سياحة في الوعي البشاشي الغريب الاطوار والانماط.....!!

Quote: الزول سلام، حاثبت كيف الشمس بتطلع من جهة الشرق؟ ده ماعايز اثبات خالص! كقاعدة كل المتداول من 56 وحتي اليوم من فن، يظل فن جلابي صرف! لو وجد هناك استثناء للقاعدة دي، فده ماعلينا بيهو خالص! بالنسبة لي كمثال امسك غنا فنان الجلابة مصطفي سيداحمد، هل فيهو اي ريحة انفعال بالمحارق في الجنوب مثلا؟ بقول ليك غناهو من طرف مش بس كلام يحي المعظمو في السمعتو فيالبكاسي، غناء عاطفي عادي، او ده في حد زاتو ابلغ دليل، علي المزاج العام، والعالم الخاص بالجلابة الي هذا التاريخ، البعيد كل البعد عن دنيا محارق الابادة للملايين! من اشهر اغانيهو شنو؟ عم عبدالرحيم؟ طيب قضية عم عبدالرحيم شنو؟ تهميش؟ قطعا لا. ضحية ابادة؟ قطعا لا. كونو مواطن من الدرجة العاشرة؟ قطعا لا! ليه؟ لانو دي ما مشاكل الجلابي عمنا، عبدالرحيم! مشاكلو شنو؟ مشاكل اكل عيش او كده، يعبر عنها في ادبيات ناس حميد او يحي، بالكادحين، المعدمين، الغبش،..الخ! مع انو عمك عبدالرحيم الاغبش ده، يظل مواطن من الدرجة الاولي ولو معدم، بينما عوض دكام، مثلا، بغض النظر، يظل دون، في عين عمك عبدالرحيم، المعدم ده زاتو! كلام طير زي كلامنا ده، مافي زاتو ولامطروق حتي! فكرك ليه واحد زي دكتور طراوة، ضارب الطراوة ينظر في غنا الجلابة من شهور في المنبر ده، ولكن لايمكن تشوف محمد سليمان مثلا، شغال ركيب اغاني مثلا زي تمبس؟ مافي حاجة صدفة! وعلي وزن موقف طبقي، اهتمامات طراوة ولاغني يحي، برضو موقف جهوي، بي صورة تلقائية، طبيعية، او برئية جدا جدا، وهذا افضل وابلغ الادلة.