|
|
 أراضى الخرطوم المواقع والخصائص والأسعار.........
|
أراضى الخرطوم المواقع والخصائص والأسعار
لا أدرى من يصنع الأسعار بأراضى الخرطوم ومن يتحكم فيها وعلى أى منطق
وهل صار السودان الخرطوم أم أن الأمر عاما ولماذا لم يكن عاما أما حان
الوقت لصناعة مدن جاذبه غير الخرطوم التى صارت قاتلة لا تحتمل وأنها تحمل
فوقها أكثر من طاقتها ولا تقدم المطلوب من الخدمات الواجبه فى فقه العمران
الحضرى فما هو سر غلاء أراضى سوبا ولجريف شرقا وغربا وأرياف بحرى
فيا قدور متعنا بالحقائق متعك الله بالصحه.
منصور
|
|
 
|
|
|
|
|
|
|
 Re: أراضى الخرطوم المواقع والخصائص والأسعار......... (Re: munswor almophtah)
|
الاخ منصور
تحياتي
انا اشتريت ارض في الوادي الأخضر، واهم سبب لي انو ما مفروض تدفع في السودان في قطعة أرض مساحتها
500 متر اكتر من ال_ 8 الف ريال الدفعناها.
سعر منطقي ومعقول
اما الارثام التي تسمعها زي نص مليون دولار لقطعة ارض في الرياض مثلا، فهذا ليس الا الوجهة الآخر
لتجار العملة للحفاظ على قيمة ما بايديهم من اموال. عند هبوط الجنية مقابل الدولار، طوالي
صاحب الأرض ح يعدل في قيمة ارضه عند البيع حسب السعر الجاري، الواحد يقول، يا اخوانا الواطة لا بتاكل
لا بتشرب لييه سيدها زاد سعرها، هو حقيقة ما زاد سعرها، هو حصل على نفس المبلغ المكان ممكن يحصل
عليه لو باعها في زمان آخر. دا من ناحية
من ناحية اخرى، الارض نفسها بقت سلعة، في حين انها ليست مصنفه كسلعة للتجارة بها، لكن مع حال السودان
المايل في قوانين التجارة والصناعة المتخلفة، ليس من الاجدي ان تفتح ليك دكان ولا مصنع، احسن شيء
تقعد تشتري وتبيع في الاراضي.
من ناحية ثالثة، 8 مليون سوداني بالخارج يحلمون فقط في امتلاك ارض في الخرطوم، وليس غيرها
اضف الى ذلك الملايين الهاربين من قصف الطيران البشيري، كله يهرب للخرطوم، فالطلب عالي بل عالي جدا.
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: أحمد ابن عوف)
|
تحيات أخ منصور
أنا عندي تصور لمسألة غلاء أسعار الأراضي المبالغ فيه في السودان بحيث لا يتناسب مع متوسط دخول الأفراد ويمكن تلخيص أهم هذه الأسباب في الآتي على سبيل المثال لا الحصر:
1- الفساد ودخول أموال مغسولة بكميات مهولة تم تنظيفها عن طريق شراء العقارات
2- الهجرة الداخلية الكبيرة من الريف إلى المدن وتحديدا العاصمة المثلثة
3- التنمية الغير متوازنة
4- هجرة الكثير من أبناء وبنات الشعب السوداني خارج السودان ورغبة الغالبية ممن يمتلكون عملات حرة في الإستقرار في العاصمة مما زاد في الطلب على القطع السكنية ومعدات البناء
هذا أبرز ماأتصوره بالتأكيد هناك أسباب أخرى ربما يسعفنا بها الأخوان... شكرا
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: عبدالرحيم أبراهيم العبيد)
|
اضافة لما قيل عن غسيل الاموال الا انه كانت هناك بعض الاسباب المنطقية لارتفاع الاسعار في العقد الفائت عقد البترول
ففي هذا العقد نشأت طبقة من الاثرياء وطبقة من ذوي الدخل المعقول الذين لم يجدوا شيئا يستثمروا فيه غير العقار
العقار الذي ارتفعت ايجاراته بصورة كبيرة لنمو هذه الطبقة من ذوي الدخل المعقول اضافة للمنظمات الاممية والشركات العاملة في مجالات البترول والاتصالات وغيرها...
كل من لديه قطعة ارض بناها شقق للايجار وكانت تؤجر بمبالغ طائلة وبمقدم لشهور طويلة....وكل من لديه منزل ارضي بني عليه طابق او طابقين حسبما يحتمل.
الان الوضع في طريقه للزوال ان لم يكن قد زال تماما........معظم من كان له المقدرة علي دفع تلك الايجارات العالية امتلك منزلا ومن لم يمتلك لم يعد لديه المقدرة علي دفع تلك الايجارات العالية للارتفاع الجنوني في الاسعار مع عدم ارتفاع المرتبات بنفس القدر....
عدد كبير من المباني الان تعلق عليها اللافتات للبيع او للايجار.....وتظل تلك اللافتات معلقة لفترات طويلة.....
الشقة التي كانت تؤجر في الخرطوم شرق بالفين دولار الان لا تؤجر باكثر من 500 دولار ان وجدت من يستأجرها.
الشقة التي كان ايجارها 1000 جنيه (500 دولار قبل اربعة سنوات) الان ايجارها ما زال في ال 1000 جنيه (150 دولار)....
هذه الحقائق بدأ العديد من الناس في ادراكها, وقريبا جدا سيعرفها الجميع
سينهار سوق العقار او هو قد انهار فعلا.....
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: عبدالرحيم أبراهيم العبيد)
|
Quote:
الناس ده بتجيب القروش من وين
|
غسيل ومكوة....
في صيف 2006 عرضت علي شقة (4 غرف وصالتين و3 حمامات) في عمارة قامت في الهجرة ببحري تحديداً في مزرعة إستافانوس الكنا بنسميها مزرعة الخنازير...
القيمة المطلوبة 200 ألف دولار ،،، دورار ينطح دورار....
ذهبت لأراها وبها ثلاثة بلكونات تطل على شارع وميدان...
طليت من البلكونات!!!!
الشارع 5 متر تتزاحم عليه كل أنواع الركوبات من لواري الخضار لكارو الحمار..
الميدان مربط حمير كارو وكوشه عظيمة مليئة بالغنم ومستنقعات مياه الأمطار وليلاً ستنام على إيقاعات القعوي ولدغات البعوض مصاص الدماء...
صرفت النظر عنها...
عدت لبلد الإغتراب:
بعد كم يوم لقيت إعلان في صحيفة إعلانات توزع مجاناً على المنازل مفاده:
شقة في بيروت على شارعين بها 4 غرف نوم بحماماتها وحمام خارجي وأربعة بلكونات كل 2 تطل على شارع،،،
طبعاً الطلة من البلكونة ما دايرة حديث...
المهم المطلوب كم؟
وحاتكم 60.000 ستين ألف دولار،،، وكمان قابلة للمساومة للجادين....
أريتني مشيت أشتريتها،،،
حسي إيجار ساي كنت طلعت المعاش.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: Al-Shaygi)
|
Quote: - الفساد ودخول أموال مغسولة بكميات مهولة تم تنظيفها عن طريق شراء العقارات
2- الهجرة الداخلية الكبيرة من الريف إلى المدن وتحديدا العاصمة المثلثة
3- التنمية الغير متوازنة
4- هجرة الكثير من أبناء وبنات الشعب السوداني خارج السودان ورغبة الغالبية ممن يمتلكون عملات حرة في الإستقرار في العاصمة مما زاد في الطلب على القطع السكنية ومعدات البناء
|
تحياتي اخوي الطيب مصطفى
وينك يا زول مختفي
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: jini)
|
مـنصور أخوى سـلام
ياخى بوستكم دا جانى فى وقت أنا قاعد أحـك فى راسى لأنه درعوا فوق رقبتى
مسئولية أنا لا لى فيها باع -- ولا كراع، حتى. جاهـل ساهى بس،
والله صحى (كما يقول أخونا ود المدير)
سـبعة قطع فى إمتداد الحلفايا الجديد شرق خط السكة حديد عاوزنى أنا أتولى بيعها
ثم تقسيم الحصص لأصحابها. فبالله ورونا كيف نقوم بهذه المهمة وماهو المطلوب.
كـدى أول شى خلو بتنا دكتورة وضاحة تجى تشرح لينا دى عملوها كيف؟
| Quote: عارف لما ابوى يقول لى البيت الفى المكان الفلان جاب 3 مليون دولار |
يـنوبك ثواب يادكتوره فالدال على الخير له مثل أجر فاعله (وجه ضاحك)
وانا مخول تخويل كامل للبيع فالعقود مصدره بإسمى وماعندى مانع أمشى السودان لإكمال الإجراءآت
ولكم كل الود
| |
|
|
|
|
|
|
|
|
 Re: أراضى الخرطوم المواقع والخصائص والأسعار......... (Re: jini)
|
Quote:
الفساد ودخول أموال مغسولة بكميات مهولة تم تنظيفها عن طريق شراء العقارات |
الأخ منصور
كيفك يالحبيب مشتاقون
هنالك قاعدة - مع بعض الإستثناءات تقول:
القيمة الحقيقية للعقار تساوي قيمته الإيجارية
لعشرين سنة أي 240 شهرا.
في مجمل الحالات تجد أن قيمة العقار تفوق
الأربعين سنة كقيمة إيجارية وهذا ما يعزز الفرضية أعلاه
و بالطبع فإن الحكومة هي المسؤول الأول بل الأوحد من هذا
تحياتي
_____
الحليلة
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: munswor almophtah)
|
يا دكتور عبدالرحمن السلام ورحمة الله عليك وما شاء الله سبعه قطع وكاله
كامله يالك من قوى أمين ياخ السبعه قطع تتباع على الهواء فى هذا البوست
لسبعه بورداب أصحاب ويبنوا خرطه واحده فى حب يا أخوانا أكتر من كدا يا
بروف سعر القطعه كم وتبيع فى شمال أميركا وتستلم فى شمال أميركا هو فى أجمل
من الحلفايا والأجر على الله وخالص التحايا لك.
منصور
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: munswor almophtah)
|
الأخ الطيب مصطفى
سلام من الله عليك
كلامك صحيح مائه فى المائه زائدا على ذلك عدم التنميه المتوازيه فى الأقاليم
فتجار العيوش والمزارعين تركوا القضارف ليكونوا أقرب للأطباء وللمدارس لتعليم
أولادهم حتى مدنى ذات الشنه والرنه هجرها للخرطوم وكذا عطبره وكسلا وكوستى والأبيض
ثم الخروج الغسرى من الدلنج وكادوقلى ياخ جميعها مشاكل يمكن حلها بخلق تنميه فى
مناطق السودان المختلفه وكذا خلق أسباب الحياه نظام صاحى بكل الإحتياجات مدارس
بكوادر مؤهله ومدربه وأسواق للبيع والشراء ياخ زول بقعد فى الخرطوم مافى وتبدأ
الهجره العكسيه من المدن للأرياف وتزدهر المنتوجات التقليديه وتطور المراعى والزراعه
والحرف وينتعش الإقتصاد.
منصور
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: munswor almophtah)
|
الـعـزيز منصور
لك الشكر على التجاوب الطيب
لكن والله زى ماقـلت فى مداخلتى إعلاه أنا راجل طيرة جـدا فى الأمور دى.
والأوراق والخرط والعقود دى كلها أنا إستلمتها قبل أيام بس.
الموقع ممتاز لأنه حسب التخطيط فى نفس المربوع بجوار ميدان عام به روضة ومسجد ومجمع حكومى وميدان عام سيكون حديقة عامة على ما أعتقد.
كدى أنت أنصحنى على الموبايل وللا الإيميل وكان عندك إسكايب يكون أحسن رسلوا لى على الماسنجر
لك كل الود والسلام
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: عبدالرحمن إبراهيم محمد)
|
الاخ منصور تحياتى
سوق الاراضى فى معظمه لا زيادة فيه مقارنة بارتفاع الدولار الزيادة فى احسن الحالات لا تتعدى ال 30%
خذ مثلا الاراضى فى الصالحة فى العام 2007 الى 2008 كانت بين عشرة الى 15 وكان الدولار 200 الى 250 والان 7000
وكذلك لاحظت فى اراضى مدينة الفاشر الزيادة صفر مقارتة مع زيادة سعر صرف الد$ واراضى امبدة ودار السلام امدرمان وكذا الحال فى الاندلس واراضى مخطط نبتة والخ
وحنى اراضى الحيازات فى القرينباب والتكناب والامين الكباشى
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: الغالى شقيفات)
|
سلام أخونا منصور وجميع المتداخلين ،،،،،،،
في وقت سابق كان لو سعر الدولار زاد بينقص سعر الارض والعكس صحيح الان الاتنين ما معروف ماشيين لحدي وين ،،،،،،،،
من الأسباب التي ادت للزياده أيضاً انو في السودان لو عندك اي قروش تشتري واحد من اتنين اما قطعه ارض او دولار مافي ضمان لأي مشروع اخر مهما كانت دراسه الجدوي ،،،،،،، اما عن اسعار الاراضي في السودان الان فهي لا تخضع لمعيار ثابت فمثلا تعرض قطعة في السوق يتفق الجميع علي ان سعرها عالي جداً وتاني يوم تكتشف بانها بيعت شئ لا يصدق وجنوب الخرطوم الان وصل حتي منطقه الجديد الثوره والباقير وبتري اما مدينه السلام الخيرية اصبحت ترفا لا يناله كثيرون ،،،،،،، وانتشرت ظاهرة المخططات مثل الياسمين وتارا ودريم ،،،،،، هذا فضلا عن مخططات الصندوق القومي والذي يبيع المواقع كقطع سكنية وليس مكتملة البناء مثل مخططات الريان والسليمانية ،،،،،،، اضف لذلك ان التفتيش الذي كان موقعه في سوبا تم تحويلة الان الي مدينة دريم جنوبا ،،،،،، وهنالك نقابات لها مزارع في منطقه بتري قامت بتحويلها لسكني مثل ضباط الطيران المدني وصل سعر القطعة فيها الي مائه وثلاثون الف جنيه ،،،،،،،،، ولو اطلع اي احد منكم لبوست الاراضي والذي كتبه الاخ منصور في هذا الموقع لوجد الفرق في الأسعار منذ ذلك التاريخ حتي اليوم ......... اصبح الان الشراء في قري كالعليفون وام ضوا بان والحليلة وغيرها أمرا عاديا بعد ان كان محصورا في اهلها ،،،،،، عموما الظاهرة جديرة بالوقوف عندها وتحتاج الي بحث متعمق اكثر ..... لكم التحيه
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: munswor almophtah)
|
الشايقى
السلام والرحمه
ياخ إنت ما بتتغش لكن شقة بيروت دى فاتت عليك مالها?
ياخ والله أغلى الأمكنه فى الخرطوم أكثرها سوءا فى البئه
بيوت زى حافلة النسوان الما بتمرق منها كبايه مستفه
بس مغسه بس وكلها بعد شويه ممكن تتحول لمتاحف مع
سرعة التقنيات فى العماره وغيرها إقولو لك دا بيت
دقه قديمه ويكون معروض ب إتنين مليون دولار عشره سنين
عشان فى الرياض يجى زول يغسل فيه سنه يا الغسيل!!
منصور
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: munswor almophtah)
|
الأخ زين العابدين الحليله ياخ سلام من الله عليك وعلى الأهل
ويا بخت تلك الحليله التى وجدت من بنيها من يرفعها عالية
للناس لتراها فيا لك من وفى ياخ وسع فى الحليله دى الجو معافى
وكذا المجتمع وأين ما تذهب تجد من يشجيك ويسليك ويشعر بك
ياخ العقار وسعر العقا أصبحت حكوا للمقتدر من الناس
فربنا يثبتنا على دينه ويبعد عنا هلاويس العوالم السفليه.
منصور
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: falcon)
|
تحياتي الأخ الكريم منصور...
ما دامت الحكاية فيها تجارب شخصية فدعني أحكي عن تجربتي المتواضعة وأنت تحكم:
في عام 2004 اشتريت بناية بطابقين وشقتين في مدينة بافالو التي تقع في ولاية نيويورك بمبلغ 15 الف دولار والله العظيم. نعم البناية عمرها طويل (1925) لكنها مستأجرة من عائلتين تدفع ألف دولار شهريا. 8 سنوات وانا اتسلم الأجرة منهما حتى صرت لا أعبأ كثيرا إن تأخروا في الدفعن تصور...
بين عامي 2003 و2005 بنيت منزلاً بنفسي يعني بنفسي على مقربة من النيل الأزرق وبالتحديد مربع 84 الجريف غرب وتورطت تماما حتى انني بعت كل ما املك في هذه الفانية. شطبت البيت (3 طوابق) فيلا وشقة في عام 2005. وحتى الآن لم اجد مستأجرا والأدهى من ذلك أنني في كل عام اصرف ما بين 4-5 ألاف دولار صيانة ومرتب للحارس وزوجته.
وبحسبة بسيطة لو اشتريت في بافالو بيوتا وقل عشر بيوت/20 الف دولار مثلاً لجنيت 10 ألف دولار شهريا ولهجرت العمل المضني وجلست ع كرسي قماش!
أعي ذلك جيدا ولكن الوطن هو قطعة منك وانت قطعة منه وفيه حبالنا السُرية تقبع؛ لذلك آثرت أن يكون لي بيتا يأويني وأسرتي إن عدنا اليه مهللين ومكبرين...
الأسعار غير واقعية للأراضي والبيوت في السودان ودوما كذلك في الدولة الفاشلة التي لا تعرف اقتصادا علميا ولا تشهد تنمية متوازنة ولا تقدم خدمات مذكورة. وهذا هو حال السودان يا صديقي...
| |
|
|
|
|
|
|
|
|
|
Re: أراضى الخرطوم المواقع والخصائص والأسعار......... (Re: عبدالأله زمراوي)
|
الأخ الغالى شقيقات
السلام ورحمة الله عليك
ياخ منطق أسعار الأراضى مربوط بمزاج السماسره
فإن حيدت هذه الفئات لعرفت حقيقة الأسعار
فكل تلك الأسعار يحددونها فى مناطق تمركزهم كلما
ثروا فى منطقه ذهبوا إلى منطقة أخرى زحف منظم
وإتفقوا على أسعار كل قطعه خصائصها وميزاتها
وسوءاتها ياخ ألف كتر خيرك.
منصور
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: munswor almophtah)
|
أستاذنا زمراوى سلام من الله عليك
العاطفه تجاه الأوطان تدفع الإنسان لأن يظل من قاطنيها علما بإستحالة
ذلك فى أحوالنا فننفق كما فعلت أموالا طائله فى إمتلاك منزل لا يمكن
أن يكون مربحا أبدا ودوما تكون تكلفة تشييده أكثر من سعره فى السوق
لذا دائما الفائده لدى التجار الذى يشترون ويبيعون بطرائقهم العجيبه
أو يؤجرون بالعمله الصعبه لطول ذراعهم فى الواقع وتظل تلك البيوت
متاعا للحراس يتكاثرون ويتزاوجون ولله عباد خصهم الله بقضاء حوائج الناس
ربنا يجعلنا منهم ولك السلام
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: munswor almophtah)
|
الاخ منصور
بمراجعه اوليه يمكن ان نقول ان الأسعار عموما كما يلي:
اولا الحلفايا اللاسلكي ثالاثمائه الف جنيه وهنالك حلفايا جديده بخطه إسكانية خاصه لم تكتمل إجراءاتها بعد (عقودات) تتراوح القطعة فيها بين 160 الف جنيه وحتي مائتا الف جنيه .
ثانيا الاندلس تتراوح الأسعار فيها من سبعين الف جنيه حتي مائتا الف جنيه حسب المربع والموقع والخدمات علما بان الاندلس بها اكثر من اتنين وعشرين مربع
ثالثا المحوريه ودي فيها مواقع ومربعات تحيرك لكن عموما الأسعار في المربعات الفيها البيع تتراوح أسعارها بين ستين الف وحتي مائه وعشرون الف جنية
رابعا شمبات يتراوح سعر المتر فيها بين ألفي جنيه حتي ثلاثه الف ونصف جنية
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: زول ساكت)
|
زول ساكت ما شاء الله عليك بقيت زول إستقرار ساكت ياخ ألحق يمكن تلقى الدوبلماسى
ذاتو مع زيادة حرابيش وتكون إتوهط فى قلب البلد ومع كل جعيص ياخ إنتى قايله هى
شنى نفخه بس وأنفخ يا شيخ - ياخ والله صورتك دى رأيت فيها
الصبر والعمق والتوكل ويا لها من صفات نسأل الله أن يكرمك بمكان مبارك والأرض لله
وين السبقونا عليها دلوكه يا ود اللعم خالص التحايا إلى أن يأتيك قدوره
منصور
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: شمس الدين التوم)
|
أخوتي رواد بوست الأراضي ..
عندنا (حوش ) كبييير مبني بالبلك الأسمنتي بإرتفاع مترين,,,,
مساحته 1500 متر مربع ...
منطقة السمرة .. تقع شرق أم القرى بشرق النيل ...
حيازة ...
عايزين مشتري جاد ...
يرجى التواصل عبر الخاص ..
نستميح المهندس بكري عذراً أن إستخدمنا الموقع للعرض ...
وله ولكم كل الشكر
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: شمس الدين التوم)
|
مربعات الاندلس
مربع واحد حتي مربع خمسة تتراوح أسعارها بين 110 الي 140 الف جنيه
مربعات سته وسبعه تتراواح بين 95 الي 120 الف جنيه
مربع ثمانيه به الف وباء يتراوح سعر الف بين 115 الي 120 الف جنيه
وسعر باء بين 75 الي 80 الف جنيه والسبب في فرق السعر هو ان باء غير مكتمل الإجراءات اي ليس به شهادة بحث حتي الان
مربع تسعة بين 150 الي 160 الف جنيه لوجود الخدمات بهذا المربع
مربع عشرة واحدي عشر يتراوح بين 150 الي 160 الف جنيه لوجود الخدمات
مربع اثنا عشر يتراوح بين 110 الي 130 الف جنيه قريب من الخدمات
مربع ثلاثه عشر لاتوجد عروض
مربع اربعة عشر يتراوح بين 110 الي 125 الف جنيه قريب لمدينة الأمل ولا خدمات به
مربع خمسه عشر وستة عشر يتراوح بين 75 و 85 الي 90 الف جنيه ويقع المربع خلف الاحتياطي المركزي وقريب لترعىة سندس اي ان الباعوض طوال العام
مربع سبعه عشر يتراوح بين 95 الي 115 الف جنيه بعيده من الخدمات
مربع ثمانية عشر يتراوح بين 115 الي 130 الف جنية
مربع تسعة عشر يتراوح بين 95 الي 130 الف جنية لاتوجد خدمات
مربع عشرين وواحد وعشرين واثنين وعشرون وثلاثة وعشرون هي ما يعرف بمدينة الأمل تفاصيل أسعارها كما يلي
مربع عشرين المساحه 204 متر مربع 85 و95 و 105 و 130 الف جنية يوجد به صرف صحي
مربع واحد وعشرين تتراوح بين 115 و 120 الف جنيه تم توزيع هذا المربع قريبا
مربع اثنين وعشرين نفس ذات اسعار السابقه يوجد به صرف صحي
مربع ثلاثة وعشرون تتراوح مساحته بين 240 الي 247 متر مربع لايوجد به صرف صحي السعر حوالي 75 الف جنيه تم توصيل المياه ولا زهراء به
مربع اربعة وعشرون لا معلومات حوله
بقي ان نقول ان الخدمات بالأندلس مكتملة حتي مربع حداشر
لكم الشكر
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: abdelgadir mustafa)
|
لناس القروش الشويه و المغامرين نقدم لكم مدينه ود بله
الموقع غرب الشركه العربيه للدواجن جنوب الخرطوم وطبعا جنوب مدينه الأمل البيقع جنوب داخلية الشهيد الزبير طبعا برضو في ناس عاوزين زياده شرح
المساحه 400 متر مربع
تم تخطيط المنطقه بعد ان تم تحويلها من زراعي لسكني
السعر يتراوح بين 13 الف الي 15 الف
لاتوجد مواصلات ولا خدمات
للمستقبل البعيد وناس التشاشه
مع شكري
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: منتصر الامين)
|
الاخ عبد القادر
ثبت الله اجرك
ما قصرت تب والله يا ملك
بالنسبة للاسعار دي :
Quote: مربع خمسه عشر وستة عشر يتراوح بين 75 و 85 الي 90 الف جنيه ويقع المربع خلف الاحتياطي المركزي وقريب لترعىة سندس اي ان الباعوض طوال العام
|
مربع 16 : امس كنت في اتصال مع واحد متخصص في المربع دا بس
قال لي السعر من 100 الف الى 105 وانت طالع ... لغاية 115 تقريبا
انا سألتو عن قطعة ناصية طبعا وتفتح في ميدان
ارجو مراجعة السعر المذكور من قبلكم
للاهمية القصوى
ثبت الله اجركم...
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: Sheikh Eldin Ismail)
|
الاخ شيخ الدين
تحياتي لك
Quote: مربعات الاندلس اسعارها اكثر من المذكور خاصه مربع 2 و3 وسته
مربع 2 400م درجه تانيه من 300 الى 340 الف جنيه
مربع 3 300م فى حدود 200 الف جنيه
|
بصراحة كلامك قريبك من الواقع لانى سمعت في انو الاندلس في ارتفاع مستمر
ويمكن الاخ عبد القادر اسعارو قديمة شوية
يعنى قبل شهرين تلاتة كدا ..
ارجو مدي بالاسعار بالنسبة لمربع 16 اذا امكن
قطعة ناصية تفتح في ميدن
مشكور جدا سلفا ..
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: هيثم التوم)
|
الاخ هيثم التوم
انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله
تقبل تحياتى
اما بخصوص موقع الاندلس وبعدها من الخرطوم - منزلى فى وسط مربع 2 وتبعد من فندق الهلتون(كورال حاليا) 21 كيلومتر
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: Sheikh Eldin Ismail)
|
جميل جدا اخي شيخ الدين
ماقصرت والله
Quote: الاخ هيثم التوم
انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله
تقبل تحياتى
اما بخصوص موقع الاندلس وبعدها من الخرطوم - منزلى فى وسط مربع 2 وتبعد من فندق الهلتون(كورال حاليا) 21 كيلومتر |
دا حي قريب جدا من قلب الخرطوم
انتظر افادتك حيث اننى وجدت قطعة ناصية تفتح في ميدان بالمربع( 16 )
واريد شراءها ...
لك تحياتي وتقديري،،،
ولصاحب البوست ،،،
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: abdelgadir mustafa)
|
السلام عليكم ورحمة الله وبركاته اخى واستاذى الفاضل منصور اسعد الله ايامك
عندى استفسار بسيط بخصوص البوست بتاعك (أراضى الخرطوم المواقع والخصائص والأسعار) فى البدايه شكرا ليك على هذا الموضوع الهام بالنسبه للكثير من المغتربين ياخى انا عاوز استفسر من الاستاذ عبدالقادر ماهو الفرق بين حي السلام والسلام الخيريه هل هو نفس المربع وله فى اختلاف وكم سعر القطعه وكم المساحات وكم يبعد من سنتر الخرطوم وجزاكم الله الف خير
دكتور حيدر محمد على
جامعة البترول والمعادن
الدمام السعوديه
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: ناصر المحسى)
|
الاخ شيخ الدين
تحياتى
Quote: انا اسكن الاندلس مربع 2 واخر قطعه اتباعت في المربع ب 315 الف اما بخصوص مربع 16 سوف اسال وافيدك انشاء الله
|
لو تكرمت وافدتنى عن الاسعار فى مربع 5 الاندلس درجة ثانية 400 متر من الناحية الغربية
ولك كل الشكر
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: خالد احمد محمد)
|
الاخ شيخ الدين ..
Quote: الاخ هيثم
اتصلت على احد السماسره الاسعار يتراوح بين 70 الى 85 الف يعنى مهما بالغ ما يفوت ال 85 الف
اما بخصوص البعد من الخرطوم يختلف من مربع لاخر ومربع 2 من اقرب المربعات للخرطوم |
كتر خيرك والله للافادة ما قصرت تب ...
يديك العافية
الغريبة لغاية هسي ما لقيت ناصية تفتح في ميدان باقل من 95 الف !!
لو زولك دا بلقى لي بــ 80الف او 85 الف بنفس مواصفاتي دي ادينى تلفونو
يديك العافية اخوي ...
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: ناصر المحسى)
|
لاخ قدورة سلام
وشكراً ليك على هذه المعلومات المهمة جداً
عايزة اعرف لوتكرمت عن الحي البلوماسي مربع واحد المساحة 450 وبتفتح في شارع 60متر مميزة مقابله حي السفارات من الجهه الشمالية معروضة للبيع القطعة بتكون بكم
مع خالص الشكر والتقدير
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: الصادق عز الدين)
|
Quote: الحارة 80 الثورة الآن تعتبر من المناطق الواعدة والممتازة نظرا للآتي:
- منطقة مرتفعة ومستوية
جانبها في المخطط هناك مول تجاري كبير
- أيضا في جانبها الآخر ملعب أولمبي
- شوارعها عريضة |
الاخ الصادق جيتنا فوق جرح
دي درجة اولى و لا كم
وكيف الاسعار
ولو عندك فكرة الحارة 79 درجة تانية كم سعر القطعة
ولك الشكر
| |
|
|
|
|
|
|
|
|
|
Re: نداء عاجل مرة اخرى ....الى جميع الاعضاء (Re: زول ساكت)
|
ا
اخ منصور
شكرا على هذا البوست المفيد
وشكرا للاستاذ عبدالقادر
وبسأل يا استاذ عبدالقادر لو سمحت عن منطقة الصناعات غرب دريم لاند مربع 17 كيف اسعاره ؟
وكمان مناطق الجموعية جنوب امدرمان مابين الكبري والمطار الجديد
ولكم جزيل الشكر
تخريمة
بقدر فائدتنا من هذا البوست ايضا نستمتع ايما استمتعاع بتعليقات الاخ منصور اللطيفة
وتعبيراته الراقية .. شكرا يازول يا جميل
| |
|
|
|
|
|
|
| |
munswor almophtah
وضاحة
أحمد ابن عوف
عبدالرحيم أبراهيم العبيد
Ammar Elyas Babiker Hassan
Al-Shaygi
البشير دفع الله
jini
عبدالرحمن إبراهيم محمد
elhilayla
الغالى شقيفات
محمود عوض احمد
Anas Babekr
falcon
هيثم التوم
هاشم عبدالله بشير
الشفيع وراق عبد الرحمن
زول ساكت
شمس الدين التوم
منتصر الامين
Sheikh Eldin Ismail
ناصر المحسى
محمد يوسف طه
فيس بوك
تويتر
انستقرام
يوتيوب
بنتيريست