|
|
|
 Re: مايقوما منقايا قامت فى قلب الحى................................. (Re: munswor almophtah)
|
هاك عدلنا يا المنصور،
مع تحياتي.
أطـفـال الـمـايـقـومـا...
انا من متاهات العدم
ساقتنى ازمات الضمير
وسكنتَ في جوف الرِحِم
مستنى في الظلمة المصير
عآلم غريب!!!
في جوفو بسمع
كُلَّ همسات السكون
ممزوجة بوخذ العيون
صخب الجنون
طعم المجون...
ناس دآيره تطرحني وأموّت
والعآر يفوت،
والخلق في إيد الكريم
لو قالوا كُن...
لآبُد يكون...
وجع أُمي
كان ساعة الوضوع
وخذ الضمير...
وِلدونى في عِزّ الهجير
فوق التُرآب
ما فوق سرير...
وصرخته في وجه الزمان:
رجعني لدُنيا الأمان..
لكن مُحآل...
لافرحة طافت بالمكان
لا ضُل عشان بيهو استجير،
وبسمّتَ في كُلّ الوجوه
بسمة غرير..
لا شالني اب طاف بي
يباركولو الرجال!
لا عم لاخال!!
وحُضن أُمي
كان عين المُحآل،
وانا روعة آية من الجمال
فرحان أضاحك في الملآك
ما حاسي بخطر الهلآك...
والوضع كان بالجد خطير...
ساقتني خطوات القدر
إجتزتَ مرحلة الخطر...
في الدنيا
شان احيى واشوف...
الدنيا طوّف شآقي العُبآب...
مليانة هم...
مليانة خوف...
مدّ البصر...
قدامي ابحُر من سرآب
اثآر حُطآم...
اثآر خرآب...
ظُلمة، وضبآب...
شاهدتَ نور شاقي الظلآم
همسآت وِئآم،
وشتات كلآم...
وقفتَ أسترق السمع...
برق الأمل...
في جوف دواخلي سطع لمَع،
لمآن سمعتَ الناس تقول:
حق اللبن!!!
ياريت كمان...
الناس تقاسمنا الحنان.
ما تقول علينا اولآد حرآم.
كِلمة بتقد طبل الأضان...
جُرح السِنآن ببرى ويطيب
ما بتبرا جرحات الِسآن...
بالعآزة دايماً نستجير
لمآن يصيبنا الزمهرير.
حق اللبن...
اوتآر كمان...
صمآم أمآن...
عايزين نحِس لاتحرمونا
كلّ أُم هي أُمنا،
وكلّ أب يا عآزة أبونا
وكلّ أخ بالحيل أخونا...
يا عآزة، ناديلنا البنات...
خيرك كتيّر...
لابقولوا فآت... لا بقولوا مآت...
عايزين يكون فينا المدير،
فينا السفير،
فينا الأمير...
يا عآزة تقرير المصير
سبناهو للطيبين أهلنا،
ونحن في غمرة جهلنا.
طالبين حنان بالحيل كتير...
للمجتمع بنمد إيدينا
ما ترموا كوم اللوم علينا
إن كان أبينا، وكان رضينا
للدنيا نحن قدرنا جينا...
يا عآزة
ما دايرين نعيش
عِيّشة غريب.
جيناك بقسمة ونصيب
وسهم القدر لا بُد يصيب.
أدونا فُرصة نعيش عُزاز
نمطر في وِديآنك رزاز...
يا عآزة، كلمي لينا أولآدك
وبنآتك...
وحياة غلآتِك
وحياة حلآتِك
قولي ليهن:
بنمدهن إيدينا ليكم
وكبير، كبير ده عشمنا فيكم
وصآفي اللبن،
ليكم نقدمو فرحة
في دارنا الحبيب
ولمآن نشوفكم،
والله خاطرنا بيطيب
يا اهلنا صلوا علي الحبيب
وتعالوا في الزمن القريب
حق اللبن...
ضحكات صغار
في إنتظآركم
يا ابواتنا دارنا
حقيقة دآركم
ونحن يا أُماتنا
زينا زي صغآركم
جبيبوهم أطفالكم هنا
نعلب معآهم
في محبّة وفي هنا
ونغني
بفرحة وحبور
هودنا يا هودنا...
هودنا يا هودنا...
.
.
.
ود المدير..
| |
 
|
|
|
|
|
|
|
|
Re: مايقوما منقايا قامت فى قلب الحى................................. (Re: munswor almophtah)
|
Quote: سيده سودانيه نبيله تمتلئ أمومة ولديها ثروات هائله ومهنه محترمه ووعى
سبق الكل لم تحظى بالزواج إلا أخيرا ولكنها أشبعت عاطفة أمومتها بأكثر
من عشره أطفال أحسنت تربيتهم وعلمتهم إلى مافوق الجامعه وزوجتهم وأوصلت
البعض بذويهم وملكتهم من إرثها ما يستحق الأبناء عن أمهم
والآن أخذت تتسلم الفرح من ذرعهم أطفالاً كما الورد فهل لنا أن نقتدى
بتلك النبيله!! |
يا سلام يا منصور .. هذه بلغت مرتبة لن يصل اليها احد
عشرة من الاطفال .. المفروض تكرم من أعلى المستويات
لك التحية .. على إظهار هذه الناصعات من الافعال ..
لقد اثبت بهذه المرأة ان الدنيا ما زال فيها الخير ..
شكراً منصور
| |
|
|
|
|
|
|
| |
munswor almophtah
معاوية المدير
نجم الدين سعدابى
علي عبدالوهاب عثمان
فيس بوك
تويتر
انستقرام
يوتيوب
بنتيريست