|
|
 السلعلعيون الجدد وتساقط قناع الاقنعة....!!!
|
في كل الصراعات والمحافل وحينما يكون البون شاسعا وكبير بين سقف الاحلام والواقع
وفي الصراع الخاص بالواقع الحياتي بكل انماطه...يبرز الي السطح سلعلعيون جدد يشابهون
في ملامحهم وخطهم كثيرا سيرة الغوغائيين الذين هدوموا حضارت وعالم كان متماسك عبر التاريخ....
الصراع في السودان صراع معقد وعميق بين طموح الحالمين بعوالم سودانية موغلة في الرقي الانساني
وحياة حقة ديمقراطية مليئة بحقوق الانسان وحق الغالبية الفقيرة في العيش الكريم والعدالة وبين واقع ماساوي شديد الضباببية يجري الان في ارض السودان الذي ردح لزمن طويل تحت سياط جلادين قساة قتلوا شردوااضاعوا ثم مزقوا نسيج وطن بحجم مليون ميل مربع....
في ظل هذه الاجواء تبرز الي السطح تماما وينشط (الحرت رت) مثل بكتريا نشطة تغذيها بدرب طويل
الاجواء العكرة والحرت رت.. في العامية السودانية تطلق علي الذين يغذون الجو العكر ويعلو صوتهم
بضجيج عالي الصوت ولكن ملي بالفراغات والهيافة......وما يوسف ان هذا الفصيل السلعلعي اوجدت له
حضارة الانسانية فصولا لتلقي فلسفات العلوم ورحيقها...لا كي يذهبوا فقط يحملون اسفارا بل لينظروا
عميقا في مجتمعاتهم وفي العالم كبحر عميق يجب الغوص فيه بجدية ونشاط وحماس واصرار كبير
لجلب جوهرته وهي الحقيقة........!!!
هذا المنبر مثله مثل مجتمع يعكس دواخل التركيبة السودانية ما يوسف له حقا هي النبرة العالية النشاط البكتيري الجم للغوغائيين الجدد الذي يرفلون في نعيم تكبر غريب ويذهبون بقضايا الوطن الي غياهب الفوضي وتمييع الصراع الحق.......
والسعلعلي او الغوغائي خطورته تفوق خطورة الخطاب الظلامي في السودان وهو مهدرا مميعا في زمن
يحتاج الناس اليه الي كل دقيقة او ثانية من اجل انقاذ ما يمكن انقاذه من هذا الشعب السوداني الفضل..الي كل ذرة زمن من اجل رتق نسيج وطن نعق فيه البوم وسكنه الخراب وتششت بنيه في بلاد الله الواسعة ومات فيه الاطفال جوعا وببطون نفختها (انقة) الخواجات التي تحلق طائرته في اجواء بلد وصف بانه سلة غذا العالم لتجلب لنا (الانقة) والانقة هو المسحروق السحري للامم المتحدة توزعه للانسان الفقير والجوعي في زمن الكوارث والماسي.....!!!!
..الانقاذ او سلطة الجبهة في السودان اول المستفيدين من تنامي الصوت السلعلعي لعلمها التام بانه يسظل شمعا سميك عرضه ..يمارس سلعلته تلك امام الخطاب الديمقراطي محاولا السخرية واهدار الخطاب الديمقراطي المنادي بقيم الانسانية الشفيفة.. وما يوسف له ان هولا السلعلعيون الجدد في الغالب رصيد سهل الاستقطاب علي كل من لعب علي وتر انتهازتيهم الظاهرة وانعدام الضمير بحثا عن مال...عن سلطة... عدسة نظارة لاتري ابعد من ارنبة انفهم وتغذي حب الانا والذاتية.........ويدا واحدة من اجل كشف وفضح وتعرية السلعلع.....!!!!!!!
|
|
 
|
|
|
|
|
|
|
 Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
لكي نقول اكثر دقة في وصف السلعلعيون الجدد..
يمكن تعرفيهم بانهم الذين يقفون في (خط النار) الاول كجدار سميك يمنع الوصول الي بؤرة الفساد..
باسم الوطنية
باسم الدين
باسم العزة بالاسم..
لا وطنية بلا حقوق ولا وطن بدون حقوق في اعلي درجاتها هو حق الانسان
في العيش الامن والراي المحمي بالقانون..
لا وطن والقتل والسحل هو سيد الموقف..
لا وطن والتعذيب في بيوت الظلام تقام مهرجاناته بكل دم بارد...
...
| |
|
|
|
|
|
|
|
|
 Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
كيكي مساء الخير
Quote: هم من ابتذلو الهم السوداني في زمن الوجيعة والانتنوف..في زمن الكرش القامت في بطون الاطفال
ليس من كثرة الطعام..بل انهامن انهمار الجوع..انهمار الرصاص انهمار باكتريا الشعوب |
وستجدهم أكثر الناس حماس وحرص على بقاء الوضع على ما هو عليه
لان الباكتريا لاتعيش إن لم تجد الوسيط المناسب
وكل ما ذكرت لن يدخل ذمه أحدهم بتعريفة لان ما هو متاح له الان من فوائد
لن يحلم بها إن جاء زمن نظيف .....
يديك العافية ... للوطن أحزان أحيانا تّجز الانسان أن يخوض فيها أو يعبر
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبد الناصر الخطيب)
|
Quote: وكل ما ذكرت لن يدخل ذمه أحدهم بتعريفة لان ما هو متاح له الان من فوائد
لن يحلم بها إن جاء زمن نظيف ..... |
هذا ما يؤسف له حقا يا عبدالناصر..
كيف تتيح الانسانية لنزعاتها ان تحمي وتدافع وتبرر للراقصين علي اشلاء الموتي
وجثث الجياع..وقضايا الفساد التي تزكم الانوف..
نعم يا ناصر انها ما يسمي بالانتهازية الواعية المشحونة بحب الذات والانانية
خصما علي حق الاخر في العيش الكريم...
انها الوصولوية يا صديقي
وكل الود والتحية
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
| Quote: ..الانقاذ او سلطة الجبهة في السودان اول المستفيدين من تنامي الصوت السلعلعي لعلمها التام بانه يسظل شمعا سميك عرضه ..يمارس سلعلته تلك امام الخطاب الديمقراطي محاولا السخرية واهدار الخطاب الديمقراطي المنادي بقيم الانسانية الشفيفة.. وما يوسف له ان هولا السلعلعيون الجدد في الغالب رصيد سهل الاستقطاب علي كل من لعب علي وتر انتهازتيهم الظاهرة وانعدام الضمير بحثا عن مال...عن سلطة... عدسة نظارة لاتري ابعد من ارنبة انفهم وتغذي حب الانا والذاتية.........ويدا واحدة من اجل كشف وفضح وتعرية السلعلع |
ويحب سلعو السلعلعي ان يحترق الجميع حريق لا نجاة منه الا الموت..
حريق يقضي علي الأخضر واليابس..ليس من اجل الأجتثاث من الجذور كما يدعي بل من اجل ان يعيش هو في نعيم!
عاشت السلعلعه طريقا للرفاهيه بعد الانتهازيه..
كرمه ازيك..
انت ليه ما جيتني في الدوحه؟؟
ما ترد حتي تحافظ علي سياق البوست...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Muna Khugali)
|
Quote: ويحب سلعو السلعلعي ان يحترق الجميع حريق لا نجاة منه الا الموت..
حريق يقضي علي الأخضر واليابس..ليس من اجل الأجتثاث من الجذور كما يدعي بل من اجل ان يعيش هو في نعيم!
عاشت السلعلعه طريقا للرفاهيه بعد الانتهازيه.. |
هلا يا مني وحبابك
وفعلا يامني السلعلعي يحب ان تحترق الجميع ويبقي هو والذين يوفرون اليه الحماية مقابل الولاء الاعمي..
فهو شخص منح كل صلاحية حقوقه وادارة شانه لاخريين يعتقد فيهم بلا تفكير او تعمق او مراجعة تصرفاتهم..
انه الشخص السلبي في حقه العام والخاص والمغيب بفعل
مطاطية المواطنة
مطاطية واستغلال الدين..
ويا مني طبعا سافي التراب وحزين لعدم ملاقاتك في الدوحة للظروف العملية الصعبة
ومني خوجلي انا حالف اجيها في لندن..وقريبا باذن الله..
وكل الود والتقدير يامني
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
Quote: والسعلعلي او الغوغائي خطورته تفوق خطورة الخطاب الظلامي في السودان وهو مهدرا مميعا في زمن
يحتاج الناس اليه الي كل دقيقة او ثانية من اجل انقاذ ما يمكن انقاذه من هذا الشعب السوداني الفضل.. |
ولكن هل لديهم الاحساس حقا بما يعانية الوطن !!!
أن هناك من يقتلون ويغتصبون ويشردون في العراء لاجئون
أشك في ذلك ياكيكي
فهولاء تحنطت ضمائرهم وماتت
وستري منهم عجبا وفزّعتهم وأحدة
أن الرجل هو الوطن وأستقراره وما عداه خونه وعملاء
متناسين إن أستقرار قائم على القتل والظلم حتما الى زوال
-------
*لو تاملت مايكتب محنطي الضمائر وبؤس عباراتهم بلا خجل او منطق سليم
ستفهم أن هولاء ليس لهم حّل أخر غير أن يبقي الظلم ويترسّخ
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبد الناصر الخطيب)
|
Quote: لو تاملت مايكتب محنطي الضمائر وبؤس عباراتهم بلا خجل او منطق سليم
ستفهم أن هولاء ليس لهم حّل أخر غير أن يبقي الظلم ويترسّخ |
وهذا امر اخر يدمي القلب يا عبدالناصر
ويجعل الامر اكثر قتامة وتزادد الدوافع للعمل ولفضح هذا الجدار الهلامي السميك...
لكل الاشياء السيئة في هذا الكون نسبة للاحتمال والتعايش مع اليسير منها فهذهي الحياة..
ولكن يا ناصر عندما يتمدد الامر ويصبح كالسرطان ويجد له صوتا عاليا وصيتا
بها يسمي الاشياء وطن
وقيمه الشريرة دين
والسلوك المشين اعراف..
تبقي الرغبة في الصيحة والوقوف بقوي ضد هذه الاصوات وهذه الاجسام امر حتمي
وواجب
من
اجل وطن
من اجل دين
من اجل اعراف
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبد الناصر الخطيب)
|
Quote: يأتون جميعهم هنا بعبارة وأحدة ( نختلف مع اللإنقاذ ولكن ........)
بمبدأ الشينه المنكوّرة ....... |
هلا ياناصر..
كل المعضلة والشغل في لكن هذه..!!!
لكن ماذا يا هؤلا
فالامر واضح وضوح الشمس لايحتاج الي لولوة..
وكل (لكن) تقال في محفل ما..تعطي الانقاذ والظلمة مساحة جديدة من التمكن
وسحب شخص من مرحلة( لكن) الي مرحلة الولاء المطلق..
و(لكن) يا عبدالناصر خيط رفيع يحتاج منهم الي دفرة استقطاب والتواء حول حقيقة ما
حتي يصبح من قال (لكن) معهم في نفس القطار الفاسد..
.Quote: وأشد الناس اشفاق به وأشد وهما
من هو مغمي عليه ....
ولايدري انه مغمي
|
ودي مقولة ذهبية يا ناصر وتعكس تماما مانريد التصريح به
ودمت عالي القيم والانتماء الي الحق
والي الوطن الذي نحلم به يا عبدالناصر
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
ما زلنا ياصديقى نرى وننتظر وطنا
بالفيهو نداوى
وطن شامخ وطن عاتى
وطن الانسان فيه درجة اولى
ايا كانت وجهته الجغرافية
او سحنته
تعبنا يا صديقى من كل الوجع
نريده وطن
يسع الجميع
نرتاح على ضفافه
واليها نسعى
نشتغل كما نشتغل فى المهجر
لكنهم لم يتركونا يا صديقى ننعم بالامن
طردونا كما تطرد الكلاب
واوسعونا اتهامات باننا............
اخ يا صديقى
ومرة اخرى نوده
ذاك الذى حلمنا به منذ اليفاعة
ودرسنا لنعمل لاجله
وكتبنا لاجل ان يظل ساريتنا
العالية
لكنهم
طردونا يا صديقى
فلتسقط الاقنعة
وليبق عاليا
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: سلمى الشيخ سلامة)
|
Quote: اخ يا صديقى
ومرة اخرى نوده
ذاك الذى حلمنا به منذ اليفاعة
ودرسنا لنعمل لاجله
وكتبنا لاجل ان يظل ساريتنا
العالية
لكنهم
طردونا يا صديقى
فلتسقط الاقنعة
وليبق عاليا |
نعم يا صديقي المدهشة..
فاض الكيل يا سلمي وطفح
واستوطنت الوحوش عقدين من الزمان ونيف..
واستطالت دقون الضلال والتيه والزيف..
واجدت لها قصورا مشيدة من اشلاء وجثث الغلابة
وطن يا سلمي سالت به دماء كافية لتشيد مجري نهر يجوب كل هذا العالم
...وفي استوطان هذا الدقن اوجد لفيروسه محميات فيروسية من التبريرين والملتفين الجدد
الذين يجيدون لوي عنق الحقيقة تكسيرها حتي
يستوطن الوحش ويمارس بخياشيمه الصداء امتصاص دم هذا البلد
الذي حلمنا بان يكون لنا جميعا ذات ويوم..
ولكن يا سلمي حتما سياتي الزمن الفلاني ويعود الينا
النيل
والتراب
وستعود الي الحقول ابتسامتها
وساعتها سنرقص رقصة الحرية والانعتاق
ودمتي يا سلمي دوما عالية القيم
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
كيكي يا صديقي
Quote: يأتون جميعهم هنا بعبارة وأحدة ( نختلف مع اللإنقاذ ولكن ........)
بمبدأ الشينه المنكوّرة ....... |
و الله العظيم ( السلعلعيون) ديل لو عارفين الحتة دي بتغيظني كيف ما كان بقولوها كلو كلو ..
لو ملاحظ كل الجوقة الآن عايزة تثبت حكاية إنو إتهام البشير هو إتهام للسودان كدولة و كشعب مع إنو ده أبعد ما يكون كواقع.
هم أكثر الناس معرفة بسوء الإنقاذ لذلك يبدأون بالجملة أعلاه.
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: خالد عبد الله محمود)
|
| Quote: هم أكثر الناس معرفة بسوء الإنقاذ لذلك يبدأون بالجملة أعلاه |
وده الشي المحزن يا خالد
اختزال امر شخص مطلوب للعدالة الدولية
وحتي عدالة السماء ايضا نادت بعدم القتل للنفس البشرية
يضعون الوطن- والدين - والشعب ستار وحجاب يمنع الوصول اليه..
ولكن هي سحابة من الزيف والضبابية سرعان ما تنقشع عند يجدون انفسهم امام الواقع الصعب
والمرير الذي هو في انتظار المتهم عمر البشير
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
جميل ياباشمهندس
Quote: لكي نقول اكثر دقة في وصف السلعلعيون الجدد..
يمكن تعرفيهم بانهم الذين يقفون في (خط النار) الاول كجدار سميك يمنع الوصول الي بؤرة الفساد..
باسم الوطنية
باسم الدين
باسم العزة بالاسم..
لا وطنية بلا حقوق ولا وطن بدون حقوق في اعلي درجاتها هو حق الانسان
في العيش الامن والراي المحمي بالقانون..
لا وطن والقتل والسحل هو سيد الموقف..
لا وطن والتعذيب في بيوت الظلام تقام مهرجاناته بكل دم بارد... |
بالمناسبة سلعلعيون دي ونسبة لانها مفرده خاصه بك عليه يجب ان استأذنك في استخدامها
وهل يمكن اختصارها (يعني الشورت كت بتاعا شنو ) ممكن يكون سعن ؟ وهل ممكن يجوز ان
استخدمها في مناوشاتي مع اخونا تمبس ...؟ الرجاء سرعة الرد .. خلينا نحصل بيها المولد
دا
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: خضر الطيب)
|
هلا ياخضر وحبابك..
والسلعلعيون يا خضر اتي من نبات السلعلع الذي قيل بانه بلاجذور
وهو قديم منذ ايام المناوشات في ردهات الجامعات...
فقد وصف به احدي التنظيمات بانه مثل نبات السلعلع
والان بحضوره الي ارض المنبر صار ملك عام ومشاع يمكن استعماله ان صادف وطابقت مواصفته اعلاه
في مكان مكان ما(ان اراد الشخص)
وكل التحية وناسف لتاخير الرد
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
Quote: هلا ياخضر وحبابك..
والسلعلعيون يا خضر اتي من نبات السلعلع الذي قيل بانه بلاجذور
وهو قديم منذ ايام المناوشات في ردهات الجامعات...
فقد وصف به احدي التنظيمات بانه مثل نبات السلعلع
والان بحضوره الي ارض المنبر صار ملك عام ومشاع يمكن استعماله ان صادف وطابقت مواصفته اعلاه
في مكان مكان ما(ان اراد الشخص)
وكل التحية وناسف لتاخير الرد |
شكرا ياباشمهندس على التوضيح , بس كده كتير على تمبس , لكن ممكن نستخدموا
في مرحلة متقدمه من الصراع الاذلي (للضرورة احكام )
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: خضر الطيب)
|
Quote: وده الشي المحزن يا خالد
اختزال امر شخص مطلوب للعدالة الدولية
وحتي عدالة السماء ايضا نادت بعدم القتل للنفس البشرية
يضعون الوطن- والدين - والشعب ستار وحجاب يمنع الوصول اليه..
ولكن هي سحابة من الزيف والضبابية سرعان ما تنقشع عند يجدون انفسهم امام الواقع الصعب
والمرير الذي هو في انتظار المتهم عمر البشير |
اِنه فعلا أمر محزن!
لك الله يابلد
تحياتى
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: doma)
|
Quote: بالله اسه البشير دا كان الزول لقاه في نار ما بزيدوا حطب
انا غايتوا اي كوز لو لقيتو في جهنم بديه جردل بنزين |
هلا يا دومة
وانا مثلك لو لميت فيهم في جهنم وبئس المصير
الا يشوفو ليهم حتة تاني يمشوا ليها...حرم الدم ركب والمساككة من تقابة نار لتقابة نار
اكرهم ليك سعير وارازيهم في جهنم...اكرهم ليك حاجة اسمها نار...الكلابين ديل
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
السلعلع وصف غير دقيق
انهم كالعفرت والعفرت هو السحاب الصعلوق التي يتجمع بدون سبب ويسبب الامطار والتي
تهدم البيوت علي ساكنيها وقد وصفها احد الافذاذ حين قال العفرت شال سبب الامطار
ديل اخلو سميح سكنو ام محار
السلعلع وعش الغراب والاميبيا يتكاثرون تكاسر لاجنسي وينشقون وينقسمون ثم ينقسمون
وانا لا استثني احدا
انه التشظي في زمن التلظي
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: saif massad ali)
|
Quote:
ياكيكي ما سلعلع
بس بي تحت ببلع
والله اسم عجيب
تاني ما نقول نفعي وكوز وامنجي بس نقول سعن ابوالسعن وسلعلع
يعني عبارة ذي دي دليل واضح انا اخلتف مع البشير واتفق معه علي الوطن |
هلا يا ود عوج الدرب وحبابك شديد..
ما سلعلع
وبي تحت ببلع
وتهبش الحكومة يقوم عليك يفلع
ولحقك في الكلام برضو يفكر يقلع...
السلعليون ظاهرين يا ابو السيوف ملامحهم واضحة ويجوبون طرقات الحياة والمنبر وينشطون عندما يقوم السلطة بعمل جريمة كبير
ويعلمون بكل ما اوتو من قوي لذر الرماد واثارة الضباب وغتغتة الموضوع وتمييع الصراع بقضايا انصرافية
والهجمة علي الاخريين الذي يقولون لا في وجه الحكومة الحرامية
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: esam gabralla)
|
Quote: حاصر حصارك يا اخى
لا مفر
سقط القناع عن القناع |
نعم يا عصام
وسقوط الاقنعة وتطايرها كما المطر عمل ايجابي يا عصام
وخطوة كبري صوب الهدف....
وفعلا المشكلة كلها في اللابسين قناع الصداقة والظرافة ولكن عندما يناديهم منادي السلعلعة
تراهم يرتدون قناع الخدمة الكيزاني اوتماتيكي.....
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
كيكي
عساك طيب
قله قليله في السودان هي المستفيد من بقاء الوضع كما هو عليه
الغالبيه العظمى من الشعب مسحوقه تماماً
والسحق هنا ليس بالقتل وحده فالشعب ولنقول الغالبيه لا يجد قوت يومه
لا يجد علاجه
لا يجد تعليمه
الكلام ليس عن سكان العاصمه الذين إكتفى السواد الأعظم منهم بوجبتين فول ساده في اليوم
الكلام عن سكان الأقاليم جميعاً شرقه وغربه وشمالها وجنوبها
تصدق يا كيكي رغم عدم رضائي عن كل مايدور من مناصري قضايا الهامش هنا
إلا أنني أعرف تماماً كيف أفرق بين أناس يكتبون وبين قضايا حقيقه تستوجب على الأقل أن أدينها
لا يمكنني أن أقول إن فلان كرهني في القضيه الفلانيه ولا يمكن إختزال قضيه وطن في أشخاص
وإلا سنصبح كمن يقول إن الكيزان كرهوني الدين
هل كان الدين يوماً ... دين الكيزان
إنه دين الله
في أوج أزمه معسكر كلما كنت فاتح بوست للهلالاب فقط الشمات يمتنعون
فمررت على بوست عن كلما لا أذكره لأجد إن الأخت تراجي تشن هجوماً
عن من يتحدث عن هلال مريخ في هذا الوقت
فردت عليها رغم إنها لم تسمني بالإسم بأن البوست المعني تحول في نهايته
إلى بوست تضامن وإدانه لما تم هناك
فالإنسان هو الإنسان في (كلما) في الخرطوم
في جبال كلمنجارو أو في هضبه التبت
من لم يدمع أو يحزن عندما يشاهد صوره شخص مقتول او جريح
عليه أن يتوجه لأقرب طبيب نفسي لفحص حالته الإنسانيه
خالص ودي لك
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Mohamed Ibrahim Ahmed)
|
الأخ/ عبد الكريم
سلامات
السلعلع كما تفضلت هو نبات متسلق يعتمد على دعامات غيره من النباتات ويلتف حولها من أجل البقاء. ويمتاز السلعلع بمقدرة فائقة على التسلق و الإلتفاف ( والشربكة ) و عندما يمسك بتلابيب بعض الشجر خاصة الأشجار العالية و كبيرة الحج مثل ( أم سروج ) التي تنمو في القيزان فإنها لا تستطيع الفكاك من قبضة السلعلع حتي عندما تجف وتنشف لا تستطيع السقوط فتظل سنين طويلة ميتة وواقفه على طولها يمنعها السلعلع الملعون من أن تسقط .
وكذلك يمنع هؤلاء تلك الحكومة المتهالكة التي فقدت مبررات البقاء من السقوط خوفا من أن يسقطوا معها .
حامد شارف
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Hamid Sharif Abdelrasoul)
|
| Quote: وكذلك يمنع هؤلاء تلك الحكومة المتهالكة التي فقدت مبررات البقاء من السقوط خوفا من أن يسقطوا معها . |
هلا يا حامد
ورمضان كريم ياخي
وفعلا السلعلع نبات عكليت وله سلوك انتهازي ورغبة في الالتصاق حتي الرمق الاخير كونه ستفيد منها
وذلك هذا هو حال الاخريين في مدارات عديدة مع الحكومة العجيبة...وهي فرحة كون هنالك من يقوم بتلك المهمة التي تطيل عمرها وتمحنها الحماية
من الفناء
ودمت ياحامد
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Mohamed Ibrahim Ahmed)
|
Quote: في أوج أزمه معسكر كلما كنت فاتح بوست للهلالاب فقط الشمات يمتنعون
فمررت على بوست عن كلما لا أذكره لأجد إن الأخت تراجي تشن هجوماً
عن من يتحدث عن هلال مريخ في هذا الوقت
فردت عليها رغم إنها لم تسمني بالإسم بأن البوست المعني تحول في نهايته
إلى بوست تضامن وإدانه لما تم هناك
فالإنسان هو الإنسان في (كلما) في الخرطوم
في جبال كلمنجارو أو في هضبه التبت
من لم يدمع أو يحزن عندما يشاهد صوره شخص مقتول او جريح
عليه أن يتوجه لأقرب طبيب نفسي لفحص حالته الإنسان |
هلا يا ابوحميد وحبابك
وكلامك يا صديق يعكس مبدئية وعمق في تناول الاشياء
فان كان الانسان مبدئيا متصالح مع الاشياء السامية التي يومن بها..فساعته يامحمد يمكنه بعد الادانة ان يفعل كل مايريد من اهتمامته الاخري
ولكن الاهم هو ان يدري اين يقف في الصراع مع الطغاة...
واحدة الاشياء التي يجب ان ننظر فيها لاحقا في هذا المكان هو (ازمة الخطاب المناوي للحكومة في سودانيز اونلاين)
فبعض التناول السلبي للاخرين هنا اضر حقيقة بكل القضايا التي تحتاج الي نكران ذا ت في طرحها والتصالح حتي مع الخصوم الاخريين
لاستقطابهم واقناعهم بقوة الحجة والتسامي فوق الاشياء الشخصية..
قضيةدارفور بالتحديد فقدت الكثير من الذين كان يمكن استقطابهم وجذبهم الي العمل لفضح النظام
اذا ابتعد الكثيرين عن تنميط الصراع وتسلسل المساككة الاسفيرية...والعمل بها باسلوب المكاواة...
ما حصل في امر كلما اعاد الجميع الي الكتابة الحديث عن دارفور وتجاوزو الخطاب الجهوي واصبحت مرة اخري دارفور امر قومي
كما يجب ان تكون ...
وكل الود يا محمد
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
شباب ....
أنا من الذين يفضّلون تسلسل الأحداث فى السودان بناءاً على اتفاقية السلام الشامل وما تمليه من بقاء المؤتمر الوطنى فى السلطة حتى قيام انتخابات حرة ... وبعد الإنتخابات الحرة قد أفضل المؤتمر الوطنى على كثير من الأحزاب التى تطرح أيديولوجياتها وبرامجها فى الساحة السياسية ...
لدى تحفظات على المؤتمر الوطنى تختلف فى جوهرها عن اختلافات المؤتمر الوطنى مع المعارضين والتى يبنون على أساسها معارضتهم للنظام ... فعلى سبيل المثال رغم أننى ضد أسلمة الدولة إلا أننى أؤيد جداً دولة المؤسسات التى قام ببنائها المؤتمر الوطنى (ناقصاً ديوان الزكاة) وأعتقد أن واجب الشعب تفعيل هذه المؤسسات لصالحه وحقه المشروع أيضاً ...
وأقول أسلمة لأن الإسلام يختلف بطبيعته عن الأديان الأخرى بأنه ليس دين مؤسسات ... وبحشره فى المشروع السياسى يصير من الصعب فصله عن الدولة ... كما حدث فى فصل الكنيسة عن الدولة فى التجربة العلمانية ...
دون ذلك أنا أؤيد تماماً وجود حزب حديث يحسب الإنتماء إليه بالولاء الفكرى والموقف المحلى بدلاً عن أحزاب الولاء الطائفى والمواقف المستوردة ... وأؤيد بناء حزب كهذا لدولة مؤسسات حديثة وأعتق أنها جديرة بالتأييد والمساندة ... خصوصاً أن الموقف الفكرى المحلى يضمن عدم التعرض للتآمر الخارجى ... فى زمن العولمة واللهاث الدولى وراء الهيمنة الإقتصادية ...
وخلاف الأسلمة مقدورٌ عليه ... طالما هنالك دستور يضمن الحريات الأساسية وانتخابات حرة مباشرة ونظام دولة الفصل بين السلطات ...
وأرى أن الطريقة التى عرضتم بها آراء بعض المنصفين للمؤتمر الوطنى - ليس دفاعاً عن المؤتمر الوطنى - طريقة مجحفة وتعتمد على منطق "كل من ليس معى فهو ضدى" وهو منطق معوج وغير مقبول ... خصوصاً فى سياق التعرية وسقوط الأقنعة وكشف ورقة التوت وما شابه من الإعلام الفضائحى المغرض والشخصى ...
المهم ...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: تبارك شيخ الدين جبريل)
|
| Quote: طالما هنالك دستور يضمن الحريات الأساسية وانتخابات حرة مباشرة ونظام دولة الفصل بين السلطات ... |
طالما يا تبارك هذه هي رويتك فاعتقد يان لا خلاف جذري في الاهداف
فاما التفاصيل والمراحل فكل زول عندو الية وسقف للتعاطي في امرها...ودي نفطة اتفاق كونك تنادي بالاشياء اعلاه فعندما تتحقق لن تجد من يتحدث عن منسوبي الاحزاب الذين يدافعون عن الفساد والبطش والظلم ...
ففي الديمقراطية والشفافية ستحترق كل هذه الاشياء التي تعتقد بانها سلبية ويكون الانحياز فقط لتوطين التجربة...
ولكن حتي ذلك الزمان ومهما كانت المسالك والطرق الي اتفقنا او اختلفنا علي المشي علي تفاصيلها
ستظل تعرية ناهبي وقاهري وقاتلي الشعب واجب دون شك فازاحتهم هو الطريق الذي سيوصل الي كلامك السمح الجبيتو انا فوووق ده
كونها قوي تعمل ضد ذلك
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: haroon diyab)
|
كيكي
تحايا واحترام
دعني اقول متوهم من ينتظر هذه العصابة تسوي ليهو انتخابات نزيهه
ودستور شنو وقانون شنو اذا كان الكاتل بمرق من قضية قتل عمد ذي الشعره من العجينة
ونيفاشا ذاتها قدمت للوطن شنو لحدي هسه ( حبة الجرائد الكل يوم بقلعوا منها صفحة كاملة )
ولا ستات الشاي المطاردات ( وما اهو الوطن ولع في حته تانية بنار اقوى من تلك التي اخمدتها
نيفاشا )
عينات من ما ذكرت
* ناس تقول ليك هسه الناس ديل لو مشو البديل منو ؟
* الناس ديل لو مشو البلد دي حتولع نار
* الناس ديل احسن حكومة عملت تنمية في البلد كباري وشوارع ظلط
والله يا كيكي في مغتربين معانا في غربة الله الواسعة دي عندما يتحدثون عن الوطن كانهم
بتكلموا عن وطن تاني وانقاذ تانيه ...
*** ملاحظة اخيرة هناك قرية صغيرة على ضفة نهر الرهد اسمها (ام سلعلع )
ولك مودتي
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: معتصم ود الجمام)
|
Quote: ودي نفطة اتفاق كونك تنادي بالاشياء اعلاه فعندما تتحقق لن تجد من يتحدث عن منسوبي الاحزاب الذين يدافعون عن الفساد والبطش والظلم ...
ففي الديمقراطية والشفافية ستحترق كل هذه الاشياء التي تعتقد بانها سلبية ويكون الانحياز فقط لتوطين التجربة... |
انا لا أنادى بأشياء لم تتحقق بعد، انا أسكن فى دولة يمتد عمرها لأكثر من 240 سنة ديموقراطية، وفى الديموقراطية لا يحترق فيها الفساد والبطش والظلم دون يسار يقوم بحرقهم بالقنوات الديموقراطية، ودونك الرئيس الثالث والأربعين جورج و. بوش!
ما يحرق الفساد والبطش والظلم هو مشاركة الحادبين على حرقهم فى العملية الديموقراطية، ولا تستطيع أن تجعل شخص يحترم مؤسسة انت لا تحترمها وتتشكك فيها، ولا أن يتبع قانون أنت لاتحترمه وتنادى بتبديله بثورة شعبية أو حرب تمرد وليس بالقانون والديموقراطية ....
ببساطة فاقد الشئ لا يعطيه ...
وما لم تحترم تنظيمات المعارضة ضرورة السلام كمكتسب شعبى، وتعترف بالدستور كأساس ديموقراطى، وتغير من أجندة الإطاحة بالنظام بالطرق غير القانونية معترفةً بذلك بقانونية الهيكل القائم حالياً ... مالم تفعل ذلك لن تستطيع محاربة الفساد والبطش والظلم فقط بنقد المؤتمر الوطنى والمناداة بإزالته (دون توضيح الكيفية) وإكساء شرعية لمؤسسات لا شرعية لها (كالمحكمة الجنائية الدولة، والتى يحد من سلطاتها القضائية فى السودان "نظام روما الأساسى" الذى يحكمها)
نحن لا "ننادى" بالديموقراطية فى السودان ...
نحن "نعترف" و"نؤيد" و"نبارك" سير التحول الديموقراطى فى السودان ...
نحن نحرص على السلام الذى تحقق فى الجنوب، وننادى بتحقيق السلام فى دارفور، وتجنب الحرب فى البقاع التى لم يشملها صراع مسلح بعد ...
نقد النظام يأتى بعد الإعتراف بشرعية المبادئ التى يقوم عليها ....
هذا من ناحية، ومن ناحية أخرى، أثبت الكيزان بمرونتهم السياسية وحداثة تنظيمهم وبراقماتيتهم أنهم قادرين على مواجهة تحديات تاريخية للشعب السودانى كالسلام والتحول الديموقراطى، ولن نجحفهم حقهم فى هذا الإنجاز ... فقد جربنا الديموقراطيات والدكتاتوريات والطائفية والنخبوية وكل أشكال المحاولات (حتى العمالة للإمبريالة جربناها) وفشل الكثيرون حيث نجح الكيزان ... ونحن نعتقد أن لطبيعة تركيبة المجتمعات السودانية دور أساسى فى هذا النجاح ... وأن العمل الإجتماعى لازال همّاً أكبر من العمل السياسى ... وقد انتبه لهذه الحقيقة مفكرين أفذاذ كالأستاذ محمود محمد طه الذى حوّل العمل الأساسى للحزب الجمهورى من عمل سياسى إلى عمل دينى وتربوى فكان الأسبق سياسياً ...
ولازلت أعتقد أن لغة سلعلعيون وسقوط الأقنعة وانكشاف ورقة التوت هى ضرب من الصحافة الفضائحية الرخيصة (والتى يمتاز بها الكثيرين من السودانيين المقيمين بالسعودية لسر لا أفهمه!) وأنها ليست سوى إمعان فى الخصومة ينمّ عن ضعف فى المواقف ...
المهم ...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: حيدر حسن ميرغني)
|
| Quote: كيكي انت رحلت وللاشنو |
هلا يا حيدر
وحقو والله الواحد يركب القطرية مع باقي الليل ده
ويتم البوست ده من ميامي ولمن البوست ينتهي يجي راجع تاني....
سطوة المكان يا حيدر تفرض وتحترم بجلب الاشياء الناصعة في ذلك المكان
من حريات
من حقوق انسان
من شفافية
من موسسات
من رفض ظلم
من عدل
وهذه الاشياء جلها متواجد وبوفرة في امريكا
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: تبارك شيخ الدين جبريل)
|
| Quote: هذا من ناحية، ومن ناحية أخرى، أثبت الكيزان بمرونتهم السياسية وحداثة تنظيمهم وبراقماتيتهم أنهم قادرين على مواجهة تحديات تاريخية للشعب السودانى كالسلام والتحول الديموقراطى، ولن نجحفهم حقهم فى هذا الإنجاز ... فقد جربنا الديموقراطيات والدكتاتوريات والطائفية والنخبوية وكل أشكال المحاولات (حتى العمالة للإمبريالة جربناها) وفشل الكثيرون حيث نجح الكيزان ... ونحن نعتقد أن لطبيعة تركيبة المجتمعات السودانية دور أساسى فى هذا النجاح ... وأن العمل الإجتماعى لازال همّاً أكبر من العمل السياسى ... وقد انتبه لهذه الحقيقة مفكرين أفذاذ كالأستاذ محمود محمد طه الذى حوّل العمل الأساسى للحزب الجمهورى من عمل سياسى إلى عمل دينى وتربوى فكان الأسبق سياسياً ... |
هلا يا تبارك..
ومادام اشرت الي سطوة المكان وتجربة ال270 سنة في مكان تقيم فيه انت
لماذا لا تسقط اقوي نقاط هذه التجربة نصوعا واعلاها صيتا...
كالحقوق والحريات والشفافية....
اتفقت معاك في البداية بافتراض انك تنادي بسيادة دولة الموسسات هكذا بداء ولكن يجب ان اعود الي تفكيك معني الموسسات والدستور بفهمك
كونك واضعها كمنحة وهبة يمنحها جسم احادي الي الشعب السوداني وعليه ان ينخرط فيها دون ادني مقاومة او محاولة المشاركة فيها كحق اساسي لكل فرد سوداني....
في الديمقراطية عندما قلت ليك بان الاشياء السلبية ستحترق كان هذا يضمن في داخله الية احتراق هذه الاشياء المضمنة في ميكانيزم الديمقراطية
المبنية علي الشفافية ورقابة الموسسسات المتفق عليها الجميع ومشارك فيها الجميع وليس منحة من جهة ما امتلكت المال والقوي
نيفاشا ايضا ليس منحة من الموتمر الوطني لهذا الوطن بل الطريق الي التحول الديمقراطي الان هو تراكم لعمل سنين طويلة وحرب خسر فيها السودان الكثير وبها اتفكك المشروع الحضاري الاحادي الذي كانت تبشر به الانقاذ..
فوجدت نفسها بفعل الظروف الاقليمية وسطوم التراكم الشديد للخطاب العامل علي ازاحة ديكتاتوريتها التي لا يتناطح فيها كبشان
مساقة بفعل تنامي المد المنادي الي الديمقراطية راكبة قطار ما يسمي بالتحول الديمقراطي في اطار مظلة نيفاشا....
نيفاشا ليس انجيل منزل ولن تكون المحطة الاخيرة حتما في طريق السودان الباحث عن الديمقراطية فقد تتفكك بفعل الزمان وقد تتطور نافذة الحريات التي
طلت منها الي ديمقراطية تتيح للجميع المشاركة بالعمل الشاق الذي يذوب القوي التي تعمل علي تغبيش الوعي السوداني بمصلحة الديمقراطية
وحقوق الجميع.....
الاجسام المعارضة جلها الان انخرط في مالات نيفاشا وكلا بفهمه وفلسفته علي ان تكون مالاتها هي ضربة البداية ولكنها حتما لن تكون نهاية الجسر....
ولعملك مفردة سلعلع ولو كنت مطلع علي مفردات الحركة الطلابية في عقدين ونص لوراء لاكتشفت بانها مفردة كيزانية بحتة كانو يطلقونها
علي موتمر الطلاب المستقلين لاعتقادهم ساعتها بانهم يعملون علي بناء جدار هلامي في صراعهم مع الشيوعيين..
فالقصة ما مربوطة بالسعودية التي لا اقيم بها او بامريكا التي تقيم فيها انت واملك انا ايضا حق الاقامة الدائمة فيها ان اردت في اي لحظة....
مرة اخري يا تبارك استعمالك لسطوة المكان يجعلني اطالبك بالكثير من وهج المكان التي تقيم فيه وفي كل جزئياته ليس في مصلحة خطك في هذا البوست الجانج الي
1-منح الموسسسات وصناعتها بري كاست
2-اختزال طريق التجربة الديمقراطية في السودان وبافق قصير في محطة نيفاشا وانت تتحدث عن 270 سنة
ونحن في بداية الطريق لازلنا ننمنح الذين يقتلون الاخريين ويسحلونهم لمجرد مطالبتهم بالحقوق الاساسية
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: معتصم ود الجمام)
|
Quote: عينات من ما ذكرت
* ناس تقول ليك هسه الناس ديل لو مشو البديل منو ؟
* الناس ديل لو مشو البلد دي حتولع نار
* الناس ديل احسن حكومة عملت تنمية في البلد كباري وشوارع ظلط
والله يا كيكي في مغتربين معانا في غربة الله الواسعة دي عندما يتحدثون عن الوطن كانهم
بتكلموا عن وطن تاني وانقاذ تانيه ... |
نعم يا معتصم فهذه نظرة ارنبة الانف ومنحة اليوم باليوم..
والجدار الهلامي ده مداخلو كثيرة يا ود الجمام وكثيرين يعملون علي وطنيه بوعي احيانا
واحيانا بجهل بالحقوق وحقهم ...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
انا بعرف لفظة سلعلع من زمن دخلوها الشيوعيين فى الأدب السياسى عشان يسهلوا بيها فهم "المتسلق" فى زمن نميرى ...
واحتجاجى كان على الصحافة الفضائحية ولغة الشمارات (ولا بأس فى التشكك فى نوايا المطبلين للنظام) ...
وقصة السعودية دى ملاحظة عامة ما مقصود بيها انت ... لاكين لاحظت انهم بيميلوا للشمار وللنظر للمواضيع من منظور أخلاقى(خصوصاً لو ارتبط بى الخطوط الكنتورية لأجساد النساء) يعنى مافى فكر مافى سياسة .. بس شمار وتدّى ربك العجب ...
هسى انت حاتركب القطرية من وين انا ما عارف (لاكين بفترض الدوحة) ... ما علينا ...
فى معرض اتفاقى معاك على الفكرة العامة من ردك ... أنا افتكر انو نحن الاتنين بنقول نفس الكلام بى لغتين مختلفات بخصوص الديموقراطية و آلية التخلص من الفساد والظلم ...
أمّا بخصوص المؤتمر الوطنى، فأنا اعتقد انك ملخبت بين موقفك الداعى للديموقراطية وموقفك الرافض للمؤتمر الوطنى ...
ونسألك:
إذا كانت الديموقراطية والسلام من انجازات المؤتمر الوطنى (مشوا طريق مختلف عنك لى تحقيقم، وفى الآخر ليست منحة كما تفضلت) وموضوع الأسلمة دا اتكلمت انا فيهو وممكن نأجلوا .... ولغة الإعلام الغربى بتاعة انتهاكات حقوق الإنسان وما أدراك ما حقوق الإنسان دى لغة مصممة للنيل من الخصوم السياسيين ومافى تنظيم تاريخو بسلم من الإنتهاكات ...
إنت خلافك - الفكرى أو السياسى - مع الكيزان شنو؟
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: تبارك شيخ الدين جبريل)
|
Quote: إذا كانت الديموقراطية والسلام من انجازات المؤتمر الوطنى (مشوا طريق مختلف عنك لى تحقيقم، وفى الآخر ليست منحة كما تفضلت) وموضوع الأسلمة دا اتكلمت انا فيهو وممكن نأجلوا .... ولغة الإعلام الغربى بتاعة انتهاكات حقوق الإنسان وما أدراك ما حقوق الإنسان دى لغة مصممة للنيل من الخصوم السياسيين ومافى تنظيم تاريخو بسلم من الإنتهاكات ...
إنت خلافك - الفكرى أو السياسى - مع الكيزان شنو؟ |
هلا يا تبارك...
والاشارة الي الامكنة يا تبارك اتت مني كرد علي ابتدارك مداختك السابقة بامريكا وختامها بالسعودية...وهي اشارة مني لتبيهك علي عدم اسقاط وعي الامكنة في الحوار الداير بيننا فكل الموثر في كم النقاش هو الامر السوداني فليس له علاقة بامكنة اقامتنا...
موقفي من الموتمر الوطني بالمناسبة لا له علاقة بتركيبته الايدلوجية وتقاربه من الاسلمة او تباعدها منها...فكل الامر ينطلق من الراي في حزب سياسي
سخر كل اليات وامكانيات البلد عقدين من الزمان وقذف بها الي دائرة الهلاك والتمزق..ويعوق تقدمه ويقتل اهله
وان كان اي تنظيم اخر في موقف الموتمر الوطني وعمل نفس اعمال الكيزان سيكون راي هو نفس الراي..
فانا لا ابرر للايدلوجيا واعطيها الاولوية في حقوق الاخريين ومهما كانت الايدلوجية ناصعة وان تقاطعت مع سلب الاخريين حقوقهم او التنكيل بهم
فهي بالنسبة لي ايدلوجية هدامة واحادية.....
لذا موقفي من الموتمر الوطني موقف مبني علي قضايا...اومن بها يا تبارك واسعي ان اتقاطع معها في حضور اخريين
الديمقراطية يا تبارك لو اتت لن تكون علي الاطلاق انجاز لتنظيم كونها لست هبة
بل هي حق مشروع للجميع ...
وعندما نبشر بانها انجاز للانقاذ نساوي بينها وبين بير بترول في هجليج
.....
لا يهم يا تبارك فعلا ان تدري اين اقيم ولكن من المهم ان تعي ماذا اقول ان اردت وقد نتقف عليه او نختلف عليه
فما بيننا هم عام وقضايا للوطن نتفكر فيها بكل عقل مفتوح ونحاول ان نتجاذب فيها اطراف الافكار وصولا لقناعات نغذي بها تواجدنا في حراك هذا البلد
الذي فيه ولدنا ويستحق ان ننحت الصخر من اجل صلاحه...
وكويس انك اضفت لينا بعد جديدا يزيح (السلعلع) من مدار السعودية وخطاب صحفها ويذهب بها الي العهد النميري
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
ما بكتب الرد تانى ...
سودانيزاونلاين دى بتحرق الروح لمن تروح ليك الكلام الكتبتو ..
باختصار ... ما ممكن تقول الكيزان جابوا الهلاك والتمزق كأنو التاريخ السبقم ما ليهو أثر ....
أو كأنو كان فى سكة تانية أقل هلاكاً وأقل تمزقاً ...
إذا كانت الساحة السياسية نفسها ما مجهزة للنقلة النوعية الاتحققت الليلة ... كان تحقيق سلام وإعادة هيكلة الديموقراطية على أساس الفصل بين السلطات وتحرير الإقتصاد وإعادة تأهيل البنية التحتية واستخراج البترول ودا كلو كان حيحصل فى زمن قدر شنو؟ وبى ياتو سعر من الهلاك والتمزق؟
انا لسة بزرقن مع الكيزان فى الأسلمة لاكين باقى منجزاتم دى ... على عينى وعلى راسى .... باقى لينا "الفساد" و"ديوان الزكاة" ونبقى أمة ديموقراطية متحضرة!
والفساد دواو الشفافية ... والديموقراطية على الأبواب الزول ما بخاف من الفساد ....
ديوان الزكاة دا هو المحيرنى ...
(وناس دارفور ممكن يلحقوا السكة دى من أى نقطة كان قالوا بسم الله)
المهم ...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Hatim Salih)
|
المتفق مع الانقاذ قلبا وقالبا وطارح ده بصورة مباشرة ... سلعلع
الما متفق معاها لكن ما متفق مع غيرها .. سلسع
الواقف متفرج ومريح راسو ... سلعلع
البفتش ليه عن بديل مقنع وما لاقيه ومستنى يلقاه... سلسع
طيب الما سلعلع منو ؟
السلعلع كما تفضل احدهم نبات لا جزور له يعني تاسيره سطحي ما بتاثر في التربة مباشرة
المشكلة في الحسكنيت المستورد من تربة مكان تاني .. الضارب جزورة في الارض يخرب تربتها ويمتص خيراتها ومائها ... ونشر كا قيل لوقف التصحر فخرب التربة وتركها بوار
المقابل للسلعلعيون
الحسكنيتيون
فالسلعلع يخرب المحاصيل
والحسكنيت يخرب التربة التي تنتج المحاصيل
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: وليد محمد المبارك)
|
Quote:
المتفق مع الانقاذ قلبا وقالبا وطارح ده بصورة مباشرة ... سلعلع
الما متفق معاها لكن ما متفق مع غيرها .. سلسع
الواقف متفرج ومريح راسو ... سلعلع
البفتش ليه عن بديل مقنع وما لاقيه ومستنى يلقاه... سلسع
|
سلام يا وليد
وبالله ما تلخبط لينا الكيمان وتلولوو راسنا
للسلعلع معني واضح وقلناها في البوست ده فوووق....
هو من يدافع عن الانقاذ في خطها الجانح لسلب الاخريين حقوقهم المشروعة وعندما الاخريين بسيادة الراي والراي الاخر
تجده السلعلع ناطي ليك في حلقك بدعاوي شتي ومداخل اشتي............والسلعلع يعمل كجبل وعازل حتي لا يذوب خطاب الانقاذ
قد تكون دوافعه
1-الدين
2-التطور المتوهم من بترول وسوداتيل والمواصلات
3-كجينة شخصية للقوي التي تنادي بالتغيير لصالح الراي والراي الاخر
4- انتهازية واعية او غير واعية
5- نزعات جهوية او فهم فطير بسيادة جهة علي جهة في ارض السودان
7-او يكون السلعلع في روحو دي ما عاوز كركبة ويومي ناطين ليهو في راسو كرو كرو انقلاب انقلاب.....
وبالمناسبة الحالة السلعلعية دي ما مربوطة بالكيزان فقط فحتي وان اتي فكر وتنظيم من الواق واق ومارس فعل الكيزان هذا في امور البلاد والعباد
فان السلعلع جاهز موية ونور لممارسة هوايته السلعلعية
6-
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
حا ضر يا عبد الكريم ما بلولو راسك
لكن بعد ديل
Quote: 1-الدين
2-التطور المتوهم من بترول وسوداتيل والمواصلات
3-كجينة شخصية للقوي التي تنادي بالتغيير لصالح الراي والراي الاخر
4- انتهازية واعية او غير واعية
5- نزعات جهوية او فهم فطير بسيادة جهة علي جهة في ارض السودان
7-او يكون السلعلع في روحو دي ما عاوز كركبة ويومي ناطين ليهو في راسو كرو كرو انقلاب انقلاب..... |
فضل منو؟
ما نمرة 3 بتاعتك = المتفق مع الانقاذ قلبا وقالبا وطارح ده بصورة مباشرة
ونمرة 2 بتاعتك فربت تساوي (الما متفق معاها لكن ما متفق مع غيرها )
نمرة 7 بتاعتك = الواقف متفرج ومريح راسو
بالمناسبة انت فطيت نمرة 6
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: وليد محمد المبارك)
|
Quote: فضل منو؟
ما نمرة 3 بتاعتك = المتفق مع الانقاذ قلبا وقالبا وطارح ده بصورة مباشرة
ونمرة 2 بتاعتك فربت تساوي (الما متفق معاها لكن ما متفق مع غيرها )
نمرة 7 بتاعتك = الواقف متفرج ومريح راسو
بالمناسبة انت فطيت نمرة 6 |
هلا يا وليد
مش قلنا يا وليد لولوة راس نهييييييييي
وها نمرة ستة طفشت كده كويس يعني
نمرة ستة هو القدري الزول القاعد ومنتظر الاخريين يديروا ليهو حاجاتو وليس عن عدم مقدرة ولكن قدرية واتكالية علي الاخريين
وزي ما تجي تجي ومافارقة معاهو وبفتكر ان الحكاية دي شغلة ناس ثانين ليس له فيها ناقة او جمل....وده بنسمهو السلعلع السلبي ......
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
معقولة يا عبد الكريم
تنسى 90 % من الشعب السوداني
Quote: نمرة ستة هو القدري الزول القاعد ومنتظر الاخريين يديروا ليهو حاجاتو وليس عن عدم مقدرة ولكن قدرية واتكالية علي الاخريين
وزي ما تجي تجي ومافارقة معاهو وبفتكر ان الحكاية دي شغلة ناس ثانين ليس له فيها ناقة او جمل....وده بنسمهو السلعلع السلبي ...... |
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: وليد محمد المبارك)
|
| Quote: تنسى 90 % من الشعب السوداني |
هلا يا وليد..
والشعب يا وليد ما ممكن يكون سلعلع
والتصنيف ده فالد وسط النخية وسط الناس القادرين علي احداث تغيير في واقع المجتمع
الناس الامتلكت ادوات وعي عبر التعليم لانتاج فكر لاحداث تغير في وسط الناس اللسع قاعدين في السهلة
عشان كده السلعلعي عندو مواصفات معينة ...
وما بالساهل تتلقي عندي اي زول تاني
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
Quote: لمتفق مع الانقاذ قلبا وقالبا وطارح ده بصورة مباشرة ... سلعلع
الما متفق معاها لكن ما متفق مع غيرها .. سلسع
الواقف متفرج ومريح راسو ... سلعلع
البفتش ليه عن بديل مقنع وما لاقيه ومستنى يلقاه... سلسع
طيب الما سلعلع منو ؟ |
طبعا وليد كلامك اعلاه كلو صحيح وحالات سعلعيية دون شك
وعفوا ان كانت اشارة (لولولة الراس دي يي وصلت ليك اشارة رد سالب) فكان علي ان الحقها بوش ضاحك
كونيي كنت اقصد تقاطر السلعلع والسلعسع والسعسع بالجد موخل لي راسي وخفت وحسيت فعلا بانو البلد كلها سلعلع ودي حكاية تخوف
ولك العتبي يا رجل حتي ترضي...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
Quote: هلا يا وليد..
والشعب يا وليد ما ممكن يكون سلعلع
والتصنيف ده فالد وسط النخية وسط الناس القادرين علي احداث تغيير في واقع المجتمع
الناس الامتلكت ادوات وعي عبر التعليم لانتاج فكر لاحداث تغير في وسط الناس اللسع قاعدين في السهلة
عشان كده السلعلعي عندو مواصفات معينة ...
وما بالساهل تتلقي عندي اي زول تاني |
الله يطمنك يا عبد الكريم
وبما اني من الناس اللسع قاعدين في السهلة فانا بالتأكيد ما سلعلع
(اي عارف انها انانية التفكير في بوست زي ده في الانافقط، لكن اوصافك الفوق دي حارة خلاص ..
المهم اهنيك على اعادة انتاج مفردة السلعلع لتكون خير واصف لفيئة معينة من الناس... بس ما يجوك ناس زعيط ومعيط على قول شداد ويستهلكوها ليك ويرموا بيها اي انسان مختلف معاهم ويفرغوها من معناها زي مفردة كوز )
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Ishraga Mustafa)
|
Quote: تعرف ياكيكى صديقى المشكلة فى راىّ مافى السلعلعيون الجدد وانما فى بعض من يظنون انهم ثوار
وفى لحظة ممكن يجردوك من تاريخك وقناعاتك ولكن هيهات |
هلا يا اشراقة
ومشتاقين يعلم الله
قلنا يا اشراقة اي فكر او تنظيم او جهة تجنح الي سلب الاخريين الراي بفهم احادي
دي جهة موضوعها بايظ ونهجها فطير وعليها ان تنتبه الي ماهي فيه...وعمارها ما بكون بالهين في ظل وعي الناس بحاجاتها
وبجيك بهناك يا صديقتي وبرواقة ونشوف (البلاك بور) وندلو بدلونا فيه
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: وليد محمد المبارك)
|
Quote: وبما اني من الناس اللسع قاعدين في السهلة فانا بالتأكيد ما سلعلع
(اي عارف انها انانية التفكير في بوست زي ده في الانافقط، لكن اوصافك الفوق دي حارة خلاص ..
المهم اهنيك على اعادة انتاج مفردة السلعلع لتكون خير واصف لفيئة معينة من الناس... بس ما يجوك ناس زعيط ومعيط على قول شداد ويستهلكوها ليك ويرموا بيها اي انسان مختلف معاهم ويفرغوها من معناها زي مفردة كوز ) |
هلا يا وليد
والاوصاف كانت قاسية يا وليد ويجب ان تكون اقسي من ذلك لانو الثمن المدفوع غالي
دماء-اشلاء- اهدار موارد وزمن- ومجاذر وتمزيق نسيج وبلد طيرها بقي عجمي ولا يسف التمباك
لذا كان لابد من ضرب السعلعليون ديل في راسهم المدوقس ده حتي يرعوا و وينتبهو لخطورة السكة الماشين فيها
لو عاوزين يبقي لينا وطن وبلد اسمو السودان...
ولا شي شخصي بتاتا هنا يا وليد فكل زول عندو (سلعلعلي) لو داير يجيبوا لينا هنا في الساحة دي
يجيبوا ويجيب معاهو اوراق الترخيص كلنك او كوت عشان كلنا نشوف ونلصق ليهو الختم لمن ياااااامن ذاااتو:
............
ياخ تخيل دكتور شداد ده اظرف زول العالم
بس صلاح ادريس ومن لف لفه (اكبر سلعلع في المجال الرياضي) وديل ليهم يوم كمان
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
| Quote: أو كأنو كان فى سكة تانية أقل هلاكاً وأقل تمزقاً ... |
تبارك لو قدرت تكتب تاني بالله ادينا لمحة كده
وحدد لينا منو البحدد السكة...ومين الحدد السكة المشا فيها الكيزان ديل
فحققوا ما حققوا حسب رايك..ومن الذي رسم خارطة الطريق...؟؟؟؟
وانت كمواطن سوداني هل شاركت في رسم هذه المشوار
وهل الثمن الذي حقق ما حقق الان من ابيار بترول وطرق وكباري وسدود يضاهي كل هذه الثمن...؟؟؟
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
هندسه سلام ..
خط رفيع يفصل بين الهتافيه وهيمنة التحليل السياسي والقراءة الموضوعيه النازله عديل فى الواقع .. ممارسة الكتابه حتما ستفضح - وان طالت المراوغه - موجهاتها ومنابع
التكوين المعرفى للانسان وتتداعى الان فى خاطري الكثير من الافكار الخاصه تجاه ما يجرى هنا على صفحات سودانييزاونلاين ..
سأرابط بباب البوست .. الذى اتمنى تتخطاه الارشفه
تحياتى ..
..
كيكى
كل عام وانتم بخير
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: محمد حيدر المشرف)
|
Quote: خط رفيع يفصل بين الهتافيه وهيمنة التحليل السياسي والقراءة الموضوعيه النازله عديل فى الواقع .. ممارسة الكتابه حتما ستفضح - وان طالت المراوغه - موجهاتها ومنابع
التكوين المعرفى للانسان وتتداعى الان فى خاطري الكثير من الافكار الخاصه تجاه ما يجرى هنا على صفحات سودانييزاونلاين ..
سأرابط بباب البوست .. الذى اتمنى تتخطاه الارشفه |
هلا يادكتور
وكل سنة وانت بالف خير وعافية.....
وهي محاولة يا محمد للمساهمة في تذويب جبال السعلعليون التي اقامهم وشيدوها وانتفع بها المشروع الذي يعمل علي هضم الديمقراطية
بحجج شتي دون الاستناد علي ارضية من المنطق..........
وكن بالجوار يا محمد سيحلو الحديث والسفر صوب تعرية الوعي السلعلعي
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
| Quote: وقصة السعودية دى ملاحظة عامة ما مقصود بيها انت ... لاكين لاحظت انهم بيميلوا للشمار وللنظر للمواضيع من منظور أخلاقى(خصوصاً لو ارتبط بى الخطوط الكنتورية لأجساد النساء) يعنى مافى فكر مافى سياسة .. بس شمار وتدّى ربك العجب ... |
وانت يا سعادة المفكر السياسي متين خليت الشمار والتنبوء بمنو ح يتقدم لمنو ؟
انت يا كيكي جبت ليك نموذج عملي ( بيان بالعمل للسلعلع ) ؟
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: تبارك شيخ الدين جبريل)
|
| Quote: التنبؤ - كما تسميه - فى لغة المفكرين السياسيين اسمو "التوقعات" ... وما عندو علاقة بالشمار ... |
اظنك صدقت ؟؟!
و كماان قمت تفتي و تفسر النصوص
عجبي
الحرفا قالو لو عاوز تحاكم نص ترجموا للغة تانية
كدي حاكم لي توقعات دي و ورينا فرقها من التنبؤ
| Quote: وانت استفزاك شنو فى "توقعاتى"؟ |
لو ما عرفت دي براك تكون دي كارثة ماحقة !!!
و عليك الله تاني ما تجي تكتب لينا توقعاتك العريضة دي هنا و تمطها لما تلبسا ( للكثيرين من بورداب السعودية ) سمح ؟
داير تسلسلع اتسلسع بعيد عننا
بالمناسبة أقرا مداخلة وليد المبارك المستشهد بيها كويس قبل الكوبي و البيست الما بودن الحوار لي قدام على قولك . . . ( المهم )
يا انا يا انت في واحد ما فهمها كويس
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
كتب السيد تبارك شيخ الدين
| Quote: النظام يأتى بعد الإعتراف بشرعية المبادئ التى يقوم عليها ....هذا من ناحية، ومن ناحية أخرى، أثبت الكيزان بمرونتهم السياسية وحداثة تنظيمهم وبراقماتيتهم أنهم قادرين على مواجهة تحديات تاريخية للشعب السودانى كالسلام والتحول الديموقراطى، ولن نجحفهم حقهم فى هذا الإنجاز ... فقد جربنا الديموقراطيات والدكتاتوريات والطائفية والنخبوية وكل أشكال المحاولات (حتى العمالة للإمبريالة جربناها) وفشل الكثيرون حيث نجح الكيزان ... ونحن نعتقد أن لطبيعة تركيبة المجتمعات السودانية دور أساسى فى هذا النجاح ... وأن العمل الإجتماعى لازال همّاً أكبر من العمل السياسى ... وقد انتبه لهذه الحقيقة مفكرين أفذاذ كالأستاذ محمود محمد طه الذى حوّل العمل الأساسى للحزب الجمهورى من عمل سياسى إلى عمل دينى وتربوى فكان الأسبق سياسياً ... |
ومادام تبارك يصر علي تمجيد الكيزان بهذه الكيفية المضحكة والتي تلوي
عنق التاريخ يجب أن نطرح هذه المعطيات التاريخية أمام القارئ
الكيزان والسلام; الكيزان هم التنظيم الوحيد الذي رفض أتفاقية السلام السودانية ...فقد وقعت علي القوي السياسي -عدا الكيزان- والقوي النقابية
وقيادة القوات المسلحة علي أتفاقية القصر والتي تبنت أتفاقية السلام السودانية -الميرغني وقرنق- ورفضها الكيزان بدعو أنها عمالة وأرتزاق
وأستسلام وراهنوا علي الحسم العسكري ثم عادو ليوقعوا -مجبريين- علي تسوية
سياسية تتصمن شروطا أقسي
,,,,,,,,, والحقيقة الثانية هي أن القوي السياسي كانت توصل لميثاق
سياسي في أسمرا أقر حق تقرير المصير للجنوب ورفضت الانقاذ حق تقرير المصير
وقتها بدعوي أنه تفريط في تراب البلد وتنازل وأستسلام للتمرد ثم عادت
لتنقل وبالمسطرة بعض بنود أتفاق أسمرا وترضخ لأقرار حق تقرير المصير الذي
كان ترفضه وهكذا يري القارئ أن الجبهة هي من أطال أمد الحرب وأهدر موارد
البلاد البشرية والمادية طيلة أكثر من 15 عاما ما يؤكد تجافيها وقيم السلام
.......الكيزان والديموقراطية:
الديموقراطي لاتأتي الا بكفالة حق التعبير والتظاهر وأطلاق الحريات العامة
وهي مبادئ قالت بها نيفاشا ولازالت الجبهة ترفض أنزالها لأرض الواقع
ثم الحديث عن الانتخابات العامة يصبح عديم الجدوي في ظل تسيس أجهزةومؤسسات
الدولة وسيادة القوانين المقيدة للحريات وقد ذكرنا السيد تبارك من قبل
بأن رئس الدولة ورئس المؤتمر الوطني يصر علي قيادة الجيش وعلي رتبته العسكرية
مما يعني تسيسا صارخا للجيش
.....وهكذا يري القار ئ أن الكيزان هم العائق الاساسي أمام أقرار سلام
عادل وحل شامل لمشاكل البلاد وهم العائق الاساسي أمام أي تحول ديموقراطي
فهم من يرفض أنفاذ بنود نيفاشا والتي ذكرنا بعضها في عاليه ونضيف اليها
رفضهم بأن تصبح مهام جهاز الامن ; هي رصد وتحليل المعلومة وتقديم المشورة
متي ماطلب منه ذلك بحسب مانصت نيفاشا .......
والان دعني أضيف لرصيد الكيزان الذين يتباهي تبارك الاتي:
التفريط في التراب والسيادة الوطنية لدول أجنبية مثل حلائيب لمصروالفشقة لأثيوبيا الخ
........ ومن رصيد الكيزان أيضا تدويل مشاكل البلاد وفرض المناخ الذي
أفرز وجود عشرات الالاف من القوات الاجنبية في تراب البلاد
بالاضافة لتمزيق النسيج الاجتماعي للبلاد وأشعال الفتن العرقية والجهوية
في ربوعها وهو أمر أقر به أبناء وقيادات ما يسمي بالحركة الاسلامية في
وقت يصر فيه تبارك علي تشكير الرواكيب في الخريف!!!!!
ونواصل
Re: (تبارك شيخ الدين ) وصـــمة عار علي (جبين الانسانيه)
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: kamalabas)
|
انتو الناس لمن تناقش السلام ... مافى زول بيتكلم عن الأجندات الخارجية ليه ...
ما سألت نفسك عن علاقة الحركة الشعبية فى فترة "كوكادام" وفى فترة توقيع "نيفاشا"؟
لو ما شايف فرق ... تكون ما شايف منطلقات الكيزان للحرب والسلام ...
ودى برضها تكون نظرة إقصائية ومجحفة ...
المهم ...
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
أفادات أهل الجلد والرأس في الانقاذ حول حكومتهم مهداة لتبارك شيخ الدين
أسبقها بهذه المقدمة المنقولة بوست سابق لي
( ......ياعزيزي أن السودان في عهودما قبل الانقاذ كان محافظا علي سيادته
وكرامته وعزته وكان مهابا ومحترما أما في عهد الانقاذفقد:
مزقت الانقاذ النسيج الاجتماعي للوطن وأشعلت الفتن العرقية والجهوية فيه
0000فرطت في ترابه وسيادته "حلائب الفشقة
00دولت مشاكله وأصبحت حلولها مستوردة من الخارج .....خلقت الظرف الذي
أفرزت التدويل ثم ركعت له وسمحت للجيوش الخارجية أن تجوس بالبلاد كنتاج
لفساد سيادتها
000 شردت الملائين في منافي العالم00 أشعلت الحروب شرقا وغربا
00000ولكن وحتي لانتهم بالمبالغة دعنا نستشهد بشهادة.شهود من أهلها
يوضحون الي أي مدي أوصلت الانقاذ البلاد?
يقول حسين خوجلي
Quote: قا لوا لنا لاتجعلوا للثوار المسلمين والعرب مساحة في بلادكم ففعلنا ..
قالوا لنا تنكروا للجهاد والنضال الفلسطيني فطردنا حماس ..
قالوا لنا فاوضوا التمرد على الحد الأدنى ففعلنا ووقعنا ..
قالوا لنا اقبلوا بحق تقرير المصير فبصمنا ..
قالوا لنا إذعنوا للرقابة الدولية فأذعنا ..
قالوا لنا طأطئوا الرؤوس للقوات الأفريقية فطأطأنا ..- |
ويضيف الطيب مصطفي:
Quote: : لأتساءل من الذى أعطى الحكومة الحق في تمريغ سمعة السودان في التراب والرضا بكل هذا الهوان الذى يصيب هذا الشعب الأبي قبل أن يصيبها ومن أولى بأن نتذلل إليه ونقدم له التنازلات.. هؤلاء الأغراب المتآمرين أم بنى وطننا من القوى السياسية الكبرى التي ينبغى أن تُشرك في اتخاذ القرارات السياسية التى تتفاوض الحكومة بشأنها فإذا كانت قد وقعت نيفاشا التى فتحت علينا كل هذه الشرور بما في ذلك قرارات مجلس الأمن المهينة ودخول قوات الإيدز الأفريقية وطلائع الإستعمار الجديد من القوات الدولية وذلك بدون إستفتاء الشعب بل بدون أخذ رأى برلمانه الذى أُمر بأن يبصم ولا يناقش أو حتى رأى مجلس الوزراء فما أقل من أن تطرح أمر دارفور والشرق على الشعب أو على قواه السياسية الفاعلة وذلك حتى لا تتحمل وزر أكبر وأخطر القرارات في تاريخ السودان. قد نفهم مثلاً أن يمنح الجنوب خلال الفترة الإنتقالية من السلطة والثروة وفي مجال الترتيبات الأمنية ما منح من تنازلات بعضها يشكل خطراً على أمن البلاد القومي مثل الترت
يبات الأمنية... ذلك أن هذه التنازلات تسرى فقط خلال الفترة الإنتقالية |
ويعترف الجميعابي
Quote: فالانقاذ ك رسخت بعمق
لهاتين (عنصرية جهوية)
الرذيلتين.. وما قضية دارفور الا نتاجاً
طبيعياً لهذا
السلوك فهي قضية قامت على مفاهيم اثنية
عنصرية جهوية
وقبلية.لقد كانا سودانيين وحسب حتى اننا
لم نكن نعرف من
اي القبائل كان عبود او الازهري او
المحجوب.. او سر
الختم الخليفة.. ولكننا الآن نكتب
القبيلة قبل الشخص
والمرشح للوظيفة.. بل ان نميري نفسه لا
يعلم من اي
القبائل هو.. فقط سبق ان ناقشت الرئيس
جعفر نميري في
اصله.. ووجدت انه لم يكن يهتم بمعرفته..
وقد اختلفنا معه
في اصله وقبيلته.. لقد كنا على درجة عالية
جداً من
الوعي.. ولكننا الآن ننحدر حثيثاً نحو
السفح والانحطاط |
ويضيف الجميعابي
Quote: حديثي هذا ربما يغضب ثلة من اخواني
بالمؤتمر الوطني
ولكنني اوكد بلا ادني تستر او مواربة ان
الدولة
السودانية اذا انتقلت لنظام سياسي تعددي
فيه قدر كبير
جداً من الشفافية والحرية.. لن تجد
واجهات الحركة
الاسلامية طريقها للحكم على الاطلاق لا
وطني ولا شعبي..
فقد انفض الناس من حولهم وتركوهم قازمين
وليس لهم رصيد
جماهيري يستندون اليه عند ملمات
الانتخاب نعم.. المؤتمر
الوطني يحكم بما تبقى لديه من ادوات
السلطة وليس بسبب
رصيد فكري.. وادوات السلطة هي التي تجمع
الناس علي
المنافع وعلي الوظائف والمغانم الي آخر
قائمة النصيب من
الدنيا.. ليس هناك حماس للفكرة لا من قريب
او بعيد..
ولانني قريب جداً من نبض الشارع اعرف من
كثب ما هو
ايجابي وما هو سلبي وفيما يفكر هذا
الشارع وماذا يقول عن
الحركة الاسلامية وعن الانقاذ. |
هذه أفادات وأعترافات أهل الجلد والرأس بالانقاذ ن!!!!!!
كمال عباس
| |
|
|
|
|
|
|
|
|
 Re: السلعلعيون الجدد وتساقط قناع الاقنعة....!!! (Re: عبدالكريم الامين احمد)
|
فتبارك شيخ الدين قضيته مع الكيزان تتمركز حول ديوان الذكاة
ويقول ليك الأنغاذ مالا حلاتها !!!!!!!!!!!!!!!!!!!!!!!!!!!!!
فنوعية تبارك دي من أسخف النوعيات التي مرت بي من الكيزان
لا تدع السطحية والفراغ ومحاولة خلق أهميات وهمية تنسيك أحلك فترة مرت
في تأريخ السودان من عهد بعانخي والى الأن
عندما كان الصادق على سدة الوزارة قلنا لا للطائفية وها نحن نعض أصابع الندم
على ما فرطنا من مكتسبات
فالطائفية كانت مرحلة متقدمة وصلنا أليها والكيزان أعادونا ألى المربع الأول
القبلية!!!
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Hatim Salih)
|
طبعاً التعامى الظاهر عن الحقايق ... وتحويلا لى حجوة سياسية مفصلة على نضالات فى الفارغة ..
والتعامل مع آرائى بى منطلقات التشفى من الكيزان ... بتجيب رد زى دا:
Quote: اقول ليكم حاجة ...
اعملوا ثورة ...
وكسّروا العواليق القايمة دى ...
وابنوا من جديد ...
ما انتو الحرفنة كلها ... ياااااااااا المناضلين ...
المهم ... |
والحوار ابو Copy & Paste عمرو ما كان فيهو فكرة جديدة ...
المهم ....
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: Hatim Salih)
|
Quote: فتبارك شيخ الدين قضيته مع الكيزان تتمركز حول ديوان الذكاة
ويقول ليك الأنغاذ مالا حلاتها !!!!!!!!!!!!!!!!!!!!!!!!!!!!! |
هلا يا حاتم
واغرب شي انو الزول يقول ليك الانقاذ حلاااااااااااااااتا
وماقادر يقدم دفاع او روية تبين كيفية ونوعية الحلاووووووة دي...
الانقاذ اهدرت جثث ورقاب وشردت اسر ومزقت بلد فالتعامل مع امرها يجب ان يكون بالجدية حتي في الخطاب المدافع عنها
فاي سخرية او ستهتار في تناول معضلتها يعني سخرية واستهتار من ارواح الذين ماتو تحت قطار دمها السائل عشرين سنة
وابتزال لقضايا شعب...
من اراد تناولها فعليه ان يعلي من همة جديته ويعمق عميقا في الازمة سلبا او ايجابا
| |
|
|
|
|
|
|
|
|
|
Re: السلعلعيون الجدد وتساقط قناع الاقنعة....!!! (Re: kamalabas)
|
| Quote: فنوعية تبارك دي من أسخف النوعيات التي مرت بي من الكيزان |
مثلاً ....
مع اتجاه الحوار لى محاكمة تصريحات قطبى المهدى وحسين خوجلى ومصطفى مين ...
أساميهم بس ... سبب كافى إنو ما اقرا الإقتباسات الإنت جبتها ...
وتغيير تاريخ نحن قاعدين وحاضرينو فى راسنا ما بقبلوا بى أى تصريحات انت داير تحاكما بى اى معايير ...
ما حا اقعد اتابع تصريح بعد الآخر عشان اشوف منو قال شنو ليه ...
نحن عندنا سياسات دولة بتظهر يومياً على أرض الواقع ... وبنتابع تسلسل مواقف كل واحد من الجهات النشطة فى الموضوع ...
حتى ثوابت للحوار ما قدرنا نتفق معاك عليها مافى ... وزى ما قال وليد:
Quote: المتفق مع الانقاذ قلبا وقالبا وطارح ده بصورة مباشرة ... سلعلع
الما متفق معاها لكن ما متفق مع غيرها .. سلسع
الواقف متفرج ومريح راسو ... سلعلع
البفتش ليه عن بديل مقنع وما لاقيه ومستنى يلقاه... سلسع
طيب الما سلعلع منو ؟ |
لمن تنتهى من محاكمة "التاريخ" وتبدا تفكر فى حاضرك ومستقبلك بى طريقة جادة ... تعال فتش السلعلع من الما سلعلع ....
(بما انك اتبنيت موقف عبدالكريم)
المهم ...
| |
|
|
|
|
|
|
| |
عبدالكريم الامين احمد
Muna Khugali
الرفاعي عبدالعاطي حجر
سلمى الشيخ سلامة
kamalabas
خالد عبد الله محمود
خضر الطيب
مهيرة
doma
khaleel
saif massad ali
حيدر حسن ميرغني
تبارك شيخ الدين جبريل
haroon diyab
معتصم ود الجمام
محمد سنى دفع الله
Hatim Salih
Tragie Mustafa
وليد محمد المبارك
Ishraga Mustafa
محمد حيدر المشرف
قيقراوي
فيس بوك
تويتر
انستقرام
يوتيوب
بنتيريست