مسادير يا أهل المسادير إلى ما شاء الله........

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 07:21 PM الصفحة الرئيسية

مكتبة منصور عبدالله المفتاح(munswor almophtah)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-11-2007, 04:27 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    الصيد صيد مداين وضلو جادعو لبيخ

    ومكلوف زاد جناين ديمه ليهو تبيخ

    الأرواح تهيم فى سوحو ديمه تنيخ

    وداك عالى المقام الساكن المريخ


    منصور
                   |Articles |News |مقالات |بيانات

19-11-2007, 08:58 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    حالى وطعمو حادق حاشا ماهو مسيخ

    وشربات من عنب كيفن تقولو فسيخ

    ملك المقدره الماهو النفيخه رويخ

    وعود المحلب المصموم وحاشا شريخ



    منصور
                   |Articles |News |مقالات |بيانات

20-11-2007, 05:06 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    ورود المى بقالك غب تجيهو هجوع
    ونار الشوق على زادت بقيت موجوع
    زى محروق حشا وطبقولو غى مفجوع
    يا فقهاء الضروره الزول حلف مرجوع


    منصور
                   |Articles |News |مقالات |بيانات

20-11-2007, 06:18 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    ورود المى الأطباء قالوا طب ممنوع
    وزاد الشوق على الروح تالقت لطلوع
    زي قمري الفروع بقى النضم مسجوع
    وناس فقه الضرورة قالوا لحسة كوع

    سمية الحسن طلحة
                   |Articles |News |مقالات |بيانات

21-11-2007, 01:42 PM

مدثر ابراهيم سعيد
<aمدثر ابراهيم سعيد
تاريخ التسجيل: 16-04-2006
مجموع المشاركات: 89

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    ورود الغب صعيب هم ما بيخبرو هجوعو

    ونار الشوق بتسري من القلب لي فروعو

    يا مالك النواصي والكون جميع في طوعو

    عجل بي دواي قول لي متين هو رجوعو
                   |Articles |News |مقالات |بيانات

21-11-2007, 07:15 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: مدثر ابراهيم سعيد)

    ورود الغب فطمنا ونحن شوقنا طلوعو

    نار الشوق شوتنا وصيدنا حاضنو ربوعو

    يا ود سعيد المطره صابه دموعو

    كيف نقدر على الراجينو زادو منوعو



    منصور
                   |Articles |News |مقالات |بيانات

22-11-2007, 08:44 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    ورود المى الأطباء قالوا طب ممنوع
    وزاد الشوق على الروح تالقت لطلوع
    زي قمري الفروع بقى النضم مسجوع
    وناس فقه الضرورة قالوا لحسة كوع

    سمية الحسن طلحة



    فقد اليوم بسل الروح تقولو سبوع

    علوق الشده شن معناتو بعد الجوع

    ظبية القوز صبيحه وطلعها المرنوع

    تلالى خدودا زى كتف الفريق مرصوع


    منصور
                   |Articles |News |مقالات |بيانات

22-11-2007, 05:30 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    أرض الله الوسيعه علي بقت منشبره
    من لهطي وتِقِربني كل صاحب يبرا
    عارفك يالظهــورِك مي رديه ودبره
    فقدك أحرَّ من سم أب لـــدغةً نبره

    ودشوراني
                   |Articles |News |مقالات |بيانات

22-11-2007, 06:49 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    أرض الله الوسيعه على بقت قد إبره
    طعنا فوق جرح ما ظنو تانى بيبرأ
    ضهر الماصع الممرون نضيف من دبره
    ساق الزول بعيد فى حلقو خانقه العبره



    منصور
                   |Articles |News |مقالات |بيانات

25-11-2007, 10:46 AM

مدثر ابراهيم سعيد
<aمدثر ابراهيم سعيد
تاريخ التسجيل: 16-04-2006
مجموع المشاركات: 89

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    شاحدك يا الكريم الفُرْ قة منها نبرا

    وناراً موقدي في الجوف ما بتموت بي عَبْرَه

    كان الزول رحولو مني قسراً وجبرا

    اخير المِيتة من قولَة جميلاً وصبرا


    ----------------------------
    التعديل للإستغفار
    استغفر الله
    فصبر جميل والله المستعان على ما تصفون

    (عدل بواسطة مدثر ابراهيم سعيد on 25-11-2007, 10:54 AM)

                   |Articles |News |مقالات |بيانات

25-11-2007, 11:14 AM

مدثر ابراهيم سعيد
<aمدثر ابراهيم سعيد
تاريخ التسجيل: 16-04-2006
مجموع المشاركات: 89

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: مدثر ابراهيم سعيد)

    جرحنا يبرا بي شوفت الوشيهو صباح

    وارض الله الوسيعة علينا زادا براح

    كان حكم القدر فرقتنا في الالواح

    لا طب حكما ينفع لا عزِم صُلاّح

    (عدل بواسطة مدثر ابراهيم سعيد on 26-11-2007, 11:26 AM)

                   |Articles |News |مقالات |بيانات

25-11-2007, 06:28 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: مدثر ابراهيم سعيد)

    في أرض الله الوسيعة لربوعن هبرة
    والقابض الجمر صعيب عليه الصبرا
    في الصايدني لا لي إيد ولا لي خبرة
    لطفك ياالرحمتك واسعة مي منعبرة

    سمية الحسن طلحة
                   |Articles |News |مقالات |بيانات

25-11-2007, 01:40 PM

مدثر ابراهيم سعيد
<aمدثر ابراهيم سعيد
تاريخ التسجيل: 16-04-2006
مجموع المشاركات: 89

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    من غيبتو العقل طش وبقيت مصروعو

    ومن جيتو القليب ما بيمسكنو ضلوعو

    انقشع الضلام روّح وِدِرْ من ضوعو

    لا بحمل نشوقو ولا بنحملو طلوعو
                   |Articles |News |مقالات |بيانات

25-11-2007, 06:55 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: مدثر ابراهيم سعيد)

    جرحنا يبرا بي شوفت الوشيهو صباح

    وارض الله الوسيعة علينا زيدا براح

    كان حكم القدر فرقتنا في الالواح

    لا طب حكما ينفع لا عزِم صُلاّح




    برقا من عيونو خلعنى والبى راح

    وزى موعود لقا وشرقا ليالى صباح

    إنجمع الشمل والكان بقالنا رباح

    ولطف المولى باين للبريقن لاح





    منور
                   |Articles |News |مقالات |بيانات

25-11-2007, 07:15 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    شاحدك يا الكريم الفُرْ قة منها نبرا

    وناراً موقدي في الجوف ما بتموت بي عَبْرَه

    كان الزول رحولو مني قسراً وجبرا

    اخير المِيتة من قولَة جميلاً وصبرا


    **************************************

    في أرض الله الوسيعة لربوعن هبرة
    والقابض الجمر صعيب عليه الصبرا
    في الصايدني لا لي إيد ولا لي خبرة
    لطفك ياالرحمتك واسعة مي منعبرة

    سمية الحسن طلحة



    حليل الكان حداى واليوم صبح فى جبره
    حليلو الحادق اب لهجا عسل فى النبره
    ناشر الناس جميع رافع البموت من قبره
    أجمع تانى بينا وفكو داك ضيق عبره


    منصور
                   |Articles |News |مقالات |بيانات

25-11-2007, 07:22 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote: حليل الكان حداى واليوم صبح فى جبره
    حليلو الحادق اب لهجا عسل فى النبره
    ناشر الناس جميع رافع البموت من قبره
    أجمع تانى بينا وفكو داك ضيق عبره


    منصور المنصور بإذن الله
    سـلام عليكم
    كأنك تجابرني في معناتي
    لك التحية ولزوارك الكرام أجمل تحياتي
                   |Articles |News |مقالات |بيانات

25-11-2007, 08:28 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    لامن شوفي راح أنا قلبي ما خلاّهن
    جفلن مني هن ولا هسه جاري وراهن
    خدّادِن درر برق الظلام بسماهن
    منزوع النحل وضعه الإله في فاهن


    منزوع النحل طب النفوس وشفاهن
    خلقو المولى زاد واتحملنو شفاهن
    الخرف العكشنى حرمنى طاعم شاهن
    وكضاب البقول أنا قلبى مابشهاهن


    منصور

    (عدل بواسطة munswor almophtah on 25-11-2007, 08:30 PM)

                   |Articles |News |مقالات |بيانات

26-11-2007, 01:06 PM

مدثر ابراهيم سعيد
<aمدثر ابراهيم سعيد
تاريخ التسجيل: 16-04-2006
مجموع المشاركات: 89

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    منزوع النحل طب النفوس وشفاهن
    خلقو المولى زاد واتحملنو شفاهن
    الخرف العكشنى حرمنى طاعم شاهن
    وكضاب البقول أنا قلبى مابشهاهن




    العسل المصفّى فاتنو تب في صفاهن

    منضومات نضم متل العقد صافاهن

    إتْوَهدَبْ كِتِلْ من شوفتي بسمة فاهن

    والعجب ان كمان طبقن عليهو لماهن

    (عدل بواسطة مدثر ابراهيم سعيد on 26-11-2007, 01:16 PM)

                   |Articles |News |مقالات |بيانات

25-11-2007, 08:41 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    مالك يالمنسى ممكون متلى ريتك تبرأ
    ترجع دار جعل من ضيق ظلام الهجره
    خلق الزول بضيق دايما تجيهو الضجره
    شوق الزول بزيد وكتين تزيد الحجره



    منصور
                   |Articles |News |مقالات |بيانات

25-11-2007, 09:04 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    واحدين كربجوهن وبالبطاين قفّن
    واحدين همهم ديل سورجن وديل صَفّن
    واحدين جالسو الفوق الديباج يتغفّن
    الحي رِزقو ياكلو والبموت بتكفّن


    الشيخ عبد العزيز
                   |Articles |News |مقالات |بيانات

25-11-2007, 09:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: مالك يالمنسى ممكون متلى ريتك تبرأ
    ترجع دار جعل من ضيق ظلام الهجره
    خلق الزول بضيق دايما تجيهو الضجره
    شوق الزول بزيد وكتين تزيد الحجره



    المأذيني فرق من الحبيب ووليدّي
    الجرح غوّر ماأظن دوا طبيب بيفيدني
    شاحد الله الكريم يحل عقدتي المعقودّي
    يجمع شملنا إن كان في ضل شديرّي بعيدي

    (عدل بواسطة خالد علي محجوب المنسي on 26-11-2007, 08:11 PM)

                   |Articles |News |مقالات |بيانات

25-11-2007, 09:19 PM

abdelgadir mustafa

تاريخ التسجيل: 27-08-2006
مجموع المشاركات: 524

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    واحدين متلى متاخرين جوها النمه
    شايلين ريحه دعاش عطرا لذيذبنشما
    قاصدين العزاز اهل الكرم واللمه
    طارين القمارى ناوين مبيت ناس شمه
                   |Articles |News |مقالات |بيانات

29-11-2007, 05:50 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: abdelgadir mustafa)

    ياالهرع المكملة فيك حرارة عايد
    براوة عليك هجمت الليهو قلبنا رايد
    ود الحوري مندوف أب وضيباً قايد
    ربطو و ميّزو جابلو العلوق الزايد


    ود شوراني
                   |Articles |News |مقالات |بيانات

30-11-2007, 06:13 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    واحدين كربجوهن وبالبطاين قفّن
    واحدين همهم ديل سورجن وديل صَفّن
    واحدين جالسو الفوق الديباج يتغفّن
    الحي رِزقو ياكلو والبموت بتكفّن


    الشيخ عبد العزيز



    قبل القومه ملحوا لى أم خشيما عفن
    وشدوا على البزازن وبالبطانات لفن
    كواسر للخشش ماهم رخم بتفن
    قنيصهم للطبقن البوخه فوقها اتدفن



    منصور

    (عدل بواسطة munswor almophtah on 30-11-2007, 06:15 PM)
    (عدل بواسطة munswor almophtah on 30-11-2007, 10:38 PM)

                   |Articles |News |مقالات |بيانات

05-12-2007, 04:48 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    واحدين متلى متاخرين جوها النمه
    شايلين ريحه دعاش عطرا لذيذبنشما
    قاصدين العزاز اهل الكرم واللمه
    طارين القمارى ناوين مبيت ناس شمه




    دايما ليك مكان يا زول كبير الهمه
    ناقص الجلسه يا دوب بى ستر بنتمه
    يا ملح المجالس ليك نعود نتلمه
    نحسب من جديد عقبان نجيب النمه


    منصور
                   |Articles |News |مقالات |بيانات

13-12-2007, 06:33 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    بأس الحديد رب العباد كافينا
    من شر خلقو واقف ديدبان حامينا
    وسواس خلقو والعقد المنفثه فينا
    داك رب الفلق واغب الغسق طارينا

    منصور



    الليلة الحديد صادف حديد النينا
    قلبو صميم جبال التاكا فيهن لينا
    قال لي الشطارة معروفة ورثاً فينا
    قُت ليهو الرسالة عنوانا تب كافينا

    سمية الحسن طلحة
                   |Articles |News |مقالات |بيانات

23-12-2007, 09:31 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    يا أهل الصلاح والصوله يا الواصلينا
    يا ترب الفلاح بندور دعاكم لينا
    ناس جبل الحديد الفى البطانا بزينا
    أقضوا غردنا من سير شوقنا نحن حفينا



    منصور

    (عدل بواسطة munswor almophtah on 23-12-2007, 09:32 PM)

                   |Articles |News |مقالات |بيانات

24-12-2007, 07:33 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    اختف كراعك شروق قبال بزوغ الضي
    ناس جبل الحديد راقدين صعيدا صي
    كاربين الحزم ما فيها حبلا ني
    وفي سدر الروكي دايرهن الحقوك يا جني







    أبوعلى السودانى
                   |Articles |News |مقالات |بيانات

24-12-2007, 08:27 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    اختف كراعك شروق قبال بزوغ الضي
    ناس جبل الحديد راقدين صعيدا صي
    كاربين الحزم ما فيها حبلا ني
    وفي سدر الروكي دايرهن الحقوك يا جني


    أبوعلى السودانى




    فى القدسى الحديث بى سرو كن كانلى
    وبى سر عبدو بقباق القلع بانلى
    اب لمبات صعيب الحال قسم هانلى
    ولاحق الميس جرب من وردو شارب رى



    منصور
                   |Articles |News |مقالات |بيانات

24-12-2007, 11:50 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    اختف كراعك شروق قبال بزوغ الضي
    ناس جبل الحديد راقدين صعيدا صي
    كاربين الحزم ما فيها حبلا ني
    وفي سدر الروكي دايرهن الحقوك يا جني


    أبوعلى السودانى

    ياالجبل الحجزت بين النار والمَي
    هبار الشروق واسع سدركن فَي
    قال أبوعلي الفارس البخود الدَي
    الفي سدر الروكي ألحقوهم لَي

    سمية الحسن طلحة
                   |Articles |News |مقالات |بيانات

24-12-2007, 04:42 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    السلام عيكم،


    جبال الروكي دربا زلق يا سمي
    متراميات طرف وعقبان جليدا سي
    متوكرهن مشوبح بين الممات والحي
    كاتلو الشوق اسوي القوق مراد الري



    أبوعلى السودانى
                   |Articles |News |مقالات |بيانات

24-12-2007, 11:39 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    يا أهل الصلاح والصوله يا الواصلينا
    يا ترب الفلاح بندور دعاكم لينا
    ناس جبل الحديد الفى البطانا بزينا
    أقضوا غردنا من سير شوقنا نحن حفينا


    منصور

    ياأهل الصلاح ياأبواتي وينكم لينا
    ناس جبل الحديد يا سبق السابقينا
    قبل الصيحة تلفونا وتعرفوا البينا
    أقضوا غردناوغرد يات من محقب فينا

    سمية الحسن طلحة
                   |Articles |News |مقالات |بيانات

24-12-2007, 04:39 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    ياالجبل الحجزت بين النار والمَي
    هبار الشروق واسع سدركن فَي
    قال أبوعلي الفارس البخود الدَي
    الفي سدر الروكي ألحقوهم لَي

    سمية الحسن طلحة




    السلام عيكم،


    جبال الروكي دربا زلق يا سمي
    متراميات طرف وعقبان جليدا سي
    متوكرهن مشوبح بين الممات والحي
    كاتلو الشوق اسوي القوق مراد الري
    اهلها كفر وخاتي شكرقبيحة زي
    مي ابودليق ولي ابزليق ديار رام في
    البضبحو شول اكرمو الزول مطايب وني
    ناس علي عيش اكف الديش وما سو شي
    .


    أبوعلى السودانى
                   |Articles |News |مقالات |بيانات

24-12-2007, 11:30 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    جبال الروكي دربا زلق يا سمي
    متراميات طرف وعقبان جليدا سي
    متوكرهن مشوبح بين الممات والحي
    كاتلو الشوق اسوي القوق مراد الري

    أبوعلى السودانى



    أب على شن بقول يا أخوانا فسرو لى
    والشوق كان طمح فسراع بنلقى خوى
    الروكى كان بعيد جمع الأرض والطى
    ولى جبل الحديد الخاتى دق النى



    منصور
                   |Articles |News |مقالات |بيانات

25-12-2007, 10:26 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    العيد مبارك عليكم كلكم أهل المسادير
    والمعاني السمحة

    منصور: كفارة وحمدلله على السلامة ..
    والجاتك في عربيتك سامحتك ..

    يالله أرح قاعدين نقراكم كلمة كلمة
                   |Articles |News |مقالات |بيانات

26-12-2007, 08:37 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    الأقدار موجهه نحن ليها عمايا
    ما بنقدر نفوتا أكان شربنا محايا
    حرص الزول محدد والقلوب سهايا
    فوق شرك القدر قمريه طبق الآيه




    محمد كل سنه وإنت بألف خير وأبوعلى دا من بين ماريا وإيدالولى وعمو حجازى وأخوهو يحى وأسأل الجماعه بوروك


    منصور

    (عدل بواسطة munswor almophtah on 26-12-2007, 08:39 AM)

                   |Articles |News |مقالات |بيانات

26-12-2007, 09:17 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    جبال الروكي دربا زلق يا سمي
    متراميات طرف وعقبان جليدا سي
    متوكرهن مشوبح بين الممات والحي
    كاتلو الشوق اسوي القوق مراد الري
    اهلها كفر وخاتي شكرقبيحة زي
    مي ابودليق ولي ابزليق ديار رام في
    البضبحو شول اكرمو الزول مطايب وني
    ناس علي عيش اكف الديش وما سو شي
    .


    أبوعلى السودانى




    الروكى وقتين نقول جبل الفراتيت هى
    وماهن فى الصقايع ولا حداهن صى
    فيهن دب ضبع ماكل السلات النى
    وفوقها مخوى قانص وإنت شفتو حدى
    وشها ليك بكشفو وسمحه ساحرة زى
    بجوها الناس يحجوا وفيها كمين شئ
    منابع المويه من غنن الجبال مى دوى
    ومرحات صيدا تخلف فوق كبادنا الكى



    منصور
                   |Articles |News |مقالات |بيانات

26-12-2007, 08:52 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    الجبال تطير من فوق لي السماك وتري
    وفوق لي بنات نعش ان صنقعت ما شوف شي
    خليهن وارح اديهن قفاك ضحي
    ويا ما تليم جبال سيلها العفاف ومحي
    ويا ما تشوف غزالا عين ترمي حدي
    المن امات رميلة متركشات لا شمي
    مجافيات الروكي اووردو الصقيع مو مي
    نبع جمد ونبت همد تحت الصقيع بقي هي


    ملحوظة

    الجبال بفتح الجيم وتشديد الباء علي الطريقة السودانية

    أبوعلى السودانى
                   |Articles |News |مقالات |بيانات

26-12-2007, 11:44 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote: الأقدار موجهه نحن ليها عمايا
    ما بنقدر نفوتا أكان شربنا محايا
    حرص الزول محدد والقلوب سهايا
    فوق شرك القدر قمريه طبق الآيه



    أحكام القدر في رقابنا ماشة وجاية

    شاربين الوجع ماقلنا منو كفاية

    صابرين للمرار ساجدينلو في المصلاية

    شاحدين الآله كان لي عذابنا نهاية !!
                   |Articles |News |مقالات |بيانات

27-12-2007, 08:02 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: نادية عثمان)

    جبال الروكي دربا زلق يا سمي
    متراميات طرف وعقبان جليدا سي
    متوكرهن مشوبح بين الممات والحي
    كاتلو الشوق اسوي القوق مراد الري
    اهلها كفر وخاتي شكرقبيحة زي
    مي ابودليق ولي ابزليق ديار رام في
    البضبحو شول اكرمو الزول مطايب وني
    ناس علي عيش اكف الديش وما سو شي


    أبوعلى السودانى

    الليلة أب علي جاب طاري القرونهم لي
    سمحين الخصال وكمان مليحين زي
    من سافل صعيد ودساقرتة عرّج بي
    علي أهلي الغرامهم خِلقة ساكن فِي
    سمية الحسن طلحة
                   |Articles |News |مقالات |بيانات

27-12-2007, 07:44 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    أحكام القدر في رقابنا ماشة وجاية

    شاربين الوجع ماقلنا منو كفاية

    صابرين للمرار ساجدينلو في المصلاية

    شاحدين الآله كان لي عذابنا نهاية !!



    ناديه




    قدر الزول بهون وقتين يشوفلو حكايه

    أكبر من مصيبتو وليهو تبقى مرايا

    صبر الزول سمح وقتين تصيبو بلايا

    عان ناس بوتو ديل فرموها فى قلايا




    وكل سنه وأنتى أكثر فرحا وأكثر
    رضا وشكرا وكذا الإبنه



    منصور
                   |Articles |News |مقالات |بيانات

27-12-2007, 08:00 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    الليلة أب علي جاب طاري القرونهم لي
    سمحين الخصال وكمان مليحين زي
    من سافل صعيد ودساقرتة عرّج بي
    علي أهلي الغرامهم خِلقة ساكن فِي


    سمية الحسن طلحة




    أبو على غاص مغور فى اللحيم الحى
    وجاب بلد البطاحين ما ترك من شئ
    ناس رانفى البدوبى على الشويدره جدى
    وناس ود عيش بكفو الفى العلالى حدى


    منصور
                   |Articles |News |مقالات |بيانات

27-12-2007, 09:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    الزول السمح باقّي غير دِليك
    يبرق في العيون دون خُمر ووديِك
    كايد أترابو ونازل في القلوب تهليك
    قلوبنا زي الخدرا بين إيدينو لي التوريق

    خالد

    (عدل بواسطة خالد علي محجوب المنسي on 27-12-2007, 09:56 PM)
    (عدل بواسطة خالد علي محجوب المنسي on 29-12-2007, 11:25 AM)

                   |Articles |News |مقالات |بيانات

29-12-2007, 01:08 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    يا دوب بتقت فسراع بتبقى فريك
    ومن نز التقانت شاربه بى تكنيك
    سعيد الحظ جنب ماهو الدلاهه عميك
    وما بنقدر نداقرو أكان حلف برميك




    منصور

    (عدل بواسطة munswor almophtah on 29-12-2007, 01:10 AM)
    (عدل بواسطة munswor almophtah on 29-12-2007, 01:11 AM)

                   |Articles |News |مقالات |بيانات

30-12-2007, 10:05 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    يا دوب بتقت فسراع بتبقى فريك
    ومن نز التقانت شاربه بى تكنيك
    سعيد الحظ جنب ماهو الدلاهه عميك
    وما بنقدر نداقرو أكان حلف برميك

    منصور


    مشتول التقانت نوارو باسم ليك
    والعفرت تظن سحابو تب راويك
    تتعشم تقول لامن تمد إيديك
    حارسو الجنب من القطف يعفيك

    سمية الحسن طلحة
                   |Articles |News |مقالات |بيانات

30-12-2007, 10:18 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    الزول السمح باقّي غير دِليك
    يبرق في العيون دون خُمر ووديِك
    كايد أترابو ونازل في القلوب تهليك
    قلوبنا زي الخدرا بين إيدينو لي التوريق

    خالد


    الزول السمح من كل نوع يديك
    يزيد في الدلال وإت تزيد في الفيك
    بألوان قزح مطر الخريف يغريك
    كان خلينو إت هواهو ما بخليك

    سمية الحسن طلحة
                   |Articles |News |مقالات |بيانات

31-12-2007, 09:32 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    مشتول التقانت نوارو باسم ليك
    والعفرت تظن سحابو تب راويك
    تتعشم تقول لامن تمد إيديك
    حارسو الجنب من القطف يعفيك

    سمية الحسن طلحة



    مشتول التقانت منو عبو الريك
    ومن سمح المسور ضمنوه مانع الشيك
    طالب المستحيل ماهو الهوين كيك
    وماهو دجل مشعوذ ديمه لاعب بيك


    منصور
                   |Articles |News |مقالات |بيانات

31-12-2007, 07:45 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    مشتول التقانت منو عبو الريك
    ومن سمح المسور ضمنوه مانع الشيك
    طالب المستحيل ماهو الهوين كيك
    وماهو دجل مشعوذ ديمه لاعب بيك


    منصور


    العز بالمواريث والدلع راجيك
    وسمت القفل قطفتو بي إيديك
    ركوب الصعاب معروف طبيعةً فيك
    طالب المستحيل طرورة ما بباريك

    سمية الحسن طلحة
                   |Articles |News |مقالات |بيانات

31-12-2007, 08:28 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: الزول السمح من كل نوع يديك
    يزيد في الدلال وإت تزيد في الفيك
    بألوان قزح مطر الخريف يغريك
    كان خلينو إت هواهو ما بخليك

    سمية الحسن طلحة


    أوعد يا رب بي متل الزويل دا
                   |Articles |News |مقالات |بيانات

01-01-2008, 09:47 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    Quote: أوعد يا رب بي متل الزويل دا

    رب العزة قادر كان سألت بعطيك
    وكان أعطاك الكريم مافي من بحميك
    تتزلل صعاب والقاسية بتهون ليك
    في العام الجديد تلقاها كل أمانيك

    سمية الحسن طلحة


    كل عام والكل بخير
                   |Articles |News |مقالات |بيانات

01-01-2008, 01:24 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: رب العزة قادر كان سألت بعطيك
    وكان أعطاك الكريم مافي من بحميك
    تتزلل صعاب والقاسية بتهون ليك
    في العام الجديد تلقاها كل أمانيك

    سمية الحسن طلحة


    آميــــــــــــــــــــــــــــــــــــــن
                   |Articles |News |مقالات |بيانات

02-01-2008, 09:21 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    العز بالمواريث والدلع راجيك
    وسمت القفل قطفتو بي إيديك
    ركوب الصعاب معروف طبيعةً فيك
    طالب المستحيل طرورة ما بباريك

    سمية الحسن طلحة



    سكن الناس إيجار وانت القصور تمليك
    ويا المالك كرامتك مين بقول بمليك
    لبن الطير حقيقه إن درتو إنت بجيك
    وداك سابع المحال جالبنو من دخريك


    منصور
                   |Articles |News |مقالات |بيانات

02-01-2008, 06:10 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    سكن الناس إيجار وانت القصور تمليك
    ويا المالك كرامتك مين بقول بمليك
    لبن الطير حقيقه إن درتو إنت بجيك
    وداك سابع المحال جالبنو من دخريك


    منصور

    بالعام الجديد جايين نباخت ليك
    بقدم السعد إنشاء الله هلاّ عليك
    سبّاق للمكارم والواجبة دون مِحريك
    والقايلين بطيروا ما بلحقوه مشيك

    سمية الحسن طلحة
                   |Articles |News |مقالات |بيانات

02-01-2008, 08:34 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    بالعام الجديد جايين نباخت ليك
    بقدم السعد إنشاء الله هلاّ عليك
    سبّاق للمكارم والواجبة دون مِحريك
    والقايلين بطيروا ما بلحقوه مشيك

    سمية الحسن طلحة



    مقبول السلام من المساقط ديك
    ومتلو كمان سلام من فاس بلدنا بجيك
    الميج البطير عند الكرم با ريك
    وتيسا للركوب ساعة الضيوف بفديك


    منصور
                   |Articles |News |مقالات |بيانات

02-01-2008, 09:08 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    مُرسل للحبيبة,,, أمي السلام بغريك
    بتذكر وداعك ودمع العيون ترويك
    يوم تِقلت خُطاي تباري فيهو مشيك
    في العام الجديد نبض القلوب بهديك
                   |Articles |News |مقالات |بيانات

03-01-2008, 04:26 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: تماضر الخنساء حمزه)

    مُرسل للحبيبة,,, أمي السلام بغريك
    بتذكر وداعك ودمع العيون ترويك
    يوم تِقلت خُطاي تباري فيهو مشيك
    في العام الجديد نبض القلوب بهديك


    تماضر الخنساء حمزه



    مرسل للحبيبة... أمي كل لحظة وانت بألف خير

    رب العالمين المافي ليهو شريك
    وصانا نبرك دون وصاية عليك
    شفيع الأمة زاد أشواقنا في التحريك
    يوم قال الجنان بتكون تحت قدميك

    سمية الحسن طلحة
                   |Articles |News |مقالات |بيانات

03-01-2008, 05:18 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: رب العالمين المافي ليهو شريك
    وصانا نبرك دون وصاية عليك
    شفيع الأمة زاد أشواقنا في التحريك
    يوم قال الجنان بتكون تحت قدميك

    سمية الحسن طلحة


    مقامها كبير وفي القليب دا رُقادّا
    ست الهم العظيم ولي البطان مُشهادّا
    تتبن لي المريض ولي البعيد سهادّا
    ما بنوفيها حقها هي زي النجوم في بعادّا

    خالد
                   |Articles |News |مقالات |بيانات

04-01-2008, 03:34 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    مُرسل للحبيبة,,, أمي السلام بغريك
    بتذكر وداعك ودمع العيون ترويك
    يوم تِقلت خُطاي تباري فيهو مشيك
    في العام الجديد نبض القلوب بهديك


    تمُاضر الخنسناء


    متل العند خناس من بر أظنو بصيبك
    وحب الوالدين فايزابو بعدل صيبك
    فوز الجنه قبض ايد بالأمومه نصيبك
    وسمح القول دوام بلداتو راخى خصيبك


    منصور

    (عدل بواسطة munswor almophtah on 04-01-2008, 03:36 AM)

                   |Articles |News |مقالات |بيانات

04-01-2008, 09:28 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    مقامها كبير وفي القليب دا رُقادّا
    ست الهم العظيم ولي البطان مُشهادّا
    تتبن لي المريض ولي البعيد سهادّا
    ما بنوفيها حقها هي زي النجوم في بعادّا

    خالد


    أمطار السعد كل يوم عليك تترادى
    يانجمة سعودنا الفي الضلام وقادة
    بي حبك نفوز كالختمت حياتو شهادة
    عاجل البر يكون في الدنيا لينا سعادة

    سميةالحسن طلحة
                   |Articles |News |مقالات |بيانات

04-01-2008, 09:37 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: مرسل للحبيبة... أمي كل لحظة وانت بألف خير

    رب العالمين المافي ليهو شريك
    وصانا نبرك دون وصاية عليك
    شفيع الأمة زاد أشواقنا في التحريك
    يوم قال الجنان بتكون تحت قدميك

    سمية الحسن طلحة

    أمي الحبيبة والله بشتاق ليك
    حنية العيون وملمسن إيديك
    الكون جميع مابساوي إت عينيك
    حتّى الجنّة حق رايداك تحت كِرعيك
                   |Articles |News |مقالات |بيانات

04-01-2008, 09:43 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    Quote: مقامها كبير وفي القليب دا رُقادّا
    ست الهم العظيم ولي البطان مُشهادّا
    تتبن لي المريض ولي البعيد سهادّا
    ما بنوفيها حقها هي زي النجوم في بعادّا


    صدق من قال أقوالنا فيها مُعادة
    وقدر من نزيد تقصيرنا باقي زيادة
    بطراها الحنينة بي مبخرا وأعوادا
    ربي يزيد هناكي ويديكي ديمة سعادة
                   |Articles |News |مقالات |بيانات

06-01-2008, 03:22 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: تماضر الخنساء حمزه)

    الصيد البرد بالليل مراحو بشقن
    وتال كبر الطلح بدرعنو برقن
    كبشا مندفع ختمن قفاهو عنقن
    وافرات للجمال كعب الكلام ما بلقن




    منصور
                   |Articles |News |مقالات |بيانات

06-01-2008, 09:06 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29056

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    ود المفتاح

    كل عام وانت بالف خير

    اهلك ناس منتدى سنار جميعهم في انتظارك وقالوا عنك الكثير ارجو تصفح منتداهم العام للاطلاع على ما قيل عن منصور المفتاح . ارجوك ان تطل عليهم عبر نافذتهم الاسفيرية وتسهم ولو بالقليل من ابداعاتكم .

    Sennar.net.com

    لك عميق مودتي

    اخوك
    ود شيقوق
                   |Articles |News |مقالات |بيانات

06-01-2008, 10:48 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: الطيب شيقوق)

    الصيد البرد بالليل مراحو بشقن
    وتال كبر الطلح بدرعنو برقن
    كبشا مندفع ختمن قفاهو عنقن
    وافرات للجمال كعب الكلام ما بلقن

    منصور


    أخوات القمر نور الكهارب طفن
    وفي خلق الله نيران الكماين بقن
    شايقني حديثا عنهن ومعنعن
    عندكم الكلام موفور وماهو ملقن

    سمية الحسن طلحة
                   |Articles |News |مقالات |بيانات

07-01-2008, 08:29 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: الطيب شيقوق)

    سنار دار ملوك من فونج قديم وعنج
    وارباب واحدم ماهم تبيعه همج
    أصحاب كلمه صر معدوم إصيبها غنج
    وديل أصحاب تراث ماهم جهوله سمج



    يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى

    ولك السلام

    منصور
                   |Articles |News |مقالات |بيانات

06-01-2008, 11:33 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14363

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote:

    الصيد البرد بالليل مراحو بشقن
    وتال كبر الطلح بدرعنو برقن
    كبشا مندفع ختمن قفاهو عنقن
    وافرات للجمال كعب الكلام ما بلقن




    الله الله , يا المنصـور , ياهو دا الشكر كدي,

    متعك الله بالصحـة والعافيـة



    أحمـد الشايقي
                   |Articles |News |مقالات |بيانات

07-01-2008, 09:43 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29056

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: أحمد الشايقي)

    Quote: سنار دار ملوك من فونج قديم وعنج
    وارباب واحدم ماهم تبيعه همج
    أصحاب كلمه صر معدوم إصيبها غنج
    وديل أصحاب تراث ماهم جهوله سمج



    يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى


    الاخ المنصور يا ايها الزهو المباح

    قواسيب المودة والثناء لك ايها المخضرم وعقبال لاولادك وما احلى فرحة زواج الابناء يا ود المفتاح .

    برضي في انتظار طلتك في منتدى اهلنا ناس سنار للاطلاع على ما قيل عن منصور المفتاح وفرحتهم بطلتك الموعودة .

    أكرر عميق مودتي
                   |Articles |News |مقالات |بيانات

08-01-2008, 08:13 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: أحمد الشايقي)

    الشايقى الأصيل فى الدار حباب أقدامك
    يا فاعل المكارم مين بفوت قدامك
    الناس فى العدم دخريها باذلو إيدامك
    يا مطر الخريف إنت البخافو صدامك



    كتر خيرينك يا الشايقى ولك السلام والتحايا



    منصور
                   |Articles |News |مقالات |بيانات

08-01-2008, 08:45 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote: بالعام الجديد جايين نباخت ليك
    بقدم السعد إنشاء الله هلاّ عليك
    سبّاق للمكارم والواجبة دون مِحريك
    والقايلين بطيروا ما بلحقوه مشيك

    سمية الحسن طلحة


    آمين يا سلمى .. والله كلامكن يكيف
    وضحكتني (محريك) .. إنتو برضو في البطانة
    بتقولوما تتمحرك لمن يتثاقل في العمل

    أرح سفر المسادير ينحو للأعمق
                   |Articles |News |مقالات |بيانات

08-01-2008, 09:09 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    آمين يا سلمى


    تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده



    منصور
                   |Articles |News |مقالات |بيانات

08-01-2008, 01:23 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    آمين يا سلمى

    ! ؟

    ود عبد الجليل حايداني فيك منصدمة
    كيف يغباك مشهاد البدر ليل تمه
    ياضو القبايل في السنين الصرمة
    يسلمك الله من كيد ناس عزيزة
    وسلمى

    سمية الحسن محمد طلحة
                   |Articles |News |مقالات |بيانات

08-01-2008, 01:33 PM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: يسلمك الله من كيد ناس عزيزة وسلمى


    سمية العزيزة كيف حالك والله دي ياها المرحكة زاتا!
    هل تعلمي أنك سمية مو كدي وبس زوجتي إسمها سمية برضو
    لكين إيدي شترا ومتمرحكة كمان، وطالما جبتي
    المسدار السمح ده .. بركه الغلته للمرة الثانية
    ولك العتبى يا من تضمخين وجداننا بجميل الكلم
    ويا ريت لو كنت بعرف أمسدر لكنت ....

    يا سمية العفو والله غلتانين
    لكين القليب مشدوه زمانا شين
    ما يصح يغباني مشهاد بدر دورين
    طالبين السماح يا بت عزاز بطاحين
                   |Articles |News |مقالات |بيانات

08-01-2008, 03:02 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    حاشاك يامحمد المحركة والشتارة
    لكن
    منصور دا صالح ظنيتا دي مغارة راسا عديل
    الناس بدخلوا مسيدو دا يختوا حاجتم ويمرقوا
    مابتجاسروا يهبشوا بحرو


    يا سمية العفو والله غلتانين
    لكين القليب مشدوه زمانا شين
    ما يصح يغباني مشهاد بدر دورين
    طالبين السماح يا بت عزاز بطاحين

    محمد عبدالجليل


    أبوالصادق أخو السمحات أخو السمحين
    جموعية صم تيران دواس تورشين
    ما بنلوم أكان ماكنا ليك دايرين
    مسموح ياالسمح فالك عديلة وزين

    سمية الحسن طلحة
                   |Articles |News |مقالات |بيانات

08-01-2008, 05:17 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    من يوم شفتو وعيني جَفتْ تغميدّا
    غزيز ديسا متوسد الحِزوز في جيدا
    تقدل بي مهل والقلوب يزيد تطريبا
    هالكا العِباد تشوف الدموم في وريدا

    خالد
                   |Articles |News |مقالات |بيانات

09-01-2008, 07:23 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)

    Quote: تعرف يا محمد البتمحركو ديل الذين تخف سيقانهم
    زمن الغنائم وتتثاقل أرجلهم زمن الزحف إلى الكاشير
    أو أيديهم زمن الكمسارى يفرقع بأصابعه لمن نام عمدا
    لك السلام يا ظريف وعلى نايل كلمه أحمد يوسف بو حريره
    بوحريده


    المنصور - وتتمرحكوا تلقيتها أول ما تلقيتها من عمي
    حامد، كان يقول (الشفع ديل يتمرحكوا من الصباح قلعوا
    عشرين حوض بس) وعمي حامد - أطال الله عمره - لازال
    مزارعا بيده وقد تجاوز الثمانين، ذهبت إليه الســـنة
    الفاتت في الزراعة عندو سدره ضليلة وتحتها نص عنقريب
    وقلت ليهو ياخي العنقريب دا قصير وانتا ضهرك موجعك،
    قال لي: هازول أنا مما ضربني النحل تاني ما حسيت لي
    بي شيء، وأشار بيده إلى أعلى السدرة حيث الخليــــة
    الكبيرة حاوية النحل الضربو عندما هرب كل الحضـــور
    إلا هو تمرحك خايف من اللوم فجاءت مرحكته شفاءا تاماً
    من وجع الضهر، فبعضهم يتفادى بها دفع القروش وآخــر
    يستخدمها لدفع اللوم والدنيا كلها دفع واللوم بجــي
    بالغفلات.

    سمية - تاني ما بجادعكن بالمسادير تب لا إنتي لا منصور
    بدخل أقرأ وأفرتق ذي باقي الجماعة لكين تكونوا
    عارفين أني معاكن من هنا إلى ما شاء الله
                   |Articles |News |مقالات |بيانات

09-01-2008, 07:48 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    فى زمن الدرك الناس تصير ممحونه
    واحدين قالو ضاعت كرتتو وشنطونه
    متلك يا اللصم من خير وعاك يعطونا
    يا دهب الملوك إت للقلوب صابونه


    أفو بدور تفوتنا وتخلى ضهرنا للخلاء ها زول حلف ما تفوت
    يا البرمكى إنت قايل نحن بنخليك يا قايد الركزو وتلو
    ضرعاتم بشاير خير تقبل السلام يا أبو التيمان



    منصور
                   |Articles |News |مقالات |بيانات

09-01-2008, 11:54 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote: أفو بدور تفوتنا وتخلى ضهرنا للخلاء ها
    زول حلف ما تفوت


    ما أظنك تكون قاصدني أنا بالكلام ده، ولو كنت
    معناها ما قريت كلامي (معاكن إلى ما شاء الله) ..

    الفوته مي منكن افوتكن شقيش أقبل؟! الفوته
    من المجادعة بالمسادير، ما بعرف وبقعد أحاول
    وبخرب الرصه، قلت ليك أجي أقرأ وأفوت أي
    أتداخل معاكن بكلام ساكت جنس ده.
                   |Articles |News |مقالات |بيانات

10-01-2008, 06:28 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    فطموك يا ولد قبال تتم إتنين
    وفيك درعو الخلال تانى بتقبل وين
    بنكك جمدوا وحرموك من تموين
    ولا زاد باقيى ليك لا كاش تشيل كنتين



    منصور
                   |Articles |News |مقالات |بيانات

10-01-2008, 06:51 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    قدحك ديمه باذلو وديمه ليهو بكانه
    نضمك ديمه وازنو وديمه نيش جبخانه
    صدرك يا المفككو للقلوب شفخانه
    بيتك للضيوف متل التقول سلخانه



    محمد فاهمين القلتو ولكن نفكر فى ما لم تقل بعد


    لك التحايا



    منصور
                   |Articles |News |مقالات |بيانات

10-01-2008, 07:22 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29056

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    ود المنسي

    Quote: من يوم شفتو وعيني جَفتْ تغميدّا
    غزيز ديسا متوسد الحِزوز في جيدا
    تقدل بي مهل والقلوب يزيد تطريبا
    هالكا العِباد تشوف الدموم في وريدا


    ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .

    هييييييييييييييع عفو عليك يا مصطفى سعيد رفت راسنا فوووووووووووق
                   |Articles |News |مقالات |بيانات

10-01-2008, 07:55 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: الطيب شيقوق)

    سمية - تاني ما بجادعكن بالمسادير تب لا إنتي لا منصور
    أبو التومات بي شينة إنشاء الله مانتفرّف
    ماك حق القصار ساسك في المكارم غرّق
    يادهب الخزانة الصافي حر ومحرق
    جر نم حالي المسادير خلنا أنتعشرق

    سمية الحسن طلحة
                   |Articles |News |مقالات |بيانات

10-01-2008, 08:02 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    لكين تكونوا
    عارفين أني معاكن من هنا إلى ما شاء الله


    المحرات حقيقة بقلع المدفونة
    وطبايع النفوس ينضح بها ماعونا
    إلى ماشاءالله معانا متينة في مضمونة
    والفي الكون جميع بشينة ما بفرقونا

    سمية الحسن طلحة
                   |Articles |News |مقالات |بيانات

10-01-2008, 12:11 PM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    Quote: المحرات حقيقة بقلع المدفونة
    وطبايع النفوس ينضح بها ماعونا
    إلى ماشاءالله معانا متينة في مضمونة
    والفي الكون جميع بشينة ما بفرقونا
                   |Articles |News |مقالات |بيانات

10-01-2008, 06:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    Quote: ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .

    هييييييييييييييع عفو عليك يا مصطفى سعيد رفت راسنا فوووووووووووق


    أخي منصور المنصور
    تحية طيبة وسلاااام
    عليك الله شوف عقيد الدندر دا بقطع الكلام وبساوي من راسو ساكت كيف ؟؟؟
    باقي لي كل ما ياخد لي نومة تتخمر قصة في ٍاسه ويصدقها
    وعليك أمان الله عمري ماقلت ليهو أني متزوج من البلقان عمري كلو

    الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )

    زوجتي يا عقيد الدندر من المجر ( هنقاريا ) بلد نهر الدانوب
                   |Articles |News |مقالات |بيانات

10-01-2008, 08:11 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: خالد علي محجوب المنسي)


    فطموك يا ولد قبال تتم إتنين
    وفيك درعو الخلال تانى بتقبل وين
    بنكك جمدوا وحرموك من تموين
    ولا زاد باقيى ليك لا كاش تشيل كنتين



    منصور



    الله في شرعو قال فصالو في عامين
    الما تم حول من حضنو ليش فاردين
    لا وجبت زكاة وفوقكم جرورة ودين
    تقولوا الرووب يقولوا غباشة ولا تخين

    سمية الحسن طلحة
                   |Articles |News |مقالات |بيانات

11-01-2008, 04:44 PM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12033

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)




    يا منصور سلام ،اللّينة ليكَ هِي الجاية
    والأم الحنون لى ضناها هي الغتايـــة
    بى هَبوب عَبادي فاجة السَحاب مُصلايـة
    أبشِر بالرُشاش الخلى أم سِويق مَشايــة



    ****
                   |Articles |News |مقالات |بيانات

12-01-2008, 06:34 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: عبدالله الشقليني)

    Quote: الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )


    يكون بقصد بلقان السودان!

    يازول خلو واكتب ساكت وعلى الله
                   |Articles |News |مقالات |بيانات

13-01-2008, 11:12 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: Mohamed Abdelgaleel)

    يا منصور سلام ،اللّينة ليكَ هِي الجاية
    والأم الحنون لى ضناها هي الغتايـــة
    بى هَبوب عَبادي فاجة السَحاب مُصلايـة
    أبشِر بالرُشاش الخلى أم سِويق مَشايــة




    حليل زمن الرشاش وقتين يجض عتابو
    نحن كمان نجض وقتين يشق ورتابو
    شافت عينى حت بيت النمل هشابو
    ضامن خيرو منو وضمه ضاق بتابو








    سلام يا الشقلينى


    منصور
                   |Articles |News |مقالات |بيانات

13-01-2008, 03:28 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    حليل زمن الرشاش وقتين يجض عتابو
    نحن كمان نجض وقتين يشق ورتابو
    شافت عينى حت بيت النمل هشابو
    ضامن خيرو منو وضمه ضاق بتابو


    منصور

    حليل زمن الخريف وقتين يصح تيرابو
    رامي سبيط ثمار والفالح يملأ جرابو
    طعم نوافر أم بنا من العروق طاشابو
    لا لمينا في مويتو ولا لحقنا رهابو

    سمية الحسن طلحة
                   |Articles |News |مقالات |بيانات

14-01-2008, 04:34 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: سمية الحسن طلحة)

    ود المنسى غار شيقوف عديل هجابو
    ساقو بلاد مجر فد مره لينا وجابو
    فوق أصهب مقونن نازى دوم دجابو
    يا جبل الحديد الفاهو وأبقى حجابو





    منصور
                   |Articles |News |مقالات |بيانات

14-01-2008, 08:38 PM

ابوبكر يوسف إبراهيم

تاريخ التسجيل: 11-05-2006
مجموع المشاركات: 3337

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    أخي الحبيب منصور
    اختي الحبيبة سمية

    سلام علي روحيكما الطيبتن وسلام على مزاميركما مزامير آل داؤد.. أتجول في أبولو لأستمتع بعزف قثاتاراته الشجية وكأني مع حادي العيس في قواقلهما في قفار وفيافي ومفازات الرحيل والمنافي
    أكون في لحظات فرح مزيجة بـلحظات عذاب داخلي أترجمها بالتغني..." وهذا ما ألمسه في هده المسادير من حـيـث الإيـقـاع المتنوع الذي يخـاطب أذن السامع أو القارئ في تجاوب فني و موسيقي , وكان الشاعر المصباح يغـنـي ويـكـتـب ولا يجارى وكذا أنت يا سمية.
    يرشح شعر المسدار منكما بمعان تمت إلى الذوق الإبداعي والفني بصلة جاذبة تغري الروح بما هو عميق و أصيل من الشعر ، كما تحـث الموهبة الإبداعية و الفنية للاقتراب من القارئ . تحمل الشاعر عبء المعاني في الأداء بثقة في القريحة التي لا تخون , وبخبرة في الأسلوب الذي لا يعوق ، وباستجابة وجدانـيـة تركبا الــبحور كي يخاطب الروح ، و تعزفا بأنامل الشعور والإحساس على أوتار الوجدان ، وحين تستهـويناشهزة المسادير نأتي لواحتيكما لنستفيء بها من جفاف الزمن المعاند مساديركما تولد فينا عشق الـكلمة وسحر الصورة الشعرية .. التقدير والأعجاب
                   |Articles |News |مقالات |بيانات

14-01-2008, 08:59 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: ابوبكر يوسف إبراهيم)

    ود المنسى غار شيقوف عديل هجابو
    ساقو بلاد مجر فد مره لينا وجابو
    فوق أصهب مقونن نازى دوم دجابو
    يا جبل الحديد الفاهو وأبقى حجابو

    منصور


    كان بجي معاي باقي تب دابو
    مو زول ضنيب مرحب حبابو حبابو
    يوزن قبائل والفكر ديدابو
    ودشيقوق حبيب للأخو وعقابو
    خالد

    (عدل بواسطة خالد علي محجوب المنسي on 14-01-2008, 09:00 PM)

                   |Articles |News |مقالات |بيانات

14-01-2008, 10:33 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14363

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote:
    الصيد البرد بالليل مراحو بشقن
    وتال كبر الطلح بدرعنو برقن
    كبشا مندفع ختمن قفاهو عنقن
    وافرات للجمال كعب الكلام ما بلقن



    الصيد الورد رهـدا غدايرو يسقـن

    سادر والودي صالتات بروقو يبقـن


    بلقن خاترن لاهـيات علي ما رقـن

    ولا بجني صادات لي حقوقي يحقـن ؟


    أحمـد الشايقي
                   |Articles |News |مقالات |بيانات

15-01-2008, 07:57 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: أحمد الشايقي)

    الصيد الورد رهـدا غدايرو يسقـن

    سادر والودي صالتات بروقو يبقـن


    بلقن خاترن لاهـيات علي ما رقـن

    ولا بجني صادات لي حقوقي يحقـن ؟




    أحمـد الشايقي





    صيدا مو قرج حلوات حديث ما بنقن

    حادقات اللهيج متل الكنار ما بضجن

    قناصن برك بى غبار قماحو بعجن

    وهبرنلو الشرك حدب البوادى بلجن




    يا أبو حميد والله أدخلتنى مدرسه
    كلامك مشرق عقبوهو بى تموده ولك السلام


    منصور
                   |Articles |News |مقالات |بيانات

16-01-2008, 07:23 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29056

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Quote:
    Quote: ود المنسى غار شيقوف عديل هجابو
    ساقو بلاد مجر فد مره لينا وجابو
    فوق أصهب مقونن نازى دوم دجابو
    يا جبل الحديد الفاهو وأبقى حجابو
    Quote:

    منصور

    كان بجي معاي باقي تب دابو
    مو زول ضنيب مرحب حبابو حبابو
    يوزن قبائل والفكر ديدابو
    ودشيقوق حبيب للأخو وعقابو
    خالد


    Quote: يا جبل الحديد الفاهو وابقى حجابو


    يطول عمركم يا المنصور وود المنسي

    ما عندكم نما في الرطاني اخوي ولا ما فيهو شيتا بتشكّر؟
                   |Articles |News |مقالات |بيانات

16-01-2008, 07:40 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: الطيب شيقوق)

    دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك

    وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟


    فتحت الباب علي جضّن كلابا
    ترا ام كرّاب محكرة فوق سنابا
    علي ست الصبا المخضوبة دابا

    تقول لي:

    (ايلامان قون داي أرابا)

    وفي روايته قال: قالت لي أسكت أسكت..العرب صاحين..أو أمش العرب صاحين)


    تحياتي لكم يا أهل المسادير والنم فردا فردا...
                   |Articles |News |مقالات |بيانات

16-01-2008, 05:25 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19121

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: nazar hussien)

    فتحت الباب علي جضّن كلابا
    ترا ام كرّاب محكرة فوق سنابا
    علي ست الصبا المخضوبة دابا

    تقول لي:

    (ايلامان قون داي أرابا)




    الضل ضل ضحى وجدعت هنوك هبابا
    واللبخه أم قلب باقيالا زى هبابه
    بابا متربسه وكضب البقول ما بهابا
    نور القمره ديك سارقاهو منو إهابا

    تحياتنا لك

    منصور
                   |Articles |News |مقالات |بيانات

16-01-2008, 06:25 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29056

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    Nazar

    Quote: دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك

    وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟


    فتحت الباب علي جضّن كلابا
    ترا ام كرّاب محكرة فوق سنابا
    علي ست الصبا المخضوبة دابا


    هلا هلا ود المفتاح فزعنا وجاب خبرك يا ود اعمي
    اها تاني عندك حكي ؟
    لو بدك اى تفسير زيادة تجد بت طلحة هون .
                   |Articles |News |مقالات |بيانات

17-01-2008, 07:44 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: الطيب شيقوق)

    Quote: الضل ضل ضحى وجدعت هنوك هبابا
    واللبخه أم قلب باقيالا زى هبابه
    بابا متربسه وكضب البقول ما بهابا
    نور القمره ديك سارقاهو منو إهابا



    القمرة ما بتسرق من الضل بادية بينو كعابة
    والباب المتربس بنكسر كان مابتسندو كلابا

    اللبخة ام قلب فوق للهبوب اتطايرت ورتابا
    والهبابي كل ما الضل يروح زحوه داير غابة
                   |Articles |News |مقالات |بيانات

18-01-2008, 10:01 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14363

للتواصل معنا

FaceBook
تويتر Twitter
YouTube


Re: مسادير يا أهل المسادير إلى ما شاء الله........ (Re: munswor almophtah)

    شيـخ العـرب,

    ركـزة بني العباس,


    Quote: صيدا مو قرج حلوات حديث ما بنقن

    حادقات اللهيج متل الكنار ما بضجن

    قناصن برك بى غبار قماحو بعجن

    وهبرنلو الشرك حدب البوادى بلجن


    يا أبو حميد والله أدخلتنى مدرسه
    كلامك مشرق عقبوهو بى تموده ولك السلام


    منصور


    إنمـا منكـم يبتغى الإفصـاح, ويستـدل على البلاغـة,

    ولكم التحيـة ولضيوفكـم


    اتباشر أديمو وشال سحابو زرقّــن

    ماطر شيمـة دافـق بي مسايل شقّــن



    هاطل عـينـة للضيفان دخاخين طقــن

    ناصح في النضـم طعم الـ عسـيلو محقّـن



    أحمد الشايقي
                   |Articles |News |مقالات |بيانات


[رد على الموضوع] صفحة 11 „‰ 14:   <<  1 2 3 4 5 6 7 8 9 10 11 12 13 14  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de