كتب الكاتب الفاتح جبرا المتوفرة بمعرض الدوحة
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: مابعرف أفوت وقلبي شايل همّو |
ماكى الخزينة تعتلى المستف غمو ياكى الدانة ساعة الرجال اتلمو جوهر عقد المجالس يالمسك للشمو يااجمل معنى وحسن اختيار السمو
تماضر الخنساء حمزه(ما أجمله من اسم)(وما اسماها وانبلها روح) .......................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
مابعرف أفوت وقلبي شايل همّو بس بعرف أعيش وهواكا سابق دمّو ناديت للصلاة..الصف وراكا بتمّو أذِّن بالحنين.. واسيت أخوهو وعمو بعد كبّر هواك..وبالسكينة إنجمّو ركع الشوق معاك ..ودّع سؤالو وغمّو سجدت فيني روح..وكل الملايكة إتلمّوا في ساعة التشهّد ..دوبيت بصادف نمّو وإن جيت للسلام يمين حنينك ضَمّو في الآخر ختام..شمال ..بسالم..نضمو بعد أدّى الفروض ..كيفن وصالك تحمو ؟؟
شيطان الشعر جافانى قايم جنو وكل ما أقول حديث إغلبنى تب ما أتمو يا بت الصلاح اللفلاح فاعلنو مالك مارضه قلبى المن زمان مارضنو شايفك فى الخشوع يا خشاف كتير راجينو شاربه الإبتهال إنتى الجمال نور فنو شايفين للسجود داك الركوع داركنو سرك داك جهر يالجاهره ليك كم غنو كم ليك من محب فضل الكتير داخرنو متلك كم بقوموا الليل وداك كم فرض عاملنو سجودك يا المقامو كبير وجودك نحن داك عارفنو حبابك ديمه يا الأواهه ليك كم آهه آننو
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: Mohamed Abdelgaleel)
|
شاعر المسدار و الدوبيت فارع العبارة عبد الله حمد شوراني ، له رباعيات أنشدها في "عينات" السنة المعروفة بمنازل النجوم وهي كالآتي يتكون فصل الصيف من (1) النطح (2) البطين (3) الثريا (4) الدبران (5) الهكعة (6) الهنعة (7) الذراع ويتكون فصل الخريف من : (1) النترة (2) الطرفة (3) الجبهة (4) الخيرصان (5) الصرفة (6) العوا (7) السماك وفصل الشتاء يتكون من : (1) عريج (2) الغفر (3) الزبنان (4) الاكليل (5) الشولة (6) البلده (7) النعائم ويتكون الربيع من : (1) سعد ذابح (2) سعد السعود (3) سعد الأخبيا (4) سعد بُلع (5) الفرق المقدم (6) الفرق المؤخر (7) الحوت
هذه الرباعيات أخذت منها ثلاثة، لأنها تماثل أيامنا هذه في الخرطوم بحرها الشديد الذي أدوش العقول ، حسب الإرصاد الجوي بلغت درجات الحرارة في الخرطوم45 درجة ، وقد تزيد في بعض الروايات.. والناس الآن تتشرف للقاء الخريف الذي أصبح على الأبواب. شوراني يصف الحر بكلمات بليغة يتذكر خلالها محبوبته..يقول
غَابْ نَجْم النًطِحْ والحَرْ علينا اشْتَدً ضَيًقْنَا وقِصِرْ ليلُه ونِهَارُه امْتَـــــدً نَظِرة المِنو لِي القَانُون بِقِت اتًحدي فَتَحَتْ عِندِي مَنطِقْة الغُنَي الْ انْسَدً
ويمضي شوراني الى منطقة متقدمة من الوصف والوله، فيقول ذاكرا "عينة " أخرى
شَالْ بَرْق البِطين رَقَصَنْ دَبَادْبُه ورشًو وِينْ النايرة -يا خِلاًيْ- مِرايةْ وَشُـــــــو عَاشقِي العِندُو حَقْن المُويَة ضَايِق خَشُو سَهْرَان فَاقْدو بِي عِلًيقُو لَيْ وغَشُو
وعنما بدت مقدمات الخريف يذكر شوراني أولى "عيناته" ويشتد عليه الحب قائلا
نَجْم النًترةَ فِي شَفَق الحَمَرَات غَـزً ويِنْ الشًارْفَه لِي بَرًاق سِحَابُو الرَزً جِنيبةَ الفارِس الفُوق المَشَمش هَزً فُرْقَها مُرٌ وَدًرْ من لِسانِي اللًـذًة
أنظروا حبائي الى هذه البلاغة ، وجمال التعابير عند شعرائنا ،وشوراني أحدهم لله دره.. وانا أطلب منكم رفقائي الاعزاء ان نجاري هذه الأبيات وكل يأتي بما في معينه.. مع محبتي .. وياريت يفتح لنا عملاق البوست الأخ منصور المفتاح هذه المجاراة..، ودمتم بخاري
| |
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
بتقلى وبوِح أنا من خريف لا الصيف ناطح النترة متلهم عريج أب زيف كاتم ريدى أضاير فيه من التقا للهيف جود بى ليمو يامولاى ولو فى الطيف
سمية الحسن طلحة
دمع العين ياطرفة منو مالى فكاك شافتنى وبكت أنفتح السما شباك قالت لى هديك الجبهة داخلة كفاك أرجيتن أنوح للعوا والسماك
سمية الحسن طلحة
ماشفت سعد السعود الساها لي البارح أقلق نومى وأصبح فى المعالق جارح قدر ما أقول أتوب وأعملى عملاً صالح أبى يتخلاّ ضوق عجوة شروق المالح ود الراوى
| |
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
برق الخيرصان سابق لميعو دعاشو والباشندي نور زهرو فاتق شاشو ود الأريل الصايد قليبي وناشو غاب الليلة يالمنصور عليك بي رياشو
بخاري
يا زول ليك على وأنا من زمان فتاشو وببرالو الدرب والقبلى صاب رشاشو الزول الظريف الديمه قلبك هاشو لبن الطير براك إنت البيلعن خاشو
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: يا مامون طلبتك قلبى زاد هزازو |
تنينا الطلب للغالي قالِ* مزارو ومن طيب كلاموالكل ليو بتشارو** حبل الفكر العجزنا عد أمتارو متين يستجيب وقلبك يعودلو قرارو***
قليل* الزيارة يشترون** طيب حديثة تنتظم ضربات قلبك بعد زيادة*** .............................................................. محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: سمية الحسن طلحة)
|
سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: سميه.. متابعين لكين .. اللسان مربوط ومتل نضم ناس ود الصقري ده بدور (البطانه وقشها المفروق) وعاوز أسألك .. إنتي ومنصور
أكان الحي مختر والظروف بتساعد
أم
أكان الحي مخير والظروف بتساعد
فقد بدا لي معنى ود الصقري أقرب إلى مخير (مو مسير) منه إلى مختر (لو بالخاطر) .. وعجبي من زولاً يباري السحاب الراعد ليلتقي محبوبو بقلبو (الرادتُن) فأستهان بالمسافة وعدها قضاءاً محبباً تنضح به رشاقة عبارة الرجل.
وأكان بالمراد واليمين مطلوق ما أكان أنشنق ود أبكريق في السوق
سلمتم جميعاً |
سلمك الله أخى محمد عبد الجليل متابعة كلامك ولكننى كنت أطمع فى رد الأرباب منصور السابقك على الباب قولو ياأرباب ، و لايفتى ومالك فى المدينة حسب فهمى أن مخير هى الصيغة الحديثة لِ مختر ولافرق فى المعنى بين المفردتين ربما شىء طفيف هو : التخير قطعا بين أمرين ، أما مختر فله مطلق الحرية فى الإختيار ونطمع فى الإستزادة يامنصور .
وإليكم ودالصقرى فى عينة النعام ونفيف الصقط الحار نص الليل ورففى البروق وبعد المسافة بينه وبين المحبوب وقد حفن جرايد جمله روقاي :ـ يادارع عشانيق البروق وبرفن الليل جا وعين النعايم نفن على الدادنو شالن حجولو وقفن ياالليل غادى ياروقاي جرايدك حفن
| |
|
|
|
|
|
|
Re: مسادير يا أهل المسادير إلى ما شاء الله........ (Re: سمية الحسن طلحة)
|
منصور أخوي الضرا الما راكوبة خريف الموج الزاخر، زي تمساح الكبلو إن ضرب القيف ما تلوم أخوك إن غاب عنك يوت إياهو ليك رديف وين بت الصالحين السُراي سمية أم لساناً عفيف وين ود شيقوق سيد الكلام العمرو ما قال ردي وعجيف شوقي ليكم بحور دميرة أمواجا تهدر وتب ما بتقيف شوق للريدو من لب النفوس أتمكن جافى النوم موايقي والمدامع كبن نيران الغرام من نور جبينو يبقن وريشات القلب بذكرتو طارن و طشن
سمية الحسن طلحة
| |
|
|
|
|
|
|
Re: مسادير يا أهل المسادير إلى ما شاء الله........ (Re: سمية الحسن طلحة)
|
كيفك المنصور
يطول عمرك على هذا العطاء المتواصل نحن متابعون بشقف شديييييد
ابو بكر ود يوسف
Quote: وين ود شيقوق سيد الكلام العمرو ما قال ردي وعجيف شوقي ليكم بحور دميرة أمواجا تهدر وتب ما بتقيف |
ياكا من الفي بيوت مكبرين اعمامهم نووا بالعودة والزول ابعوارض لامهم انقلب الصناديد والضرير قدامهم عوذا ابخمسة والماسكات عداد ايامهم
هيييييييييييع
| |
|
|
|
|
|
|
Re: مسادير يا أهل المسادير إلى ما شاء الله........ (Re: الطيب شيقوق)
|
يا طير أترو وحصحص وجيبلى أخبارو ورينى الدمر والمى قدل باجبارو ورينى الظروف والحال جميع فى ديارو يات من طاف حضر والقام سنين فى جوارو منصور
راتع بالعسين المن خدرتو نضارو أتقسن دربو علي بعيد مشوارو الأحباب عموم متجمعين بدوارو ياقابض القماح خاف تنحرق بنارو سمية الحسن طلحة
تلوبا شنكبو وقلع الكبر سنانن ودورن ذاتو فات عقبا رحل فنانن الصيد السمح رخص الفريع جنانن ويات من كان فصيح من شوفه صار رطانن منصور
كبار العقول يازين حسن كبرانن والبوب للتلوب الكم شجتنا ألحانن الصيد شن بحوشو برا لذيذ شنانن خاتمين الفصاحة والكلام ماخانن سمية الحسن طلحة
| |
|
|
|
|
|
|
Re: مسادير يا أهل المسادير إلى ما شاء الله........ (Re: Tareq Siddiq)
|
نحن العزانا بنعزو ونجل مقدارو والمابينا حرّم ناسو القبيل يضارو قومتنا الخلا والليل بعد هبارو زولنا نفرتقو يصبح يكوس نجارو
مجروس يا بعيد بسراع تجيبو خبارو مقطوع الشجر عدم الببل ميس دارو يا ناس خلو بالكم والكعب ما تبارو وأبقو رجال مروه والضعيف بتبارو
بتبارو من البر أى تبرون إليه
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: عبدالله الشقليني)
|
كُل ما أطِلْ أشُوفْ منصُور هِناك مُتحَكِّّّرْ عقلي سَرَح بعيد ومن كَبْس الهُموم مُتفَكِّرْ يوم الخَميس وَدَّع خلاص الناسي ما مُتذَكِّرْ
تشوف سعد البنين يا الصافى ماك متعكر ويا أبقلبا بياسع حاشا ماك مسكر يا واضح الملامح حاشا ماك متنكر ويا الحاضر ضميرك لى صفيك بتذكر
منصور
ألف كتر خيرينك يا شقلينى
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
ود مفتاح الكريم النارو ديمة ما مطفية ان مرْ عليك ودشيقوق لسمية بلغوا خالص التحية بت رجالاً ناجوا الحبيب ليلاً طويل وما غفوا الضحوية مي بت اسود الشرى والشاهد ود المحرب خالص النية الحوار المحب الطائع لي شيوخه ابداً ما غادرلهم تكية
آآخ يا ولد والله يا دوب شفتك وغيرك ما بنفوت لكن زهولا فتك أغفر يا درير طب للجروج بنختك وما بندقس عقب هاك التحيه وفتك
منصو
| |
|
|
|
|
|
|
Re: مسادير يا أهل المسادير إلى ما شاء الله........ (Re: أحمد الشايقي)
|
آآآمنصـور حباب, الديمه فاتح بابك,
آآآود المكـوك نادر عزيـز تيرابـك
في السروراب مكين فرعـك مركّز نابـك
وودناصـر وراك عرق التبلدي اتشـابك
حبابك نيخ تعال والبكره ديك حاقابك يا جنب السناجك عالى سامى جنابك للسروراب تعال خلينا كان نشابك يا ترب الأماجد خابرو صافى عقابك
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
أخي منصور حباب الزعيم البلفه ساعة العسرة حباب جبل الضرة ورى نهار الخترة لمن تعطى ايدك تتره زى صفق الاراك الشمة ريحة النترة
أسعد كثيراً بقراءة هذه المسادير الرائعة التي تعيد إلينا الذكريات الجميلة بالبوادي ودعاشها وسنطها وسيالها وأشجار الطندب والعشر حتى ، لكن ما يؤسف له أن الأسفلت قد سال شمال الوادي فأصبحت الركشة تقدل مع السفنجه والأوستن جنباً إلى جنب فترجل الأوستن والسفنجه بعد أن منعهم الحياء وحاجات تانيه من القدله مع الركشات والأمجاد. والشئ الأكثر أسفاً أخي منصور أن الدرب بعد أن إنشحط إختفت الغابات فزحف الأعراب ميممين شطر الغرب ودخلت الكهربه وعمت الفوضي معها فتري القرية بيت في آخرها مضاء والآخر منور وهي تماثل وتحاكي مباراة شطرنج شارفت على الإنتهاء فلا بيادق أو خيول مصطفة في إنتظام. التقنية والمدنية جميلة لكنها ومع شديد الأسف لم تزجي لنا نحن في تلك القرية الظالم أهلها أى شئ سوي سراويل الجينز وهجر الزراعة وركوب الحمير وتعلم صنعة البنادر من سمسرة وإحتيال وشيكات ما أنفكت تبحث عن مدارج للهبوط ولن تفعل يقيناً، ناهيك عن تجكيس نساء سوق الناقه وشراب الشاي بلبن فورموست بضمان نسله أو بدون ضمان حتى. ناس الدشيناب كان بعد أن يتخطاهم باص ود أب كمه ميمماً شطر الشمال في إتجاه قرية السناهير يثير الكثير من الغبار والعفار فكان أن ذهب معي أحد أصدقائي من ابناء البندر ذات مرة والممرات كثيرة فشاهد منظر الصبية وهم يجرون خلف الباص ينسلون من غيمة ذلك العجاج الذي يشابه الإنفجار الذري فضحك وقال لي والله لو كنت أحمل كاميرا لفزت يجائزة صورة العام ، فهؤلاء الصبية أجادوا أكثر من الفيديو كليب بتاع مايكل جاكسون ثريلا. وناس الدشيناب مشهود عنهم أنهم قوم ساخرون برغم قساوة ملامحهم وشظف العيش الذي يعيشونه ، فقد حدث أن تم تمديد أعمدة الكهرباء شمالاً وتم إنارة الكثير من القري عده قرية كانت تجري المفاوضات بين مجلسها وبين المحلية في تسوية أمور ماليه معنية فسمي أبناء الدشيناب تلك القرية حلة فطت ومازال الإسم متداول بالرغم من دخول الكهرباء لها. أشكرك منصور على هذا الإبداع وأتمنى لك المزيد من التوفيق والسداد والصحة.
ساحت إيدا في الخد المهرج وعامت ديسها نام فوق المرجرج صـورةً جهجهت قلبي المضـرج وفرع البانة لعلع فينا كربج
| |
|
|
|
|
|
|
Re: مسادير يا أهل المسادير إلى ما شاء الله........ (Re: almulaomar)
|
فرع البانه ليها المولى درج وديسا فوق كفل ياربى فرج عسل الكلام الماها جهول مهرج ولاها مسيخه للمغروض بتحرج
المله عمر يا ود الأرابيب ترب الحكماب والشهيناب الأصلاء سلام عليك وعليهم فى الأولين والآخرين...فقد كنت كالحاشى مع شكانيبهم فى صولات وجولات وكان المرحوم عبدالرحمن السيمت ذو سمته لا تضاهى وكان عمر المامور مامورا وكان ود القرم ظريفا فنجرى...وفى ضرا الشيخ الطيب القوس وقداسة وبركة السناهير والتسعين وأولاد منير كانت نزلهم آمنة مطمئنه ونسأل الله أن تظل كذلك...عزيزى لم أرى سوق الناقه ولم أرى بدعه بعين البصر ولكنى نفذت إليه ببصيرة عرضت فيلم واقعه فخلته الواقعه بلا شك بل بيقين أما تبدل الأحوال وإختفاء الزباد والبو والصبر وجداد الوادى وإختفاء الأرنوب وشقل كان يواريها من سوءة صياديها وأختفاء الحمبك ونار الحلبه ذلك المشروم البرى وأختفاء الدكك والمقى والتقى وأختفاء كل جميل وكل أصيل وكل هادف لتظل تلك الباهته الماسخه الممجوجه بكل أسباب التكلف والخداع تلك الوافده من الفضائيات الفاضيه والفضيحه...فيا عزيزى الملا أحلامنا إستغراق لصور فى الذاكره وصدق بعض نفر لا ولم يتبدل منهم أحد........................
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: غبك ودرك يازول تعال ما تغيب وأشرف فوقنا ساكت للشمارات جيب فارس المغارات إنت ياكا الضيب ويا الحافظ جوارحك حاشا ما بتعيب |
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
.............
| |
|
|
|
|
|
|
Re: مسادير يا أهل المسادير إلى ما شاء الله........ (Re: حجة امنة)
|
بعد السلام جابنى العلى و البيا
الروح يوم تنونى مابتشفى قولة احيا
تترجى الفرج ..صبرن جفل ماباقى ليهن جيا
يااخوانى هوووى كان شوقن كتلنى ماتشيلو فينى الديه
شن الديه والشوق من وراك شاوى القلوب كالشيه يا ملكة حسان الكون أصبرى شويه أمونه بنت الريل شغيله رشيه ساعلين الفرج والنوم نكوسلو عشيه
منصور
| |
|
|
|
|
|
|
|