|
|
|
 Re: الف مبروك وابشر يا ود رملية...وابشر يا عريس...!!! (Re: محمد الطيب حسن)
|
اميره الاميره
Quote: كيكي..
كل ما يكون فى لمة فى الدوحة ..يجيك واحد يقوليك العزابة ناس ودرملية
عليهم الموية والصحون والبارد ولملمة الفرشات وشنو كدا ماعارفة...
اها عقبال طارق المكى ومحمد الطيب والصحافة 30 عشان نشوف شغل الهامش دا
تانى بشتغلو ليكم منو..
|
ينصر دينك يابت الشيخ ويسمع منك ربنا ونشوفم بعملو شنو تاني
تحت تحت :
ــــــــــــــــــــــــ
البسمعك يقول انتي مامعانا 
| |
 
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: عبدالكريم الامين احمد)
|
كيكي .. كيفك والف الف مبروك لود رملية ...
كنا طبعا في اللقاء ببي بورداب الخارج ...
ومن هناك بدأت كل مجموعة تتحرك على حدأ ..
انا كنت آخر مجموعة .. وضمت .. محمد ابو العزائم ابو الريش واشراقة حيمورة وصهيب حيمورة ..
عندما وصلنا كان (الرقيص) قد انتهى هسى من كلامك دا كان اخدت لي معاه رقصة رقصتين ..
انتهت الحفلة .. ولكن كان لابد ان نصل ونبارك له ..
وبالفعل .. (حلاتو) العريس و (حلاتة شديد) العروس .. صيوان فخم جدا وحدادي مدادي ..
سلام وتحايا ومباركات شديدة ولاقينا هناك .. عبير خيري ونولا .. وسبقونا .. خالد ماسا وريل وناجي الملك ..
| |
|
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: انعام حيمورة)
|
| Quote: وبالفعل .. (حلاتو) العريس و (حلاتة شديد) العروس |
ده الكلام يا انعام
وعريسنا وعروسنا زينة
وشكرا لكم جميعا ايها البورداب الرائعين علي وقفتكم مع هذا الصديق الاصيل
النبيل..
ويا انعام لو فاتك رقيص وردملية تعالوا لينا هنا رجوعه فاننا سنحته حت السنين باذن الله..
...
تحياتي لكل الذين عبروا الي هذه الساحة الاحتفائية بعيدالرحيم ودرملية
وكل الود..
| |
|
|
|
|
|
|
|
|
|
تقبلوا محبتي جميعا (Re: كمبورة)
|
سلامات
وعوافي
كل هذه التهاني المضيئة ..
كل هذه الكلمات الرقيقة ..
تتنزل علي قلبي كلمسات الانبياء ..
تمسح الالم فيتوثب الجسد بالشفاء ..
انا ممنون ..
للاصدقاء ..
بهار الحياة .. وطعم الايام..
انا ممنون لكم جميعا ..
فردا فردا ..
من كتب في هذا المنبر ومن لم يكتب ..
من تذكرني في خواطره ومن لم يتذكر ..
من هاتفني في جهر ومن هاتفني في سر ..
من يحبني ومن يكرهني ..
من تمني لي الخير ومن يتاهب للتمني ..
جميعكم يا الطف احباب الروح ..
مبهور انا بهذه الثناءات والاحتفالات ..
احبكم ..
هذا وقودي لكم..
"الحب" ..
"الحب" ..
"الحب"..
اقطره من عروق الروح ليصب في شرايين صوركم الجميلة المنتشرة في اركان الذاكرة..
من رايتهم ومن لم اراهم..
امامكم الان اقول ..
اشكركم اشكركم ..
ولا اجد وسيلة افضل من الانحناء لكم ..
عسى ان تقبلوا محبتي "رغم تقصيري وتاخيري"..
فبيني وبين الاسافير "قعدت" 4 شهور متتاليات..
وعبركم وبكم احيي حبيبتي الماجدة ..
احبك ..
صاحبة روحي ورفيقة دربي ويا انيستي الفاتنة ..
سيدتي من بين كل نساء الكون ..
الانثي التي ابتهلت لها احلامي وابتهجت بها ايامي..
حبيبتي الجميلة ..زوجتي ..عصاتي التي اتوكأ عليها وثوبي الذي بدثرني ..
وقلبي الذي ينبض بالحياة..
وروحي التي تنعم بالدفء ..
وعيني التي تضج للرؤيا ..
واذني التي تانس بالقصائد واللحون..
وانفي الذي يرقص للرحيق والندى ..
وجسدي الذي يمنحني شكل الانسان ..
احبك سيدتي احبك كثيرا "وتعالي معي لتنظري غمائم الاصدقاء وهي تظللني" ..
وانتم ..
يا كل الارواح اللطيفة ..و *"انبل اشجار الله" ..
اني احبكم ..
اني احبكم..
اني احبكم..
---------------------
عبر هذا البوست اقول لكل من اختلفت معهم بانني لا احمل في قلبي ضغينة ولاحقد..
وانني لم اقصد يوما الاذى ولن اقصد ما حييت ..
تقبلوا اختلافي معكم اختلافا "ابيضا" نقيا ..
ولتكن الحياة بيننا **ارخبيلا من المودة والالفة والمسرات..
--------------------
* مصطلح نحتته الباحثة والدكتورة الحبيبة اشراقة مصطفي واصفة من تحب من الاصدقاء بـ "انبل اشجار الله"..
** كتب الاستاذ الناقد والاديب محمد الربيع محمد صالح ورقة نقدية ناصعة عن رواية موسم الهجرة الي الشمال استعرت من عنوانها هذا العبارة القصيدة "ارخبيلا من المودة والالفة والمسرات" ..
| |
|
|
|
|
|
|
|
|
|
Re: تقبلوا محبتي جميعا (Re: ودرملية)
|
حمدالله على السلامه يا عريس يا حبيب الكل ،،،
ألف ألف ألف ألف ألف مبروك ود رمليه ،،،
حقيقة إفتقدناك كثيرا ،،، أنا وصديقي عيدروس ،،،
علمت بحضورك الجميل ووصولك الراقى الى أرض الدوحه ،،،
سعادتي كانت أكبر بأنك أكملت نصف الدين والباقي على الباقين ،،،
لك ودى ومحبتي وتقديري حتى نلتقي على أبهى ما نكون ،،، مع محبتي .
| |
|
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: haroon diyab)
|
سلامات
وعوافي
د.الصحافة30 والعزيز هارون شاكر ليكم يا احباب وجودكم في افراحي اتمني ان اراكم دوما في سعادة ..
العزيز والصديق الراقي
محمد خليل ثاني ...
لا حولااااااااااااا يازول الف مليون مرحب بك في هذا المنبر العامر "بي وجودك" ..
سعدت كثيرا بطلتك هذه وعلي الاقل كان تكلمنا كنا عملنا ليك حفل استقبال طويل عريض فانت تستحق ان يحتفى بك ..
اود ان افيدك علما بان رحلة "الأوبة" كانت عبر ميناء سواكن غير اني كنت مصرا علي زيارة بورتسودان ..
والحمد لله وجدتها الطف مما تخيلت .. هذه اللؤلؤة النائمة في حجر البحر الاحمر ..
ابشرك بان "مطعم البرلمان" مازال يقدم وجباته الدسمة وعلي اجلها قدر "الفول" و"السلات" مصحوبا بالشوربة وقطع الليمون الطازجة ....
هذه المدينة ساحرة يا محمد .. وفيها جو خرافي ..
اتمني ان اقضي بها في مستقبل الايام اجازة كاملة ..
تقبلوا جميعا محبتي وسوف اتي للرد عليكم جميعا ..
فردا فردا ..
محبتي
| |
|
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: ودرملية)
|
سعادتي لا توصف ود رمليه على هذه الكلمات الطيبات ،،،
وسعادتي أكبر بتحاياك الطيبه وروعتك اللا منتهيه ،،،
بورتسودان فعلا مدينه تستحق الإشاده فهي المدينة الأم كما أسميها ،،،
كنت آخر الواصلين عبر البر من سواكن ،،، وزرت المدينة الأحلى بورتسودان ،،،
ليتك التقطت لنا بعض الصور عن ثغرنا الباسم لكن ملحوقه ،،، أنا رايح نهاية أبريل ح أهريها تصوير ،،،
شكرا ود رمليه عزيز دنيانا ،،، مع محبتي.
| |
|
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: ودرملية)
|
العريس الجميل / ودرملية
مساء الخير
ومرة اخري مليييييييييييييييييييون مبرووووووووووووك
| Quote: ابشرك بان "مطعم البرلمان" مازال يقدم وجباته الدسمة وعلي اجلها قدر "الفول" و"السلات" مصحوبا بالشوربة وقطع الليمون الطازجة .... |
يعني في داعي للشحتفة دي.....
ياحليل مخبازة البرلمان ....وفول البرلمان.....وسلات اوشيك جنب البرلمان ....
وياحليل الملتقي.....
وياحليلك ياكيكي المافاهم حاجة .....
وبرضو غطي سعلب
كل الود
هارون دياب
| |
|
|
|
|
|
|
|
|
|
Re: الف مبروك وابشر يا ود رملية...وابشر يا عريس...!!! (Re: عبدالكريم الامين احمد)
|
كتب الجميل / كيكي
Quote: وها هو عريسنا يعودوهو متسربلا بوهج وسطوة الجمال وروح الخلود
الف مرحب يا عريس ويدك فوووق
وياهارون بالله جهزوا المزازيك الشواشي والذي منه
حتي نحتفل بودرملية عريس الهنا
وحتي يعادي صحافة30 ومحمدطيب ومحمد عبدالرحمن
واخرون احسب ان ود قريش منهم |
وانا جاهز ...وحاتك اكان عاوز حنة نعمله ليه في البيت .....
وياريت الحكاية تكون قرييييييييييييييييب .
ويلا ياشباب دفره لي قدااااااااااااااااااام.
| |
|
|
|
|
|
|
| |
محمد الطيب حسن
Alsa7afa_30
tarig almakki
-1.jpg)
معاوية الطيب
رأفت ميلاد
بابكر عثمان مكي
نجوان
salma subhi
حسن البشاري
عبدالكريم الامين احمد
Raja
Elawad
Tragie Mustafa
مبيوع
انعام حيمورة
Rawia
ابوعسل السيد احمد
معتز القريش
Haytham Abdulaziz
Ahmed Abdallah
Agab Alfaya
Imad Khalifa
انعام عبد الحفيظ
ebrahim_ali
كمبورة
ودرملية
محمد خليل ساني
haroon diyab
حسن الجزولي
محمد سنى دفع الله
نها محسن أبورأس
Omar Bob
AnwarKing
محمد أبوالعزائم أبوالريش
Rabab Elkarib
فيس بوك
تويتر
انستقرام
يوتيوب
بنتيريست