
الغرش الابيض لليوم الاسود....افتتاح معهد الغرش الصناعي بحكمدارية امدرمان. موشى دايان....حدودنا غربا نهر النيل وشرقا نهر الفرات...فاهم يا نميري؟
مدرسة الغابة والصحراء دعوة للعنصرية الاركيولوجية. مملكة وداي تستدعي سفير الفونج للاحتجاج علي سيطرة سنار على محصول الهالوك لهذا العام....
امبررو عرب وهذي اصولهم...
اسابيع البورد....
اسبوع زواج الغريبات اسبوع لا لختان الاناث... اسبوع اضراب الطنابرة... اسبوع شلوخ درب الطير.... اسبوع وين يا تررة....
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: أمين محمد سليمان)
|
Quote: اسبوع اضراب الطنابرة... |
دا طباً يا فنان ح يكون أسخن اسبوع للتباين الشديد في المناظير البوردية
الطمبرة اساساً عطالة مقنّعة!!! . . قوموا لفوا برا اضراب برا هيلكوبتر معاكم !! السودان معلم الشعوب . . الطمبارة يجترحون شكل نضالي ثوري جديد ( الاضراب ) الحاج محمد احمد سرور يضرب الطنابرة في مقتل و يقلل من قيمة اضرابهم هل كان اضراب الطنابرة هو شرارة التحديث في الغناء السوداني . . ( دراسة ) من وحي افرازات اضراب الطنابرة . . ضرورة التفكير في بديل آلي حديث و معاصر . . لا لتشريد عمال " الطمبرة " . . قطع الرقاب و لا قطع الارزاق !! . . الله ما شقالو حنكاً ضيّعو . . حملة ( بوردية ) تضامناً مع الطنابرة في اضرابهم المجيد يا طنابرة ؟ . . تلقوها في طمبرة . . .
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: قيقراوي)
|
يا كيكي بوستك تحفة.. من البوستات الشبيهه لبوستات الايامات دي كان في بوست في العشرينات بعنوان:
**الشيخ المصري رفاعة رافع الطهطاوي يشتم السودان وشعبه!!
الشيخ الطهطاوي شتم السودان في قصيدة ولم يراعي المصالح المشتركة بين الشعب السوداني والشعب المصري حين قال:
وما السودان قط مقام مثلي **** ولا سلماي فيه ولا سعادي بها ريح السموم يشم منه **** وزفير لظى فلا يطفيه وادي عواصفها صباحا أو مساء **** دوماً في إضطراب وإضطراد ونصف القوم اكثرهم وحوشً *** وبعض القوم أشبه بالجماد فلا تعجب إذا طبخوا خليطاً *** بمخ العظم مع صافي الرماد ولطخ الدهن في بدن وشعر **** كدهن الابل من جرب القراد ويضرب بالسياط الزوج حتى *** يقال أخو البنات في الجلاد
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: walid shingrai)
|
Quote: 1/ حسن عطية وعائشة الفلاتية يدافعان عن مشاركتهما فى حفلات جيوش الحلفاء فى كرن.
2/ تجمع بورداب الخرطوم لحفل ام كلثوم امام مقهى جورج مشرقى.
3/ عمر النور يوقع للزمالك المصرى بخمسة جنيهات وخمسين قرش.
4/ جمال السنوسى (بتاع زمان )يؤكد ان هدف سامى عزالدين فى جوبامن تسلل واضح.
5/ برى يهزم المريخ 5/2 مع الرأفة. |
هلا ياسر وحبابك يا عم 1- الليلة حلتنا ودهاشم ولعت بالكهرباء (توجد صور) 2- خزان سنار يتسبب في تحويل قري عديدة من ضفاف النيل الازرق 3- نبش جثة الشيخ ودهاشم التور الضالع وتحويلها من ود هاشم الي الشيخ طلحة (توجد صور)
وتحياتي ومشاقين ياخي
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: عبدالكريم الامين احمد)
|
سنة 1967م بوستات متوقعة من بورداب عن النكسة :
1/ تراجي مصطفي .. ستة يوم بس يا عرب ونخرتكم شمت التراب
2/ عمر عثمان .. من مصادر غير رسمية ( العرب لم يهزموا في 67 ومازال القتال مستمراً)
3/ امين محمد سليمان .. لأسحق رابين الياسمين ولعبد الناصر وحسين الرمااد
5/ عبد الرحمن الطقي .. إنما هُزمتم بذنوبكم ولإبتعادكم عن الله
6/ عماد موسي محمد .. لتتنصر يا عبد الناصر اترك الفكر القومي الفاسد وتمسك بحبل الله
7/ دكتور سيف النصر .. عماد والطقي قوموا لفوا والا ادخلوا كهوفكم دا علم ما عندكم ليه رقبة
8/ ود الصائم في النكسة .. هسع نجيب جراك ومعسل من وين .. مصر وقفت التصدير
9/ وهبة يتفاعل مع النكسة .. الطيران الاسرائلي يعمل الصمرقع للسوريين ..
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: walid shingrai)
|
& مدير مديرية النيل الابيض -الشعار-بدأنا العمل بطريق النيل الغربي وسيكتمل في منتصف 1978 & القائد الملهم في خطابه بمناسبة أعياد بخت الرضا..... التصديق ببناء كبري الدويم وبدء العمل فوراً.
جعفر محمد علي بخيت...الحكم المحلي هو الحل ... الشريف حسين الهندي.......وداعاً سودانيز اون لاين....لا للتواجد مع الظلاميين في منبر واحد...
ياااااا ود نفاش تعال هنا ده....يوجد رش تقيل...(ده تمبس نسخة 57)
موسم الهجرة للشمال...رواية خادشة للادب العام..
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: ياسر بيناوي)
|
عبدالكريم صباحك خير
...........
- إنتهاكات لحقوق الإنسان في السجون السودانية ... جلد المواطنين عيني عينك ... توجد أدلة وصور
- سودانيز أونلاين داخل أروقة الإتحاد الإشتراكي
- آخر زمن .... المواطنين يشربون الشاي بالبلح
- جوال السكر يصل لسعر خرافي ... مسؤول كبير السكر متوفر في الأسواق والأزمة الحالية مفتعلة
...........
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: عبدالكريم الامين احمد)
|
اشاعات ارتفاع الروثمان الي قرش.. لمصلحة من؟
منصوز خالد..السودان يستورد خلال عام بسكويت ب 125 الف جنيه...
نميري: من فضائح العهد البائد رحلات ازهري للخارج تكلف 125 الف جنيه!!
الرئىس الفريق ابراهيم عبود: احكموا علينا بأعمالنا
الاستاذ محمود محمد طه: افكار الاخوان المسلمين ستنتهي بالبلاد الى العنف
رئيس اتحاد مزارعي الجزيرة الي الخرطوم لحضور اجتماع اللجنة المركزية للحزب الشوعي (
سياحة: صندوق امواس ناسيت وعلبة شاي تكفي السوداني لمدة شهر في ام الدنيا
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: محمد سنى دفع الله)
|
بوستات متوقعة يوم 19 يوليــو 1971م :
1/ بركات الزمن داك ... يلالا يا شباب ضرورة وضع اللمسات المؤسسة للدولة الوليدة .. بطلوا انصرافية والتهنيات بعد يستتب الوضع ..
2/ أحدهم :):) .. تبريكات وتهاني .. سوداننا احمر احمر قاني ..( وردة حمراء أيقونة للعنوان )
3/ عضوة كتبت على عجالة ... تأأأني يا الاحزاب تشموها قدحة .. إلا المسيح عليه السلام
4/ دكتورة بيان .. عييييشنا وشفونا الشيوعيين بيؤمنوا بالمسيح
5/ خالد عبيد الزمن دااك .. سنؤسس دولة تحترم عقائد وتقاليد البلد
6/ بيان مرة اخري .. سجم خشم القرد .. ( وجه ضاحك )
7/ عادل عبد العاطي الزمن دااك .. الشيوعيين الدمويين يرتكبون مجزرة بقصر الضيافة
8/ عمر عثمان الشيوعي .. بالدليل القاطع ليس هناك مجزرة بقصر الضيافة مجرد مناوشات ..
9/ دينق بوك المايوي .. عمر عثمان اختشي صوت الرصاص وصلنا في واشنطن دي سي
10/ ناذر الخليفة .. مشاهدة الفنان سيد خليفة بصحبة النميري ( توجد صور )
11/ جريبيع مايوي يفتح بوست .. شيوعيين بتاعين فنيلتك على الطلاق نميري راجع راجع
بكرة نشوف يوم 20/ يوليو 1971م حصل ايه
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: walid shingrai)
|
Quote: لماذا تم حذف بوستي حديث الذبابه ما شايف محمود محمد طة بيقول شنو عن الصلاة |
هلا ياوليد وعيدك سعيد
نميري يقودو حملة اعتقالات ضخمة ضد الجمهوريين اعتقال الاستاذ محمود محمد طه جلسة استتابة الجمهوريين توجد صور.. هل سيعدم الاستاذ محمود محمد طه غدا اعدام الاستاذ محمود محمد طه سقط هبل (بوست حيعملو عمار محمد ادم بتاع الزمن داك)
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Ahmed Alim)
|
Quote: وما السودان قط مقام مثلي **** ولا سلماي فيه ولا سعادي بها ريح السموم يشم منه **** وزفير لظى فلا يطفيه وادي عواصفها صباحا أو مساء **** دوماً في إضطراب وإضطراد ونصف القوم اكثرهم وحوشً *** وبعض القوم أشبه بالجماد فلا تعجب إذا طبخوا خليطاً *** بمخ العظم مع صافي الرماد ولطخ الدهن في بدن وشعر **** كدهن الابل من جرب القراد ويضرب بالسياط الزوج حتى *** يقال أخو البنات في الجلاد |
هلا يا احمد وتحياتي وفعلا قصيدة مواكبة ولو وجدها عمرو اديب حيقوم يلحنها ويعملها شعار للبرنامج بتاع الردحي بتاعو ضد السودان
وتحياتي
| |
|
|
|
|
|
|
Re: سودان ماقبل سودانيزاونلاين في سودانيز اونلاين....!!! (Re: Awadallah Bashir)
|
Quote: اسبوع زواج الغريبات اسبوع لا لختان الاناث... اسبوع اضراب الطنابرة... اسبوع شلوخ درب الطير.... اسبوع وين يا تررة.... |
هلا يا عوض الله اسبوع محاربة الشلوخ ودق الشلوفة (توجد مشاكل) اسبوع انقلاب يوليو 71(شيوعي احمر صرررررر) وينقطع الاسبوع بعودة نميري وجع وجع نميري رجع.. اسبوع القذافي وطائرات فاروق حمد الله.. هل قال فاروق حمد الله (فوووق الله وتحت حمد الله)
| |
|
|
|
|
|
|
|