|
|
|
 Re: مراكب الشوق يا وطن............................. (Re: munswor almophtah)
|
Quote: فوق نهيد ممشوق وعالى
وسكسك أفريقيا المدفق
فوق كتيفن جيدو عالى
وريش نعاما
وصوت بلوما
هديل حماما
ورشه من عارض غماما
ونفحه من ذاتا وطعاما
وبسمه بتحى الوساما
قبله بتدفئ القلابا
وجرعه فى جوف التعابا
للسلاطين واحبابا
وللدرافين واحبابا
للمساكين الضهابا
المن بعيد قاصدنو بابا
وليها عازفين الربابا
لى نخيلن ديسو سادر
فوق صديرن طرفو سادل
منو بنسوى السواتر
ليهو تجتاحنا الخواطر
كم نضحى وكم نخاطر
للمقيم فى قلبو دايما
وللبعيد من قلبو خاتر.
|
الصديق الحبيب المفتاح كل سنة وانت بالف خير والاسرة الكريمة
كم نضحي وكم نخاطر للمقيم في قلبو دايما وللبعيد من قلبو خاتر
شكرا للإمتاع
هاجرت لي سترت الحال بعيد متجوِّل
ؤ خليت الصغار بي ورايا قلت مابطوِّل
الخلاني يا خلايا من النوم بقوم متهوِّل
مكاجرة الكبار والبلد الغني ؤ متسوِّل
| |
 
|
|
|
|
|
|
|
|
Re: مراكب الشوق يا وطن............................. (Re: munswor almophtah)
|
الأخ المبدع منصور
كل عام وأنت بخير
الوطن يجب أن يكون في حدقات العيون
وحبه في سويداء الفؤاد
وحب الأوطان من الإيمان
السودان دا جنة
قيل فيه الكثير
وتغنى به المبدعون
ومن أروع ما سمعت
هذه القصيدة:
ما عشقتك لي جمالك
كلمات : مبارك المغربي
ما عشقتك لجمالك
إنت أيه من الجمال
أو هويتك لخصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهاهو
من مناظر السبر صفحة
من رهيد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصح و طريقنا باين
يا شبابنا نقيف نعاين
الأمل معقود علينا
والعمل ظمآن إلينا
بي سواعدنا ونضالنا
في جنوبنا وفي شمالنا
غيرنا مين يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليك تزحمنا الخواطر
نبني مجدك يا بلادي
قش
| |
|
|
|
|
|
|
|
|
|
|
Re: مراكب الشوق يا وطن............................. (Re: munswor almophtah)
|
المنصور، هذا حالكم أنتم خارج حدود الوطن الجغرافية، فكيف بنا
و نحن أغراب في ذات نفس الوطن الذي تشتاقون أنتم للعودة إليه.
خليكم هناك علي أمل نهاية الغربة بالعودة للوطن، و لا تفكروا جديا
في عودة حسية لأنو حا تكون غربة و خراب ديار.
الوطن مأزوم و لا يصلح إلا لإجترار الذكرات من علي البعد.
مودتي و أملي في عودة الوطن أولا لنعود و تعودون.
| |
|
|
|
|
|
|
|
|
|
Re: مراكب الشوق يا وطن............................. (Re: Mohamed Abdelgaleel)
|
ابن العم محمد عبد الجليل.
سلام و تحية و إحترام.
بلدنا عزيزة و جميلة و موعودة بأزمان ندية و سخية.
و مثل منصور لازم إن لم يكن كاف لدودرة هذا الزمان و تقريب بونه.
غير أن ما يبعد الناس ضرورات الحياة و حتمياتها و دوائرها الضيقة.
و البلد مأزوم و مكلوم، و كلامي ظاهرة يحرض علي البعد و باطنة تغريدة
للعودة و الإياب، و مثلك و مثل منصور أقدر علي فهم إشارات الحديث.
فليعد منصور و ليعد الوطن.
و لتبقي المودة و الإحترام.
| |
|
|
|
|
|
|
|
|
 Re: مراكب الشوق يا وطن............................. (Re: munswor almophtah)
|
محمد عبدالجليل ياخ إنت وفيصل عشان السياسه جاريه فى دمائكما
لذا تنظران بعين لا ترى الوطن إلا على صورة ما ينبغى أن يكون
عليه ذلك الذى نعشقه حقيقة ونهواه مجاز ياخ ذلك الوطن ساكن
فى ألياف الإحساس الخافت وضاج فى عمق الذات وفيها لا يتمزق
ولا يقبل القسمه إلا على نفسه وعلى رقم الصمد الأحد!!
(الله من عشق اللهيب
ومن مشاجنة الرؤى)
التحايا لك ولفيصل ذلك العميق أنيق العباره
منصور
| |
|
|
|
|
|
|
|
|
|
Re: مراكب الشوق يا وطن............................. (Re: munswor almophtah)
|
منصور ياخ كيف حالك.
ما يشغل هو أن الناس باتت تسيير حيواتها بضني متزايد.
قوت و مواصلات و تعليم و علاج و سكن و ماء، هذا إلي حد ما ليس
أهم ما في الأمر، الإشكال أن المستقبل مظلم تمام الإظلام و الشقة تتسع بين
أسفل المدينة و أعلاها و إنهيار منظومات القيم عصف بمفاهيم التكافل (و الذي هو في حقيقة الأمر مسكن لا أكثر).
و الحكام مشغولون بأنفسهم و بقائهم علي كراسي الحكم التي أوصلوا عبرها البلاد إلي ما هي عليه.
تفتت أحاسيس الوطنية و شاع التفاضل و أنزوي التكامل فأصبح الناس يغلقون أبوابهم خشية إملاق.
ترسل أولادك إلي المدرسة ليلزمك درس عصر منزلي لإزالة ما علق في أذهانهم من أخطاء المدرسين و تبلد المنهج.
و ترافق مريضا إلي الطبيب فيلزمك طبيب آخر لتغيير العلاج الذي يكون مخطأ في الغالب هذا طبعا للمحظوظين الذين يشترون العلاج.
ترابط علي الطرقات لتنتظر ما يقلك فتمكث ساعات قبل قدوم بص ولي الأمر الذي يتقاضي ضعف ما تتقاضي الحافلة الخاصة.
ماء غير صحي و يزيدمن إحتمالات الإصابة بخبيث الأمراض و حميدها.
مال لا يكفي لشيئ و سوق يتربص لأي مصادر جديدة.
و فوق ذلك كبت و تضييق و تكفير و سباب.
ياخ ما تجي.
| |
|
|
|
|
|
|
|
|
|
Re: مراكب الشوق يا وطن............................. (Re: فيصل المفتاح نور الهدي)
|
فيصل والمنصور وزوار خيط الشوق المصوبن السلام والتحايا
والاحترام والشوق الذي لا يزول .. السياسة شر لا بد منه تفسد
المزاج بل الحياة خاصة في مثل بلدنا يتوسل الناس لكراسي
القرار بالبندقية والفهلوة ولؤم الطباع المفضي إلى (فقر
الأهالى وجوعها) .. السياسة يا المنصور في حالنا تورث الحزن
والغبن وتقرر مصير الحاضر والمستقبل وغصباً عنك .. نسوي شنو
ياخ؟ والله لا رغبة بنا لا في سياسة لا بطيخ (أكل كسيرة في قعر
بيتي أحب إلي من أكل الرغيف) .. كانت فضاءات الوطن مكانا
مثالياً يملأ رئات الناس بالهواء النقي واليقين فأصبحت تحت
نيران السماسرة وجيوش الرأسمألية الرثة .. (فكيف أهوى وحين
حول سريري يتمشى اليهود والطاعون) كما أبدع نزار قباني
الوطن يتدحرج يا جماعة شوف عين واليد تنقصها الإرادة الجماعية
الفعالة فإن لم .. فليس غير أن نمد اصبع الندم للعض.
| |
|
|
|
|
|
|
|
|
|
Re: مراكب الشوق يا وطن............................. (Re: munswor almophtah)
|
في مثل بلدنا يتوسل الناس لكراسي
القرار بالبندقية والفهلوة ولؤم الطباع
شفت يا محمد لؤم الطباع دى جسدت لى جيوشا
من اللؤماء وصنوفا من اللؤم وأقواما من
من الضحايا ياخ ياخ الناس دى إذا وضعت
الوجه الكعب داك وقالوا بسم الله قلعة
شنقل دى تمرق الناس من السنين الكعبات
ياخ إنت شنقل دا خواجه واللا شنو وبى
هناك وادى ماريه ياخ البلد ما كانت علوه
وكنايسها تطاقش يا محمد غلبنا القول
ياخ خالص السلام لك ولمن معك وهاتفت نايل
ربنا يمطرهم صبرا.
وكتر خيرك يا رجل
منصور
| |
|
|
|
|
|
|
|
| |
munswor almophtah
سيف اليزل برعي البدوي
عبيد الطيب
محمد سنى دفع الله
محمد التجاني عمر قش
Mohamed Abdelgaleel
محمد فضل الله المكى
هاشم أحمد خلف الله
فيس بوك
تويتر
انستقرام
يوتيوب
بنتيريست